影片
工作中嘅惊喜，系估唔到嘅地方有好嘢食， 呢间柜场中嘅饭堂，有车位，沿途行入餐厅有好多花盆！一啲都无柜场嘅沙尘滚滚！ 货柜改装成餐厅，无窗口，不过地方干净，午餐款式几多选择，亦窝心地分类快饭！让客人有得因应自己时间去选，客人大多附近工作嘅男士！ 芙蓉蛋饭：蛋饼大块足料，啖啖蔬菜，芽菜爽口，夹杂火腿丝！加豉油汁捞饭已经好好味！ 生炒腊味糯米饭：几香口！糯米泛油光！腊味粒多！如果干身少许就更好！ 咸蛋蒸肉饼饭：肉饼唔干，松夹滑，豉油唔会死咸！捞饭一流！热柠茶：瓦杯上！存热能力好！茶底浓，唔会涩！例汤：唔味精，热兼有料！唔错！店员比较粗豪，唔废话，快手快脚！
继续阅读