醉桃園

营业中

休息中

近排天氣轉冷放咗工好想去打邊爐係公司附近發現有裝修精緻嘅宮廷風邊爐 🛎秘制濃香沙爹鍋 $138 這鍋底真是香氣撲鼻，沙爹味濃厚，一口又一口都讓人回味🍲🛎椒鹽雞軟骨 $98 酥脆多汁，雞軟骨香氣四溢，嚼起來非常有嚼勁🛎荔枝蝦丸 $98 這道菜真的特別！荔枝蝦丸外酥內嫩，一咬噴出鮮美的味道🍤🛎桂花蚌 $68 半份份量十足，蚌肉鮮嫩多汁，口感醇厚😍🛎牛胸爽 $148 牛肉片薄而嫩滑，入口豐富，每一口都讓人滿足🐮🛎黑松露鮮蝦餃 $42 黑松露的香氣瀰漫，鮮蝦清甜，咬下即噴出濃郁的黑松露風味，令人垂涎🦐🛎山水滑豆腐 $28 豆腐嫩滑得宛如絲絲綿綿山水，一口入口，清香四溢，絕對開胃🌱🛎手打墨魚丸 $48 一口入口，墨魚的鮮味凸顯，回味無窮的美味！🛎竹笙雲吞 $42 包裹著鮮嫩蝦仁和竹筍，一咬即噴出鮮美，真是驚喜連連😲🌐 環境/服務侍應非常有禮環境裝修得好精緻有宮廷風適合班人聚會

✨秘制濃香沙爹鍋 $138呢個鍋底真係勁香沙嗲味濃郁食到鍋底都仲好夠味🍲✨椒鹽雞軟骨 $98好香脆啲骨頭嘅嚼勁真係好jeng✨荔枝蝦丸 $98呢個菜式真係超特別！荔枝蝦丸外脆內嫩一咬就噴出鮮味🍤✨桂花蚌 $68半份已經夠豐盛蚌肉都好鮮嫩多汁味道好醇厚😍✨牛胸爽 $148牛肉薄切又嫩滑入口感覺好豐富一啖落肚真係令人滿足呀🐮✨黑松露鮮蝦餃 $42黑松露嘅香氣充斥整個餃子鮮蝦彈牙鮮甜一咬就噴出黑松露嘅濃郁味道令人垂涎三尺呀🦐✨山水滑豆腐 $28豆腐嫩滑得好似絲絲綿綿嘅山水一口咬落去清香四溢真係好開胃🌱✨手打墨魚丸 $48一咬入口墨魚嘅鮮味散發出嚟好好食又有彈牙感覺！✨竹笙雲吞 $42包裹住嫩滑鮮蝦同竹筍一咬就噴出鮮味真係令人驚喜連連呀😲

有一段時間冇出街打邊爐，雖然仍然係九月炎炎夏日，今日都要滿足口腹之慾。上網搜尋一下，原來觀塘區都有一間港式火鍋專門店【醉桃園】，一於試試。餐廳位於觀塘工廠區內一楝重建後的小型商業大廈樓上，整棟商廈以銀座式飲食大廈為藍本。原以為這類型小型銀座式商廈只可以在銅鑼灣或尖沙咀區出現，估唔到觀塘也有。一如火鍋店名字，室內裝修環境充滿中式亭台樓閣風情；亦用上了很多假桃花作為裝飾，有點中式大宅的附庸風雅。九宮格醬料全部採用中式傳統圖案設計的小瓷甖，有心思、亦配合火鍋店的中式亭台樓閣室內設計風格。除了多款佐口小食及少量刺身，火鍋配料也有很多選擇，唯獨沒什麼有什麼特色丸餃類；游水海鮮也是較弱一環，不似九龍城或尖沙咀區的火鍋店，並沒有大大個游水海鮮魚缸。不過，就多了藥饍花雕醉雞鍋及幾款花雕醉香火鍋配料及小吃。火鍋湯底揀了濃香沙嗲鍋（$138），微辣；只有少許香濃、稠身，但未算特別濃郁。與普通火鍋店比較，沙嗲火鍋湯底已經算相當好；但與最靚的潮州沙嗲火鍋湯底比較，尚有進步空間。黃金炸魚皮（$78）熱辣辣、脆卜卜。沾滿炒至起沙的鹹蛋黃醬，入口多了一重鹹香。略嫌炸魚皮脆而不夠鬆化、口感稍硬身；鹹蛋黃醬也可以再濃味

天氣凍返少少，又想打邊爐。今晚揀咗一間古色古香的打邊爐餐廳，進入餐廳的瞬間，就被其裝潢所吸引，彷彿置身於古時的宮廷。即磨杏汁白肺鍋湯底散發出濃郁的杏仁香氣，入口時帶來了一股濃厚的鮮甜滋味，打邊爐前我哋都把湯底喝光光呢！炸荔枝蝦丸蝦丸好彈牙，估唔到內裡真係有荔枝香甜味道。手打的牛肉丸牛肉丸彈牙有嚼勁，入口時肉汁四溢，很讚！黑松露鮮蝦餃黑松露鮮蝦餃香氣濃郁，內裏的蝦非常新鮮，好彈牙爽口， 十分推介！蜂巢豆腐口感順滑，有豆香。食咁多嘢，當然要叫下菜，冇金邪惡。啲菜好新鮮，打邊爐特別鍾意食皇帝菜！

情人節揀左間唔洗同人迫，而且坐得又舒服，位於觀塘嘅醉桃園食醉雞鍋。佢哋嘅花雕醉雞鍋湯底，好香濃花雕味配搭北芪、黨參、淮山、紅棗、圓肉、川弓、當歸、杞子、雞，味道出乎意料，湯底非常有驚喜。配菜方面，佢哋嘅牛我自己唔係太鍾意，但係個雞翼真係好好味，其他配菜都唔錯，老闆最後仲非常識做，送咗個甜品俾我哋，呢間餐廳主要老顧客光顧，老闆會同客人客串，餐廳所有人都好親民。藥𦡮花雕醉雞鍋$168本地手切吊籠$388牛骨髓$68黑柏葉$68黃沙豬潤$88准山$30皇帝菜$38大聖子$52醉桃園 (觀塘)觀塘駿業街44號3樓

今日收爐，所以約朋友食餐好嘅！佢介紹咗我去一間位於觀塘嘅火鍋餐廳，內裏處處都是打卡位。即磨杏汁白肺鍋首先自己最欣賞隻鍋個手柄位，是個金碧輝煌的龍頭！而湯底鮮甜無比，真材實料，有好香嘅杏仁味。芝士鮮蝦丸散發出濃濃的芝士香氣，配上鮮嫩彈牙的蝦肉，口感十分豐富。手打墨魚滑墨魚滑柔軟滑嫩，好彈牙！炸荔枝蝦丸一口咬下去，外皮酥脆，內裡卻充滿了荔枝香甜味道。竹笙雲吞清爽爽口，充滿了蔬菜的鮮甜。雜菌拼盤有好多我鍾意嘅雜菌，特別欣賞冬菇，肥大得來好軟腍，好好味！

近排天氣開始轉涼，凍凍地最想打邊爐，之前喺網上一直收藏左呢間喺觀塘嘅中式火煱店。好鍾意佢中式桃花園嘅設計☺️，有好多打卡位，真係勁靚！我地今日一行四人，叫左嘅食物都算豐富：首先叫左個招牌鍋底⭐藥膳花雕醉雞鍋(半隻)$168火鍋配料：⭐手打鮮蝦丸(8粒)$88⭐手打墨魚滑$78⭐豚肉韭菜餃(8隻)$68⭐美國黑豚肉$88⭐田園雜菜盤$88⭐即炸脆響鈴$68⭐雜菌拼盆$68⭐真打鳥冬$28飲品✨洛神花山渣茶(渣)$48湯底好好味食物，質素都唔錯，夠新鮮👍🏻。餐廳整體氣氛好好，空間感好夠，坐得舒服，服務態度好好，而且設計用心，好有入左桃花園嘅感覺💕。值得推介。

觀塘駿業街44號有座新嘅大廈，食肆林立，呢間叫醉桃園嘅中式火鍋店，裝修非常有特色，有假石山、桃花園境同魚池嘅卡位！呢度最出名有藥膳花雕醉雞鍋，我同朋友order左半隻雞、手打鮮蝦丸、手打墨魚滑、豚肉韭菜餃、雜菌拼盆、美國黑豚肉、田園雜菜盤、即炸脆響鈴。藥膳花雕醉雞鍋真係足料又好味，雞件夠滑，而且花雕味夠重。鮮蝦丸同墨魚滑都好好味，黑豚肉又薄又香，整體食材好新鮮，環境又坐得舒服，而且價錢好合理，絕對係打火鍋嘅推介之一！👍

同屋企人飯聚，阿妹揀咗嚟觀塘呢間火鍋店，話有補身藥膳雞鍋食又係靚料邊爐。我哋食完都幾滿意，環境寛敞，帶點中式古典裝修，坐得好舒服，唔會好嘈吵，最重要食物真係高質。藥膳花雕醉雞鍋 $168半隻呢個雞鍋相當補身，一打開就聞到藥材嘅香味。即刻飲一碗湯，飲到當歸嘅味道，仲有淡淡的黃酒香氣，材料好足，除咗當歸、仲有黨參、紅棗、淮山。主角嘅雞好嫩，因為係用熱力焗熟啲雞，唔係煮熟，店員控制時間控制得好好。安格斯雪花牛頸脊 $348飲完湯食完雞就開始打邊爐，首先梗係我最愛嘅牛肉啦，呢個牛肉比平時食開嘅厚切少少，肉質好好，又有油香，軟稔得來有咬口，牛味都唔錯。手打鮮蝦丸 $88一碟有八粒，手打蝦丸好爽口彈牙，食得出用新鮮蝦肉整，有蝦嘅鮮味，食嘅時候，少少豉油提鮮，好正。沙白海蜆 $68呢個沙白隻隻肥嘟嘟，好新鮮鮮甜，完全冇沙。豚肉韮菜餃$68呢個餃爆多韮菜，脹卜卜，餃子皮滑滑，裏面超級香多汁。鮮腐竹 $30鮮腐竹滑滑的，有豆香，吸晒濃洧嘅湯汁超正。油麥菜 $30食火鍋梗係要食菜，雖然吸湯好肥，但係真係爽脆又好味。河源米粉 $28最後淥埋個湯米粉一流，呢個米粉比平時食開嘅爽口煙靭得多，吸晒湯汁又係冇得頂。

今日同屋企人去食火鍋，揀咗呢間口碑唔錯嘅醉桃園試吓，識佢哋最出名嘅藥膳花雕醉雞鍋。藥膳花雕醉雞鍋（半隻）$168個金鍋上枱好有氣勢，個湯鍋滾後，侍應會幫手加入花雕醉雞，然後熄火焗十幾分鐘，就盛靚湯給我們飲。個湯好甜，加上花雕的香和恰到好處的藥材味如當歸，黨參等，感覺滋補，飲完即刻成身暖晒。試吓d雞，雞件係因為浸熟，所以係非常鮮嫩。沙白海蜆$68超大隻，鮮甜冇沙，大大粒肉，粒肉仲好Creamy。安格斯雪花牛頸脊（中）$348擺盤都幾靚，牛肉色澤鮮紅，而且雪花均勻。因為牛肉有啲厚度，所以要比平時淥多幾秒。淥8至10秒就剛剛好，肉質嫩滑，牛味香。手打蝦丸$88蝦肉新鮮，真材實料，好彈牙，而且口感不死實。豚肉韮菜餃$68呢個餃餡料飽滿，脹卜卜，多菜少肉，皮夠薄，幼身韮菜好香及冇渣，口感一流。鮮腐竹$30份量足，厚薄適中，豆味唔錯，唔會滾得長時間爛晒。河源米粉$28呢隻米粉口感爽彈，有別於平日食嘅米粉。米粉吸入湯汁精華，好正。油麥菜$30估唔到份量有咁多，性價比高。油麥菜新鮮青綠，爽口。總括而言，呢間火鍋店嘅質素嘅食物好有質素，而且服務佳。

🌻醉桃園高質打邊爐🐱同朋友去咗一間觀塘嘅高質打邊爐，雖然每樣食物就咁睇個餐牌都感覺唔係好平，不過上碟之後我哋就發現原來性價比都幾高，食物質素非常之高，我哋叫咗牛肉牛舌炸午餐肉仲有超多配菜餃子等等！每一樣都好新鮮同埋食落就知道佢用嘅係高質嘅貨色而唔係普通料！因為朋友好快手就掉晒啲嘢落去，搞到我影唔切個湯底！佢嘅藥膳湯底都係令我回味嘅！下次等我儲夠彈藥會再嚟多次🤣📍 醉桃園 (觀塘)觀塘駿業街44號3樓⚡️為食貓：😻😻😻😻⚡️氣氛貓：😹😹😹⚡️翻食貓：😸😸

冬天諗唔到食乜就想打邊爐今日同爸爸媽媽一齊去觀塘新開嘅醉桃園試下餐廳用中式庭園風布置加少少幻想就好似坐喺亭台樓閣咁而餐牌用左中式對門做設計幾靚喎～餐具等等都有中式花紋最特別係火窩都係龍鼎！湯底選擇足夠我地當然要試返點題嘅藥膳花雕醉雞窩～火窩配料正常發揮海鮮、肉類、手打丸類、湯餃樣樣都有點都揀到啱心水食物我幾喜歡佢手打丸拼盤同餃子拼盤想揀牛丸豬肉丸蝦丸？ why not all😎醉雞窩相當唔錯藥材味足夠雞件自己落足有大半隻雞👍嫩滑入味自家飲品洛神花山楂茶幾特別酸酸地消滯解膩環境服務氣氛良好價錢實惠可以再去

今日同男朋友去左觀塘新食廈銀八睇下有乜食呢橦新食廈新張無耐外部裝晒閃燈充滿電競feel暫時未算好多食店我地揀左醉桃軒打邊爐入門先會經過桃花裝飾令人有種如入桃花園嘅感覺餐廳座位唔逼迫全都係卡座同廂房仲有個山水佈置俾人影相留念食物方面可以揀小菜或者打邊爐我地叫左藥膳花雕醉雞窩好有宮廷風！醉雞窩嘅雞件係分上嘅我地自己睇住時間煮咁就可以做到嫩滑鮮美加入鮮雞煮嘅醉雞湯好鮮甜未食先飲兩碗湯食物價錢合理食材新鮮食食下仲有意外驚喜餐廳送上日式白子適當地配上酸汁豐腴甘美侍應勤快服務到位埋單仲有送上新張優惠券值得下次再黎！

啱啱喺日本返嚟，好掛住香港打邊爐，第二晚即刻同屋企去食！先揀湯底，特濃莞荽控皮蛋鍋，莞荽控真係必試，一開鍋見到成碗綠色嘅湯底，好誇張！莞荽同皮蛋煮到好入味，侍應姐姐亦會係開始之前斟碗湯畀大家試下原味。等食之前先叫個牛油果鮮蝦春卷，牛油果令到春卷更滑，感覺都健康啲。打邊爐當要有肉，我哋揀咗紐西蘭羊肉片同美國黑豚肉，兩者都肉色鮮嫩，油脂分佈均勻，食落味道濃郁。手打墨魚丸，咬落煙煙韌韌，非常出色。花雕牛肉丸，入面有花雕酒，一啖咬落去就會爆出嚟，絕對係一個令人驚喜嘅組合。黑松露鮮蝦餃，每一口都有香濃黑松露嘅味道，真係令人回味無窮。水餃皮薄滑，鮮蝦餡又足料，絕對值得一試。另外叫咗油麥菜、唐生菜、靈芝菇、山水滑豆腐，味道清新又健康。最後叫咗金箔燕窩蛋白燉奶做甜品，大大塊金箔，感覺好奢華，燉奶亦好滑好滋潤。餐廳氣氛好好，適合一家大細嚟食。環境佈置得好中式，啲餐具全部好精緻，仲提供大量調味料選擇。

醉桃園牛油果鮮蝦春卷牛油果鮮蝦春卷嘅牛油果味道濃郁，奶油般滑嫩，而鮮蝦鮮甜，外層春卷皮炸得金黃酥脆，整體口感出色。特濃芫茜控皮蛋鍋火鍋湯底係獨特而美味嘅濃芫茜控皮蛋鍋。湯底結合咗芫茜嘅清新香氣同皮蛋嘅濃郁口感。喺加入材料前我哋先飲一人一碗嘅湯，口感順滑濃郁，美味可口。多種類嘅火鍋材料選擇紐西蘭羊肉片：嫩滑多汁，色澤紅潤，帶有濃郁羊肉風味。美國黑豚肉：肥瘦均勻，口感鮮嫩豐潤。手打墨魚丸：彈牙有嚼勁，鮮味濃郁。花雕牛肉丸：口感軟嫩，牛肉香氣豐富，最特別嘅係入面流出嘅花雕酒，令人難忘。黑松露鮮蝦餃：餡料鮮美，黑松露香氣獨特。油麥菜：脆嫩清爽，帶有微甜嘅口感。唐生菜：脆爽清新，適合作為火鍋嘅蔬菜配搭。山水滑豆腐：滑嫩細膩，口感滋潤。靈芝菇：香氣濃郁，口感鮮嫩而且彈牙，為火鍋增添風味。醉桃園以彩色古典陶瓷器皿放着九種不同調味料，更有自家製XO醬。餐廳裝修古典優美，仿如回到古代。