郭仔記粥麵專家

营业中

休息中

又返中學到依家返工都會成日幫襯，勁鍾意佢地d魚蛋，牛栢葉，仲有米粉岩岩好，每次都唔會淋，佢地d沙爹汁，牛腩汁都好夠味（雖然好大味精）生菜魚肉好爽口，賜粉又滑，仲有佢地d野飲，奶茶又香又濃又滑，食完再去阿婆豆腐花岩晒！

知道佢地開左好耐, 不過未入過去~之前同個friend 肚餓行左入去, 我叫左牛腩貢丸米線!我個friend食左腸粉同陳皮魚蛋+碗仔翅!牛腩好好味牙~同我平時成日食果d唔同味~呢隻野味好多!米線竟然比我想像中好食好多, 幾爽口! 好過譚仔既米線! 佢地用既貢丸應該好重本, 因為佢地d貢丸係振興果d貨黎咖...(振興d丸好鬼死貴咖~但我又好中意佢地d貢丸,所以認得出!)d 陳皮魚蛋好鬼彈牙呀! 好似食上癮咁, 我又嗌多左10蚊hot魚蛋! 好彩碗麵嗌左唔係好多餸! xD碗仔翅都唔係出面食到既! 可能係因為佢地冇落木耳果d啦~我唔中意既!簡簡單單好好味啵!廿幾蚊一餐算好好~服務冇expert過要好好, d呀姐放低d野就走咁lo!!!不過個環境就亂左少少! 有舊"雲吞"係地下! 味道的確得=] 會推介friends去～

四月十八日(星期五)同老公仔lunch只係食左個pret既三文治,當然今時今日既我地大食左,唔夠飽啦!所以黎呢頭睇下有咩小食食!好,今次就試試呢度先!^^本身諗住食炒麵,點知7點時既炒粉麵賣哂-.-!!!咁老公食左個碗仔翅,我呢食左個生菜魚肉,仲加左個腐乳通菜!生菜魚肉都ok既!唔係特出,而通菜都算唔錯,老公既碗仔翅都ok,不過個環境就唔多ok!

找朋友有點事,又未到時候,隨便找個地方落腳,又是一間上至車仔麵腸粉,下至凍檸茶,樣樣有d既舖仔.早上較後時間關係,客人不多,拿起點菜紙剔剔剔,首選當然是豬大腸,再加上魚肉及韮菜,麵底就要了粗麵,然後澆上雙汁....牛腩汁加沙嗲汁.雖然人不多,但都要等一段時間,一如某些網友所言,不單效率慢,一位唔知係咪老板娘人物,乜都懶懶閒,有點唔憂無生意樣.老實講句,雙加埋一齊,你話唔'冶'味就奇,魚肉是幾足料,咬落口幾彈牙有魚味,豬大腸就反而有點失色,膻味輕柔了些.整體而言不算太差,不過不失的一餐.

細個有食開,野食著通啦...不過自從經過多次不公平對待,就冇再光食過.最記得呢間野有4蚊腸粉同5蚊腸粉賣...有幾次有人外賣叫左4蚊腸粉即走左或唔要,咁岩我又要5蚊腸粉...佢地會俾碟4蚊既你話係5蚊...無良到爆...最衰連魚蛋都唔放過...4蚊串...果次我叫左串...佢收我5蚊,我問唔係4蚊咩,佢話呢度5蚊魚蛋黎,我同佢講我要4蚊咋...佢就吉走我兩粒魚蛋,原來兩粒魚蛋賣1蚊咁貴...好心啦唔該你地做生意唔好咁無良啦...我幾歲細路果時都呃,真係冇品

今晚買咗一碗車仔麵返屋企食，有韮菜、牛肚、牛栢葉、沙嗲牛肉幼麵，雖然好似好多餸咁，但佢每款餸都係得少少，所以唔算好大碗，個湯好濃，好有味(味精)，咁多餸，都係20蚊，算係底食，其實服務方面又唔係差得咁緊要嘅，可能唔同人唔同態度！

很久之前,我帶我的一歲兒子和朋友到來吃腸粉，由於不想兒子吃太多的乜醬物醬，故便叫店務員腸粉和醬油分開上，店務員聽後很愕然，然後走去跟一位男士(應該是老闆)商討,之後該老闆跟我說:如果醬油要另外分開碗上，要多收5元，我聽後非常憤怒，不禁說一聲:有無搞錯呀!但因我的朋友己經食緊野,所以只好食埋先走。但至此之後,我再沒幫襯這間郭仔記了，服務差到極點!!!!!!