醉好 (已結業)

坐得舒服 有折 出品新鮮 又有酒飲👍🏻海鮮價錢唔貴 食左象拔蚌。同烤魚再散叫打邊爐見到仲有2間房 有k唱不過比人卜晒 要提早訂 見佢地試業中 都好full門口個🔥好吸引😁

位於元朗Yoho附近新開了一間烤魚雞煲火鍋店，門口有一個好像真一樣的火爐，特別搶眼！雖然餐廳是新開不久，但我們週末夜晚來到已經十分旺場呢。入座沒多久已經全場坐滿！先來一份前菜。口水雞味道正宗，川辣十足，雞肉嫩滑。這次來到我們點了重慶烤魚試試看！辣度可以自選，我們點了小辣過過口癮。鍋內的魽魚先炸過，大條又少骨！而且魚肉滑溜多肉。烤魚的香辣味地道又香口，小辣的辣度剛剛好，足夠惹味。底下有不少的配菜，豆卜、蓮藕、腐皮、雲耳等等，豐富又足料，吸收烤魚的湯汁特別好吃！除了烤魚之外，其實還可以另外加料打邊爐，一煲兩味，更加豐富。我們點了一份羊肉卷。份量很足，羊肉薄切，肉味濃厚，肉質鮮嫩。另外還點了響鈴和薯粉。兩款配料都是吸收湯汁的能手，配搭香辣的烤魚湯鍋簡直是絕配！整體食物水準不錯，烤魚沒有一般吃到的那般重口味。下次可以試試雞煲。

雖然weekend 去食有Book枱，但餐廳唔full。上菜前每張枱都有調味架，自己撈蒜蓉豉油。叫咗重慶烤魚，味道唔錯，叫小辣，辣度適中，但魚唔夠滑；叫咗手切肥牛，牛味都濃既。仲有麻辣小食，味道唔錯。雖然味道正常，不過不失，但唔值呢個價錢。可能新開張，地方乾淨，但店員好多野唔係好熟，成日上錯菜畀我哋或者隔離枱。因為Book 咗枱有折，不過冇折扣的話，價錢有啲貴，so far so good la，食一次就算。

去開元朗搵食嘅人，個個都會知道鳳攸街大把好野食，尋晚嚟呢頭搵食，見到有間新開嘅火鍋店，門面唔錯，所以我就入咗試試，裏面好多卡位嘅四人枱，同埋圓枱，裝修唔錯同埋坐得都幾舒服☺️醉南非鮑魚$88**鮑魚好軟腍，一啲都唔韌，酒味唔係好濃，啱啱好，作為前菜小食都唔錯😋香茜雞煲（半隻）$168**雖然我哋嗌左半隻，但份量都唔少，炒起時個汁香味四溢，隻雞都幾滑，雞煲有唔同個辣度可以揀，食完雞煲就會幫你加湯打邊爐👍👍極品手切牛肉$288**手切牛肉好新鮮，份量也多，牛肉肉味濃，手切保留小小筋，令到牛肉有咬口，雪花平均，高質👍皇帝菜$58**洗到好乾浄，菜好新鮮嫰口，輕輕一淥已食得，非常鮮甜😋。**食開連鎖火鍋店，發覺呢啲小店更加親切，食材更加新鮮，全部都係真材實料，支持小店。

香港人真係好鍾意打邊爐無論天氣幾熱對火鍋的熱情係永不退減呢間位於元朗雞地附近新開的火鍋店有齊雞煲、烤魚同傳統打邊爐一到晚飯時間就坐無虛席.《花膠雞鍋》同傳統主打濃厚花膠雞湯底不同呢到既花膠雞是以冬瓜金華火腿作base感覺清補冇咁燥 更適合依家暑熱既天氣而且用料上乘係真真正正的花膠而絕非魚膠雞肉新鮮嫩滑唔鞋口食到咁上下店員亦會主動加湯服務好好👍.《炸魷魚鬚》魷魚鬚必點‼️超級超級鬆脆打邊爐用黎送酒絕對一流眼見隔離枱都會點即炸響鈴、魚皮、雞軟骨碟碟都炸得好靚人多黎就可以試多幾款.《手切鴛鴦牛》手切比起機切更夠保留牛肉本身的筋嚼感更好以筷子涮五秒便剛剛好一碟有齊手切雙飛牛及牛肉粒而且份量多超抵食.《雲吞拼韮菜餃》手工雲吞餃子大大粒而且皮薄餡多一碟有成八粒咁多建議點雙拼就可以試多款.《稻庭烏冬》湯底咁靚一定要點稻庭烏冬索盡湯汁精華入口煙煙韌韌的烏冬絕對係唔少得.溫馨提示：一定要預早book定檯呀🤗唔係好易full booking摸門釘

正宗重慶烤魽魚🐟 $268Yoho附近新開既雞煲烤魚專門店 環境幾闊落😍 烤魚大大條 兩個人share非常足夠魚皮炸到脆卜卜 吸收湯汁後半酥脆半煙韌 魚肉肥厚啖啖肉😋 底下仲有少少雲耳 蓮藕 豆卜 腐皮 芽菜等配菜 湯底叫左小辣幾惹味 如果香料味道再豐富d就更加正!✨✨卜卜蜆 $68炸魷魚鬚 $68即炸響鈴 $68自家製雲吞水餃雙拼 $78竹蔗茅根 $45✨✨炸物小食即炸熱辣辣 響玲脆卜卜唔油膩 索湯一流 蜆肉有大有細 正常質素 係有兩三隻有少少沙 雲吞水餃有蝦肉餡同韮菜餡 飲埋個清甜足料既竹蔗茅根就舒服曬😌另外餐牌有寫明每位收取$15醬料費 宜家新開張仲做緊全單85折 幾抵🤓

天氣越炎熱，火鍋癮頭反而愈發嚴重發現元朗越來越多嘢食由是其雞地嗰邊啲餐廳種類越來越多甫一到場發現餐廳都幾寬鬆闊落而且有好多張都係卡位亦見到有包房，人多都吾怕店員帶我們到卡位落座，並放下配料存盒給我們先選取麻辣雞煲十分足料，雞肉嫰滑，惹味香辣但係比較偏辣，怕辣嘅朋友可以叫小辣或者BB辣絕對值得一試食完雞煲之後，就可以加高湯開始打邊爐火鍋配料種類繁多鴛鴦牛 - 牛小排拼牛柳粒牛小排比較薄身，過一過水不到一分鐘就可以，油脂分佈均勻，肉質鮮嫰，入口牛香濃烈。豬粉腸沒有臭味，很是滿足凍豆腐略嫌雪得未夠，整體還是比較像滑豆腐薯粉稍為浸泡得太久，引致不夠煙靭，但同樣吸味整體嚟講食物質素唔錯，主打雞煲味道不錯

一間餐廳充滿驚喜。首先價錢又唔係平，野食又唔係特別新鮮。我未試過一間餐廳打個邊爐個煲要先等45分鐘。樣樣都出錯，嗌個小食雞軟骨，就嚟個魷魚鬚，要等多10分鐘先比個雞軟骨我哋，前後等咗接近1小時先有野落肚。嗌個蕃茄湯等咗40分鐘先嚟個雞煲，然後再等10分鐘先嚟。餐廳送咗個魷魚鬚比我地，但去到收錢環節，又有驚喜。攞張根本唔係我哋嗰台嘅單俾我地。

入到去環境勁嘈 😹落左單之後 條魚上黎 比想像小 連配料都好少 之後再加野 樣樣都等勁耐 催左2 3次都未有再追 追到啲湯都就冇😂連野飲都要等好耐 等到天慌地老走黎同我講 雞件沽清 真係。。。。已經唔想食 話取消 埋單 連埋單都要3催4請 應該唔憂做 我地隔離枱仲係玩骰盅 對面又叫晒咁 唔知以為落左bra玩然後我地張枱下面係擺快子 碗個啲佢地每次都要走黎開 勁滋擾囉 5分鐘就黎一次 每完一張枱就要過黎拎啲員工又唔帶口罩 一係口罩係下巴勁唔衛生囉

元朗新開左間火鍋雞煲店，新開張仲有85折，趁仲有優惠去試下味道如何。叫左個香茜雞煲，半份雞 $168，2個人食份量差吾多，可以留返啲quota叫下其他野食。雞煲叫左bb辣，但其實都幾辣下，偏重麻味，所以夠惹味。雞肉不過不失。食完雞煲可以叫店員加湯打邊爐！呢個系手切鴛鴦牛 $138，份量比想像中多，鴛鴦既意思系2種切法，有手切牛片同牛肉粒。牛片切得好大塊同有啲厚度；牛肉粒系牛片下面，切到方形狀，肉質吾錯，牛味幾出，但有少少根。桂花蚌 $138個人推薦桂花蚌，份量同樣都幾多，而且夠新鮮，大約煮1分鐘就食得，口感幾爽。即炸響鈴 $68餐牌寫即炸絕對無呃人，食得出岩岩炸出黎，響鈴煮一煮都仲有少少脆，吾會好油。手打三寶丸 $98三寶丸有蝦丸、墨魚丸同牛丸，3種其實都好食，夠彈牙有咬口。3種之中最愛既話會揀蝦丸，入面真系有大蝦肉。另外一提，每位需要另加$15醬料錢，系menu第一頁都有清楚寫低，無隱藏收費。座位都幾闊落，張枱夠大放野食。門口都幾有特色。

做梗試業85折優惠，見到好多人食烤魚，不過我好耐無食雞煲，就叫咗bb辣麻辣味🌟麻辣雞煲 (半隻)$168捧上嚟之後，店員會幫手開蓋同炒多幾下，一路炒勁香🤩個陣辣味有少少攻鼻添，好在叫bb辣，同平常出街食到嘅小辣差唔多辣度，雞件斬得大舊，唔會碎濕濕無肉食甘🌟手切鴛鴦牛$138牛肉粒偏肥美，牛肉片就肉味濃啲，比較有咬口🌟自家製雲吞水餃雙拼$78除咗呢兩款，仲有得揀拼韭菜餃，啱晒2個人嗌，水餃夠爽口，雲吞蝦鮮味🌟 手打三寶丸$98分別係牛丸、墨丸、蝦丸，一口size，牛丸彈牙，墨丸食到魷魚粒，蝦丸鮮甜，夠高質🌟羊肉卷$88唔重羊羶味，厚薄適中🌟Jumbo涷檸茶$36超大杯，如果本身雞仔肚，可以share飲

元朗新店開張八五折雞煲烤魚麻辣雞煲 半隻$168小辣🔥大家都要注意下個辣度都幾夠，小辣都有咁上下厲害，半隻雞嘅份量都剛剛好，之後再可以享受打邊爐，雞件都啖啖肉好惹味，醬料都偏向較濃烈，入味一流！食完個雞煲就可以打邊爐啦清湯 $68/卜卜蜆 $68/娃娃菜 $38/雜菇拼盤$58拼盤入邊有冬菇，金菇菜，秀珍菇，雞髀菇，啱晒有選擇困難症嘅人，一次過滿足晒你所有嘅想試嘅配菜，因為底有雞煲醬所以揀個清湯中和下，如果想試其他湯底都會有另一煲上十分貼心，海鮮方面卜卜蜆真係好抵食，大大隻啖啖肉好新鮮，呢個價錢真心推介！加一服務費醉好 (元朗)元朗鳳攸南街9號好順利大廈地下74-76號舖

/元朗不嬲出名有好多好食嘅餐廳今次又有新餐廳推介俾大家😋📍醉好 (元朗)元朗鳳攸南街9號好順利大廈地下74-76號舖正宗重慶烤魚有魽魚或桂花魚揀 我就揀咗魽魚 BB辣🌶🔥原條魽魚上 好滑 好肥厚 啖啖肉 冇乜骨 外皮煎炸過 保證唔會腥仲帶點香脆 仲有小小配菜包埋（芽菜、蓮藕片、雲耳、豆卜同腐皮）另外我仲加咗手切鴛鴦牛肉質口感爽脆 而且非常有肉味 仲加咗薯粉吸晒啲精華湯底 正👍🏻新張期推出85折優惠大家快啲去試吓😋（海鮮，刺身，酒水類，醬料及加一服服費除外)

元朗除咗Yoho mall 附近一帶有好多食肆，方便駕車🚘一族過黎約埋一班朋友相聚正宗重慶烤魚 💰3️⃣5️⃣8️⃣🐟烤魚有兩種魚選擇有魽魚或桂花魚，我地揀咗桂花魚魚肉較滑，兩個人食岩岩好，人多驚唔夠食仲可以追加份量辣度自選咗BB辣，已開邊嘅烤魚上面鋪滿大量芫茜、辣椒魚肉嫩滑😜，鍋內其他配菜有芽菜、蓮藕片、雲耳、豆卜同腐皮另外加咗粉絲吸收哂湯底嘅精華，雜菜盤有多款新鮮蔬菜，約有4款食烤魚當然要叫番枝啤酒啤一啤🍺🌟新張期推出85折優惠（海鮮，刺身，酒水類，醬料及加一服服費除外）🎈醉好🎈元朗鳳攸南街9號好順利大廈地下74-76號舖

前幾日經過見到店名好盞鬼的新店--醉好🤣 於是決定黎試試有幾好! 店鋪主打正宗重慶烤魚🐟同鷄煲🐔, 啱啱開業幾日, 一切都非常新净, 座位好闊落, 呢點對於食烤魚鷄煲黎講非常之重要, 可以擺多d食物, 又可以避免燙親👍🏻~餐廳亦設有10人自成一各的座位, 多人gathering都適合! 食物都選擇否非常多, 刺身, 海鮮, 炸物, 冷盤乜都有齊🙌🏻, 一定可以揀到你的心水! 宜家新開試業期間仲有85折, 抵食之選~🍽️🅕🅞🅞🅓&🅕🅔🅔 💸♦️ 正宗重慶烤魚(鉗魚) - $268 (bb辣)值得讚的是除了可以選擇魚的種類, 還可以選少鹽走葱之類. 一上臺就香辣滿溢, 獨特的香料味非常濃鬱, bb辣對我地而言已非常足夠! 一整條大鉗魚, 好肥厚, 冇乜骨, 外皮煎炸過, 帶點香脆, 啖啖肉都嗦曬香辣湯汁, 好惹味! 魚下有小兩芽菜, 豆卜同蓮藕, 建議可以額外點多些蔬菜~♦️ 卜卜蜆 - $68有大有細, 冇沙抵讚, 吸完湯汁漲卜卜, 除了辣味仍有鮮味！♦️ 炸魷魚鬚 - $68即叫即炸, 好香脆, 裡面的魷魚肉彈牙爽口！♦️ 涼拌貓耳 - $48除左辣椒, 有好多蒜蓉, 香味更濃, 木耳夠爽口入味