酷廚 (已結業)

今日同呀媽去荔枝角逛逛，順便係呢頭食埋晚餐，之前係D2 place食過呢間知道佢間中會換菜式，所以就再去食。佢門面好大一邊會見到個廚房一邊就係枱櫈，環境唔錯，幾有格調。我地嗌左一個意粉，兩個小食share。我地想食泰式香辣蒜片欖油鮮蜆扁意粉，但呀媽唔係好食到辣，所以問服務員可唔可以叫個廚師唔好整咁辣，結果個辣既程度係唔食得辣既人都接受到。至於味道方面都幾出色，意粉同蜆都有少許辣味配上蒜同欖油既味道，好match，而且意粉非常煙韌，唔會淋batbat，呢個煙韌度係平時好少食到，值得一試。之後黎既係酷廚素春卷，上菜個時以為係紙卷，但問下先知原來係越式春卷黎。一直都以為係炸春卷，點知原來唔係，呢個素春卷好特別，好似紙卷咁，入面主要有蔬菜、青瓜、紅蘿蔔，食落覺得幾新鮮又健康。個醬汁係有少許辣，如果覺得蔬菜太單調可以點黎調下味。最後到既係酷廚牛油果軟殼蟹米紙卷，本身無諗住嗌既，不過服務員話係呢期新出既所以就叫黎試下。可能我無乜食過牛油果既味道，所以同我預期有d出入，不過我呀媽就覺得ok既，外層個米紙卷幾煙韌。呢期好似係越式既食物，過一排可能又會轉，不過唔記得意粉款式會唔會轉。走個時睇到佢地有呢個

想同家人影全家福👪？又想同家人食晚飯🥣？Why not both?星期六我哋一家人就去咗食晚飯🍽，同時仲有攝影師幫我哋影相📸添。先講食物，我哋呢個係五至六人套餐，有湯，墨西哥粟米片，🇮🇹黑松露意大利飯，🇯🇵日本和牛漢堡🍔，帶子長通粉，炸魚薯條，紐西蘭肉眼扒，我哋都一致認為除咗湯比較一般之外，樣樣都好好味😋，已經諗定下次再嚟食喇❣️食飯既時候，攝影師會幫我哋影d snap shot，而家睇返都覺得場面好溫馨呀🥰食完飯之後仲可以影張全家福👨‍👩‍👧，大家想點影都可以同攝影師講吓架，影完出嚟我覺得好似去完影樓影既一樣，攝影師都影得好好呀❣️呢個價錢平時可能只做到影相📸或食晚飯其中一項，但而家又有好味😋既晚餐🍴，又可以影到溫馨既家庭照👨‍👩‍👧，勁抵玩呀！*逢星期六4-7pm先會有攝影師提供拍攝服務，請兩天前預約#親子攝影 #全家福 #有得食又有得影

呢日因事去左荔枝角，食晏嘅時間自己一個去咗呢間位於D2 Place二期嘅 《KOOL》食晏。叫咗一客豬仔腿紅米飯 ($89) 配咖啡奶蓋 ($39)，一共$102。一共有三件豬仔腿，豬仔腿表面煎得略帶香口，咬落腍滑有肉汁，炆得夠入，加上個滋味醬汁，成個飯整體嚟講都幾好食，只係略嫌飯入面紅米嘅份量比較少咗D，叫得做“紅米飯”如果加返多啲紅米就更好喇。咖啡奶蓋，咖啡順滑，雖然奶蓋就飲唔到有鹹味，不過整體嚟講味道都唔錯。

開心開心🧀🧀芝士控嘅福音嚟啦🌞🌞呢期原來有個以Raclette(皇家溶芝士)做主題嘅新餐單推了咗，就嚟試一試🧀芝士沙律包Raclette軟身易溶，用芝士專用烤架烤一烤，用刀一刮就會整出咁吸引嘅芝士沙律包，Raclette本身味道少少咸，就選擇配沙律包，令到個芝士味係勁突出🧀芝士三薯Raclette要吃到突出嘅乳香咸香味，配薯仔薯蓉係最完美，熱辣辣炸出嚟嘅薯條薯角，淋上啱啱溶出嚟嘅Raclette芝士，超正嘅芝士拉絲呀，要趁熱食呀😱😱好邪惡🧀黑松露菌意大利飯意大利飯creamy 帶少少煙韌口感，而且個黑松露味係好濃好香，趁啲Raclette熱辣辣淋上面，半溶嘅時候同意大利飯一齊食係完美結合呀🧀芝士墨西哥粟米片保留牛油果醬，番茄沙沙，將酸乳酪改為Raclette，又係另一種感覺，可以一次過試到牛油果醬清新甜味，番茄沙沙嘅香辣味，同Raclette嘅咸香夠哂邪惡嘅芝士新組合，係唔係芝士控都要嚟試吓，即刻變哂Senior Foodie 芝心食家

今日約左成年無見嘅朋友仔黎荔枝角酷廚食飯。之前黎過兩次，覺得呢度環境靜靜地，幾適合girls talk.呢度係自助形式，先到收銀處點餐付款，再有專人送餐。餐廳以木色為主色調，座位都幾闊落。今次適逢佢地推出皇家溶芝士期間限定menu,決定試下。芝士墨西哥粟米片$88粟米片本身味道唔濃，主要食脆卜卜口感，加左皇家溶芝士、蕃茄莎莎醬，清新唔膩口。芝士三薯 $58顧名思義就係薯條、薯角、薯蓉都齊晒，除左拉絲芝士外，仲食到截然不同嘅口感。芝士沙律包 $38呢個幾驚喜，未試過食唔放肉嘅burger, 但芝士加沙律菜意外地好夾，無肉都滿足。芝士黑松露意大利飯 $148黑松露香氣撲鼻，加埋拉絲芝士增加濃郁鹹香嘅味道。如果芝士控黎到真係會超開心。

自從D2有戲院之後，成日想去睇戲之後都係商場揀一間餐廳食飯。咁梗係揀返最熟悉嘅餐廳KOOL個醬汁同比目魚10分夾，再加上比目魚上面有一層焗過嘅黑白芝麻，令到成條魚有唔同嘅層次，唔同嘅口感。分量多，有沙律有薯條勁多龍蝦肉，好正，麵包皮夠脆囗。重點係隻流心蛋，有得玩又有得食。最後，整體上10分滿意，價錢合理，侍應服務態度良好（又會對你笑吓，又會幫你拎水杯，又會介紹菜式）。食物上菜速度也算快，還有背景音樂也是播放較為輕鬆嘅音樂，令成個晚餐食得更開心。不過有一點，就係冷氣開得太行。

重要的事情要講三次, 這間餐廳給她三差。免費也不會再來第一餐食物太差，今日中午同同事團拜一行12人，不同款式的set lunch 套餐都已經點了. 全部很難入口, 墨汁意大利飯, 冇乜特別味道，啲飯硬的，我食了三羹便沒有食了, 忌廉南瓜湯, 一點南瓜味都沒有, 同飲水沒有分別。同事點了漢堡包套餐, 漢堡包裏面的蘑菇是凍的, 裏面牛肉又乾又硬 , 比M記的還要差. 價錢還差不多100元， 另外, 牛扒好堅韌. 還有上菜特別慢, 等了30分鐘，都還沒有來.

D2 place以前都會行下市集，近年係對面街開左D2 place Two，都係行年輕人文藝路線(我覺得)，當中都有不少性價比就既餐廳進駐，碌過IG發現新大陸，今日番工之前黎試下Kool。.Kool聯合안주야韓食品牌的午市套餐，用韓國常見既四種飯餐做佢地今次午市既menu，好興奮因爲感覺就係韓國食緊韓食한식😻😻.🔺香辣豬雜（豬肚及豬腸）$75即使只有四個set都令我選擇好耐😂，因為呢四個都係我好中意既韓食。豬雜比較少見，食落好好咬好爽口，炒得好香，量都好多。叫左少辣，容量接受既辣度，不過我本人太廢食到最後覺得好辣😂，不過辣得好爽。入面仲有粉絲、菇等等，整體都好正宗好味，因為材料係一包包空運過黎👍🏻.其他三款有辣炒豬肉、照燒五花肉、韓式牛肉炒芽菜。.

聖誕D2place 睇完戲，諗住揾間近近地既餐廳食飯，咁岩路過依間西餐廳，餐牌幾吸引就試下，我就試左個和牛蘑菇漢堡，大大份薯條，和牛幾好味，仲有沙律做前菜。朋友就叫左個比目魚配燒烤汁，上到枱熱辣辣超香，仲有配菜係底，整體幾好味。環境安靜，適合朋友一齊黎邊食邊傾計。

點左兩份餐一份牛扒配薯蓉一份豬仔脾配紅米飯另外加左一個龍蝦湯牛扒超難食，好似食擦膠咁切果陣已經感覺到中伏，放入口左成分鐘都未完配菜 及薯蓉係正常嘅總之，牛扒咁差，仲衰過茶餐廳$118蚊一份仲要收加一豬仔脾係用水白烚，真係唔明煎一煎，或者焗下佢咁難咩？白烚完求其淋啲汁上去，完全冇誠意另外，龍蝦湯係正常嘅，加10蚊有一個服務方面，似乎啲人好似發緊夢咁order時講左齋啡，又俾左有奶嘅咖啡主菜叫佢汁另上又直接淋落去。食物難食，服務唔合格總結，垃圾，建議大家唔洗去

聖誕大餐好像已經絕跡。物價貴租金貴，餐廳幾乎不想多給你一片肉，重做大餐？！所以主流聖誕餐都只是這種有湯有主菜有甜品飲品的一般足件頭的晚餐。但收的當然是大餐價錢。好彩這裡水準不差，食材是老老實實，與價錢成正比的貨色。湯是龍蝦海鮮湯，當然沒有龍蝦肉，但有它的香味，海鮮粒粒也算豐富有鮮味，入口豐盈温純，沒有一般龍蝦湯般偏濃鹹。主菜是焗比目魚加蜆及蔬菜，但原來是用牛油紙及錫紙密封焗。 感覺像燉湯， 材料的鮮甜味都保留在裏面。 比目魚十分嫩滑， 就算是急凍貨也沒有半點腥味， 多得上面的百里香同牛油，吊起鮮味。甜品係雪糕加生果串同棉花糖， 自己去朱古力噴泉點朱古力醬吃。味道不過不失，但有節日氣氛。

約咗朋朋友去D2 place食嘢,本來諗住食第2間但要排隊,想openrice睇呢間ok wo,去到join member仲即時有8折,點知個南瓜risotto黎到凍嘅,好明顯係一早煮定,朋友嘅漢堡,塊牛肉乾硬到切唔開咁滯,薯條勁油,最攪笑係其中一位帶鄉音嘅男職員(並無岐視成分,我覺得譚仔姐姐專業又有禮貌嘅),朋友黎到問企係門口嘅佢呢間係咪酷廚,佢一句我唔明你講乜我唔知wo,就走咗去,到我另外一位朋友叫咗個餐加錢跟飯,個飯無黎到,再問呢位男職員,佢又係個句我唔知wo就走咗去,咁都得?D2 place個邊咁多野食,呢間應該無下次

鮮奶綠茶🤗 清清地， 唔會好甜👍🏻上面果個唔知係咪特別營造既心心效果😍香煎鵝肝拼澳洲牛柳香噴噴既鵝肝😋😋加埋牛洲牛柳， 熟度岩岩好，肉質軟淋淋👍🏻底下配左啲薯容😍哩個我特別推介🙋🏻‍♀️芝士焗意式肉丸要趁熱食既系列...岩哂我地啲啲芝士控，Btw 番茄汁唔會太酸，配落啲芝士同肉丸道，開胃得黎又唔會好膩👍🏻👍🏻黑松露菌意大利飯啖啖黑松露既清香味放入口，中意松露味既一定中意食😋朱古力火鍋應該係期間限定， 睇佢既佈局應該係for Christmas, 所以要食既朋友趁住哩段時間，快啲去試下😏雖然你地未必睇得明有咩，但我係咁意介紹下：棉花糖、雪糕球、生果串....（ ps * 帶返頂帽先😛，唔知佢食物嘅內容會唔會轉）

下午找個地方吃舒服的下午茶，點了這個意粉餐，沒有誇張，係屋企自己隨便煮都好味過這裡，整碟食物沒有味道的，看得出非常隨便，完全是沒心之作，好像被人欺騙的感覺，非常非常失望，唯一的好處是可以坐得舒舒服服，沒有巿區那麼擠迫。服務方面，一位店員，看得出她很忙，急燥，沒有咖啡廳預期的禮貌，但我能夠容忍，只是食物真的很難食，附68元，不是很貴，但始終出外用餐，不會期望是這樣沒水準之作。完全不會推介這間餐廳的食物。

趁相公放假 帶嬰女皇去體驗下「螢の森」順道食個午餐 原先想試Chef’s Secret 去到先見到租約期滿 咁就食同層呢間酷廚啦 當日係星期二下午茶時份 只有一兩枱客 店員叫我地隨便選位 相公說想要一張baby seat 結果對方提供了 但係係破爛扣不到安全帶的好 我地自己再拎 自己移黎移去 期間女店員一直起後面張枱好勤力用心執拾枱面 從來沒打算過伸出援手 可能佢覺得好忙 果刻唔執張枱 係會做唔切啦⋯⋯選好食物 出櫃位下單 我地只係選3樣野 但那女店員都係唔記得 記錯 聽唔明 有無咁唔熟個餐牌呀 指住黎落單都唔掂？！餐飲- 紅棗茶 OK好甜 攪勻後仍然極甜 但至少飲到既明太子釀雞翼 $68 OK起碼賣相正常 雞翼係熟既同脹卜卜 味道就係雞翼有雞翼味 明太子有明太子味 互相各自為政囉帶子及蟹子忌廉長通粉 $138 呢個價錢淨食呢個意粉 呢個質素 性價比低無可低 意粉極硬極乾不掛汁 偶爾出現的所謂忌廉汁亦淡而無味 最尾鋪上面的那匙蟹子 陣陣冷冰冰的雪味 帶子則只有塔尖那小小一顆 否則就是夾雜的一兩顆極細元貝 配料仲有幾條翡翠苗 幾塊唔咸唔淡既芝士 1粒唔搭調即青瓜粒 仲有1粒路過既黃椒 認