達人包車 (已結業)

聖誕新年真係女生瘋狂shopping 的日子！係外國旅行，好多時都要就著時間食飯，行街行到晏左食店會關門，擔心冇飯食！同好姊妹係銅鑼灣血拼到夜晚十點幾終於捨得收手去食飯，附近既達人包車餐廳01:00關門，係香港真係唔洗擔心行街行夜左冇啖好食！店內既職員都是韓國人（好彩佢地識講英文），好有韓國feel！入座後，職員就遞上餐前小食，同係韓國食到既冇分別！泡菜仍然那麼辣，但辣中但一點點酸味，爽呀！Order左一盤芝士炸雞，一盤大約有11隻，而且件件都幾大size，兩個女生吃得飽飽的唷！炸雞好香芝士味，入口芝士味香濃，芝士粉味道帶點鹹，好惹味！一大口咬落去，啖啖肉，肉質滑嫩冇雪藏味，我最愛！不過，炸雞剛剛炸起，入面仲出煙，太心急搞到燙親嘴！奉勸大家都係細細口，慢慢食，小心燙唷！炸雞啤酒本是最佳組合，但酒量淺的我們還是order杯芒果汁同青色檸檬果汁特飲吧！果汁味道清新，食完炸雞飲番啖，唔怕膩！

朋友好喜歡食韓國菜， 作為「食家」的我當然要帶佢食高質的韓國菜。 韓國菜既代表一定不少得韓燒， 但係韓燒會搞到件衫一陣味， 所以兩個女仔今次嚟到包車達人食韓國特色菜。 餐廳離地鐵站不遠，環境舒服。 呢度大部分店員都係來自「泡菜國」， 好懷念係韓國滿街都係oppa既時光丫。 餐廳裝潢設計都像韓國餐廳的風格， 重點是餐廳的服務員是韓國人喔！(尖叫!) 前菜： 超喜歡吃韓國的泡菜，酸酸甜甜的，令人很開胃。 Menu： 餐牌的內容簡潔明瞭，菜名有韓文英文和中文，而且多數都是有圖片的。 西柚汁 我哋叫咗2杯西柚汁飲，酸酸甜甜的很新鮮。 我們點了一客芝士排骨（5件），原本我們還想加一個部隊鍋，但是店員說芝士排骨的份量太大再加一個部隊鍋會份量會太over，所以我們打消念頭了。 芝士排骨（5件） 我們點了份量最少的五件排骨，一上枱發現份量真的很大， 難怪店員不建議我們再加一個部隊鍋。 當我地煩惱緊點樣將芝士包住排骨既時候，有個oppa店員幫我地。 韓國芝士的拉絲效果超勁！ 平時出去食芝士火鍋都做唔到呢個效果！

終於完sem喇！終於完sem喇！終於完sem喇！重要嘅事要講三次！為咗慶祝呢個咁重要嘅日子，一於去好好食番個大餐！今次，大學同學就介紹咗一間係喺銅鑼灣京都廣場嘅韓國餐廳，叫做達人包車。呢度嘅裝修好有韓國風格，加上有一半員工都係韓國人，令你有處身韓國嘅感覺。今期餐廳推介韓式拉絲芝士火鍋，咁我地就順勢試下，再叫咗一份芝士炸雞，特飲方面就叫咗桃子味酒同柚子馬格利酒。個芝士火鍋我地唔只食鹹食，仲加咗錢要埋個瑞士朱古力火鍋。朱古力火鍋嘅配料固然就係一d生果粒同甜品，例如士多啤梨、提子、火龍果、橙、棉花糖同小蛋糕，個朱古力湯底啱啱好，唔會太甜，又唔會太稠。至於芝士火鍋嘅配料主要有海鮮、腸仔同蔬菜，例如青口、八爪魚仔、蝦同青紅黃椒，個芝士湯底好特別，入面有d白酒嘅味道，又夠濃同鹹，令我想就咁食哂d芝士汁，哈哈哈哈！另外，到個芝士炸雞，個粉皮好薄好脆，隻雞好瘦，一d都唔肥，d薯條脆卜卜，再點多d芝士粉食，越食越多，越食越好味！最緊要係夠大份，要讚下佢！去食韓國野，唔少得叫下d洒飲，隻桃子同柚子酒都幾清新，大家不妨試試。食完呢餐韓國菜就要努力溫考試啦！我會加油喔！

第二次食達人包車！😍今次叫咗醬烤牛肉(280$)加芝士排骨(5pcs $280)(6pcs $320)(7pcs $360)(8pcs j390). 芝士排骨其實排骨已經熟咗，服務員姐姐好好人一定要開爐一陣即刻快快趣幫我捲芝士夾比我食個排骨汁辣辣地然後好多芝士夾住排骨放落口好滿足。而且又有年糕仲有香腸， 年糕好入味辣辣地既汁，煙煙韌韌嘅口感～香腸都係好脆，而且切到一小片一小片。仲有3粒紫菜飯團，唔好睇小係伴菜， 其實我將佢放落個爐度點汁，然後再加小小芝士都好好食😍👍🏻加二既食法～💕💕💕. 牛肉真係估唔到份量成座山咁多，肉軟淋淋，甜甜地醬汁，啲汁蒸曬落粉絲度好入味又香👍🏻切記唔好開個爐太耐！因為牛肉老曬冇咁好食會硬身左！😈仲有少少金菇同埋伴菜～. 杯青色檸檬果汁酸酸甜甜幾好味既🍋. 吊環雞尾酒好得意 好似打吊釘咁，係好似血包一滴滴落個杯度飲，含好小酒精成份喝唔醉👍🏻

韓式餐廳在香港的確愈開愈多，今晚不吃傅統韓菜就決定和好朋友要吃新式的韓國菜這間韓國菜餐廳走工業風風格，地方敞大，所以位置坐落都相當舒適望出去就是銅鑼灣的街景一味蜜糖蔥花炸雞配薯條，以長形鐵盤盛載每件炸雞都炸得金黃通透，底部全部是蜜糖炸雞完完全全地被淋上的蜜糖覆蓋了咬一啖，外皮聽得見的香脆，肉質嫩滑而且有雞汁滲出沾到表面的蜜糖，口感甜蜜而美味周邊的薯角亦炸得金黃，滿是厚厚的薯肉氣溫稍冷時，一味蜜糖蔥花炸雞配薯條鎖緊暖暖心頭滋味無窮呀！

掛係天既大大串串燒，店員會幫我地拆出黎，原舊扒燒熱，再剪開比我地，肉汁好豐富。舊蛋真係好大舊，芝士又足料，飽肚又好味！唔似出面個d成舊水但又細舊！芝士排骨鍋既芝士真係好多，原來排骨再加溶左既芝士好夾，再加埋辣辣地幾過癮辣海鮮湯雖然同呢埋野食相比冇咩特別，起碼正常已不錯整體呢餐份量真係好大，呢個份量6/7個人食都得！銅鑼灣區黎講抵食

吃貨姊弟最近很沉迷韓國餐，芝士控姊弟本身打算去達人包車吃芝士排骨，一坐下見到餐牌有冬日限定，韓式拉絲芝士火鍋，決定要試試！餐牌的選擇真的不少，這次的目標還有是炸雞！炸雞也是要芝士的！值得一提的是這裡的酒類選擇也不少！有燒酒、果汁酒，還有米酒！我點了柚子味米酒，一來到真的嚇到我！這麼一大枝！淡淡的柚子味，有米香，酒味不會太濃，媽媽常說喝米酒對身體好！炸雞的份量也很驚人！這裡的都是一隻完整的雞切件製作的！我覺得這裡很適合大夥兒聚餐！還有炸薯條相伴！炸雞和薯條都炸得超脆！炸雞表面是脆漿，再舖滿了芝士粉，雞肉嫩不鞋！對於愛吃香口東西的我，我是不能抗拒的！芝士火鍋餐很有趣啊，原來同時配朱古力火鍋！火鍋材料有腸仔、八爪魚、蝦、青口等。吃到芝士有點白酒味，這款是可以拉絲的火鍋，每口火鍋料都沾滿了芝士，很滿足！一直想，如果芝士份量可以多一點就好了！最後吃甜點了，就是朱古力火鍋！朱古力的甜度適中，不會太膩！配搭不同的生果，夠sweet！這餐飯姊弟都好滿意！

生日朋友問我想食咩，就揀左呢間韓國餐廳啦，因為睇fb page介紹過幾次地點係銅鑼灣好方便，但唔係地鋪，所以去前要睇清楚，如果唔係經過左都唔覺呢d韓國餐廳通常比較受年輕人歡迎，所以場內都以年輕人為主🤔🤔同埋侍應有好幾個都係韓國oppa,可能係賣點之一🙃我地得兩個人，所以可以叫既唔多，因為menu選擇唔多但份量十足，我地最終只叫左兩樣菜式，一個係芝士肋骨，一個係厚切玉子個人覺得幾好食，同埋芝士唔會太漏，肋骨同芝士分開食其實都味道唔錯，但通常燒到咁上下d oppa就會走埋黎幫我地用芝士包肋骨，服務都幾好厚切玉子真係超厚切每人食兩件已飽到暈，所以朋友打包返去比佢老公食總括而言都覺得值得一試既！😎

作為cheese lover，韓國芝士排骨一直都深得我心。達人包車的芝士排骨是我食完覺得相當滿意。環境開揚，頗有特色，而且沒有油煙味座位多但座無虛席檯面已放有配菜，分別是泡菜、粟米沙律和醃蘿卜。泡菜是韓國菜的試金石夠入味，水份分佈均勻，微辣而辣味深遠，及格有餘這天和一個女仔朋友一齊食飯恃住自己食量唔細，點了一個芝士排骨(5pcs)、一個部隊鍋、每人每一杯果汁店員首先架起兩個gas爐芝士排骨一上檯我就覺得份量比想像中大芝士排骨(5pcs)($280)核心外圍是芝士粒、飯團和車厘茄核心內圍是排骨、條狀年糕和切片香腸。核心內圍盛載著韓式辣醬開出的湯汁小辣程度，隨著爐火蒸發水分之後，會愈食愈辣排骨本身已熟，所以只待芝士融化便可「起撈」正確示範1. 將芝士推埋一邊做一粒波2. 用鉗夾起排骨，先沾上醬汁3. 把芝士波用筷子夾起捲住排骨4. 向同一方向打圈店員叔叔打圈純熟迅速送出然後我在盡得真傳後自己也成功捲出一個漂亮的排骨老實說，這種「技術活」還真是幾好玩芝士屬於淡味的水牛芝士Mozzarella，完全不會搶去排骨之味重點是，咬開面頭芝士的同時！你會嘗到中間醬汁的辣味，突入味蕾，接著是排骨的彈牙，

呢排韓國風吹得非常盛，今次試下達人包車！ 蜜糖炸雞 $180蜜糖食得出係靚野，只係雞塊略嫌調味不足，唔夠入味。雞炸得都幾香脆，不過肉質稍為乾左少少，連埋薯角都好大盤。配埋透心涼既blue lemonade 就唔怕熱氣啦！海鮮炸醬拉麵 $98 炸醬拉麵超煙甄，口感非常正，而且醬汁都幾香濃。海鮮方面係新鮮既，不過就略嫌唔係好入味喇，分量非常十足，兩個人都食唔晒架。抵食！結論，雖然銅鑼灣達人包車冇尖沙咀分店裝修咁有特式，但食物質素一樣，都係大件夾抵食。最啱同三五知己一大班人過黎，咁就可以叫多幾款食物慢慢嘆。

韓國炸雞人人都中意食，睇食評個時見達人包車既韓國炸雞好似幾多人話好食，今日就同朋友去試下。點菜時店員話最多人叫芝士炸雞，但我個人比較中意食醬汁較多既炸雞，於是便選擇了醬香炸雞。先前到韓國旅遊，嘗試過當地的醬油炸雞。我覺得達人包車的醬香炸雞比韓國當地更好食。一份炸雞$180，但有十多件雞，炸得很通透，炸粉很薄，吃進口一點也不油膩，並佈滿醬汁香味。炸雞非常好食，但薯條屬普通水平。有點後悔沒有叫啤酒配炸雞，但係飲菠蘿特飲都好爽。野飲夠凍，不會太甜，菠蘿味解渴另外今天天氣開始涼，想食火鍋，因而叫左個部隊鍋。部落鍋有少少辣，當中包含的材料有午餐肉，腸仔，水餃，年糕，即食麵等。睇落材料好飲不太多，但係食食下會發現兩個人會食唔曬。吃慣中式火鍋，想轉轉口味吃部隊鍋都不錯。

同女朋友叫了個醬油蒸雞，本身係諗住食炸雞, 但我地個人禁岩都爆瘡,所以都係忍下口! 醬油蒸雞黎到都未食得, 要等佢蒸一陣, 等緊佢得既時候可以食佢既前菜,有栗米,芽菜同青瓜, 都幾開胃~一打開個蓋, 見到有年糕, 有D唔想食(本人唔太鍾意食年糕), 我女朋友食了啖話: OK wor! 俾了D 信心我, 一食都幾surprised, 因為本身以為係咸的, 點知係甜甜地, 而且雞都好嫩, 之前聽講係韓國雞, 而唔係大陸冰鮮雞,都幾討我歡心, 食到最尾發現個底有粉絲, 粉絲索曬D 汁, 非常好食!另外仲叫了個蛋卷, 不過唔係好記得係咩味, 兩個就咁食呢兩樣野其實已經好夠, 我地仲要食唔曬~

網上見好多舖頭都post左呢間舖嘅資料，多數都係介紹芝士排骨今次我就食其他野一上到去門口有大大個menu響度，睇倒真係有野岩先入去。注意係有限時嫁，90分鐘嫁我見門口都幾多人等，所以好快食完就走。今次叫左海鮮炸醬麵海鮮係真係有海鮮，唔係搵蟹柳扮嘅，有青口，蟶子，連蝦都有分兩種。一種冰鮮嘅，一種就連殼嘅。個麵較為林身，不過好索汁而且味道都幾濃，同平時食開啲好唔同

喺銅鑼灣夜晚諗緊食乜好，睇到呢間個名幾特別，再睇一睇食乜嘢。發現有炸雞，燒烤，部隊鍋，芝士排骨，可以講話係韓國的食物都有齊，所以就想去試一下。樓下大堂已經有些傳單可以取閲，聽說當日有做緊特別嘅優惠，凡惠顧正價嘅嘢食就可以用超值的價錢叫芝士排骨，聽到都十分之抵，上到去見到人地食緊個份量真係大到雲，可以話係超超超級抵食之選。雖然我勁想試下芝士排骨，見佢側邊全部都係芝士，仲可以包住怕排骨食，見到真係好鬼正，但係我見有個更吸引嘅就係超長嘅串燒，真係有成個人咁高，所以就二話不說揀咗呢個嚟試下。串燒款式非常之多，而且顏色亦都10分鮮艷，有雞扒，豬肋骨，豬5花，青椒，紅椒，雞肶菇，菠蘿，南瓜同大葱，非常好睇，未食落去就已經好滿足啦！串燒攞出嚟嘅時候店員就會幫你同一個特製嘅架係張枱嗰度，另外仲會放一個煤氣爐係張枱上面，串燒吊起來嘅時候如果有肉汁或者由就會直接係個鐵板到，唔會周圍滴。串燒攞出黎嗰陣時候外面已經係半熟的狀態，千祈唔好擔心自己會好難燒到，因為完全唔需要自己落手，店員就會好細心咁樣過嚟幫你逐件燒同埋剪碎。(好彩嘅話，仲會遇到好靚仔，好高大嘅oppa幫你燒，好似我，真係好好彩啊！哈哈)醬油炸雞-

都唔知點解我身邊朋友咁鐘意韓國嘢食極唔厭我哋今次又嚟嘞呢間係我FD揀嘅個名幾得意, 叫達人包車, 我去到嗰陣多口問個小二係咩意思佢話應該係就咁直譯, 笑咗我哋叫咗呢個人參雞湯, 一拎上嚟嗰吓香到哩好足料呀真係有條參架, 雖然係BB參個底有雞, 有啲飯, 食完都飽飽哋, 不過最主要梗係飲佢個湯啦跟住呢個涼拌海蜇豬蹄肉話說我啱啱喺弘大附近食咗一間豬蹄超好食返到嚟忍唔住想encore所以叫咗呢個試吓但係原來好唔同佢個肉係靭啲嘅, 個汁酸酸哋我哋開頭每樣夾啲試吓, 試完先撈埋佢食個蝦好新鮮, 爽口嘅, 唔會梅痗最後我飲咗杯芒果汁解解膩