辣得喜米線專門店

营业中

休息中

叫咗大胃王超級辣，一睇就知唔辣湯底超普通，就咁加辣椒醬紅腸係臭嘅，變壞咗魚片頭仿鮑片佳寶既韮菜餃自己包，正常豬扒硬，但起碼熱嘅手撕雞非常普通，鞋，仲要有曱甴腳跟餐嘅木耳太酸，呢個個人口味問題，應該冇變壞嘅任何一間連鎖米線店一定比佢好

今日係我史上最慘既Lunchtime, 因為帶返公司個飯盒消失咗，時間緊逼就諗住落樓下近近地買外賣食，點知係另一個驚嚇🙏🏻叫咗蘿蔔肥牛米線外賣，返到公司好肚餓，食到一半，先俾我發現入邊有一隻疑似小曱甴嘅甲殼類昆蟲，大概係手指尾一節既一半咁大。即刻停低食唔落，但係我可以點，已經食咗一半。放工之後落舖頭諗住同返店家講，但係可能唔係營業時間，佢哋已經閂咗門，咁冇辦法啦，OpenRice見啦。大家睇完自己衡量吓食唔食啦😂

日日都經過依間小店，朝早見到佢哋會賣燒賣、腸粉、糯米雞～午市有客飯、米線、薯粉等，價錢親民份量多，所以好多附近返工嘅工友都會幫襯🫡✴️蠔仔炸魚皮頭撈薯粉（唔辣）✴️因為要唔辣，所以主要係甜豉油撈薯粉～幾家常嘅味道，唔會太重口味，好易入口，每條薯粉又有味道，意想不到好食🤩蠔肉好肥美，咬落仲會爆汁🤟🏻✴️海蜇手撕雞米線（BB辣）✴️湯底幾清，BB辣真係唔會好辣🙈配料幾多，仲有花生、榨菜，有咬口同幾香～✴️拍青瓜&炸雲吞✴️兩碟都係跟餐小食，拍青瓜唔太好食，可以Skip🙂反而炸雲吞就幾出色，跟餐size都有成4大隻，炸到卜卜脆，滿意！

每日lunch time 諗食乜都唔係咁易 而我個人比較鍾意湯粉湯麵 多過飯 見到呢間米線有蠔仔揀 所以想試下🫢💁🏻‍♀️酸辣湯微辣 鮮嫩蠔仔古法手撕雞米線呢排為咗皮膚 唔食咁辣住 揀咗微辣 真係好輕微😂 下次要叫返真辣😝 蠔仔真係好鮮嫩&肥嘟嘟 都有成六七粒 算係咁 反而覺得+咗$8嘅手撕雞 相比之下 份量算少 米線份量都算輕食份量 我就ok 但如果大食少少嘅朋友仔可能加啲小食會好啲 整體味道都唔錯 絕對會encore 下次想試試佢地嘅豬扒😋

前陣子和老婆在天后探望完朋友後，在附近閒逛和搵好西😆由於天氣太熱，我們不是很有胃口，便選擇了食米線😝-這次光顧的米線店是剛開業不久，座位等設施都很新淨，環境舒適👍🏻餐廳主要售賣各款以辣味為主的中式米線、撈薯粉和泡飯，其次是不同款式的小食和地道飲品😋食物價錢不貴，份量亦有番咁上下，性價比都幾高🤩-1️⃣秘製豬扒韭菜餃酸辣米線 $54 豬扒有2大塊，很厚身，炸得很香口🤤韭菜餃皮薄餡靚，粒粒漲卜卜，非常足料🤩米線的軟硬度適中，不易斷😍我點了酸辣度小辣，食得開胃之餘，不怕太辣而食唔到，浪費整碗麵👍🏻-2️⃣蠔仔魚片頭撈薯粉 $58蠔仔新鮮肥美，有成十幾粒，真係好抵食🤩魚片頭炸成金黃色，睇得又食得😋薯粉是粗身那款，煙煙韌韌，吸收了辣汁後，麻麻辣辣，配埋蔥花、花生粒和酸菜來吃，味道更香更豐富😍-3️⃣麻酸辣海蜇拼手撕雞 $49海蜇爽口，手撕雞又夠滑，味道又酸又辣，食到人停唔到口😋-4️⃣單骨雞翼 (連主食和一飲品，另加$16)雞翼裹了一層薄薄的炸粉，即叫即炸，外層鬆化，雞肉嫩滑多汁，面上灑了一點辣粉，越食越想配番杯啤酒啤啤佢🤣-5️⃣炸雲吞(連主食和一飲品，另加$16)雲吞同樣即叫即炸，餡料是一些新鮮豬肉，蘸番薯醬食

週五晚相約好友喝酒狂歡前要先速食點東西打底於酒吧附近找到一家米線小店，以無味精作招徠天氣越熱就越是要吃辣才過癮，是夏季不可或缺的消暑聖品餐廳環境寛敞，裝修走簡約風，格局現代摩登米線用的乃豬骨湯底，真材實料，有不同辣度作選擇三心兩意套餐奉送小食及飲料，湯底有辣有不辣鮮嫩蠔仔拼豬手米線有7至8隻肥美鮮蠔，麵條彈牙黑漆麻烏的香麻木耳又大又脆，香麻味十足卻不辣口加$6可配特飲凍檸樂，把檸檬片放入可樂之內消暑又解渴秘製炸豬扒三件酥脆入味，厚薄適中，色香味俱全

夏天熱辣辣唔知食咩好，下午茶時間去咗食米線平均40幾蚊一碗，加$16就可以轉套餐，包小食同埋嘢飲，幾抵食豬扒雲吞清湯米線$54叫咗個雙拼米線，豬扒有兩件，即炸好脆口雲吞有成六粒，個份量的幾誇張雲吞皮好薄好滑，內餡正常發揮蠔仔濃湯泡飯$46豪仔大大粒好滋味，泡飯煮得夠淋，岩大食好口味轉套餐$16小食都幾多選擇，大食妹就揀咗上湯生菜值得一題飲品，叫紅豆冰係唔使加錢，紅豆煲得夠溶，不過冇粗飲管，要用匙羹畢來食，有點失色檸檬西洋菜蜜$19檸檬西洋菜蜜酸酸甜甜，夏天飲好解渴

辣得喜原址係較近天后地鐵站食肆街果邊，後來因鋪頭漏水原故，搬遷到現時介乎炮台山與天后中間位置，人流冇咁旺盛，黎得食嘅都係街坊、舊客。新鋪承接上手茶餐廳裝修，似賣清湯腩，同招牌嘅米線格格不入😅😂論環境黎講，真係噏揼咗啲，不過老闆同店員都較友善，感覺人情味濃。是日為假日下午茶時段，有數枱客人，座位唔會過迫。招牌豬扒酸辣米線 $46整體還可以，配料十足，毫不輕手。米線係較粗身嗰種，有咬口。豬扒大大件，亦都入味。味道就好似阿一豬扒酸辣米線，不過好食少少😂鍾情豬扒酸辣米線可以試吓，價錢抵～

係炮台山果邊幫朋友佈置酒店房慶祝、夜晚先見肚餓就去左附近嘅餐廳食個快飯，點知有驚喜🤤今次叫咗：1️⃣蠔仔魚片頭麻酸辣撈薯粉見鋪頭個靚姐推薦蠔仔好食就試下，果然冇介紹錯，蠔仔隻隻都蠔身飽滿，洗得好乾淨冇食到蠔殼👍🏻薯粉都煮得岩岩好，唔會太淋❤️2️⃣秘製豬扒米線+蝦丸我個人係好鍾意食豬扒米線，但最怕就係有啲鋪頭豬扒真係炸得好乾🫠呢間有豬扒不得不讚！調味岩岩好之餘仲要肉質juice👍🏻打緊食評嘅呢刻，已經有少少掛住個豬扒米線🙈蝦丸口感係比較實，唔係爽口彈牙果type ,不過不失~3️⃣炸雲吞$46蚊有10件，食落一啲都唔會覺得油膩，炸得非常鬆脆🫶🏻服務方面，店員姐姐態度好親切我會因為個豬扒再去幫襯～下次試埋其他野先🤤

由於工作關係🙃難得星期六也要回公司終於有機會可在附近享受一頓晚餐上網搜尋見到有間新開的米線店📱配料較為有特色 並不只是雞肉豬肉丸類等而且自己亦非常喜歡吃辣🌶就決定食一下🦐 香炸手打鮮蝦丸 $48上枱依然冒着煙🔥新鮮熱烘烘外皮非常薄脆卻又完全不覺得油膩然而蝦肉丸味道非常鮮美😋彈牙惹味內裡更有著粒粒爽口的蝦肉 感覺十分足料🥢 單骨雞翼若轉為套餐 +$16 會跟小食及飲品可選單骨雞翼/炸雲吞/豬皮/時菜/蘿蔔雞翼炸至微微香脆👍🏻內裡肉嫩多汁灑上辣粉後更為滋味 而且同樣即叫即炸可見店主相當用心💕就算跟配亦絕不馬虎🍲 自製韭菜餃米線-麻辣大辣 $39一份有足足五大隻😍看起來皮薄餡料飽滿包著滿滿豬肉和韭菜 肥肉不太多入口陣陣的肉香以及韭菜香氣充斥口腔👅沒有因過鹹的調味而蓋過本身的食材滋味個人極之喜歡❤️❤️真心推薦‼️而米線也頗為特別 並不軟淋 較粗身爽口唯湯底味道較為清甜🤘🏻不會太濃郁另外餐廳辣湯可分為魔鬼椒/麻辣/麻酸辣

我都幾鍾意湯麵，幾乎日日都食🩵今次試咗天后呢間粉麵店，集港式同川菜元素，幾十蚊有齊幾餸麵、小食同飲品，可以一試。呢度嘅薯粉煮得夠時間，漲卜卜Q彈索湯，唔會好似出面嗰啲咁硬。湯底可以自選辣度，酸辣、麻辣、清湯都有。呢度少有地有得揀蠔仔做餸☺️肉類全部大大塊又入味💜值得一讚嘅係，佢有好多唔同款嘅玻璃樽裝可樂‼️食呢啲熱野辣野，一定要嚟一枝玻璃樽裝可樂先夠Gur☺️店員態度好好，而且環境整潔，值得一試💟

首先唔好俾個招牌嚇親，雖然間鋪叫「辣得喜米線專門店」都可以揀食辣同唔食辣嘅😉除咗米線之外，仲有泡飯、撈麵、小食等，價錢仲好大眾化。鮮嫩牛肉米線熱辣辣嘅米線，滿滿的鮮牛肉鋪面，呢度嘅米線比平時食開嘅粗，米線軟硬適中。牛肉鮮嫩，份量啱啱好，仲有數條生菜。胡椒鮮牛併仿鮑片湯泡飯+柚子蜜胡椒湯味夠濃，湯底好飲，而且有大量肉碎、蔥花等。泡飯飯粒挺身有咬口，吸收湯後更加入味。加埋香滑鮮嫩嘅牛肉，鮑片味道鮮甜，口感煙靭腍滑，非常好餸飯。

同男朋友去完油街實現後，在附近覓食。行到金都洋樓附近，見到這間小店，男朋友被他的蠔仔湯飯吸引了!!!所以就即管試一試~小店裝修簡單，沒有豪華漂亮的裝修，賣的是食物美味!!餐牌有泡飯、米線和撈薯粉可以選擇，湯底有魔鬼椒、麻辣、酸辣和唔辣選擇。☁️蠔仔濃湯泡飯 $48推薦!!!有驚喜，鮮甜濃郁，甘香鮮味!!湯底清而濃郁，蠔仔粥大概10多粒，粒粒飽滿，好新鮮嬌嫩，不會煮得好老。☁️古法手撕雞米線 $39米線是少見的粗米線，很爽口彈牙，不容易煮得軟!!很符合我的口味，個人比較喜歡煙靭有口感的米線!!!!湯底清清地，選了小辣有點麻辣味，感覺可以選更辣!!會更惹味~有四塊生菜，手撕雞雞肉都嫩~紅豆冰加$9，紅豆冰沒有太甜，不錯!☁️香炸手打鲜蝦丸(八粒）$48推薦!!新鮮炸起的手打炸蝦球，熱辣辣。入口彈牙!!☁️酥炸單骨雞中翼（八件） $38即叫即炸，雞翼都好鬆化，有少少調味粉吊味~不會油膩。

放工後要搵啲嘢刺激吓，大家千祈吾好唸邪野，我只係想刺激吓味蕾之嘛🤭辣得喜近水樓台，距離我公司不遠的小店，亦成為同事們的開飯點。平時 Lunch Hour 爆到七彩，晚上來則可以任坐。大家目標明確海蜇拼手撕雞麻酸辣撈薯粉 $55麻棘醬汁相當多，基本上所有薯粉都索曬汁，麻麻的味道很過癮，辣度對我而言剛好，加埋酸菜、花生、香蔥令味道更豐富。但我差點看不出海蜇和薯粉的分別，但海蜇就明顯地十分爽口，薯粉則帶點煙靭度，手撕雞份量小左啲，味道正常。鮮味蠔仔拼仿鮑片濃湯泡飯 $48湯底清甜滲出胡椒粉香氣，可以剔腥也令人增加食慾。咪睇蠔仔細細，但個肚漲卜卜，肥美又鮮味，煙靱的仿鮑片亦帶鮮明，無論外形或味道也幾可亂真，感覺很清爽，令人不其然地一口一口將泡飯吃下去。香麻黑木耳爽脆黑木耳少麻不辣。上湯蘿蔔蘿蔔清甜，稔啲仲好。酥炸單骨鷄翼共十隻，平均$3.8一隻，超抵食即叫即炸，超鬆化，鷄肉同時保持嫩滑，略嫌肉香不足。套餐+$16加配小食、飲品

最近行過天后 見到喺暗暗嘅大街上有個好搶眼嘅招牌 原來又係食米線嘅舖頭梗係要走入去試吓啦撈得起系列揀咗個蠔仔魚片頭麻酸辣撈薯粉蠔仔同魚片頭嘅份量適中蠔仔好肥美 又鮮味魚片頭都好香口彈牙薯粉都煮得好彈牙 係粗身嘅薯粉叫咗麻酸辣小辣 都幾辣個辣味幾突出會附上一碗清湯 清湯有啲胡椒香味 幾好飲加咗$9追加左杯凍檸檬菜蜜 解下辣朋友揀嚟揀去都唔知食乜所以就係三心兩意套餐入面揀咗個新鮮濃味豬雜米線豬雜有腩肉粉腸豬肚同豬潤豬雜洗得好乾淨份量適中湯底都係叫咗麻酸辣小辣配埋啲豬雜都幾夾套餐有小食飲品小食叫咗香麻木耳木耳好爽口 麻香味重仲有一支外型好懷舊嘅可樂好鍾意食香口嘢嘅我仲加咗個香炸手打鮮蝦丸 $48 有八粒炸到好香脆 蝦肉彈牙正呀😊😊😊😊員工態度好有禮貌真係要支持下呢啲小店