醉紅樓潮州酒家 (已結業)

H & K 都喜愛歎茶，星期六返半日，放工後經常去不同酒樓試食，今次又再去試九龍灣MegaBox的酒樓，最後選擇了醉紅樓點吃：鮮蝦炸雲吞==>雲吞炸得脆，有蝦，但太油，甜酸汁味道正常反沙炸豆腐==>賣相不好，外皮不脆，豆腐無豆腐味，味道好差叉燒腸粉==>味道好一般，腸粉皮好厚，口感不好埋單 : $90 ==> 十份不值 ( 此間酒樓雖然有特價提供大、中、小點只售$9.8，但全場仍然客人稀疏，試食後理解原因了!!)總括來說因食物水準奇差，故日後不會再光顧。** 在此多謝 K 每次飲茶都幫 H 買雜誌 : > **

上星期六訂左16位慶祝父親生日, 響電話中已確定有18人枱可容納. 當天準時8點半到, 侍應話人客已埋單, 叫我們稍等. 一等等到9點10分, 不耐煩, 因有九十歲的婆婆在場, 所以就再問問情況, 獲告之人客未起身, 跟住自己走入酒樓睇, 有一半地方被壽宴佔據, 因祇有一兩塊圍板, 真的嘈吵之極, 剩下的少量位置祇可放置四五張小枱, 及剛剛坐低的兩張大枱, 本人真的不知道我們的所謂18人枱可放置在那？　仲然本人不斷查詢, 都沒有一個侍應理會. 天呀, 這樣是甚麼服務呀? 一等再等直至 9 時30分, 亦沒有任何一個侍應回應及作出安排, 最後, 選擇離開. 一個沒有服務, 沒有管理的酒樓, 怎能讓人會光顧呢.

主人與奴隸獸在未來數星期，將在九龍灣上課，因此前來視察一番，隨後就去了 MegaBox 食午飯。今次我們光顧了『醉紅樓』，因為大、中、小點有折扣，還有多款小食頗有吸引力。我們點了：1. 蜜汁叉燒包（小點，HK$14）：包身軟綿，餡多，味道好，有水準。2. 大良煎魚餅（小點，HK$14）：魚肉味道十足，口感煙韌彈牙。一碟三件，十分抵食。3. 鮮蝦炸雲吞（大點，HK$23）：雲吞炸得香脆，鮮蝦大大粒，食落爽脆有蝦味。甜酸汁亦調得不錯，味道剛剛好。4. 反沙炸豆腐（HK$38）：這款小菜的賣相令我們有點迷惑，與一般炸豆腐無異，我們原以為是有白糖包住炸豆腐。食落帶有微微的煙燻味，味道淡。原本我們想找位部長問問，正值午市高峰，人人忙得團團轉，所以就此作罷，成為心中一個謎。5. 糯米灌大腸（HK$38）：煎得剛好，實而不硬，頗有質感。6. 椒鹽金針菇（HK$28）：賣相極像椒鹽白飯魚吧！食落鬆脆惹味，用來送啤酒一流。7. 妙齡 BB 乳鴿（HK$18）：皮不夠脆，但肉夠滑。味道 OK 喇！8. 蠔仔肉碎粥（HK$10）：蠔仔夠大粒飽滿，主人略嫌有腥味，奴隸獸覺得加了胡椒粉後，味道還算 OK。總體來

因工作關係到了這裡吃lunch,一枱9人點了13款點心,糯米卷和鹵水PLATTER算係食過咁多間最好食,還有這裡出品的燉湯都估唔到會咁好飲.今次試左好多款點心,叉燒包,咸水角,蝦腸和叉燒腸等等。。坦白講食環境和質素要咁ｇｅ價錢都好合理．但平日lunch hr來說算好貴.唔值.但一次半次都ok.因每位收費約68這個價錢可試其他.

都知道過年揾地方食團年飯艱難，好彩俾我book到醉紅樓，有關同事一口confirm 我9位booking 冇問題。竟然，係第二日醉紅樓職員打電話俾我，話因為有個客人臨時要將6圍的晚飯加到9圍，所以唔可以俾到枱我。唔好當我係3歲細路，依D大話都講得出，我都知佢哋一定為佐滿足熟客要求，臨時唔俾枱我！奉勸各位朋友咪去醉紅樓！

今日男友想食潮州野,所以去左Mega Box既醉紅樓...食左:1. 鵝腸拼雞蛋- 鵝腸爽口,不過略鹹左少少,雞蛋普普通通,冇咩鹵水味...2. 油泡帶子- 比較細隻同份量少,味道爽口,不過冇咩鮮味...3. 雲腿芥菜煲- 最好食呢個,芥菜唔苦,好嫩口...4. 桂花啫喱- 係送既甜品,桂花既清香完全畀唔知咩味既啫喱粉遮左,雖然味道ok,但又中又西感覺怪怪...5. 清心丸綠豆爽- 我冇食到6. 芋泥珍珠糖水- 味道好淡,又冇芋頭粒,仲好稀(水汪汪),麻麻地...7. 家鄉茶粿- 外層軟軟地,個心係花生既,味道都唔錯...服務都ok既,侍應多過客人,唔知係咪早呢?定係佢貴呢? 好多人望住你食飯,感覺怪怪的...

隨男友家人到megabox醉紅樓食飯, 事前沒有特別了解這酒樓, 他們主要是潮州菜, 無奈味道一般。菜單: 炒花枝片、蠔烙、蝦球、反沙芋（翻沙芋）、卤水拼盤、桂花糕、綠豆爽等等第一、油加太多令數道菜被過多的油包圍第二、花枝"拿過龍"原有的爽口感覺因此失去第三、蠔烙凍了...只能說太有咬口吧第四、甜點桂花糕混了芒果味的啫喱粉, 相當失望價錢不太清楚, 以下是估計而已。

之前同同事來過一次食晏，今次同阿爸阿媽來食晚飯，係貪megabox有免費泊車．叫了一個蠔餅，好食過尚興，但其他野一般而且好貴，鹵水雙拼都過百，人地尚興係名人飯店一個拼盤成百元咩都有啦．另外叫了沙荼牛肉，幾滑幾好味．一個海哲，唔係幾好食，有d不倫不類，叫了一個小菜同一個排骨唔知咩煲仔菜，兩個都有d喊，跟住叫了３個甜品，甜品算係最好味又唔貴．埋單５百幾．侍應態度好好，值得一讚．

氣憤：一間貴夾唔飽的高級菜館，不過最可惡的是咁大間「高級餐廳」竟然用D低裝掩眼法騙人，菜單上有四款供給不同人數食用的套餐，三個都是整份套餐的價錢，唯獨二人套餐是每位的價錢。即一份套餐二人份量，卻報一人價錢，整個套餐應是$396，它則取巧地打出$198。我地四條友眼花都算，最豈有此理係個侍應仲要唔出聲，仲勁sell話抵呀抵呀，好抵家。(佢係聽晒我地討論個二人餐同四人餐($588)都唔出聲)。到你食完收錢見到張單就嚇你一跳，原本我地有張$50 coupon同九折卡，因為我地有問，知道只可其中一種優惠，但係就埋單先同你講套餐冇九折，真係你唔問，佢就唔打算講，等你跌落個陷阱到。咁大間舖，咁樣做生意，真係覺得佢有點過份。是次飲食評價：素菜羹：不錯(不過屋企人說麻麻)(附相片, 原本是太極圖案, 忘了拍照)(紅豆)水晶飽：不錯(不太甜)雞卷：味道麻麻(雞肉不嫰)鮑片：只是鮑魚菇P.S：我們叫了一個白飯，吹了三次才送來，還以為米剛從田裏摘來呢！

今天同老豆來了這間酒家午餐。因為在Megabox消費就可以有免費泊車，所以跟老豆由家開車來。老豆最喜歡潮州菜，所以挑了這間。一來他就選了鹵水鵝肉一碟。我也選了炸豆腐及珍珠蠔。我們也叫了蝦餃及荀粿。我覺得珍珠蠔點他們附上的甜醬真的很好吃。不過這裡價錢不便宜，我們兩人吃了270元。鹵水鵝肉一碟要80元。其他點心都差不多30-40元。如果價錢便宜些可以考慮再來一次。

尋晚同男朋友去咗新開張既MEGABOX，去到都成八點鐘，好鬼肚餓，求其入去一間食算啦，見到醉紅樓無人排隊，就入去試吓先。環境裝修都唔錯，我地叫咗三樣嘢食，如下：瑤柱粉絲雜菜煲：好多菜及粉絲，瑤柱則不太多川椒龍鳳球：即係有雞同蝦，唔太油，都OK蠔仔肉碎粥：唔差，可以一試整體來說：食物水準都唔差，只不過份量比較少，有D唔抵食，如果同潮樓比，潮樓會抵食好多。埋計二百一十蚊，唔抵食。

不知怎的，有一種「不詳的預感」。話明新店，事前當然不敢寄予厚望：這裡做的粿品、點心、小食，普普通通，不過不失；但一次過供應六種粿品（紅桃粿、菜包粿、韮菜粿、蒸筍粿、鼠殼粿、炸油粿），已值一讚。但不能不點評一下個「咸菜粉腸雜」：其實是鹹菜豬肚湯的變化形-- 驟眼看，水汪汪的；粉腸、豬膶、豬腎、豬肚等是先用蒜頭爆一爆再滾湯；湯雖是水汪汪，但勝在白胡椒多，會安哥。計埋morning call 的星巴克咖啡，同事後的發記甜品，原來連中三元：http://news.sina.com.hk/cgi-bin/news/show_news.cgi?ct=headlines&type=headlines&date=2007-06-11&id=2398648你話邪花唔邪花乎？