迎囍 (已結業)

今日專程搭車來這裡試下, 原來星期六日 9:00 點前落單都可享有HK$17 的點心孖寶(星期一至五是HK$15), 可在點心孖寶紙上揀 2 款點心, 要了一個玫瑰荳沙飽和一碟蔥花金鈎腸先來荳沙飽, 一客三個, 飽身熱辣鬆軟, 荳沙偏甜幼滑蔥花金鈎腸原來係蝦米腸粉, 金鈎即係蝦米, 叫個時沒有仔細瞭解"金鈎" 係什麼, 以為係炸兩腸粉, 因為酒樓很多時都將蔥花炸兩腸的<蔥花>兩字用作開頭腸粉鋪滿了香蔥和蝦米, 腸粉皮捲了很多重, 入口不幼滑頗厚身, 但夠飽肚

上兩週原本想與家人光顧旺角新開的點心專門店，雖知要十二時才開門，而家人已大叫肚餓，事而到此唯有轉Plan，家妹立時轉去彌敦道雅蘭附近，原來是稻香，但二樓茶客已滿，唯有轉到三樓，其迎囍大酒樓也屬於同一集團，但茶客就不算太多，想收費上也是有所等級的緣故吧！閒話少說，開茶洗筷後也立時點了東西，點心款式來說也和其他稻香相若。先來的杏汁榚就來得一般，雖然也真有杏汁之味香，可惜煎得不太香脆，其外皮也是略硬，而內裡也欠上如年榚般的軟糯。打後的是傳統的廣式蒸點，鴛鴦餃包括蝦餃和粉果，外皮的韌度和濕潤度也是足夠，內裡的餡料也是足料而鮮味，再來一籠鮮蝦燒賣，豬肉餡來得彈性而鮮味，加上上面的蝦仁，並灑上蟹籽，雖不是傳統的做法，想足以令大部份的食客滿意。外省的點心有紅油抄手和小籠包，前者是大粒的鮮肉雲吞，外皮來得滑溜，可惜其湯汁欠上一點惹味火辣之感，只徒具一點花生醬香。鮮肉小籠外皮略厚，但也不妨事，勝在蒸得夠熱，入口也有豐滿而鮮甜的湯汁，想應是中央工場的出品，應不是由專門師傅駐場。奶黃流沙包吃得不少，今次來一個黑麥杏汁包。其外皮應該摻入了麻蓉之類的東西來搓弄，外皮鬆軟之軟，也散發出陣陣香氣，內裡流出香逸的杏汁

基於五天工作日的情況下，逢星期六、日就係和屋企人聚會的日子，阿哥原本想帶我們一家去某點心專門店，點知明明門口貼住十一點開市，但係十一點十分都未見佢開門，我們一家由沙日到旺角，日頭熱死辣辣，兩住老人家老遠走黎冇得飲已經開始鼓燥喇…阿哥仲要一味掛住食，由於地近先達，靈機一觸就去稻香，因為近同埋之前我有幫襯食晚市，起碼唔想兩老再撲空了…十一點半左右，去到迎囍，樓下好多人搭電梯，但係大部分人到在3樓出，但係4樓係唔搭枱，所以我都係揀4樓，在呢個moment，我只想即刻有位，因為我同兩老已經好攰喇~ 好彩…不負眾望，有位，快！快！快！除了點心，十一點幾喇，順便食埋飯啦…潮州雙寶﹕蝦餃+潮洲粉粿清蒸燒賣皇﹕大粒，唔錯上海小龍飽麻蓉杏汁飽﹕好特別，出面冇的，不過味道有改進的空間瑞士雞翼﹕唔會太甜，有中式的味道燒腩拼雞飯($36)﹕飯就大大，餸就小小喇由於本人係稻香的fans，有d食店係唔收茶錢同加一，呢間可能係婚宴專門店，每位茶錢$6同埋加一服務，雖然係咁，今次整體的服務都滿意，同埋預計大約要花費之內。

有book 位, 不過都找了一陣入去個位... 一行11人, 一開始叫2隻雞先, 之後!傾左成20min先叫其他野, 結果, 後叫的食物到哂, 都仲未見到雞影... 個waitress 仲要係咁sell個set, 2千幾蚊12個人, 都仲要係咁話抵....我地話, 咁落力sell, 最唔抵一定係佢喇, 哈哈~~ 雞, 正常, 不過唔好味.... 只係正常味...其他食物都真係麻麻地... 京都骨算係最好, 不過都真係唔係好good.... 而最差係個炸芝士蝦丸, 唔係唔好食, 係難食.... 食左唔係好多就已經唔想再order 了... 真係, 只可以話acceptable.....

周末同朋友在旺角聚舊,以為迎囍地方够大容以等位結果等了一個鐘.坐底馬上落單四餸一湯.瑤柱花膠扒翡翠:瑤柱花膠份量十足,可惜翡翠是白菜仔個人並不太喜歡,整體不錯.香草汁龍利球:香草奶味十足,味道可以,如果真是龍利球而不是龍利片則會更好.脆皮燒鹅皇:例牌都有1/4隻,份量十足抵食, 脆皮肉厚味道不過不失.加菲蟹上湯伊麵: 加菲蟹個頭不是太大, 伊麵大大碟份量十足,结果麵成了主角,可惜上湯汁不够,只是够撈面層的伊麵,下層的則變成白灼伊麵.沙参玉竹湯:本來寫單時是要瓜盅,但最後單上的變成沙参玉竹湯.唯有將就一下,餲落味道也不是太差,湯渣見到用料十足.甜品楊枝甘露细细碗不但冇奶味,椰汁味,而且柚子肉有苦澀味.垃圾一碗.不計甜品整體這餐味道還是可以.

我愛吃多寶魚，再加1個魚肚菇菇勝瓜就滿足了個肚子！多寶魚是十大營養之一，有得吃的時侯唔食真係對唔住自己！多寶魚蒸很剛好，又滑又彈牙魚肚菇茹，我覺得是上湯，好鮮甜喎！

是晚,去了迎喜飲喜酒....新郎同新娘是我同時間認識的....而同桌認識的只有SHIRLEY 同JOSEPHINE,其他的人都不認識..不認識不要緊,主要也是喝人家的喜宴,戥人高興.....去到 ...當然要攝影一下啦,....除了新人外,我最大的興趣是拍攝食物了.當晚有....永結同心大紅袍...隻豬D肉太肥了...好肥膩...不太好 高湯生猛龍蝦伊麵底 - 龍蝦肉彈牙 ...好新鮮...正碧綠珊瑚桂花蚌 - 大大碟,珊瑚蚌亦好彈牙,蜜糖豆好甜百花釀蟹拑 - 好好味...可能太耐未食過蟹拑啦...紅燒竹笙蟹玉翅 - D蟹肉好多,大大嚿肉....正原隻鮑魚扣玉掌 - 第一次食到原隻既鮑魚,...雖然唔係好大隻,但好過食鮑片....清蒸東星班 - 條東星班大大條...啖啖肉....正 美景脆皮雞 - 碟太大,相對隻雞太細,賣相不好看...而且吃的太飽,很多人對碟雞沒大興趣.鴛鴦雞絲炒飯 - 用料都算多,D白汁同茄汁都幾美味.上湯水餃 - 沒吃....不知道好不好吃...還有曲奇...和雪蛤糖水整體來說,食物質素也不錯,員工也很細心,是不錯開飯之選

其實食了什麼真係唔係好記得, 只記得叫了 "驚喜 A", "驚喜 B", "驚喜 C" 同 "驚喜 D" 4 個套餐, 另外叫多 2 - 3 個小菜. 總括來講, 味道好普通, 唔係好特別...但其中一個套餐有條蒸魚. 上枱時我們發覺條魚唔係好熟, 中間痴骨, 而且顏色未變, 加上洗唔乾淨, 成舊內臟係魚肚, 好核突... 咁樣我地當然叫部長換啦...以下對話都叫抵死職員: 條魚係咁架, 唔係唔熟...食客: 你唔好當我傻架 ?? 擺明唔熟, 點食 ??職員: 唔係呀, 熟呀, 冇問題, 食啦, 有問題搵我 ...食客: 即係如果我食完, 食物中毒又好, 痾嘔肚痛都好, 你地全部負責 ? 死左你都賠, 係咪 ??職員: 得架啦, (放低張手寫卡片), 有問題, 返黎搵我啦.食客: 一係咁啦, 如果你揸唔到主意, 你叫經理過黎啦職員: 我係經理.食客: 咁你係經理, 好... 依家條魚係咪成千蚊既東星先, 幾十蚊魚仔唔熟, 你講咁多野做咩?職員: 咁你想我點做 ?食客: 等等, 唔係我想你點做, 係你覺得你應該點做, 除左叫我食左佢之外...最後佢係死死地蒸過僝新既魚出黎.

好鐘意係酒樓食菠蘿叉燒包點解? 因為細細個好易食, 食一個夠過下癮就得啦! 食一個大的菠蘿叉燒包要好肚餓先得!估唔都做到好的菠蘿飽, 菠蘿皮好脆!叉燒比一般麵包店的好味, 始終酒樓做叉燒係好d 叉燒夠蜜汁, 而且肥瘦適中, 唔似麵包店果D得d肥膏 最好就係夠新鮮! 個個都熱辣辣, 唔洗等出爐啦!唯一唔夠好係菠蘿皮同個包分開, 一咬就好快散晒真係要向金華學下點樣做到包連皮咬開都唔散啦!

早上有個$11.8點心套餐好抵食咸魚雞粒飯~大大兜,舊咸魚又大件上素蒸粉果~凍晒~唔知關唔關地方太大事?皮蛋瘦肉粥~水水的,得幾粒皮蛋叉燒腸~皮薄餡靚~good!!侍應d態度都幾好,但好似人手不足

dinner@迎囍, 媽咪, 家姐, 哥嗌set餐幾抵食wo~咁食海鮮法, 咁既價, 仲可以講d咩呢?!不過個扇貝真係有小小晒左la~因為佢落味好重手啊d蒜容真係過左海鮮味!!!搞到仲咸咸地~本來清蒸我係好鍾意食~點知食左一隻停手了~最後....嗌左咁多野, 當然食唔曬la.....曬錢啊真係!!!

090314 雞$1黑椒牛仔粒$58花膠瑤柱什菜煲$78茶、加一合共$168.00廣告寫一元雞至三月底，朋友食後感話食得過，平時真係唔會去稻香或者迎囍嗌餸食飯，除咗飲茶同打邊爐，今次都係因為一元雞而嚟雞以一元價錢嚟講，絕對合格，冇雪味，幾入味，薑蓉沙薑任拎牛仔粒食得出有梳打粉醃過，份量唔重，肉質冇完全破壞，黑椒汁惹味，配料有樣唔知茘枝定龍眼，伴住食幾清新什菜煲一般過一般，即係打邊爐啲料煲埋一煲

妹妹有事要出一出旺角，於是全家一起陪她去，順便飲個茶。迎囍有好多層，連星期日都一入去有位，旺角黎講應該難得吧~~點心味道一般，但價錢抵，只講記得的點心。煎薄撐：係好薄，唔多油，不過唔脆，似咸 pancake, 無特別。馬拉糕拼糯米卷：雙拼可以大家都食少少，呢兩個點心都幾好食，糯米卷尤其出色，糯米好正，唔會太硬太林，仲有好香的花生味，好食﹗馬拉糕普通。蝦餃拼韮菜餃：好大隻蝦，彈牙，不過皮厚，蝦都唔夠鮮，算合格。日式煎餃子：炸的，無特別。杏仁片炸蝦球：炸到過哂火，好乾乾，d 杏仁片又好硬，唔好食皮蛋肉瘦肉粥：唔線，無皮蛋同肉味，唔香。咸水角：呢個好味，糯米皮好薄，個餡又唔漏，細細隻，好味﹗價錢算好抵，茶錢都只係 $6 一個，如果只想飲下茶無要求，ok ga !

昨晚到此酒樓出席一個婚宴，覺得食物質素一般。乳豬全體．．．很肥，多脂肪少少肉。龍蝦配‧．．金菇、芽菜．．．挺特別的，可是味淡且粗諧。最後的美點雙輝是最好的，就連我堂哥都說：「是全晚最好吃的。」服務也是一般啦，不過有件小事很氣頂的。有幾個女侍應常常穿插於兩圍桌之間，其實間距已很小，倆人背對背坐也不行。我太太因有腰背痛的問題，不希望經常被撞，要求她們繞路，但她們卻沒有理會，更與鄰桌的一群長輩為此事在說三道四，好話我們在罵她們。我覺得只是一場誤會而已，但結果．．．，我感到無奈及難受。希望他們能改善服務態度及員工培訓。

29/8/2008再次來到迎喜，再次和同學吃晚飯。選擇迎喜的原因是不用等位子，也可以容納較多的同學。這次沒有點套餐，只點小菜。但是這次的食品明顯比上一次的來得遜色。牛展是等待同學們先上的前盤，份量較為少，但味道不錯。同學們來了後，點了不同的小菜。印象較深刻的絕對是賽螃蟹 (好像打錯字了 ~.~)，蛋白明顯炒得過火，感覺就是很老很老的蛋白。其他菜式是一貫的水準，沒有驚喜。對一大群人聚腳的地點來說，稻香/迎喜 依然是旺角區不錯的選擇。但對食物要求方面，別要求太高呢。