影片
星期六嚟饮早茶，大、中、小点$8.8，另有几款点心$3.8，茶钱$3一位。两个人食咗三样点心(叉烧包、潮州粉果同春卷)，埋单$25(冇check单，条数唔知点计出嚟，唔知系唔系有四舍五入)，算几平，不过点心质素很普通，落咗好多味精(食完口干喉涸)，粉果更加系唔合格，𠮶旧皮又厚又实。
继续阅读
晚上有朋友请来这间酒家食饭，他讲明食的野是鲍参翅宴。其实一听来这里已经知甚么料子了，所以才有安利那餐打底的，点知咁差。晚上去到，一入去已见朋友坐在门口处，哗你话几好笑。虽然得一围，但是都叫食海鲜鲍参翅宴呀，唉咁都要坐门口。好了开始讲食物了，先来白灼游水海生虾，其实是基围虾，重有面讲海虾。彩虹乳猪大拼盘，其实是乳猪八片，油鸡、鸭、叉烧等烧味，又油又鞋。碧绿玉环瑶柱甫，名符其名是瑶柱粒，节瓜和小唐菜，这味都算最好了。翡翠花枝珊瑚蚌，珊瑚蚌淋的，鱿鱼片ok，西兰花都几实，一般那。红绕鲍参翅，这味真是假到不得了，d翅好粗呀，但一拉就断，大家应该知假的了，其实明知咁的价钱都不会有几多翅，点知一条都冇。其它连冬菇丝都只得少少，猪肉就成碗都是。重衰过街边的碗仔翅呀。清蒸大海石斑，妈咪话是人工养的，重要蒸过火，又鞋，好似食繄香口胶咁，要吞。金银蒜茸蒸元贝，很细只，冇鲜味，重有沙添。迎褔一品烧鸡，有血水，但鞋的，冇鸡味，不过d皮都有少少脆。甜品是红豆沙，够沙，几甜，但已经不想食了。又是那句，一定冇下次。不过这里的酒水几平，汽水啤酒加起来成二十几枝都是二佰元到。
继续阅读