那個ㄋㄚˋ ㄍㄜ (仁愛堂街)

营业中

休息中

跟住同事lunch time覓食，幫襯公司附近開張不夠半年的「那個」台式小店，湯麵同便當都好好食，味道有驚喜，值得一試再試！麵食湯底味道香濃，推介玖香豬軟骨粗麵，豬軟骨炆至入味軟惗，味道恰到好處，同事吃的炸雞和炸豬扒外脆內軟，亦非常可口！

話說收工又約左老友食晚餐，大家都無乜目標就周圍行下先，我就順便去馬會入錢，入完行下附近見到呢間主打台南風既小店，門口望下餐牌價錢唔算貴，見有位就入去上試試啦。店面好細，大約唔夠10張2人枱，人多數就拼埋一齊，落單用QR code，台內得1位店員負責傳菜同執枱，位與位之間會比較迫d，另外都有免費既茶同水自助飲用。砍香啤酒豬軟骨麵，麵有3款揀我揀幼麵，麵質都ok唔會過腍，湯底都幾濃味偏甜，豬軟骨都算腍但肉質好鞋，比較老，略差少少，另外有得選擇跟個櫻花蝦辣椒油，唔洗加錢，都算幾香加埋麵增添左風味。古早味手工滷肉拌麵老友揀既，滷肉味都算幾濃幾香，麵都係幼麵正常。薯餅跟餐加9蚊追加左炸薯餅，超市急凍貨無乜特別，勝在新鮮炸夠香脆。夜市雞皮卷跟餐加25蚊，外皮香脆包住雞肉，調味粉都木惹味，呢個幾好食。店內都有多款台式特飲選擇。總結黎講台式小店正常水準，食物質素不過不失話好差或好驚豔，價錢算係ok。

26/10/2023📍 那個ㄋㄚㄍㄜ 係大角咀起家嘅台灣菜 原來已經開多咗兩間分店 今次去屯門分店 店舖座位唔多 當晚都排咗大半個鐘✨那個滷排骨便當 （$76）舊排骨真係好大舊 先炸後滷真係好邪惡啖啖肉又好入味 側邊仲有唔少配菜 有椰菜、粟米同粉絲 以男仔食量嚟講都會夠飽✨三星蔥餡餅 （$12）外皮偏油同硬內餡冇乜汁 就係幾香蔥味✨塩酥甜不辣 （$18)第一次食鹹嘅甜不辣 上面好似係孜然粉但啲粉唔係好平均 有啲位冇乜味✨黑糖梅子地瓜薯條 （$28）份量有啲少 地瓜條偏粗身 熱辣辣 同梅子粉幾夾 但同黑糖一啲都唔夾 我地後面都無掂過啲黑糖⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯好食嘅台灣餐廳有好多 呢間都唔差 主食ok不過小食就唔推薦 而且如果要排咗耐隊就唔值得啦 我哋兩個人晚餐食咗 ～$160推薦指數🌟：3.5/5

台灣野有好多選擇，今次試下「那個」！之前食過其他分店，吾知屯門呢間水準如何呢？😎😎餐廳環境：座位吾算多，都比較多人，星期六口食要係門口等下先有位🙈入到去，座位都比較逼🤣🤣大人坐還好🤏食物方面：香酥雞扒便當🍱塊雞扒大到不得了😂😂勁厚肉，而且炸到勁香口👍🏻👍🏻好抵食，又大大碗😍😍😍肉燥涼拌呢個幾特別，撈埋肉燥、青瓜絲、肉粒、蔥等配料一齊食，感覺幾清涼，又吾會好鹹，調味適中🤩🤩🤩煎餃子🥟一碟有4隻，入面好多餡料，又有啲汁，外皮香脆，好好食👍🏻👍🏻👍🏻古早味紅茶好有台灣既味道👅紅茶又吾會太澀，好飲👍🏻👍🏻👍🏻

小編工作地方附近開左間幾吸引既台式餐廳🥰位置唔多，所以lunch time去有機會要排隊～平日下午茶通常都唔洗排，但樓面人手得一個，大家可能都要比啲耐性等待🥹出餐都有少少慢～🍚 古早味手工滷肉飯好食，啲滷肉味道幾有台灣味😋好好送飯！點餐時仲可以加埋辣椒醬！中意食辣既一定唔好放過，簡直將成個滷肉飯味道昇華了😍🌮 三星葱餡餅（2件）呢個小食小編就麻麻地了～雖然係即叫即炸，但略嫌有少少油！未係台灣食過三星葱餡餅，唔知味道係咁🥲但只係食到油膩味，食唔到任何蔥味🥲小食建議大家可以點番薯條！試過係非常不錯的呢～

❗️那個ㄋㄚˋ ㄍㄜ (屯門)❗️餐廳面積細，座位唔多，所以要排隊。座位比較細有d逼，坐得有啲唔舒服，不過都無計啦，香港租貴舖細。餐廳用QR 落單，介面都幾方便♦️紅燒牛腱湯麵$80有啲失落因為關廟麵煮得好腍，無咗關廟麵應該有既彈性口感。今次個麵煮到接近漿糊口感但湯同牛腱都唔錯既。♦️總匯蛋餅$42外皮偏向Q彈，煎到有少少🤏🏻焦香，大量粟米同肉鬆，係好食既。🏠：屯門仁愛堂街1-43號麗日閣地下13號舖

某日飲完咖啡見到隔離開左這間台式餐廳，但成日睇到啲人話要排隊，要等，今日就喺一個唔係下午茶時間而又未到晚飯時間黎試吓。那個滷排骨便當🍱和香酥脆雞湯麵餐（其實唔係好明佢點解叫餐，咩都無包點解會叫餐）。滷排骨，好大件，整塊豬扒將整個盒都鋪滿，原來底下有飯之外，還有粉絲、粟米、椰菜和紅蘿蔔片。外表炸得幾好，可惜肉又點實，豬扒本身唔夠味，要不停落旁邊果三樽調味粉。飯唔夠熱，因沒有加滷肉，所以飯又凍又乾，好失望。香酥雞，三大件雞球，同樣炸得好，雞仍有肉汁可惜一樣係唔夠味。我哋叫左關廟寛麵，麵好淋但好彩湯底有牛味，加返啲分。半糖黑糖波霸幾好飲，珍珠軟硬適中仙草原來是只有水沒有固體仙草在杯裏整體：不過不失，可以一試，但要排就要考慮吧

這間餐廳位置不多，位置比較迫夾，因為開了幾個月想試一試這間平時也多人排隊的台式餐廳。想不到完全沒有服務，進入店內沒有店員招呼，坐了5分鐘也沒有送上菜單和點餐紙，店員還在整理垃圾膠袋，向他詢問才給了一張二維碼的點餐紙給我們自助點餐。 我們點完餐後食物送上，食物的味道不過不失，但絕對沒有需要排隊等候的必要，進食期間不斷有其他客人催餐飲及食物。當我們完成用餐後，餐飲還未到，店員的回覆卻是沒有人有時間沖。我們多等10分鐘之後，卻見到廚房做了幾個外賣，而且裏面也有餐飲遞給外賣員。下單了50分鐘還沒有餐飲，向店員提出完全沒有跟進。直至我們埋單，他才說給他1分鐘時間去沖餐飲，沖了兩杯珍珠奶茶才跟我們說有一杯白桃茶是已經沒有的，不知道為什麼可以下單。下單的時候，應該已經要發現這個問題，而不是在準備離開的時候才把問題提出。完全沒有服務，及不在意客人的感受的餐廳，10分不推薦

屯門新開了分店，來試試看～ 星期一 6:45pm左右晚飯時間不用等位，7:30pm之後就開始多人，坐滿了。點了一份香酥排骨便當🐖和 香酥魚菲力便當🐟，加了一條台灣腸和一杯熱黑糖波霸奶（蜜香）50%糖，total $172。香酥排骨便當（點了少飯）排骨超級大塊，比碗還要大！炸得香脆，不油膩，但排骨偏薄身，口感不夠鬆軟。味道比其他台灣餐廳輕身，不會太重口味，食落很有台灣風味～ 雖然叫作點了少飯，但由於排骨太大塊，一個女生也很夠飽了～每個便當配有粟米粒、椰菜和炒粉絲，有香烤的味道，很有驚喜，和飯拌在一起食，豐富了口感～ 香酥魚菲力便當（點了少飯）魚塊🐟很厚身，香脆鬆軟不乾身，意外地魚柳和鹽酥很搭配～ 枱面上，有海苔、鹽酥香香辣粉，如果想有不同口味，可以自行加上熱黑糖波霸奶（蜜香）50%糖雖然50%糖，但個人還是覺得偏甜，蜜香茶底味很出，配軟身珍珠，好飲！台灣腸讚！店員很細心，知道我們是share食，主動問我們需不需要切開兩件，超級好！店舖不大，設有自助茶水位。

屯門區有很多好食嘅小店，本人住九龍，始終交通不太方便所以很少來，咁啱朋友住附近，所以介紹咗呢間新開嘅台灣嘢，要食嘅朋友要留意，聽我朋友講呢間小店很多人排隊，原來佢開12點，我哋啱啱12點到，所以即刻有位坐，佢係掃QR code落單嘅，好多嘢都想食，但只有一個胃，記得揀完自己想食嘅嘢之後要撳提交訂單，唔係就好似我哋傻吓傻吓等咗好耐，原來發現自己仲未提交訂單，我哋兩個人叫咗一個玫香啤酒豬軟骨便當加小食黑糖梅子地瓜薯條，豬軟骨燜得好淋好香好入味，唔會好似某啲餐廳整豬軟骨咁硬掘掘，雖然名係啤酒豬軟骨，但完全沒有啤酒味道，唔使驚食醉。及和牛QQ牛筋丸湯麵加小食香酥魷魚足，我朋友就話未食過咁好食嘅牛筋丸，總括嚟講屯門雖然係好遠，但係小店味道真係好出色，下次都會再幫襯。

今晚叫左個外賣係2個香酥排骨便當，蛋餅同鹽酥雞便當先講個排骨便當，炸到鬼死咁老，咬都咬唔開啖啖到鞋到好似食瘦肉咁啲伴菜粉絲，又乾又硬個排骨根本好似冇調味過咁，明明叫香辣，又唔辣又唔咸，得個鹽酥叫做好少少，總之所有野都係冇味既個炸雞直頭離曬大譜，乜味都冇，連基本既鹽味我都食唔到，到底呢間野所謂既人氣係係邊嚟？個三星蔥餅仲攪笑又係冇味既呢啲來貨野都攪到咁不如直頭唔好出呢啲小食算啦呢間野網上外賣平台仲要唔平咁既價錢咁既垃圾質素永不回頭，88！

究竟係那個排隊誇張？定係那個大件夾抵食？我話那個真係好好食。收工經過又排隊，我真係好唔鍾意排隊呢種感覺，我喺度諗真係咁好食咩🤔，好啦，我決定買外賣返去同屋企人一齊食。買咗兩個飯盒，一個招牌嘅滷排骨便當，返到去一打開個盒，下！咁黑嘅，不過可能係滷水汁關係所以較深色，但係都要食㗎，嗰塊排骨好厚好大塊，雖然係炸，但咬落去口感又幾鬆軟，唔乾唔嚡口，配飯一流。另一個係蔥燒豬頸肉便當，豬頸肉爽滑彈牙惹味焦香再加配菜粟米係我嘅至愛。食物外賣返到屋企依然夠熱同好食，難怪人氣爆棚啦，下次如果有機會唔使排隊，我一定會堂食，如果再排隊我都會encore外賣返屋企食🤭

今日同仔仔探完婆婆諗住去食之前食過嘅BUBU KitChen鋸扒，點不知執咗開咗間台灣小店，原來呢間台灣嘢都係啱啱開冇幾耐，排咗5分鐘左右入到去坐低食，食完非常滿足😋我哋兩個人叫咗一個香酥排骨便當，一個香酥脆雞湯麵（湯麵嚟嘅時候擺得好靚，但後來食咗一啖先發覺唔記得咗影相🤭）香酥排骨好大件，排骨不單止大塊而且好厚肉，有骨位置帶有肥肉，有油香，但係仔仔鍾意食炸雞，因為雞皮炸得好香脆，雞肉好嫩滑好入味。 加一個小吃就係香酥魷魚足。

之前見到有人推介bookmark左，見佢係屯門開咗就去試吓！我就叫咗個滷香雞球便當，雞球個醬汁味道唔錯，便當入邊仲有啲粉絲同粟米粒都有調過味好食，但係我就覺得唔夠飽，份量較少。套餐有包一杯飲品，我加左$9叫咗杯招牌濃厚奶茶，真係好失望，無味！似水！重話係濃厚，真係就咁飲純茶仲好😮‍💨朋友就叫咗香酥排骨湯麵，就偷咗佢個香酥排骨trytry，大就大份，但係冇味嘅。。。間舖頭有提供三款粉放喺枱面，即使係咁加落去個排骨到都係無味嘅。。。究竟邊度出咗問題？如果去食嘅建議叫滷香同純茶飲品啦~~~

我本身住喺附近，成日經過見到都要排隊，今晚收工冇飯食咁就去排隊試吓啦， 8:30已經截單，好好彩排咗隊之後仲可以入嚟坐低食，舖頭細細，啲乘客都坐得密麻麻，我一個人可以坐兩個位，唔使同人同台我已經好開心，有陣時好怕一啲餐廳要同人搭枱，呢度要自己QR code落單，我自己叫咗個玫香啤酒豬頸肉湯麵，啲豬頸肉好有骨膠原很容易入口，好好味，小食仲可以加倍黑糖梅子地瓜薯條，好少餐廳會有地瓜薯條加梅粉，食落去好香口我好鍾意，飲品我就叫咗炭焙烏龍無糖，總括嚟講食物質素好，亦都明白點解要排隊都會咁多人排隊去食，下次我會試食佢嘅招牌滷排骨便當。