酎串燒洋食屋 (已結業)

接朋友放工係荃灣搵野食～ 走著走著黎到洋食屋～ 朋友話好耐無食串燒啦想大叫特叫😍我地叫左2杯飲品～ 個名勁浪漫既Cinderella! 係酸酸甜甜嘅冇酒精雞尾酒🍹～另一杯就係Happy Ending ~兩杯飲品嘅名都好童話！呢一杯好爽口！另外仲叫咗鱈魚乾，牛肉蘆筍卷，免治雞肉棒（付玉子），日本黑豚串茄卷，鯖魚，茄子，雞髀菇，翠玉瓜，兩個鮑魚，海膽蟹肉意粉鱈魚乾真心好好味！真係要佢一想就即刻食，如果擺耐左就會開始變淋😁送酒一流！牛肉蘆筍卷真心好好味！擺盤又擺得好睇，打卡好睇之餘又好味！免治雞肉棒付上左玉子，攪勻玉子同埋雞肉棒一齊食真心好正！雞肉棒仲好有口感，好彈牙！鮑魚真係超級爽口彈牙！廚師幫我哋切咗片好方便食用！佢係有少少桂花酒去釀既鮑魚，超好味誠意推薦超級特別既日本黑豚串茄卷，佢一咬落去就有蕃茄嘅甜味同埋豚肉嘅香脆味！真心超特別鯖魚嘅食法係將蘿蔔蓉加喺個汁度撈勻咗之後就擺鯖魚落去食，超級好味！主食海膽蟹肉意粉都好好味！大大件海膽撈埋落個面度食超好味！

出開荃灣，冇理由唔搵啲好食嘅小店㗎😎經過大河道就發現咗呢間新開嘅日本嘢，好奇心驅使下就入去試吓🤪坐低見到個Menu主打小食串燒咁，反正今日唔算太肚餓，就叫咗幾款試下🤤一坐低，已經俾咗兩碟前菜我哋食👍🏻有個係水果沙律，超級特別，入邊有士多啤梨同埋蜜瓜，另一個就係蜆肉青瓜我哋叫咗2隻餃子雞翼，入邊包住嘅應該係豬肉餡，味道都還好，個擺碟就好有心機🥰🥰搞到我打卡影相影咗好耐🤣而個雞肉串燒，啲肉質都幾爽口，加埋蛋黃醬，都幾好味😋最重點係個海膽蟹肉奄列🤩海膽同蟹肉都超多，每啖都食到，仲要係新鮮冇腥味，擺盤真係超級靚，好多食用花🥰食落去仲有幾種唔同嘅口感，整體都幾唔仲有個燒油甘魚鮫都ok，油甘魚油份都比較高，油香味都幾重😛鍾意食魚嘅人一定要叫😎so far都幾高質素，岩啲想夜晚chill下吹下水嘅人酎串燒洋食屋 (荃灣)荃灣鱟地坊32-36號富華樓地下A號舖

母親節第一次黎到呢到食飯，環境唔錯，服務態度好好，野食都好好。值得比個好評👍🏻👍🏻當日叫左好多野食，全部嘢都好美味，尤其是清酒煮蜆、燒菠蘿同免治雞肉棒特別推介。燒菠蘿食到佢哋冇浸過糖水，亦都係用新鮮嘅菠蘿燒。清酒煮蜆嘅酒味好香，味道比起出邊普通食嘅更加新鮮。免治雞肉棒亦都燒得剛剛好，配埋玉子更加美味。聽講有清酒任飲，可惜果日唔飲得。下次再黎會試！清酒煮蜆免治雞肉棒（付玉子）燒菠蘿燒牛舌炒雜菜燒黑豚肉茄串雞軟骨秋葵、冬菇

難得係疫情下，終於可以約齊朋友食飯，就嚟試下荃灣新開嘅串燒小店。餐廳除咗串燒 之外 , 仲有其他嘢食例如羊架、 燒魚 , 其他炸物食等等 。 我今次分別試咗燒牛舌 、 炸雞 軟骨 、 大啡菇 、玉子雞肉棒 ，羊架。 而覺最吸引就係個扇貝，食得出鮮甜同新鮮。每一款串燒火候都剛剛好 , 賣相極之吸引 。 串燒嚟到非常香 , 所有調味都剛剛好，但又keep到食材嘅味道。粟米同大啡菇串燒都有驚喜，喜歡粟米的，必須一試。餐廳環境都好啱同朋友把酒言歡 , 加上好多唔同種類嘅酒可以選擇，好適合喜歡晚上小酌的人。