農米莊 (豉油街)

营业中

休息中

懷舊藥膳雞湯米線🍲$59最近病病地 想食啲清淡啲 朋友上網搵到呢一間餐廳 價錢又唔太貴 一於走去試吓佢 喺舖頭出邊已經有Menu 睇下有冇邊個餐比較吸引到我 見到懷舊藥膳雞湯米線有紅棗又有雞 好似感覺上幾好又補而且又清清地 於是直接入咗餐廳坐低落order 舖面唔算太大坐落去都OK 米線一送到嚟見到個湯底白烚烚咁樣 我估應該都好淡味😂 跟住試咗佢啖湯一嚟冇我想像中咁清淡 碗麵真係有藥材嘅味道覺得幾特別幾好飲 再加上佢有雞 所以個湯飲落去都比較鮮甜 跟住再開餐食佢嘅米線 米線食落去感覺上 係同湯一齊煮過 唔會食落去完全冇味而且有藥膳味 我發現佢都有幾多料 有冬菇 豆卜 腐皮 蟲草 之類之類 最重要係有雞仲要份量唔少！唔知係咪因為有雞油嘅緣故 所以佢食落去都係keep住咁熱 碗米線唔會好快凍 如果大家唔想揀譚仔又或者想食清淡啲 我覺得呢一間都好值得推薦俾大家！有機會下次經過我都要再食多次！

今日約咗朋友一齊去食主打雞湯米線嘅✨農米莊😎我哋都叫咗🐥椰子雞湯米線🍜👉椰子雞湯米線🐥以椰子做湯底，上台時已經聞到濃濃嘅椰子味🥥，餐廳更加上少許椰絲，將椰絲同湯底混合後，椰子味更濃👍🏻而雞肉吸收咗椰子湯底後，味道鮮甜，質地有咬口，雞肉數量亦都好多☺️餐廳亦都好有誠意，個米線唔止跟有椰子湯底同雞，更付上咗冬菇，腐竹，豆卜及生菜等等✨非常豐富😆另外，米線質地爽口唔腍👍🏻非常加分，總括來說，呢碗米線CP值高！價錢相宜😆

🚶🏻‍♀️🚶🏻‍♀️買嘢經過旺角見到間米線行咗入去坐低叫左碗藥膳雞湯米線, 嚟到碗嘢唔熱都算，但係點解件雞係生嘅⋯⋯ 🤢🤢🤢搵老細娘嚟睇吓，點知佢嘅解釋係：係咁架喎，海南雞咁吖嘛 🙄🙄🙄 然之後若無其事去我隔籬枱落單⋯⋯ 完全冇處理過咁就行開咗 🤯🤯🤯 有冇少少搞錯？😤😤😤係，weekend 係好忙⋯ 但係我都係食客喎 🥲🥲🥲結論: 旺角大把米線，唔該記住揀過第二間 👌🏻👌🏻👌🏻

可能有d涼意, 想飲d熱湯, 我食過尖沙咀厚福街分店, 亦食過金魚街的分店, 依間我久不久也有來食, 通常都會加$轉拉麵, 我多數食藥膳雞, 亦食過椰子雞, 其他就未試過, 不過今晚食, 好似d湯無之前敢好味, 過往一送上枱, 會聞到陣藥材香味, 今日就無, d湯都淡左d🤔, 但味道都可以, 連雞好滑👍, 分量也足夠👍, 如果再比較之下, 好似尖沙咀厚福街另一間新開的舖頭, 佢個度好食d了😅

已經到訪過幾次的米線店，位於旺角鬧市，係食米線唔錯的選擇。餐廳有好多特色雞湯米線的配搭，例如黑蒜、椰子、麻辣、花膠等配上無味精的湯底，十分滋味😋。餐廳仲有自選湯底同配料的米線、多款小食同飲品供應～今次叫左懷舊藥膳雞湯米線（$59），係養生健康之選，做完運動食補充營養都好啱。有肥瘦適中的雞件，唔會好鞋，配上冬菇、零耳、杞子、紅棗、川穹、蟲草花同時菜的配料。有淡淡的中藥材味道，湯底清甜，飲曬成碗湯好滿足🥰，唔會好濃藥材味，易入口，食完都暖身啲👍🏽。

自從疫情之後，所有商場同舖頭都收得好早。秋風起夜晚行過旺角想食啲暖野，見呢間開得咁夜就試吓。上菜速度都算快，姐姐服務都ok。椰子雞湯米線有椰子味，香味甜味俱備，入口順滑，雞嘅膠質有煲出嚟，唔會好稀，亦都唔會太稠太漿口搞到嘴唇痴立立，我認為濃稠度啱啱好。除咗雞之外有基本配料，唔會咁悶。唯一美中不足係落咗椰絲，我唔係咁鍾意飲湯時食到。不過飲晒成碗湯都無口渴，值得一讚。黑蒜雞湯米線黑蒜係養生之選，朋友初起感冒決定當佢食療。蒜味唔算好濃，食完都冇話特別口臭，容易入口，但略嫌個湯鹹咗少少，所以朋友都冇飲晒。

👨🏻‍🍳農米莊 (豉油街) (旺角)📍旺角豉油街68號地舖 「惹味湯飯配嫩嫩的雞😋」 食過一次之後，間吾中又會想食😋感覺好養生，雖然吾知有無味精，但系次次食湯飯/米線都連湯飲哂😝 👍🏻🍽️生滾椰子雞湯飯 (跟農米雞件) $69清甜椰子雞湯，配菜（豆卜、木耳）嗦哂汁，超惹味😋農米雞件極嫩，雞皮爽軟，有嚼感👍🏻食哂成碗，好飽😝好滿足，好抵食😝 #農米莊 #泡飯 #香港米線關注組 #香港泡飯關注組

旺角嘅農米莊係我經常幫襯嘅米線 入面啲雞大大舊 雞肉一啲都唔野小 今日我就嗌咗椰子雞湯米線 下午茶都係48蚊特色就是味道清淡、健康又美味。這道小吃的主要材料包括椰子汁、雞肉和米線。椰子汁是這道小吃的主角，它加入了鮮嫩的椰肉，讓湯的味道更加鮮美。椰子湯的口感清爽，帶有濃郁的椰香，非常開胃。接下來是雞肉，雞肉是這道小吃的主要蛋白質來源。雞肉切成薄片後煮熟，讓肉質更加嫩滑。雞肉的鮮味與椰子湯的香氣完美結合，讓每一口都充滿美味。最後是米線，米線是這道小吃的主要碳水化合物來源。米線的口感細緻滑順，搭配椰子湯和雞肉後更加美味。米線的軟嫩口感與椰子湯的清爽口感相互襯托，讓人吃得非常過癮。

雞勁「hi」：無味白灼雞，得個樣服務超級差：入門口條女服務員已經西口西面，招呼乜都無。我一個人食，當我將枱外賣枱，放滿外賣。又整呢樣整果樣影響飲食。湯底：淡無味，稀惟一好處：多菜2粒冬菇

▪︎懷舊藥膳雞湯米線 (跟農米雞件)▪︎ $59 加熱飲+5之前已經黎過食過2次，臨時轉左自己食飯，突然想食米線就諗起農米莊。入到門口位置見都滿座好多食客食緊，咁岩門口位有人走，所以唔使等位，同時門口亦有一炸等緊外賣既食客。叫左藥膳雞湯呢個，入面有芫荽、腐皮、冬菇、雲耳、杞子、紅棗、蟲草花 、時菜，同埋雞件。雞既份量都唔少，雞件質地同肉質都唔錯，起碼都有5舊，同埋米線配菜都好足料，蟲草花都唔少，面頭有大量蔥，配埋個湯滋潤又美味，平時食米線我都好少會飲埋佢個湯，但係呢個我都有飲下😋由於今日無點飲水所以加左杯熱檸水（加5蚊）整體，農米莊係會回頭既米線店👍😎

😵‍💫😵‍💫😵‍💫聽講呢間米線主打可以飲埋啲湯 我諗住茄湯應該最穩陣 但原來蕃茄蛋湯同平時飲嘅茄湯係差好遠 個蕃茄蛋應該落咗好多糖整 成個湯底都好甜 飲唔到 好失望🫠米線好淋不過都接受到 但吸晒個甜湯底所以我都食唔晒🤦‍♀️男朋友食椰子雞湯米線 佢話清清地OK 我試咗都唔錯 起碼好過我個蕃茄😂😂😂椰子味好出 佢最後真係飲晒啲湯🤔🤔建議平時手搖飲全糖嘅人先好嗌蕃茄蛋米線😅加埋杯嘢飲，兩個人夾埋106埋單🫨

麵食黎講，我真係好鐘意食米線🍜有冇人都加入左米線關注組HAHA? 😈今次食既呢間小店主打無味精湯底米線，我已經食過幾次架啦😎- 椰子雞湯米線🥥 $59配材有農米雞🐔、冬菇🍄、雲耳、腐皮、生菜🥬湯底好奶白色，椰子味都幾清甜唔油膩🥥，仲有少少奶香🍼但我覺得椰子味唔算好濃郁，調味剛剛好🤭飲完碗湯都唔會口乾，證明真係無味精✨雞肉水準有少少飄忽，有啲雞肉就好嫩滑，有啲雞肉就好乾身😂略嫌雞味有點不足🥺- 懷舊藥膳雞湯米線❤️ $59藥膳雞湯帶有陣陣藥材香 （我真係覺得香架）🤣湯底甘甜而不苦，感覺好養生🤤配料有農米雞🐔、冬菇🍄、雲耳、腐皮、生菜🥬、杞子、紅棗、蟲草花都係一啲好補身體既食材，相當足料👍同樣地，雞肉水準都係有少少飄忽🥺不過有咁多配料撈埋米線食都好正😆我之前食過幾次都係尖沙咀分店☺️我覺得果到既湯底會更加鮮甜濃味啲😗係坊間可以食到無味精湯底米線，我相當滿足🤩📍 農米莊 – 旺角旺角豉油街68號地舖@nmcnoodlehk 另有分店：太子 / 尖沙咀#justlingggxd_港式#justlingggxd_旺角

一碗連湯都可以飲埋既米線?🐤主打無味精雞湯米線/泡飯，湯底超夠味😋，會跟農米雞件5件，雞件好滑不過有少少骨🐤同一d配菜例如冬菇、豆卜、生菜等等，配米線食一流啊👍🏻我食完冇好口渴既feel💦，咁我信佢係冇乜味精啦！價錢比一般米線店舖貴少少🤏🏻🏠餐廳: 農米莊♟️地址: 旺角豉油街68號地舖 (太子、尖沙咀有分店)⭐️好味: 7/10💰性價比: 7/10📍椰子雞湯米線 $58湯底清甜，好夠椰子味🥥，係偏冇咁濃味既湯底，清清地好味😋📍喇沙雞湯米線 $57個湯幾辣但唔係辣油嗰種死辣🌶，辣當中帶點椰子同咖哩香氣，濃厚得嚟又唔會太過油膩📍花雕醉雞湯米線 $68如果中意食醉雞就一定要試下! 花雕酒味好香濃，有d杞子作配料，個湯底唔會過咸或者苦，正！🍷📍黑金雞翼 $28/3隻 或 $38/5隻黑蒜味雞翼，外層有好厚既黑蒜醬，雞翼醃得夠入味，唔細隻，咬落juicy唔乾

第一次喺呢間分店食!今次叫咗椰子雞湯米線同懷舊藥膳雞湯米線!一樣咁出色!兩個湯都唔係用味精整出嚟,椰子雞湯超清甜,全部俾我飲晒🤣藥膳雞藥材味好重,雞件唔錯幾滑

一個人，中午，順路經過，見到有位，入去坐，門口寫椰子雞米線🍜👍，但有點肚餓，想食飯，隨便叫個set lunch ，農米菇雞飯，等左10分鐘，才到，食落，好味😋冬菇炒飯，飯又熱好香，啲雞，又滑又冇骨杯凍檸茶，就正正常常