那個ㄋㄚˋ ㄍㄜ (仁愛堂街)

营业中

休息中

排隊1.5小時入去等落單15分鐘落完單等食45分鐘整體用餐時間3小時成3個鐘以為自己食緊法國餐野食唔係特別好食 唔知點解咁多人排隊排隊效應？臨送餐上黎個陣先話另一份今日售罄嘩 笑左 等咗兩個幾鐘以為食得Omg 個menu已經嘜都無仲問我哋轉咩？不如你話俾我知有咩可以轉如果唔係已經排咗咁耐真係直頭起身走人算啦 怪自己蠢一食 嘩 真心覺得自己浪費咗時間浪費咗成個假期心情勁差！！！！！！！做唔切堂食，好心唔好接外賣經營勁有問題 開分店唔係咁樣亂黎去唔去自己諗

叫左兩個便當，分別係豬扒便當同豬頸肉便當，配黑糖冬瓜茶落單後20分鐘先到問一句，職員都有啲不耐煩「你入座半個鐘啫～入單無嫁」食物份量係好好既，但味道真係好鹹，豬扒個面既海苔粉都好鹹..豬頸肉係生抽味..連配菜粟米都好鹹…最緊要係app落單便當張相有半隻蛋..食物出場時係無..嗰個不耐煩職員話「相黎嫁咋！」個態度係「你唔係唔知ar ma~」咁🤷🏻‍♀️有個後生女職員係好友善有禮貌嘅，但可惜佢有個豬隊友…池上百芳好食啲…仲要平$10…起碼人哋真係圖片有隻蛋..俾番隻蛋你

出餐超慢，d野食普普通通。經外送平台訂餐，一落單已經預計備餐時間要1小時至1個半小時，其實都算耐了。但最後都要1小時40分鐘先出到餐，外送員用咗唔夠15分鐘就已經送到，但係我哋收到嘅外賣只係常溫連暖都講唔上，飲品d冰都溶曬，等咗個幾鐘嘅外賣就係咁？？！！？？烤豬扒便當塊豬扒好乾，灑咗好多調味粉，麻麻地。滷水雞翼便當d雞翼個樣好似生cancer咁超黑。咁深色仲以為煮好耐一咬就骨肉分離，諗錯晒，d雞翼又咸又鞋，完全唔好食👎總括係唔好食，無下次。

閒日中午12:30左右開始多人，又外賣又堂食都係得一個老闆娘（？）做樓面好頻能。滷排骨飯非常大塊夠入味，唔覺得好油膩，仲要切好分開連骨位同純肉位，食得好爽。不過由於好大份，係會飽到頂住，始終76一個飯餐嘛。特別深刻係配菜即炒好有鑊氣，便當餐嚟喎喂，不過連埋唔少鑊屎，係熱氣，但食開大排檔好啱口味。

其實早喺佢地得大角咀本店嘅時候 我已經bookmark左 但一直都未有機會去試眨下眼佢地已經開埋第二分店 今次進駐屯門！身為屯元天居民嘅我緊係要去幫襯下😆當日都好多人排隊 我大概排左大半個鐘🥺🍴香酥排骨便當 ($76)期待已久嘅招牌菜！排骨真係超級巨型！唔只大份 仲好厚！😍炸得好酥脆之餘 唔會炸到乾哂 有少少肉汁 唔會好柴👌🏻飯嘅份量都唔少另外仲有炒粉絲、洋蔥、粟米等配料食完真係飽到捧住個肚☺️🍴和牛QQ牛根丸湯麵 配鮮蛋拉麵 ($68)試業期間好多款食物同飲品都已經售罄朋友推薦嘅牛肉麵都已經賣哂 於是就試下呢款麵結果係…好有驚喜！牛根丸口感扎實彈牙 咬落去會爆汁 而且牛味超濃郁！❤️湯底有好香嘅藥材味 我好中意🫶🏻鮮蛋拉麵有咬口 掛湯能力都不錯大推！！🥰🥤鳳梨冬瓜茶 (+$6)酸酸甜甜 好解渴 仲有唔少鳳梨粒粒 唔錯🥤南投炭焙烏龍 (+$3)有好香嘅炭焙味雖然舖頭唔大 坐得比較迫 但係員工服務態度都好親切😌 呢度嘅食物同飲品性價比高 而且味道都相當不錯 唔怪得一直都咁有人氣😆

🥕那個滷排骨便當： 8.5/10 （$76）滷排骨係「那個」最招牌嘅食物。塊排骨真係有成隻手掌🖐🏻咁大，而且係啖啖肉。口感方面，外皮炸得好脆🤤🤤，豬扒肉質厚實，亦都有少少肉汁唔會話炸到好乾。味道方面，甜甜地嘅滷水味幾開胃，豬扒亦都醃得非常入味😋😋。配菜（e.g. 粉絲、蘑菇同埋粟米）都幾豐富，調味適當，相當下飯之餘亦都可以平衡返個排骨嘅膩感。（餐廳可以免費選擇多飯，多飯之後嘅份量都幾多p，大食嘅朋友唔使怕唔夠飽🙌🏻🙌🏻）🥕限定—玖香啤酒豬軟骨便當：8/10 （$78）我地怕叫兩份炸嘢嘅話會太油膩，所以就選擇咗呢個期間限定嘅豬軟骨便當🍱。🙎🏻‍♀️本來仲好驚會好重啤酒味🍻🍻，點知食落去其實啤酒味唔重，反而有啲甜甜哋嘅味，好開胃，而且幾入味🤤🤤。嗰豬軟骨都煮得好淋，啲軟骨係入口即溶，份量亦都好多😋😋。🥕香酥花枝丸：8.5/10（+$12）花枝丸啱啱炸起，口感幾彈牙，滲埋旁邊嘅椒鹽粉後味道十分惹味👍🏻👍🏻。

冇諗到第一次食呢間台灣餐廳就要俾負評🤨上星期晏就同事推介食呢間台灣菜, 一早知道新開張實大排長龍, 於是我哋就用佢嘅外帶掃碼用餐QR code先行點餐~成功點餐後, 亦有顯示訂單編號俾我哋~結果.....係我哋去餐廳俾錢嘅途中, 訂單被取消,沒有任何原因架, 就係被取消了😑😑😑我哋行到餐廳門口, 都等咗好耐先見到個職員係廚房度行出黎, 問佢點解會取消我哋訂單, 佢解釋太早落單, 有時限會自動取消~~~😵😵😵Whatttttt 佢仲話個QR code係建議客人係正佢門口先好落單, 落完單就可以入去俾錢喎...即係咁, 我黎到門口使鬼嘟個QR code落單,我直接入去餐廳落單咪得~ 再者, 我哋落完單你個Apps都冇寫有時限要幾多分鐘內俾錢...😑最後, 咁岩有客人離開, 我哋就轉咗做堂食啦~我哋嗌咗脆雞湯麵, 滷香雞球便當, 2個豬頸肉湯麵~ 落完單後, 職員都print咗出單出黎以表示成功下單~隔咗冇耐, 脆雞湯麵同滷香雞球飯好快黎到, 而豬頸肉湯麵係等到花兒凋謝了都未黎到~ 足足坐咗係度30分鐘, 碗麵都未黎到!!!!!😑😑😑我哋問職員, 職員竟然話冇豬頸肉, 仲問我哋點解落到單??

最近睇到社交媒體網站 廣告想黎試吓呢間台灣野當日星期日中午 需要排4張枱先入到叫左一個鹽酥雞便當set 飲品揀咗珍珠奶茶另外叫咗一個肉鬆蛋餅首先嚟咗珍珠奶茶 店員話暫時冇粗飲管 因為有客人坐住左所以攞唔到住 然後俾咗幼飲管我哋但係幼飲管真係飲唔到啲珍珠所以唯有問店員拎匙羹不起啲珍珠嚟食不過店員態度算唔錯然後 想講鹽酥雞便當個鹽酥雞冇鹹味就算落咗枱面嘅調味粉 都係冇味個肉鬆蛋餅都好食嘅另外 枱同枱之間距離十分近會聽到隔籬枱講嘅嘢總結係唔值得特登排隊去試價錢唔算平想像唔到一間有三間分店嘅餐廳質素會係咁🥲希望店家會改善食物質素

店舖十分小，因為試業期間所以只有一位待應？🤔 但她要負責帶位𢴇枱落單上菜收錢…所以等候會花一點時間…因為落雨人不算過多我地好好彩唔算等太耐就有位…餐廳有茶及水可以自己去攞野食方面因為減肥所以沒有叫佢出名的炸物..反而叫左一個雞肉拌面…拌面好香，好好食，佢另外有一個櫻花蝦辣油可以落埋去，超好食總匯蛋餅超推薦，呢隻係煎到有點脆的，入面餡料十好豐富好抵食，唔點醬都好好食！另外仲叫左一個迷仔魯肉飯同甜不辣&招牌奶茶，魯肉飯我朋友說太甜，甜不辣不過不失以上total $164 叫咁多野食都幾抵，總括而言食物十分值得去試，上菜速度算正常，唔會等好耐，雖然人多但服務態度亦好好。不過試業期間已經咁多人，恐怕之後去食都真係有排等位

買外賣前，職員話只需等30分鐘，但等了超過一小時仍未有，每次問職員，都是話處理中，最後要一小時十五分鐘先有，餐廳先做堂食，極度考驗人既耐性，不再幫襯，真的等太久。

#pb食在屯門 #pb台式系列 屯門都有「那個」食啦🇹🇼New Restaurant Alert🚨✨「那個」竟然開係屯門 完全係大西北人嘅福音🥰 佢位於杯渡輕鐵站天橋底 隔離係白羊咖啡 附近仲有Pal、兩姊妹涼皮等😋 店內外以木系裝修 環境唔太大 座位之間比較迫 坐得唔太舒服🥲 依家岩岩新開 平日夜晚去都要等30分鐘🥹.佢主打台南料理 Menu大致同大角嘴、北角差唔多😍 主食有鐵路便當、麵食套餐、迷你飯套餐等 價錢$65-$80不等😋 配飲品加$3-$12不等🤪 唔配飲品佢都有自助青檸水、茶提供👍🏻🔹香酥排骨便當🍱推介❤️ 佢嘅招牌之一🥰 好大塊排骨 而且肉質超鬆軟 用叉都已經切得開😍 佢仲有其他配菜 例如炒粉絲、酸菜、粟米等😋 飯嘅份量都好多 可以自己任加秘製麻辣香粉、秘製鹽酥粉、鮮味海苔粉調味👍🏻🔹迷你嘉義雞肉飯 + 黑糖梅子地瓜薯條🍠欣賞佢有迷你飯配小食套餐 岩哂胃口細嘅人👍🏻 雖無係迷你飯 但個飯都有少少份量🤪 好似我咁配埋地瓜薯條 其實都飽飽地😋 特別一讚地瓜薯條 熱辣辣炸起 再有梅子粉係面 味道好甜😍 想再甜d可以點黑糖醬 愈食愈上癮🥰🔹黑糖伯爵波霸奶茶🧋跟餐要加$12🤪 無