醉潮館

营业中

休息中

📍 #荃灣 #醉潮館#羊羊在荃灣#羊羊在新界好耐冇係香港食飯了，因為去完旅行病咗一段時間，冇出去食🥺今次朋友生日就揀食呢間，佢話佢係潮州人都覺好正宗，所以點都試下啦😤留意番生日要俾$30切餅費，但係預先book枱講定就可以waive😏如果淨係想寄存蛋糕，就冇收費❄️🌟砂鍋粥 (小) $295呢到必食阿🤩食得潮州粥除咗蠔，蟹粥都好出名😋雖然得細細隻蟹，但係好夠鮮，煮出嚟清甜，仲食好蟹膏味🦀價錢豐儉由人，好似車仔麵咁揀餸定價🤪✨鴨蛋煎蠔烙 $88好香蛋味，仲有唔少蠔仔🦪最正係炸到外皮脆卜卜，一定要趁熱食先得😆✨自家滑溜韮菜豬紅 $78餐牌好似冇，但潮州菜必食😛睇落辣辣地，點知食落唔辣🤭韮菜好香，冇咩草青味🍀豬紅好少食驚有陣怪味，但係呢個唔會，仲食落好滑溜幾香😂✨方魚炒芥蘭 $68幾特別，平時食開蒜茸炒，今次食呢個又幾特別😲方魚切到一塊塊脆脆咁，配菜食有啲鹹香😚✨小米餃 $48第一次食覺得好似魚皮餃，外皮都煙煙韌韌，係少咗陣魚味🤣✨椒鹽孖寶一口方塊 $78炸饅頭同豆腐嘅組合，呢個就普通啲😗炸得唔夠乾身，有啲外皮濕到腍咗😣另外喼汁同煉奶放埋一齊，好易溝亂😩人均價錢－～$165+10%評分－回頭草

和家人吃生日飯🎂比朋友介紹左幾次終於黎試下～六個人叫左八樣嘢😋蜆煲：有小小酒味，都有好多隻蜆！雞煲：雞嫩口，越食越入味！酸菜魚：魚好滑，越食越辣！饅頭：表面不夠脆，但加練奶就可以！芥末牛仔粒：好攻鼻，小心食到濁親🤧咕嚕肉同炸魚就正常發揮！水蛋就一般了～🥹整體來講都可以一試既🫡

醉潮館位於荃灣三坡坊，全場木枱木櫈，古色古香我特別比較喜歡吃海鮮砂鍋粥 兩人吃 叫了蟹和干瑤柱 熱辣辣很鮮甜很入味 $230(S)家鄉荷葉銅盤蒸雞 $158雞好嫩滑 還有冬菇很入味 汁可以撈飯一流XO西蘭花爆炒鮮魷 $88這個很有鑊氣 XO醬配鮮魷顏色一流香辣魚仔炒花甲 $118下次會再試吓其他 因為兩個人實在食唔哂

一直都知道荃灣二陂坊三陂坊一帶勁多好食嘅餐廳。趁新年期間就同朋友去醉潮館摸住戰鬥碗底聚一聚！每一樣炸物小菜都想食，奈何兩個女人食唔到太多，極力克制下叫左口水雞、酸菜魚、乳鴿同一碟唔記得乜魚炒芥蘭。口水雞夠作為前菜開一開胃，再黎一盤超滑超厚魚肉嘅酸菜魚，真心未試過一間酸菜魚嘅魚肉係咁好食！又嫩滑又大件，每人食左十幾件都仲有魚，加上入面幼薯粉亦索晒d湯，大盤到兩個人都食唔完。最鐘意係乳鴿，個皮炸得極香口，好食過唔少酒樓，極推薦！下次再訪一定想叫多幾位朋友，叫多幾款小菜同炸野🙌🏼

海膽控嘅我想試咗好耐，但係次次打去Book 位都話冇海膽🤔，今次終於成功！大家如果為咗海膽炒飯而去，記住要打去問咗先唔好白行啊🥰▫️海膽炒飯🍚 ($138)👉🏻食完都仲係好震驚呢個價錢竟然係成板海膽咁上😮雖然咁抵食，但海膽鮮味都唔錯，唔會有臭腥味👉🏻炒飯食得出好有有鑊氣，就算食晒面頭嘅海膽都仲好夠味，粒粒分明，仲有大大粒章魚☺️⭐️⭐️⭐️⭐️⭐️.▫️紅燒籠中乳鴿 ($68)👉🏻上菜嗰陣好驚喜，冇諗過乳鴿都有得打卡😆乳鴿皮好香，肉都夠嫩滑，睇得又食得😎👉🏻伴碟嘅蝦片都係熱辣辣，食得出係即刻炸起好有誠意⭐️⭐️⭐️⭐️.▫️ 白果胡椒豬肚湯（$88)👉🏻豬肚份量非常多，食極都仲有🤩口感腍得嚟夠爽口，配料仲有白果同排骨👉🏻胡椒味非常重，啱晒重口味嘅我，好曖胃⭐️⭐️⭐️⭐️——————環境：裝修有d 古色古香嘅味道，空間唔係好大，但都幾乾淨企理，員工都比較年輕，有別於一般中式餐廳.評分：9/10.平圴消費：~$150

是次walk in 好彩地喺八點九俾到位我地即係第二轉枱好多人話抵食 又唔係好覺中規中矩啦叫咗：煎蠔餅好少食依個樣嘅蠔餅圓邊有啲似pizza蠔仔唔算大粒蟹膏籠仔飯足料嘅潮式牛丸

#chuchu食在荃灣📍 醉潮館超級爆炸大推！！！！#chuchu推介 ，樣樣都咁好食！真係好正(˶‾᷄ ⁻̫ ‾᷅˵)價錢又唔係貴！（餐牌係下面👇🏻）幾年前🐷食過一次，之前有段時間佢執左，以為冇再開，嗰日係荃灣諗食咩入左去三坡坊，見到佢，雖然門口啲宣傳同以前唔同，🐷爸就話試吓，點知坐低先發現餐廳同以前一樣！—————————————————————❣️ 醬滷拼盤 $148打冷一定要食滷水拼盤貪佢夠多款，呢間$150都唔洗，有腩肉、紅腸、豬腸、豬耳、魷魚、溏心蛋、花生、豆腐、韭菜同芽菜，樣樣都幾唔錯，豬腸豬耳好食！係唯獨蛋可以再咸小小！啲料就唔係好夠滷水味，不過想咸啲可以浸下個底既滷水汁先食！.❣️ 膏蟹砂鍋粥 $230（S）好好味呀٩(˃̶͈̀௰˂̶͈́)و雖然同澳門嘅水蟹粥比較都仲有段距離，但係呢個一定止到癮！好新鮮！粥底吸左海鮮嘅精華，勁鮮甜！煲得好綿，膏蟹有唔少蟹膏喺粥到，好正！大膏蟹肉都幾好！我哋4人，靚仔店員就話細都夠食，我哋每人都食到2-3碗！.❣️ 傳統鴨蛋煎蠔烙 $88第一次食用鴨蛋整嘅蠔餅，咸香味好正，炸到超級脆卜卜，但又唔會好油膩，又唔會太多粉！蠔仔好新鮮夠香脆！.❣️ 香辣魚仔炒花甲

➖ 醬滷拼盤打冷例牌一定要食滷拼貪佢夠多款，腩肉、紅腸、豬腸、豬耳、魷魚、溏心蛋、花生、豆腐、韭菜同芽菜。啲料就唔係好夠滷水味不過本身已經有味所以唔太緊要，如果要滷水味亦可以浸下個底既滷水汁先食➖ 牙籤雞見佢寫招牌又唔貴所以嗌黎試下，細就真係細粒左啲不過佢勁好食，咬落卜卜脆入邊應該係用雞髀肉食到有啲嫩➖ 傳統鴨蛋煎蠔烙唔知鴨蛋咁煎係咪會香啲未放入口都聞到啲蛋香味，蠔仔可以多啲會好啲，不過食多幾啖有啲膩因為都炸得幾油係哂個面層到➖ XO醬西蘭花爆炒鮮魷睇同食都覺得個西蘭花無同個鮮魷一齊炒，西蘭花完全無鮮魷果個XO醬味，係我唔識定係佢唔記得左呢？鮮魷夠惹味爽口西蘭花就係普通炒菜果個味➖ 辣酒煮醉螺花螺辣辣地但唔食辣都食到，而辣得黎又食到佢個鮮味唔錯🪧 打冷黎講呢到環境都算乾淨舒服，同埋啲枱擺得好鬆動一啲都唔逼

煉奶炸饅頭回憶番曬黎評分：8.5/10⭕️味道幾好，有獲氣炸饅頭最吸引🤤🤤**************✳️黑松露蟹膏蒸水蛋👍👍貌相架勢👍 濃郁鮮味蟹膏滑蛋好香，送飯一流✳️胡椒豬肚湯👍胡椒味刺激爽口軟熟豬肚都入味✳️椒鹽孖寶一口方塊👍👍👍必點！！炸豆腐炸饅頭‼️加煉奶，童年回憶香脆內軟鹹甜宜人✳️雪裹紅蝦乾菜心煲👍有鑊氣！紅蝦乾鮮香味濃菜心保持爽口鮮甜✳️滷水鵝掌肉質普通滷水豆腐吸曬味真係太正🤣******************⭐味道 8.5/10⭐️性價比 8.5/10⭐️服務 7.5/10⭐️環境 7/10⭐️賣相 8/10

同媽咪去咗食呢一間潮州餐廳。平日去，book咗7:00pm ，去度成間餐廳勁多人簡單地講，呢間餐廳埋單發現好平。地方唔算好舒服，不過正正常常。大概一個人$100都唔洗。😳😳叫咗一個蠔餅，蠔餅超推介😋😋好脆跟住叫咗小米餃，唔記得影相，屋企人話覺得好鹹，不過我就覺得OK。不過我唔係特別推介，皮好厚然後仲叫咗個牙籤雞，牙籤雞都係平靚正，不過都係唔記得影相。但係好脆，肉質都好嫩口。最後仲叫咗個炒粉絲，不過不失啦。

約咗老死嚟呢度麻甩一番，貪呢度啲嘢食幾有特色又就腳。兩個人叫咗三個菜同埋啤酒，鐵板豬仔脾唔錯，有六件，啲肉幾鮮嫩。卜卜蜆，細嘅都好大煲，好味，有少少蘿蔔同粟米，不過越食越辣。西蘭花炒鮮魷，都好惹味。環境熱熱鬧鬧，侍應生後生有活力，服務都唔錯！

今日🤴🏻攜眷（我）出席公司同事嘅飯局，加埋我有8位呀🥳🥳！🧍🏻‍♀️🧍🏻‍♀️🧍🏻🧍🏻🧍🏻🧍🏻🧍🏻🧍🏻！😎😎我哋冇叫飯，只係叫左十幾款小菜😋😋，差唔多全部都係脆口嘢🍲、大排檔款式🧆，每款都好好食😚😚，但會比較熱氣囉😅😅，當中最好食包括：😙😙～～～牙籤雞🐥～～～可以一口一雞🐥超方便，份量大碟，飲酒🍻一流選擇😝😝～～～鴨🦆旦🥚煎蠔烙～～～第一次食用鴨 🦆旦🥚制作嘅蠔餅，咸香味十足，本來以為會有沙沙嘅質感，可惜無😜😜，蠔仔新鮮正常夠香脆🤤🤤～～～鐵板黑椒豬仔🐖髀～～～哇🤪🤪係小型版路飛肉🍖丫，黑椒汁勁嘢味，做型夠特色又係飲酒🍻之選，用手🖐🏻食都唔怕污糟！🤩🤩～～～紅燒籠中乳鴿🐦～～～好特別會用籠襯托乳鴿🐦，另有蝦🦐片陪襯！味道OK～～～亂棍打死豬八戒🐷～～～其實係豆角炒豬🐷頸肉，好夠鑊氣😛😛真係好難得一大班人一齊食飯，希望下次再有機會啦😁😁

🔖荃灣既三陂坊都有幾間「打冷」，呢間主要以砂鍋海鮮粥作主打，但我仲未食到🤣因為次次去食都人少，無叫到。室內明顯有用心裝修，而且樓底高，整體感覺乾淨舒服。🍽砂鍋卜卜蜆煲（細）$188純粹想食下卜卜蜆既話，呢間都係一個好選擇。2-3人份量既細卜卜蜆其實都幾大鍋，d蜆好厚肉😍，覺得洗得幾乾淨，雖然唔應該有沙係基本，但好多時出面食蜆都有沙。鍋入面仲有粉絲粟米，個湯真係飲到粟米味，係咁2都應該有煲過。希望下次食到砂鍋粥同食多幾個小菜😋

端午節晚上約了同事9大兩小一齊食晚飯吹水，所以找一家打冷試試，見到醉潮館評價非常好，所以慕名而來。訂檯過程很好，當日仲會打來確認，值得加分。7點入座之後叫了：牙籤雞X2鐵板豬仔脾氣X2鵝腸水煮牛肉酸菜魚花甲乳鴿wasabi牛肉椒鹽鮮魷粉絲兜亂海膽炒飯同埋9支大藍妹食得開心，食了2.5小時，味道其實也不差，但真係很普通，比較有印象就是牙籤雞，價錢也不貴，抵食，埋單$2200。員工態度不錯，上菜也快，雖然並無驚艷的地方，但如果普通聚餐還是可以考慮的。

潮州風味小菜館🥢·🍳傳統鴨蛋煎蠔烙（$88）👦🏻食親潮州菜都必點.炸得香脆唔油膩👍🏻蠔仔份量都多·🥣花膠螺頭燉雞（$68）聽到個名都覺鮮甜🤣料好足！花膠、雞、豬肉、螺頭…不過應該有落味精…略咸·🐖鐵板黑椒豬仔髀（$108）呢個同預期味道有出入🤣肉質有點韌，黑椒味香濃但唔好點太多醬，會好咸🫠🫠🫠🫠·🥬雪裏紅蝦乾菜心煲（$88）好香好惹味👍🏻·📍醉潮館荃灣三坡坊30號地鋪