醉桃園

营业中

休息中

今日同屋企人去食火鍋，揀咗呢間口碑唔錯嘅醉桃園試吓，識佢哋最出名嘅藥膳花雕醉雞鍋。藥膳花雕醉雞鍋（半隻）$168個金鍋上枱好有氣勢，個湯鍋滾後，侍應會幫手加入花雕醉雞，然後熄火焗十幾分鐘，就盛靚湯給我們飲。個湯好甜，加上花雕的香和恰到好處的藥材味如當歸，黨參等，感覺滋補，飲完即刻成身暖晒。試吓d雞，雞件係因為浸熟，所以係非常鮮嫩。沙白海蜆$68超大隻，鮮甜冇沙，大大粒肉，粒肉仲好Creamy。安格斯雪花牛頸脊（中）$348擺盤都幾靚，牛肉色澤鮮紅，而且雪花均勻。因為牛肉有啲厚度，所以要比平時淥多幾秒。淥8至10秒就剛剛好，肉質嫩滑，牛味香。手打蝦丸$88蝦肉新鮮，真材實料，好彈牙，而且口感不死實。豚肉韮菜餃$68呢個餃餡料飽滿，脹卜卜，多菜少肉，皮夠薄，幼身韮菜好香及冇渣，口感一流。鮮腐竹$30份量足，厚薄適中，豆味唔錯，唔會滾得長時間爛晒。河源米粉$28呢隻米粉口感爽彈，有別於平日食嘅米粉。米粉吸入湯汁精華，好正。油麥菜$30估唔到份量有咁多，性價比高。油麥菜新鮮青綠，爽口。總括而言，呢間火鍋店嘅質素嘅食物好有質素，而且服務佳。

🌻醉桃園高質打邊爐🐱同朋友去咗一間觀塘嘅高質打邊爐，雖然每樣食物就咁睇個餐牌都感覺唔係好平，不過上碟之後我哋就發現原來性價比都幾高，食物質素非常之高，我哋叫咗牛肉牛舌炸午餐肉仲有超多配菜餃子等等！每一樣都好新鮮同埋食落就知道佢用嘅係高質嘅貨色而唔係普通料！因為朋友好快手就掉晒啲嘢落去，搞到我影唔切個湯底！佢嘅藥膳湯底都係令我回味嘅！下次等我儲夠彈藥會再嚟多次🤣📍 醉桃園 (觀塘)觀塘駿業街44號3樓⚡️為食貓：😻😻😻😻⚡️氣氛貓：😹😹😹⚡️翻食貓：😸😸

冬天諗唔到食乜就想打邊爐今日同爸爸媽媽一齊去觀塘新開嘅醉桃園試下餐廳用中式庭園風布置加少少幻想就好似坐喺亭台樓閣咁而餐牌用左中式對門做設計幾靚喎～餐具等等都有中式花紋最特別係火窩都係龍鼎！湯底選擇足夠我地當然要試返點題嘅藥膳花雕醉雞窩～火窩配料正常發揮海鮮、肉類、手打丸類、湯餃樣樣都有點都揀到啱心水食物我幾喜歡佢手打丸拼盤同餃子拼盤想揀牛丸豬肉丸蝦丸？ why not all😎醉雞窩相當唔錯藥材味足夠雞件自己落足有大半隻雞👍嫩滑入味自家飲品洛神花山楂茶幾特別酸酸地消滯解膩環境服務氣氛良好價錢實惠可以再去

今日同男朋友去左觀塘新食廈銀八睇下有乜食呢橦新食廈新張無耐外部裝晒閃燈充滿電競feel暫時未算好多食店我地揀左醉桃軒打邊爐入門先會經過桃花裝飾令人有種如入桃花園嘅感覺餐廳座位唔逼迫全都係卡座同廂房仲有個山水佈置俾人影相留念食物方面可以揀小菜或者打邊爐我地叫左藥膳花雕醉雞窩好有宮廷風！醉雞窩嘅雞件係分上嘅我地自己睇住時間煮咁就可以做到嫩滑鮮美加入鮮雞煮嘅醉雞湯好鮮甜未食先飲兩碗湯食物價錢合理食材新鮮食食下仲有意外驚喜餐廳送上日式白子適當地配上酸汁豐腴甘美侍應勤快服務到位埋單仲有送上新張優惠券值得下次再黎！

啱啱喺日本返嚟，好掛住香港打邊爐，第二晚即刻同屋企去食！先揀湯底，特濃莞荽控皮蛋鍋，莞荽控真係必試，一開鍋見到成碗綠色嘅湯底，好誇張！莞荽同皮蛋煮到好入味，侍應姐姐亦會係開始之前斟碗湯畀大家試下原味。等食之前先叫個牛油果鮮蝦春卷，牛油果令到春卷更滑，感覺都健康啲。打邊爐當要有肉，我哋揀咗紐西蘭羊肉片同美國黑豚肉，兩者都肉色鮮嫩，油脂分佈均勻，食落味道濃郁。手打墨魚丸，咬落煙煙韌韌，非常出色。花雕牛肉丸，入面有花雕酒，一啖咬落去就會爆出嚟，絕對係一個令人驚喜嘅組合。黑松露鮮蝦餃，每一口都有香濃黑松露嘅味道，真係令人回味無窮。水餃皮薄滑，鮮蝦餡又足料，絕對值得一試。另外叫咗油麥菜、唐生菜、靈芝菇、山水滑豆腐，味道清新又健康。最後叫咗金箔燕窩蛋白燉奶做甜品，大大塊金箔，感覺好奢華，燉奶亦好滑好滋潤。餐廳氣氛好好，適合一家大細嚟食。環境佈置得好中式，啲餐具全部好精緻，仲提供大量調味料選擇。

醉桃園牛油果鮮蝦春卷牛油果鮮蝦春卷嘅牛油果味道濃郁，奶油般滑嫩，而鮮蝦鮮甜，外層春卷皮炸得金黃酥脆，整體口感出色。特濃芫茜控皮蛋鍋火鍋湯底係獨特而美味嘅濃芫茜控皮蛋鍋。湯底結合咗芫茜嘅清新香氣同皮蛋嘅濃郁口感。喺加入材料前我哋先飲一人一碗嘅湯，口感順滑濃郁，美味可口。多種類嘅火鍋材料選擇紐西蘭羊肉片：嫩滑多汁，色澤紅潤，帶有濃郁羊肉風味。美國黑豚肉：肥瘦均勻，口感鮮嫩豐潤。手打墨魚丸：彈牙有嚼勁，鮮味濃郁。花雕牛肉丸：口感軟嫩，牛肉香氣豐富，最特別嘅係入面流出嘅花雕酒，令人難忘。黑松露鮮蝦餃：餡料鮮美，黑松露香氣獨特。油麥菜：脆嫩清爽，帶有微甜嘅口感。唐生菜：脆爽清新，適合作為火鍋嘅蔬菜配搭。山水滑豆腐：滑嫩細膩，口感滋潤。靈芝菇：香氣濃郁，口感鮮嫩而且彈牙，為火鍋增添風味。醉桃園以彩色古典陶瓷器皿放着九種不同調味料，更有自家製XO醬。餐廳裝修古典優美，仿如回到古代。

天氣凍左，即刻去打返個暖笠笠嘅邊爐先🥰醉桃園火鍋的裝潢充滿了古色古香的氛圍，仿佛帶我哋回到了古代的桃園仙境。藥膳花雕醉雞鍋 $168藥膳湯好足料，打邊爐之前一定要飲返兩碗補下先。有半隻雞，雞肉鮮嫩。湯底濃郁的花雕酒香使得整個火鍋的味道更加吸引。。 牛黃喉 $68牛黃喉滾一陣就食得，好爽脆，每一口都帶來了滿滿的滿足感，好正。 美國黑豚肉 $88肉質鮮嫩，入口即化。黑豚肉的油花分佈均勻，係高質嘅。豬肺 $78質地較為脆嫩，搭配上湯底的滋味，豬肺在湯裡煮熟後，口感鮮嫩帶脆。 手打墨魚丸 $88有8粒，大大粒，看起來十分誘人。墨魚丸外皮Q彈有嚼勁，咀嚼時釋放出濃郁的墨魚風味。 醬爆丸拼盆 $98有四款，松露豬肉丸、花雕牛肉丸、芝士鮮蝦丸、鵝肝墨魚丸。每一款丸都有其獨特的風味，松露豬肉丸帶有豐富的松露香氣，花雕牛肉丸鮮嫩多汁，而芝士鮮蝦丸則有著濃濃的芝士香味，令人驚喜。鵝肝墨魚丸本身的彈性和鵝肝的軟滑交織在一起，正！ 竹笙雲吞 $78是一道傳統的精緻菜品，每一個雲吞都包裹著鮮美的肉餡，餡料鮮嫩豐滿，搭配上滑溜的竹笙，口感豐富，令人回味。 鴨血 $58軟嫩，搭配上湯底的滋味，使得它更加美味可口。鴨

一行四人去咗觀塘醉桃園打邊爐～餐廳滿有中國建築古色古香感覺～地方寬敞，我地坐房可以有私人空間～總體來說，食物水準高，性價比好高～｜藥膳花雕醉雞鍋(半隻）｜用花雕、紅棗、杞子、圓肉、當歸、淮山等數種養生中藥材熬製而成，雞肉肥嫩鮮美無比～米白色湯底，飲起來能嚐到天然精燉出來號鮮甜味～而且份量好多，性價比非常高｜牛黃喉｜牛黃喉又稱牛心管，打邊爐灼1分鐘便熟，質感爽脆彈牙～｜美國黑豚肉｜爽口唔油膩，食多幾件都唔厭～｜豬肺｜連埋豬肺放湯煲煮，質感腍滑軟綿咬落有嚼頭～｜手打墨魚丸（8粒）｜一食墨魚丸就知高質唔係普通平價料，非常爽口彈牙，有墨魚粒口感～｜醬爆丸拼盆（份）｜有4款不同味道，各有特色，有牛肉、蝦肉、小心一咬爆汁～｜竹笙雲吞(8隻）｜大大隻好足料，餡料滿滿的～好香鮮蝦味｜鴨血｜一碟有8件，蘸辣油食真一流～｜皇帝菜（時令）｜皇帝菜新鮮爽甜～打邊爐必備｜真打鳥冬｜最後當然要食烏冬吸盡湯汁作結啦～

今日同同事farewell ，去了觀塘駿業街醉桃園食火鍋。環境裝修古色古香，是一間有中國特色的火鍋店，連九宮格自助醬料都是中國風。小食叫了即炸午餐肉響鈴卷，非常好食，簡單的午餐肉夠香口，配上鬆化的脆皮，食到停不了。藥膳花雕醉雞鍋(全隻），湯底有花雕、紅棗、杞子、黨参、圓肉、當歸、北芪、淮山、川芎、雞，非常滋補，又而好好飲，雞又好滑。個湯咁好飲，首先下鍋就是軟綿綿的蜂巢豆腐，吸滿湯的精華。皇帝菜新鮮又翠綠，芝士鮮蝦丸夠彈牙，超熱的流心芝士丸要小心慢慢食，否則就流晒出嚟。脆鯇魚片切得好薄，而且都大碟，好新鮮。美國黑豚肉好林；黑松露鮮蝦餃有8隻，黑松露好香；仲有手打墨魚滑、准山，初初仲怕吾夠飽，但食下食下都好夠。

觀塘又有多幾棟新寫字樓落成，lunch開始要搵定多幾間好味既午餐選擇喇今日同同事傾開原來醉桃園做埋晏晝了！！之前都試過喺佢哋度打邊爐，貪啲肉類火鍋材料夠新鮮同埋醉雞湯底好味 今日即刻出動去試下佢先！去到環境依然係咁光猛闊落，午市套餐免加一茶芥又多選擇，好在我哋今日夠多人可以嗌多幾款share食！除左有湯羹之外，我哋揀左主菜酸菜魚，再配四款小菜：拔絲鳳梨黑豚肉，欖角骨，炒萵筍絲同埋鍋燒椰菜花！飯仲有得揀滷肉飯，不過同台式果種好唔同，無咁多汁同油，比較健康啲啦~其他仲叫左一啲點心同小食，份量都比起酒樓size大好多，食到好飽每人都係150鬆啲今時今日觀塘食個頹飯都70起跳啦仲有埋甜品送，即炸流心脆丸子！小食方面感到最有驚喜係“潮式螺絲爽” （$58），少少辣味食落爽脆，唔知係咩植物黎呢，出面真係好少見到 最最最緊要係，今日有食神，拉埋老細一齊去食有人俾錢，yeah

今個星期初，約了幾位好朋友聚餐，去到官塘一間藥膳主題的火鍋店，店舖裝潢很有中國風，非常有格調，座位舒適寛闊，有幾間獨立房間，私隱度高。首先選了個藥膳花雕醉雞鍋，湯底用料充足，待應很用心將花雕雞件慢慢放入鍋中，10分鐘滾起後，傳來陣陣的藥材及花雕酒香味，每人先喝了碗湯，味道非常香濃好味，雞件非常嫩滑。即炸午餐肉響鈴卷，第一次食，用腐竹皮包午餐肉，然後炸得外面脆卜卜，內裡午餐肉完全不油膩，非常好味。芝士鮮蝦丸，新鮮的蝦滑包住芝士，蝦滑鮮甜配流心芝士，很美味，不過小心燙咀。手打墨魚滑及脆鯇魚片，都非常新鮮，爽口彈牙。黑松露鮮蝦餃，新鮮原隻鮮蝦及黑松露醬，味道剛剛好。

朋友住觀塘,  選擇了間新餐廳請我和女友打邊爐賀中秋, 真係抵贊.   醉桃園,  古式古香, 桃花處處.    屏風, 吊燈,  中式擺設好特別.  中秋佳節賞花燈, 更有情調.  入門感覺空氣調節好好, 冷氣涼浸浸, 吃火鍋絕對冇問題. 走廊通道闊, 中式掛畫, 裝飾盡顯心思. 餐廳座位寬闊, 打邊爐餐具 都好有格調.盛載醬油瓷盅, 好美觀整潔, 醬油多款自由添加.特式火鍋湯底:  共有十種.   我們叫了藥膳花雕醉雞鍋....有半隻雞,   湯底材料無馬虎..........有有黨參, 淮山, 紅棗, 杞子, 當歸, 龍眼, 紅蘿蔔, 杞子, 幾滋補, 又香甜.  醉雞一碟, 用花雕酒醃浸.  湯好味, 醉雞肉好好食,   雞肉入味又嫩滑. 新鮮海蝦,   大大隻,  隻隻新鮮.蝦肉彈牙爽口. 叫了兩款菜, 唐生菜, 娃娃菜:   新鮮翠綠,  吃得健康.手打丸拚盆:  有鯪魚丸, 豬肉丸,  牛肉丸, 鮮蝦丸, 墨魚丸.  五款, 每款兩粒.手打蝦丸:  食到蝦滑,  鮮蝦味.  墨魚丸:   爽牙好質感.  手打牛丸:  牛味鮮濃, 質優.豬肉丸:   味道口感吾錯.伊比利亞

今日和朋友去食火鍋賀中秋,  選擇 [ 醉桃園]  在觀塘駿業街, 一座新式商廈 3 樓,   步出電梯, 令人眼前一亮, 火紅色的佈置,   設計古色古香, 有些懷舊感 . 木刻招牌,  餐廳內掛滿桃花, 配上雕花木瓶風,  氣氛帶點詩意.優雅的中式吊燈,  酒架擺設特別, 廚房整齊清潔, 設有多個海鮮缸, 吃得有信心.我們四人安排了房座,   闊大云石方桌,  座位舒適.   牆上大電視及中國畫,  窗台用上有竹簾,  佈置高雅.醬料多款,  用中式瓷具裝載,  衛生又整潔.  飲玄米茶好清新.茶芥及醬料, 每位 $20-湯底我們揀了 藥膳花雕醉雞鍋 (半隻)  店員好快就送上湯底, 及醉雞一碟.  不銹鋼鍋好亮麗,  左右有大五金龍頭, 真省鏡. 半隻雞的份量很足, 用花雕酒醃浸.  湯底好足料, 聞落有藥材味, 有黨参, 龍眼乾, 淮山, 紅棗, 杞子, 飲得滋補開胃,  食得健康.  雞件啖啖肉,雞皮油脂不太多, 雞肉入味又嫩滑. 生猛海中蝦 ~  海蝦巨型又新鮮, 一碟六隻. 蝦肉彈牙, 口感超爽.伊比利亞黑毛豬 ~   鮮紅色的黑毛豬肉, 肉質優.打邊爐當然要有菜,  叫

這天一家老幼去吃火鍋，除了食品衛生美味，環境乾淨舒服亦很重要！這家火鍋店環境優美，而且服務非常貼心！我們這天的湯底是即磨杏汁白肺鍋。豬肺洗得非常乾淨，湯非常香甜，所以在正式打邊爐前，我們都品嚐了美味的湯！火鍋配料方面，我們品嚐了安格斯雪花牛頸脊、鮮雞件、美國黑豚肉、手打墨魚滑及魚皮餃。我非常喜歡這裡的鮮雞件。也許是因為店員會幫忙煮雞件，所以鮮雞件肉質很鮮嫩，配搭這清甜的湯底，平凡的雞件都變得無比的美味！飲品方面，餐廳有提供熱茶。不過，我們額外點了洛神花山渣茶。洛神花山渣茶冰涼，味道酸酸甜甜，非常開胃！

我和好友們相約來到一家以中國風味為主的打邊爐餐廳。一進門，我們立刻被這家餐廳的古色古香所吸引。濃郁的中國氛圍彷彿將我們帶回了古代的中國。餐廳的裝潢充滿了藝術氣息，服務人員熱情地迎接我們，帶領我們進入一間裝修精緻的包廂。先來一盤九宮格自助混醬，再來點幾款食物😋藥膳花雕醉雞鍋 $168鮮嫩的雞肉和濃郁的花雕酒為主要材料，加上藥膳的調味料。當鍋子放在爐火上，整個包廂頓時彌漫著芳香的氣息。水滾後放雞肉焗10分鐘，雞肉鮮嫩多汁，入口即化，藥膳的味道獨特而不膩，讓人感到舒服和暖心。生猛海中蝦 $128海蝦非常大隻，生猛新鮮，肉質緊密彈牙，味道甘甜。醬爆丸拼盤 $98共有六款肉丸包括手打鯪魚丸，豬肉丸，牛肉丸，牛肉丸，鮮蝦丸，墨魚丸，每一個丸子都彈牙有嚼勁，鮮美的滋味讓我們愛不釋手。每一口都帶來了滿滿的驚喜和滿足感。黑松露鮮蝦餃 $88餃子的外皮薄而筋道，充滿了黑松露的香氣。鮮蝦的鮮甜與黑松露的香味交織在一起，讓人回味無窮。鴨血 $58鴨血入口即化，質地柔軟，肉汁十足，口感鮮美，即使經過涮煮，仍然能保持其原有的鮮美和嫩滑。唐生菜 $38翠綠色的唐生菜，非常新鮮亦很甜美。順德魚腐 $68魚腐魚香味濃郁