辣椒醬泰國菜

老闆同老闆娘都係泰國人，食物味道非常正宗，同我喺泰國食嗰時味道一模一樣，啲炒野好有鑊氣，鹹淡適中，已經幫襯咗三四次。马拉盏炒通菜，十分惹味！ 生虾刺身，新鲜，而且价格便宜58蚊有5隻！！ 生菜包用料正宗但不是太辣，可以為咗迎合香港人口味改良，有啲咩好食呀？燒雞呢排有特價，68蚊半隻，味道好，非常實惠。但係每次去都發現唔係好多人，問完老細之後買完呢間舖淨係開咗幾個月，所以好多人都唔敢嘗試，所以特登寫呢個食評想鼓勵更加多人去試！！！…查看更多

今日放假入元朗搵朋友食lunch，佢帶我嚟咗呢間新開嘅泰國菜，叫咗兩個午餐同加配咗一碟菜share👅泰式冬陰功湯河湯底偏辣，冇乜酸味，冇乜層次，亦都冇乜香料味😅啲蝦雖然好彈牙，但係一食就覺得係好急凍雪藏味🙈👅泰式鮮蝦炒金邊粉金邊粉味道唔錯，亦都唔會黐埋一Pat炒得幾好👍原來我哋兩款都係嗌咗蝦，所以兩款配料都唔好食，我放棄左，搞到完全冇食左肉類/蛋白質落肚嘅感覺🙈🙈👅👅馬拉盞炒通菜呢個係午餐加$25就有新鮮熱辣炒起好有鑊氣👍 唔會太油唔會太鹹，有馬拉盞香，我覺得係呢餐最好食嘅嘢😂…查看更多

我好少寫食評，亦好少影食物相，影得唔係咁靚😅呢間餐廳係泰國人厨師，我幫襯過4次。我昨晚叫左個套餐，有炭燒豬頸肉（我轉左蝦餅），酸辣鳳爪，冬陰功湯，青咖哩雞，炒菜，蝦醬炒飯，有6樣野$450抵食再另外叫咗碟炒河同蒜茸包，整體食物味道唔錯，推介佢嘅青咖哩雞😋同冬陰功湯😋，味道好香佢哋連水都有淡淡嘅斑蘭葉香味，我覺得佢哋好用心做嘢價錢唔貴，而且無收加一可惜我幫襯幾次都見客人唔多，應該係名氣唔夠隔離果間勁，所以我決定寫個食評，盡少少力幫佢宣傳下希望多啲人見到會比次機會試試佢，因為我仲想返去幫襯咖，加油頂住呀👍🏻…查看更多

依一間泰國餐廳，綱上沒有多評價，去到門口睇入面晚市得一兩台客，但隔籬泰國餐廳排晒長龍，見到都驚又有鑊氣，大膽嘗試直接入去試新嘢睇吓有冇鑊氣，冇豪華裝修，但食品可以，泰國人處理，值得一試 ，相比價錢不是太貴。…查看更多

偶然到元朗探朋友，竟見到這曾在灣仔吃過的地道泰國店在元朗開了分店。真的非常感謝這位泰國藉老闆不懼怕香港經濟不前，大眾都北上而勇敢支持本地飲食業再擴張到元朗。我尤其喜歡泰國人最喜歡的椰菜苗，小小的菜苗，一小棵一小棵混集在馬拉盞泰式椒絲碎𥚃，新鮮爽口又醒胃提神， 可配牛肉、鷄肉、豬肉片來一起炒、足夠兩、三人分量才八十元；價錢殷實經濟實惠。真不是每間泰食店都會供應的， 有時去到較為昂貴高級的泰國食肆也未必有這椰菜苗供應，所以每次來我一定會叫一碟獨自包攬吃清光。另外今天胃口特別好，也叫了一客泰式Pad Thai， 可口不油膩的蛋皮工整的包著鮮蝦炒金邊粉，廚師手勢好，蛋漂亮的包著熱噴噴的金邊粉、上加四五隻鮮蝦仔非常可口。店主兩夫妻是泰國人在香港工作超逾十年都曉說廣東話，有侍應講普通話。這小店裝潢親民不浮誇令我有坐在Sukhumvit 或Terminal 21 商塲內的感覺、近水樓台，不用老遠飛到曼谷太方便了。最開心是不用加一不用計人頭茶費😂…查看更多

餐廳位置係以前亞萊嘜嘜隔離！呢間泰國菜午市套餐平均5-60蚊，送湯又送飲品超抵食，已經食過幾次了✨重點係價錢經濟之餘，份量同質素都好唔錯，值得為佢寫個食評！最鍾意呢到嘅咖喱豬頸肉飯，味道係平時食咖喱軟殼蟹嗰款咖喱汁，醬汁又好濃稠，就咁撈飯都好好食💕豬頸肉唔柴，係嫩得來又有咬口！！今次仲試埋泰式炒金邊粉同埋泰式肉碎飯，十分足料，好有誠意！！好食😋而且環境闊落坐得舒服，作為元朗居民真心推介，支持小店！！…查看更多