迎福海鮮酒家 (已結業)

星期六嚟飲早茶，大、中、小點$8.8，另有幾款點心$3.8，茶錢$3一位。兩個人食咗三樣點心(叉燒包、潮州粉果同春卷)，埋單$25(冇check單，條數唔知點計出嚟，唔知係唔係有四捨五入)，算幾平，不過點心質素很普通，落咗好多味精(食完口乾喉涸)，粉果更加係唔合格，嗰舊皮又厚又實。

晚上有朋友請來這間酒家食飯，他講明食的野是鮑參翅宴。其實一聽來這裡已經知甚麼料子了，所以才有安利那餐打底的，點知咁差。晚上去到，一入去已見朋友坐在門口處，嘩你話幾好笑。雖然得一圍，但是都叫食海鮮鮑參翅宴呀，唉咁都要坐門口。好了開始講食物了，先來白灼游水海生蝦，其實是基圍蝦，重有面講海蝦。彩虹乳豬大拼盤，其實是乳豬八片，油雞、鴨、叉燒等燒味，又油又鞋。碧綠玉環瑤柱甫，名符其名是瑤柱粒，節瓜和小唐菜，這味都算最好了。翡翠花枝珊瑚蚌，珊瑚蚌淋的，魷魚片ok，西蘭花都幾實，一般那。紅繞鮑參翅，這味真是假到不得了，d翅好粗呀，但一拉就斷，大家應該知假的了，其實明知咁的價錢都不會有幾多翅，點知一條都冇。其它連冬菇絲都只得少少，豬肉就成碗都是。重衰過街邊的碗仔翅呀。清蒸大海石斑，媽咪話是人工養的，重要蒸過火，又鞋，好似食繄香口膠咁，要吞。金銀蒜茸蒸元貝，很細隻，冇鮮味，重有沙添。迎褔一品燒雞，有血水，但鞋的，冇雞味，不過d皮都有少少脆。甜品是紅豆沙，夠沙，幾甜，但已經不想食了。又是那句，一定冇下次。不過這裡的酒水幾平，汽水啤酒加起來成二十幾枝都是二佰元到。