那個ㄋㄚˋ ㄍㄜ (將軍澳中心)

营业中

休息中

首先，炸物豬扒 雖然外表酥脆,但內裡乏味,同埋上餐比錢加左滷肉 出餐店員忘記左提供 要再提點 實在有點令人失望。飯底乾硬,感覺比較頹。另外,炸物拼盤味道還可以 份量小及價錢偏貴 炸物款色冇特別之處，可能散叫仲化算 ，蛋餅無味 竟然要靠個汁黎陪襯😪😪個汁又奇奇怪怪既蒜味。整體食物質素感覺欠佳,難以滿足胃口。衰衰地講食過咁多間台灣野 我諗呢間都算係香港最差 ！實在有待改善。

好耐之前喺北角食過⋯好掛住佢個滷排骨⋯以前個滷排骨好Juicy⋯個汁真係好正⋯見到將軍澳開咗諗住嚟試吓⋯點知好失望⋯質素差咗好多⋯成塊滷排骨乾噌噌⋯滷汁都唔多滴⋯同鹽酥排骨冇分別⋯可能真係出咗名開始Hea做⋯都唔講餐廳嘅服務態度⋯呢個價錢咁嘅質素，真心冇下次⋯

在一個慵懶的星期日，我們決定享受一頓午餐。然而，當我們在11:28到達時，餐廳卻依然未開門。幸運地，雖然仲有2分鐘先開門，職員讓我們先進去坐下，但接下來的體驗卻讓人失望。訂餐是透過QR Code，點完餐後，服務員依照流程上菜，令人驚訝的是，居然是主食最先送到。然後隔了一段時間，小食才上桌，最後才來我們的飲品，整個流程十分緩慢，讓人感到焦急。外賣app的訂單似乎壓力很大，職員因此顯得忙碌，導致我們幾乎沒有享受到基本的服務。想要更多的碗，也得等上好一會兒，令人感到十分不便。更令人困惑的是，餐廳竟然收取了10%的服務費，這10%的服務費似乎並未與實際的服務質量相符。至於食物方面，味道就一般，賣相也不怎麼樣，偏鹹和偏甜，吃過後感覺口渴，似乎油膩感頗重。總的來說，這樣的用餐經驗讓我們對這家餐廳不再抱有期待，應該不會再回訪了。

食物熱辣辣送到，感覺很美味，尤其喜歡他們的胡椒粉，將食物的鮮味完全帶出，紅豆沙冰別有滋味，價錢合理，可以再來環境不錯，只是座位略嫌太少，要等位約十多分鐘才入得，侍應多為後生仔女，態度爽快。

以前返工近大角咀好期待lunch 食那個，最近喺將軍澳開咗，食咗兩次食，第二次係想俾多次機會，以為係第一次咁啱唔好食啫⋯⋯想問咩事咁難食⋯⋯ 啲調味粉又落得少⋯⋯配菜勁hea… 以前好有心機做，仲有焦糖蛋⋯粟米等等，而家求其擺幾條菜，以前粉絲係麻辣⋯⋯而家嘅粉絲勁求其⋯⋯整體咁難食仲咁貴⋯⋯ 咩事⋯⋯係咪做出名咗就開始Hea⋯⋯希望有所改善⋯⋯香港經濟差餐廳嘅質素都一樣咁差⋯⋯好多餐廳都難食咗好多，咁叫香港人點樣幫襯都要自己爭氣先得⋯⋯

好有心思的月餅設計，裏邊有四個月餅分別有兩種口味，一款係鳳梨酥味，另一款奶黃月餅，好有台灣風味，不會太甜，如果月餅可以大一點更好。月餅盒內設小燈，可以做燈籠，很好看！

又係見好多人排隊，走去試下。叫咗一個蝦卷便當，79元，有三條蝦卷，少少粉絲同幾粒豆腐，味道一般，連加一係80元，記住唔包嘢飲，計埋優惠價台式飲品，誠為120幾元！另叫咗牛肉面，冇味又鞋的牛肉，似煲湯渣多啲😌。自己落單，自己去比錢，但又要加一，佢純粹幫我攞咗個飯出嚟，其實不如我自己攞，比返個10%我。服務又係九流，問嘢西晒面，話比佢知比錯嘢，竟然比個ipad 我叫我自己睇返，根本都唔係我張枱。。。啲侍應串過碼頭咕喱！冇下次！一大伏！

叫咗豬軟骨麵同埋炸雞扒麵，豬軟骨麵竟然極少軟骨，大部份都係好嚡嘅豬肉，口感只係好過煲完嘅豬肉湯渣少少。湯底嚟講，甜到糖尿。如果呢碗麵係$40 ，我覺得冇咩問題，只係一碗平得來唔太好食嘅麵，但係佢收$90，呢個質素就相當唔妥！餐牌入面好多食物明明寫咗晚市都供應，但係問侍應就話冇。題外話，一直都覺得啲餐廳如果用app落單，埋單又要拎張單出去櫃檯，憑咩收+10%服務費？

事源前幾日見到間野開咗冇耐大排長龍，心思思就同阿媽今日試吓，叫咗兩個麵，一個香烤豬扒湯麵，另一個玖香啤酒豬軟骨湯麵，兩個都係揀左鮮蛋拉麵底。等咗10分鐘左右，上菜嘅時候發現冇咗隻蛋，就問侍應係咪比漏咗，點知原來佢話係鮮蛋做嘅拉麵，而唔係真係有隻蛋🙃 問題嚟啦，一碗碗麵究竟要用幾多隻蛋呢？🤣🤣🤣啲豬軟骨有淋有硬可接受，但係個玖香啤酒豬軟骨湯麵湯底係冇味！都算，個面底一坨好硬，要花頗長時間整散佢…真係要認真改善吓

以前喺北角分店食過，覺得幾抵食，質素okay。見將軍澳又開咗分店，就一於試下。小編到訪時小店剛開業，有試業優惠🎉香酥排骨湯麵 $81排骨很巨型😍😍😍，以手掌還大。經典台式炸法，保留少許肉汁，味道不過不失。湯麵好Q，煙韌，鍾意食偏硬麵的小編滿意🥰可惜湯底重咸🤮🤮🤮冇牛肉味，咸到小編食個麵時每一匙都專登倒走個湯🫢…湯底絕對係敗筆🙂‍↕️湯底應該喺小編食過嘅牛肉麵中最差的一個。大伏！😫😫😫夜市雙腸便當 $66.6（另加滷肉+$10.8）小編點了蜜蒜味雙腸，可是小店俾錯咗黑椒味😅😅😅（但為免浪費食物，照食曬）條腸幾好食，脆皮👌🏻，粗粗地，只係有啲細份，食到後期就只係食緊白飯。店家俾漏咗滷肉，等咗好耐要後期講先有，份量亦只是用細細個錫紙醬油碟裝，份量同喺街邊試食俾幾粒肉冇分別。大家千祈唔好加配，好唔抵食！😡😡😡結論小編食完大失所望🥴🥴🥴絕對冇下次👎🏻定價偏高但質素完全跟唔上🙉🙉🙉可能由於試業關係，小編由落單到枱上齊曬食物用咗大約半小時😵‍💫😵‍💫😵‍💫，仲要俾漏食物🙄🙄🙄小編觀察到不少人催單，更有一位快要食完但同行友人野食未黎嘅情況🙊希望店舖run順咗會有所進步。有加一服務費

炸嘢乾到咬到牙痛肉丸 台灣腸內心凍嘅啲面居然可以煮唔熟 好意思收呢啲價錢要人排隊？新開啲質素都咁差 都怕食壞人 簡直垃圾嘢 全部現成貨都可以煮到咁差 飲品甜到 少甜都可以甜到飲唔落 服務又無 真係blacklist!大家唔好去中伏仲有啲湯面嘅湯 又鹹又重味 未試過去食一間嘢可以咁差嘅印象 我完全唔明白香港人係咪真係咁中意排隊 我自己食就完全唔會再有下一次 咁嘅價錢係將軍澳我可以有更好嘅選擇 而唔係食呢間新開張嘅極品台式餐廳 我見其他分店都無呢間咁離譜 真係差到誇張！

見到有間新既台灣野開張，湊下熱鬧，排隊試下！好彩等左20分鐘就有位喇！ 仲有試業優惠，9折！ 入到去就即刻落單！食物選擇同普通香港既台式餐廳差唔多。香酥脆雞便當，賣相幾好！ 有幾款口味既味粉揀！便當入面既菜同粟米都有炒過,好香好夠味！雞肉外脆內嫩！好Juicy!!仲有叫左個秘制嘉義雞肉飯！之前有試過食嘉義雞肉飯d肉係柴到咬唔到！呢間雞肉飯就冇呢個問題！不過就唔算好嫰滑！ 但味道幾好！唔錯！食台式餐廳，當然唔少得台式飲品！！比大家睇相先！其實我叫左杯凍既蜂蜜麻糬白玉奶茶同埋熱既招牌濃厚奶茶... 飲品一上到黎，我已經即刻問左個年紀大少少既阿姐，佢話呢杯係奶茶喎見佢咁肯定我信佢。飲左兩啖覺得唔對路，完全冇奶茶味😂 好似糖水咁。 我就再問個後生少少既店員（應該比較大粒）。佢好有禮貌咁話幫我換過杯！ 然後真正屬於我既奶茶終於送返上黎。不過，呢間既台式飲品真係麻麻地.. 我個白玉麻糬仲係暖既，仲要係好粉好粉！叫左50%糖都係好甜。價錢中等，如果可以改善下d飲品就好喇！

未食過咁難食嘅台灣菜，菜式好似太古城誠品入面間百方池上便當仲衰啲，滷肉飯超甜香腸不是台灣款式，大碌以為抵嘥氣，奶茶水汪汪，飲品有優惠都無用仲好多都售罄唉中伏，無下次

同阿女玩完將中間新playhouse，見肚餓就去搵野食，見到呢間排晒隊的台式餐廳，好耐無食台灣野，一於排一陣試下。叫左手工丸麵麵，豬軟骨飯，甜不辣，紅豆沙冰，檸檬茶（自己額外加珍惜，因為阿女要🤷🏻‍♀️）。手工丸同麵都好彈牙，阿女都話好正👍🏻自己食晒自己個碗。豬軟骨飯都好大碗，爸爸剩係講左個好字😅紅豆沙冰好好飲，略甜左少少。甜不辣比預期中好食，阿女一個人食晒成舊🫣再來呢度玩的時候，會再返來試下其他野👍🏻

嗰日經過將軍澳中心就入嚟試吓呢間啦， 等候時間5分鐘 可以接受。 服務態度良好。食品質素非常好， 小朋友都好鍾意食。 有時間經過一定要再嚟。 附近咁多間餐廳我都試過， 應該係將軍澳中心附近嘅餐廳最好係呢一間， 食品質素價錢服務，性價比一流。 大家可以試吓。