酸辣格格 (已結業)

某員工態度一般， 落單速度又慢，落得一樣餸都用3分幾鐘，水又唔比杯。最後碗麵20分鐘都無出現過。之前有一次就3餸比得2餸建議認真諗諗有無時間同想唔想受氣先入去食。

已經唔係第一次係咁，呢間野外賣服務真係第一次去係岩岩開張，因為怕多人所以十二點都未到就落左去買外賣，舖頭一個客都冇，諗住快好快啦，點知一等等左五個字，單淨係出晒畀堂食，我吹左佢地十九幾次，最諷刺既係黎到張單係食一定要快！ 自此之後，幾個月都唔再幫襯！好啦有人心血來潮又去左買啦，又係一早去，襯未多人時買，買完照舊企側邊等啦，過左兩三分鐘見到有人拎左碗野出黎，個收銀姐姐睇都一眼就擺埋佢隔離，，嗌都有嗌，咁我以爲係人地打電話叫既外賣，冇理啦，如事姐又等左三個字，正當去吹佢既時候就發現原來o個碗係我既，我即刻發火問佢我企系隔離你又唔嗌又唔理，我碗野足足擺左三個字，米線都發晒漲（當時係好少客，個收銀都冇野忙緊冇野做）....當然照舊佢一粒聲都冇出唔理我啦！ 唔該改善下你地既服務態度！買外賣都係客黎架

第二次黎食午餐，上次試左湯麵，今次一於試下個撈麵。經過我同同事既仔細研究，叫套餐係比較抵，尤其是食辣野真係需要飲野。我叫左麻辣豬軟骨撈麵，小食揀左紅油抄手，飲品則係熱檸水。豬軟骨上次既湯麵都有叫，但原來配撈麵係多啲架，可能因為今次係只有一餸吧。豬軟骨軟淋，而且吸晒啲滷水麻辣味，好食！紅油抄手有2隻，好唔正宗，賣相仲好唔得。食既時候已經凍凍地，個皮又同個餡分開，唔係好知食緊咩，同事小食配菜就好得多。估唔到差既仲有個麵，好淋冇咬口，差過上次湯麵。個辣係整得幾香口，可惜俾個麵破壞左。

唔經唔覺返左上環返工大半年，周圍食肆真係好多，午餐通常都係外賣自取，今日就試新店~新張期間外賣自取八折呀喂~三餸蕃茄湯米線~ 揀左豬扒、牛腩同豬軟骨，八折後盛惠42蚊，係抵食既~

今天跟同事試一下這間在上環也算新的餐廳，午市時間也不用等位。食物種類挺多，有飯有米線有撈麵。看得我們眼花撩亂。最終決定第一次先試湯米線，下次才試撈的。紅燒腩肉魚肉竹卷麻辣湯米線點了雙拼，湯底當然要選我最愛的麻辣湯底，而且一下子便挑戰中辣。餸菜選了腩肉及魚肉竹卷，同事又另外點了2個餸，交換一下便有4餸。老實說它的配菜跟餸菜都不太多，米線也是中規中矩，但味道是合格的。它最出色是湯底，中辣剛剛好，可以有麻辣的感覺。會再來試一下它的撈麵。

呢間餐廳新開，成日都好多人排隊。我較啱下午茶時間嚟，雖然唔駛排隊，但成個場都好Full。叫咗個下午茶米線，牛肚+牛栢葉+小麵﹐少辣。個員工話呢度嘅小麵即係幼麵，咁就叫嚟試吓啦。平時我都會嗌少麵(份量)，多數食唔晒嘅，但今次居然食得晒，小麵其實類似上海麵類嘅幼板。我估係個湯底夠味，所以啲麵都好味。不過個牛肚好咸吓，下次再去就應該唔會再嗌呢個，牛栢葉就好爽，但要浸吓湯先食。

最近，郵差派信給我公司，當中包括一張 <酸辣格格> 的單張，才得知在上環蘇杭街近韓國餐廳 <微笑 Miso Box>，已開了分店！打開印刷精美圖文並茂的單張，供應的食物很多元化！ 包括：早餐、常餐、精選套餐、酸辣湯米線套餐、特色菜飯、下午茶／宵夜餐...等等，一應俱全！加上單張夾埋一張(新開張優惠)八折優惠券，有見及此！我趁中午時間去幫襯，先致電落單，然後外賣自取節省時間呢！平日中午幫襯，店內座無虛席，店外亦有大約廿人等位或外賣！這裡的格局，跟同飲食集團的 <魚米家米線> 很相似！走入店子左邊是卡位、中間是四人枱、右邊是二人枱！後半部份是廚房。在堂食期間，留意到店內所有店員都是女人！ 不論是樓面的女店員抑或是廚房內的女師傅！中午多食客的關係，收銀較為混亂！就算堂食客排後面，收銀員會先向堂食客收錢，外賣客則要企埋一邊，有待已準備好外賣盒，才向外賣客收錢！紅燒豬軟骨煎蛋菜飯 $48 (8折價 $38)外賣等上大約5分鐘。菜飯的而且確是菜飯，還有白菜很粗粒，顯得很求其！似是白飯還白飯，白菜粒後期加上去那種，紅燒豬軟骨入口肉質鬆化，而且又夠入味！