進達餐廳

营业中

休息中

進達餐廳｜屯門藍地街坊食堂 愛貓餐廳住屯門藍地附近既朋友帶路試藍地街坊熱店「進達餐廳」，座位自己任揀，今日仲見到有貓貓行黎行去，貓貓係放養，所以有時佢都會坐係附近陪的食今日午市有免治牛肉飯，上面個配隻煎蛋加煎腸仔，呢個飯食極唔厭，尤其我以家箍緊牙，有時唔想食啲太硬但又想有味既野食，呢個飯就一流！熱水係自助，反而個凍檸茶同飲開既味道有啲唔同。環境就係典型街坊小店格局，裝修簡單但乾淨，而且近馬路，附近都有標位都幾方便！

食野ok好食，款式都好多，但每次打去落單叫外賣個陣，聽電話個個阿姐態度勁差，好似欠左佢錢咁！如果唔想聽可以搵第個接！比錢買難受！！！..................

坐朋友車去晚飯，佢話去邊就去邊啦。藍地這個地方我未曾嚟過，我諗免費泊車係一大好處，望落去環境好一半，又有點污糟，但係呢啲就叫地道囉！任食打邊爐，第一半佢畀嘅拼盤幾吸引，但其實又有點搞笑，例如海鮮唔係人頭份量，牛好似都唔係，佢咁搞法基本上食晒佢嗰個頭盤，我哋都冇再叫佢其他飲食嘅嘢，變相唔算好抵食，不過策略嚟嘅！要讚讚，好有人情味的店，見老闆及其子女都不停同街坊傾計，小店特色喔！

唔係屯門人的話，好明顯呢個地方係唔會自己無端端去既，有住屯門既朋友話一齊試下，先至請到我呢位住九龍嘅人山長水遠入去食個飯，一望就知唔好坐，亦都唔覺得佢有幾好食，抱住咁嘅心態之下，果然有啲驚喜。👉🏻 以前係做西餐扒餐，最近先至轉做任食邊爐👉🏻 可自行取熟冷盤，樣貌不討好，但海蜇、牛𦟌又ok喎👉🏻 豬骨湯唔濃的話，打邊爐係唔會好食的，問員工乜湯最好味，佢話樣樣都好，最終，豬骨湯底都ok的👉🏻 最驚喜係啲牛，有幾款騸古牛，確係正🤤 但牛不是任食，任食的食物類亦不多，唯有叫多碟牛

豬骨湯底十分濃郁，豬骨大大舊又有肉同根食頭盤已相當豐富，又牛又瀨尿蝦又大花甲又蠔唔夠喉再講叫新鮮騸㸵牛肉相當有牛味，有咬口，浸10秒就夠豬膶鷄子魚腩十分新鮮成為我首選打邊爐店

今日揸車嚟到呢度特登試吓佢嘅羊架因為聽我個朋友講話唔錯 咁我就叫咗個羊架啦有湯飲羅宋湯味道都OK 估唔到佢嘅羊架都算大塊 有少少樣嘅蘇味 啱晒 另外呢幢地方似係快餐模式不過都算坐得幾舒服

有次經過見到青磚圍對面有間茶記，門口有d燈飾，望吓個餐牌見到一早一晚嘅餐點好極端朝早沙爹牛麵，夜晚係西冷😂決定搵晚嚟試試佢（食藍地另一間扒房食到有d悶） 夜晚老遠都見到招牌👍去之前打電話問咗last order 10點15分，所以8點幾坐低都唔過份，可能因為係隱世餐廳，所以未係太多人食，唔洗等位。 同老公一人叫咗一個晚餐，非「帆」享受$188 同美國Prime級西冷牛扒$188,以上價錢已包跟餐薯菜、沙律、湯、包同熱飲，呢個價錢抵食 是日餐湯揀咗海鮮忌廉湯，一入口就知落足料，味道好有層次感，無一般忌廉湯個d一pat pat口感，寶貝仔好鍾意食包上枱係熱身嘅，送湯食唔錯。 主菜1：非「帆」享受（比目魚扒，帆立貝，蝦球），上枱賣相靚仔，魚蒸得好好，表面脆口，裡面濕度啱啱好，魚身無散開；帆立貝同蝦調味適中，無過咸❤️👍最怕有d餐廳落胡椒同鹽落到過晒龍，完全食唔到海鮮嘅鮮味。 主菜2：美國Prime級西冷牛扒,上枱賣相一樣靚仔，擺盤ok, 扒無寫明重量，睇返實物應該都有差唔多8Oz, 夠食；要求5成熟，做到👍想講薯菜... 好欣賞薯菜種類夠多，薯仔唔係炸薯角😅（年紀大受唔

係屯門想食牛排，所以揀左呢間，早啲去無乜人，每道菜都好好味好有水準，服務又好，仲食到唔係間間有既威靈頓牛扒，有湯沙律主菜甜品飲品，仲叫多左個白汁青口，兩個人都食到頂住咁走，下次一定搵多啲人去食過。

係青磚圍路邊有間進達餐廳 ，嗰朝 經過就入去食個早餐。 個早餐都幾豐富喎。一碗沙嗲牛肉麵 ，另外 餐肉蛋 配多士 餐肉煎得香脆可口配多士一流 。牛肉麵味道都ok，而最滿意嘅 就係湯底夠熱！ 呢個早餐都好滿意 。

屯門越來越多人會去 所以好多隱世商舖會被發掘出黎 今次遊車河去完元朗再入錦水之後 出左黎屯門藍地 藍地都算係多人認識既地方 新樓都越起越多 所以都唔會太偏僻眼見都已經食飯時間 就上網睇下附近有咩岩食 搵到呢間餐廳 晚巿係食浪漫田園風既西餐配合埋周邊環境 又幾唔錯喎 大大個招牌 好搶眼 外邊有多少燈飾配置 唔會太誇張 又製做到晚巿氣氛講真個句 無論去到邊都好 如果有揸車既 都好喜歡有埋停車場既地方 仲要免費添 遊車河又怕咩距離喎日光時間 係一間茶餐廳 夜晚會搖身一變成為一間西餐廳 我最考慮係 食材一定會新鮮常用 因為早午晚都營運 所以對佢食材都幾有信心Menu 有紙有電視display 包你咩角度都睇到幾有心點左一個好齊全既晚巿套餐 因為我見隔離枱食得好滋味 跟住叫無得輸 其實每個菜式都好吸引田園沙律 雜式沙律菜加上意大利黑醋 好開胃 而且佢用既黑醋 酸甜度好岩我胃口 而且各類菜都好新鮮 爽口 同埋係挑選過 每一條都係靚靚仔仔 唔馬虎羅宋湯 餐包餐包係熱住上 唔會話拆袋就比客人咁樣已經加分 細節上我覺得做得幾足加上埋擺位 整體感覺係比巿面所謂扒房更好羅宋湯 好重牛味 用左好多牛腩入去煲

見人話好食。就去試下。有驚喜。食物份量大服務好。有戶外雅座。揸車出面有泊位超方便。會再黎食！有好多唔同選擇但份量大2個人食得唔多。息合大班人去食。下次要食埋甜品！確係唔錯唔錯

身為一個土生土長的港島人，平日真的甚少踏足元朗屯門，當然我不會天真到以為元朗周圍都是牛啦😂今天若非坐友人車來一轉，自己都未必識路在屯門搵食。朋友帶我和老公去進達餐廳，那裡日頭是茶餐廳，晚上會變身為西餐廳，加點燈飾增添情調，食物實為平靚正。跟餐有沙津、餐包和忌廉蘑菇湯。我們點了一客柚子一字骨雞翼，酸酸甜甜，雞翼香脆，十分開胃，而且剪成一字骨會較入味也方便進食。主菜方面，我點了香草岩鹽燒三文魚柳。厚厚的三文魚扒外層香脆，內面還保持到嫩滑。底下橙色的薯蓉應該是南瓜蓉，甜甜的，很幼滑，配合香草忌廉汁，還有一些蔬菜，十分豐富。走到那麼偏僻竟有一間西餐廳，而且質素不錯，真令人有意外驚喜！

平時識係藍地大街個邊搵食，反而就未試過去另一邊青磚圍食野。係藍地輕鐵站落車之後轉左行入小徑，再行大約5分鐘就到。位置唔算話好方便但係有google map幫手嘅話其實都唔難搵。餐廳嘅格調都幾有情調，黑黑地有少少燈點綴咁，仲有得揀坐室外或者室內，不過個日落大雨所以我地坐咗係室內。 啲野食價錢唔貴，大約係百幾二百左右(唔洗加一)。我同fiancé嗌咗一個經典美式鐵板雜扒($208)，同埋一個紐西蘭肉眼扒($188)。餐湯我地揀咗南瓜忌廉湯，南瓜味都幾濃郁清新酸meimei嘅沙律🥗好開胃餐包味道普通，有啲暖等咗大約十分鐘左右兩個主菜就到咗。兩個餐嘅份量都好足，尤其係雜扒餐，每一種肉都好大份，而且都好入味。牛扒餐就叫咗medium，好大份得嚟唔會好韌，不過就唔係好重牛味。我地兩個都嗌咗甜薯條做配菜，甜甜地炸得好香脆，好啱同牛扒夾埋一齊食。最後飲埋杯奶茶就夠曬飽，下次如果入屯門記得去試下。

今日同寶寶去完T-park，之後就去左搵食。之後俾我地搵到一間好遠水路既餐廳，真係好偏遠，要轉輕鐵先去到既一個地方。哩間餐廳係藍地輕鐵站附近，落車之後要穿過村屋，小橋同埋停車場🅿️。之後就會見到一個懷舊既茶餐廳燈箱。餐廳有室內座位，亦有室外雅座。今晚有d凍所以都係坐入面暖d😂不過室外環境好舒服👇🏻尤其係近排既天氣唔太熱，夜晚吹下風都幾relaxing架食物方面，我地叫左2個Set Dinner 同埋一份小食。小食係炸蕃薯條🍟。上面淋左糖漿，甜甜地幾好食。Set Dinner 叫左一份意粉同一份牛扒。沙律新界牛牛食既草係真係清新d，蕃茄仔又清甜。再加上少少既黑醋，係好開胃架！是日餐湯周打海鮮忌廉湯蒜蓉包同Pizza Hut 既蒜蓉包唔同，係用方包烘底，再加蒜蓉焗成。外面脆香，入面軟熟。卡邦尼意粉我最喜歡就係有汁既意粉，所以卡邦尼意粉絕對係我既首選。煎香左既煙肉，調味既黑胡椒，加上少少既拌碟菜，係幾好味！紐西蘭肉眼扒今餐既重點就係哩塊肉眼扒，我地叫左5成熟。餐廳煎得幾好，唔會太韌，又唔會出血汁，唔錯唔錯。醬汁就揀左蒜蓉汁，拌碟上既汁唔算多，有需要既記得問餐廳拎多少少。順帶一提，半碟上既薯菜，

今日黎到青磚圍，諗住去朋友屋企打麻雀，點知三缺一，打算出番市區食晚飯，但朋友就帶我去附近既餐廳，我又估唔到青磚圍有餐廳！意為係小店，點知係西餐廳，又估唔到喎！環境唔算好光猛，每枱有小燈，帶點浪漫氣氛！龍蝦湯蝦既香味好出，未上台就已經聞到。湯既質感稠滑，味道夠而唔會膩。配有白麵包，麵包熱辣辣同埋好軟熟，蘸埋湯黎食或者就感搽牛油食都係美味。沙律沙律菜好新鮮，配上黑醋汁，酸酸的感覺好開胃。素肉鮮茄千層麵表層既面焗到微微金黃色，有d部分微燶得黎脆脆地。千層麵裡面夠哂熱辣辣，芝士，肉醬，素肉，番茄等材料配埋闊麺，口感非常豐富，番茄既酸甜配上肉醬既咸香，實實在在做到千層既效果。份量係超多，多到自己一個人無人share既話好難食得哂。安格斯西冷牛扒西冷肉味濃烈，比起肉眼更有彈性，我點了五成熟，可惜 變左全熟！黎到時已經聞到超香牛味，厚度比起坊間仲要厚，肉味道真係無得頂，可以煮既時間有點熟，如果時間可以控制得好啲，呢塊牛扒真係發揮到一個唔錯既水平！整體黎講，青磚圍都開左間估唔到西餐廳，有一定的食物質素，而且份量真係叫兩個餐可以三個人開心share