迷你冰室 (已結業)

屋企人星期日罷工，到附近新開的外賣店買晚餐 。(估計有)超過2X年的潮州麵是此店前身，估唔到疫情下就轉手變成呢間外賣店，見到有兩位年輕人主理，落單和準備食物都係佢地。我記得大概是3月頭試業的，當時經過見到餐牌都未完善，現在已經有外賣紙了，所以都過黎試試！假日7點幾到達已有幾個人在等外賣，疫情之下的外賣店確實生意比較好。我在店面唯一一個窗口跟店員點餐後便等待食物的到來。這個叫餐窗口set得有點高，唔夠高既小朋友可能叫唔到野食 店家準備食物數度尚算快手，大概10分鐘就準備好！蔥油雞扒煎蛋飯  ($42)其實本身想叫辣炒豬頸肉飯，問一問辣度，店員話真係好辣架～所以即刻轉左蔥油雞扒煎蛋飯。雞扒皮煎香，肉粉嫩嫩滑，加多一隻半熟蛋和一些配菜，飯的分量也很多，夜晚唔食咁多的我們2人都夠share食。單骨雞翼 ($26/8)雞翼拆開一半，更方便食用，乾身，味道不錯！紫薯芝士波波 ($20/4粒)星期日對自己好D，叫多左一份紫薯芝士波波，雖然係炸但唔會太油膩，紫薯+芝士還是第一次食到！荔枝紅茶跟餐的台式飲料 - 荔枝紅茶，完美作結！整體不錯，夠曬飽肚～

之前試過早餐同下午茶，抵食又性價比高，最近有埋台式飲品，今次就試埋佢哋嘅飯同台式飲品做晚餐🤣有heart的外賣小店台式肉燥花枝丸飯肉燥甜甜地，肉燥分量夠撈晒成碗飯，花枝丸都幾好味，而且仲有菜，感覺健康啲🤣薯絲蝦卷見佢幾特別，忍唔住叫多個小食，佢係用薯仔絲包住隻蝦，幾得意，外脆內軟蜜桃紅茶茶底夠濃，仲有蜜桃味，幾好飲，跟麵餐或飯餐，台式飲品正價減$10以一間小型外賣店嚟講，佢選擇都多，而且抵食，希望多多支持屋苑小店！

呢間係荃灣海濱花園附近嘅迷你冰室有可能係全香港最迷你的色嘅冰室仲要只做外賣落order嘅窗口都係四四方方 細細個有個鐘仔可以落order個logo 好得意，原來係一個qr code嚟，好特別又有意思🔹辣炒豬頸肉飯 $45員工突登問我食唔食得辣 答咗食得啊就加咗好多辣椒落去炒豬頸肉舖滿曬成個飯面 超級多😉😉而且飯吸咗辣油 食多多都得啊🔹肥牛炒烏冬 $42（細）/ $49超誇張 肥牛仲多過啲烏冬好似啲肥牛唔洗成本咁沈落去🤣🤣真係勁多 烏冬唔會過軟 加埋啲燒汁肥牛椰菜絲一齊炒好惹味 最欣賞唔會過油嘅感覺🔹珍珠奶茶珍珠好有咬口 而且又係好多🥰🥰勁鐘意啊🔹蜜桃梳打૮₍´˶• ᴥ •˶`₎ა ：總評幫襯當日只有一名員工理店，one man band好有幹勁，而且係一間良心店，因為真係我食過最最最足料嘅餐廳。因為地理位置關係，而家應該只有附近街坊生意，希望咁足料又好味嘅餐廳可以多啲人嚟幫襯，經開荃灣海濱附近可以過嚟睇下

之前試過炸燒賣覺得好正，今日試吓飯三個都好足料，份量好多！$129三盒飯仲有熱飲，好抵食呀。小店選擇唔多，揀咗1️⃣蔥油雞扒飯：好食唔乾，係雞扒照燶少少，會翻兜2️⃣肉燥香腸飯：台灣香腸唔會錯，但肉燥個調味怪怪地🥲3️⃣辣炒豬頸肉飯：豬頸肉好香！份量好多又惹味，會翻兜希望佢保持質素，同響海濱呢個佛系社區度做得住啦🥲🥲🥲

今日去開海濱花園拎抗逆物資俾朋友，臨走時順便買個外賣返屋企做晚餐。店舖望落去好細嘅外賣店，但裏邊的員工全部都是後生仔。他們所有食品都即煮即炒，而且價錢好平，好貼地的一間小店。我點了兩個煮食+一個小食。分別係豬頸肉烏冬+豬頸肉炒飯+咖喱角。最有驚喜係豬頸肉，炒得好惹味，而且仲有好多豬頸肉，性價比超高，仲好食過好多茶餐廳及大集團的快餐店。喺等外賣期間，知道間店舖新開，店員都好俾心機做，而且門口裝修都唔錯。感覺到光猛，最後先知道原來店主係情侶，一個負責這間店-迷你冰室。另一位女店主在屯門都是經營泰國外賣店。好欣賞這對年輕為生活拼搏而創業的年輕人。

試業中既迷你冰室呢個鋪位上手係賣潮州麵，以前都會特登過黎買返串燒賣食先返屋企，估唔到新開既迷你冰室都有燒賣，仲要係少有既炸燒賣$20/10粒椒鹽炸燒賣（連泰式辣醬），外脆內軟口感剛剛好一試難忘睇返迷你冰室個餐牌，除左燒賣之外，應該主要係港式台式食物，有公仔面、三文治、飯、烏冬、台式飲品（。。。自己睇啦）試業頭幾日試左佢既蔥油雞扒煎蛋飯同埋肉燥花枝丸飯（分別都係$42連熱飲）。外表麻麻，雞扒有少少燶，不過食落外面脆脆地肉質幾嫩，肉燥甜甜地，花枝丸都OK。值得一讚係店員好有禮貌過左一個星期再試，中午比較多人，等左大約15分鐘。今次試左肉燥雞扒飯，蔥油雞翼煎蛋飯。今次雞扒好掂另外好欣賞佢個單骨雞翼可以多d人share，炸得剛剛好如果之後可以加返少少綠色蔬菜就good fit喇，感覺上就係差條菜值得一提既係今次叫左杯熱奶茶，因為見街坊話個奶茶好得，所以一試，真係唔錯，就係好岩味既港式奶茶味囉！茶味唔會濃到落，比例剛好整體黎講係個唔錯既外賣選擇