達人包車 (已結業)

order左咁樣由天花板吊落黎既串燒，全美女長腿waitress一路切切割割比你食，雖然咁長既串燒，但係一 d都唔會每一件食物味道唔 balance, 件件多汁又入味，仲有 beers提供 ，重點炸雞賣相相當吸引，下次再食過！

唱完K,一行4大2細係柯士甸小路附近搵食，經常經過呢間韓國餐廳，但都未試過，煎餐聽到八成滿左，應該唔太差，就入咗去試一試。部隊鍋，竟然好食過我喺釜山食嘅部隊鍋涼拌豬手沙律，呢個出奇地好食，酸酸甜甜，而且有好多配菜炒粉絲，甜甜地，都幾好食，但隱約食到少少麻醬香海鮮煎餅，厚厚地，但又好足料，邊煎得脆，唔錯牛肉紫菜卷，叫俾小朋友食，所以無試食，不過兩個小朋友食晒成碟，味道應該不錯吧整體黎講，所有野食都唔錯下次要試下佢D炸雞先

早兩日同以前嘅中學同學去咗尖沙咀行街跟住就搵個地方起附近諗住食飯行過見到有間叫達人包車嘅見到都幾多人食就入咗去啦見到個Menu花多眼亂最後就諗住輕食所以只係叫咗兩個嘢食姐我哋叫咗個豬手涼拌同埋一個泡菜芝士煎餅個豬手涼拌食起嚟有少少無從入手因為唔知道應該係撈勻來食呀還是逐少逐少夾來食所以其實最後我哋係食晒啲豬手但係都剩返好多拌菜味道方面呢其實係幾清新嘅好適合夏天食佢有個汁酸酸甜甜咁樣嘅個泡菜煎餅呢味道係十分之正宗同在韓國食嘅一模一樣外脆內軟十分香口泡菜嘅味道亦都十分好兩個人食兩樣野啱啱好不過有個小建議嘢飲就麻麻可以不用叫，如果想要就叫啤酒啦

差的服務態度，100左右all you can drink, 但又冇冷氣，又要额外收300 deposit. 明明外面有冷氣又吾開。我以前經常來，但一次比一次失望。時間末夠就叫你走。下次一定吾來。

琴晚係星期五 約左一個friend食dinner 大家都想食韓國菜 所以去左尖沙咀條韓國街諗住睇下有冇咩好食 行左幾間都覺得麻麻地 點知差唔多行到最後被我地發現到有間好似環境ok嘅 我地就行左入去 個時都成8點幾 點知都好多人排隊 都要等到成9點先入到座***我地一行兩人 見到枱枱都有個芝士排骨 所以就叫左份 都算好有5 6 8件揀 我地就緊係揀左個份量最少嘅黎食 除左排骨之外 旁邊仲有香腸飯團同大量芝士 排骨都幾有肉 整埋芝士一齊食真係正👍🏻

朋友鍾意食韓國菜就 book 咗呢間生意好好，要 book 到夜晚九點可能見咁多人幫襯就期望高咗啦食物不過不失，飲品幾有特式，不過味道普通炸雞沙律唔錯，不過個雞唔算好好食洋蔥多咗啲，有啲辣海鮮煎餅咸咗少少，都算好食紫菜包飯好多款，好食個 ribs 麻麻

陪伴我一齊工作兩年幾既戰友佢今日last day啦！所以等埋佢完成工作後我地就一齊去左尖沙咀既達人包車食宵夜。去到既時候都11點幾…店裡都唔算多人！選擇達人包車既原因係我太喜歡佢地既葱餅！！加上坐得舒服又係好適合傾計既好地方。呢個炸蝦紫菜包飯係戰友既至愛！入面既炸蝦超級脆呀…佢仲有個醬油沙律醬比你調味但今次不足處係我同戰友用筷子一夾就散晒落碟度！呢個海鮮葱餅就係我既大愛！基本上我一坐低就通知戰友…我一定要食海鮮葱餅！裡面餡料有韮菜，魷魚，蝦煎成。熱辣辣又夠軟熟十分香口！另外葱餅亦有兩個醬油供應黎調味

晚上經過尖沙咁想食韓國野，剛巧經過達人包車，一於試試。達人包車很大，有室外同室內，所謂的外其實都有冷氣的。叫左個超大串燒，眼見侍應攞出一大串食物，掛在天花的裝置上，真是好有準備作戰的感覺，由掛上到鐵板上燒，全程都會有人幫助你，你只需要動起筷子，把食物吃掉而已。唯一不足之處是有時間限制，串燒限時食得比較匆忙。

發現之前食個間年糕鍋已經執左，同朋友好想食就問下有邊間好食。有位朋友強烈介紹呢間餐廳，見佢lunch免加一就決定試下！去到見到佢將年糕鍋同部隊鍋分開，之前一直以為一樣，原來好大分別！年糕鍋偏甜，有海量年糕同魚糕，仲有d海鮮。部隊鍋就有豆腐同d腸仔茄汁豆，最後決定叫年糕因爲有魚糕食！⭕️年糕鍋 $145個鍋黎到先開始煮，同要d時間先會滾😂魚糕年糕份量多，又唔硬！海鮮幾新鮮，同湯底勁濃結！唯一唔gur既係個麵得一半，所以食食下就加左個麵+$15，食完好滿足💁🏻💁🏻⭕️Cream cheese 紫茶包飯 $40好大份，入面好足料，有係韓國食既感覺！cream cheese好香但唔算膩，就甘食已經好有味又唔會乾，唔需要點掂沙律醬💁🏻

很喜歡吃韓國食物友人早前經過這家食店話好多人排隊所以預訂咗呢度食晚餐安排左坐出面嘅座位好有韓國當地既風情服務生都好好服務嘢食都好好味我地人少少所以叫左兩樣嘢食再加嘢飲蜜糖炸雞呢間餐廳係咩韓國食物都有得食嘅最出名係一串大串燒嘅燒肉但因為我地人少少 齋食肉會有啲悶所以叫咗想食嘅炸雞估唔到咁好味炸雞炸得好脆又唔膩 甜甜地又幾好味有啲香港既炸雞一食會覺得好雪藏味 呢個就無嘅 烹調技術好好薯角都炸得好好味係我近期食過嘅炸雞當中最出色嘅諗起都想再去食部隊鍋無錯係豆腐、韓國拉麵、腸仔、午餐肉、年糕整出嚟嘅一道菜材料係便宜嘅但味道係好嘅辣又唔會話好辣調味調得剛剛好令人食完一口再一口蜜瓜燒酒好可愛用原隻蜜瓜裝住燒酒味道係蜜瓜汁加燒酒水果裝燒酒嚟講係我飲過當中嘅算有燒酒味嘅一隻怕醉嘅記得小酌即可味道都好好呢度叫3樣嘢食嘢飲3樣都咁出色會想下次再Encore嚟食

今日去左達人包車食好西😋叫左個芝士排骨 排骨好嫩配埋芝士幾好食❤️仲有oppa專人服務😍😍 同埋食左個一米長嘅串燒🍡 oppa會將佢拆落黎燒 重要切埋粒粒 方便我呢啲懶人仲有個蜜糖炸雞 好好食 炸雞仲好脆又唔太甜.仲有叫左個好似吊鹽水嘅野飲 其實佢係Cocktall黎份量都有三杯架 😝(個人認為石榴比較好飲).達人包車 (銅鑼灣)銅鑼灣駱克道491-499號京都廣場3樓

很久無咁大班人一齊聚餐了，揀了達人包車，地點就腳，亦岩我地依班韓迷！依間餐廳除了韓燒，亦有炸雞、部隊鍋、紫菜卷、炒辣雞，款式幾多。吊起來的大串燒，淨影相都夠晒happy串燒有菜有肉，仲有人親自燒埋，唔洗自己出手，岩我地依班懶鬼。蜜糖炸雞薯條好好味泡菜紫菜卷味道不錯我地仲叫了兩杯沙冰！賣相幾好，但細杯左D泡菜芝士餅！依個好好味，口感不錯，炸得好可口！芝士泡錯蛋飯！對喜歡吃芝士的我們，太正了！芝士味濃郁最後是部隊鍋！味道不錯，但配料再多D會更好！整體來說，餐廳還境不錯，食物賣點亦很有特式，食物高質，侍應還幫我們影大合照，態度很好、友善，值得推薦！

自從去過韓國後, 一直都對韓國的食物很著迷, 今晚是朋友的生日飯, 壽星女提議試這間餐廳, 雖然有限時間, 我們6個人也只能待1.5 小時, 不過竟然壽星女想試, 也一試無妨先叫了一杯西柚果汁飲料, 顏色好靚, 唔會太甜, 炎炎夏日飲都幾refreshing來到這兒, 當然要試一下這個1米長的超大串燒, 包括燈籠椒, 大蝦, 香腸, 南瓜, 雞扒, 杏鮑菇, 豬頸肉, 大蔥, 菠蘿, 脊排, 洋蔥, 五花肉, 小蕃茄, 原先以為這個會是好睇多過好食, 但事實上, 所有的食材都不材, 脊排也有牛味, 而且份量很足餐廳的店員會幫我們續些食材去擺在燒烤爐上燒, 所以可以避免了不知道燒得是否夠熟或是燒焦這種情形, 超級適合我們這種懶人特大雞蛋卷, 份量十足, 不過不失蜜糖炸雞, 外層香脆, 雞肉嫩滑, 加上有些蜜糖甜味, 十分開胃, 他們仲額外配上一些薯角, 好食海鮮炸醬拌面, 估唔到咁大盤, 入面都好足料, 有蝦，青口，蜆同蛋, 個人認為味道夠淡, 始終沒有在韓國吃到的那種風味, 但其實味道不差, 但由於太大盆, 所以建議最少有4人或以上才點這個面整體來說味道都比想像中的好, 而且每樣菜式的

黃雨警告下比booking早左一個鐘到達...去到基本上都係6點... 只係得一台客...而waitress 就帶左我去坐全店最角落頭的位...坐左一陣覺得唔對路要求坐前一張 如是者下一台新客又帶左入黎最角落的位...佢地亦都要求換位...講番野食...食物份量好足!三個女仔本身都細食...所以最後只係食到一味soy sauce的炸雞...味道非常好! 伴碟的薯角也好好味!menu亦有唔少有gimmick 的食物/飲品...但訂價方面少少貴... 如果大班食人會抵d同埋可以食多d唔同款環境方面如果坐sofa位會好d...入面左手邊的會較墮角...店員service 麻麻... 特別以韓國人/韓國餐廳黎講...

難得俄羅斯同事來香港交流, 當然帶佢食好野問佢鍾意食咩, 佢竟然話食韓國菜, 仲lunch成日係莫斯科office附近食~既然係咁一於帶佢去韓國街, 金巴利道呢間韓國餐廳食好野~叫左4樣野, 蜜糖炸雞, 芝士泡菜炒飯, 魚糕鍋同豆腐牛肉鍋先黎芝士泡菜炒飯, 好多芝士侍應幫手將芝士同飯撈均, 飯入口啖啖芝士~蜜糖炸雞好嫩滑, 炸漿唔厚, 好味豆腐牛肉鍋, 肥牛用料正, 豆腐同其他蔬菜新鮮魚糕鍋, 因為辣, 無咩點食到, 但俄羅斯同事好鍾意魚糕鍋可以叫唔辣, 但俄羅斯同事無辣不歡, 當然就佢~HAHA