辣得喜米線專門店

营业中

休息中

星期六聽咗朋友介紹去食米線,舖頭位於炮台山站附近。我哋一行兩個人分別叫咗一個大胃王米線、一碟油菜、一個炸雲吞、一碗暖胃之選蠔仔泡飯、一碟韭菜配雲吞, 餐飲就叫咗一杯凍紅豆冰同一杯熱柚子蜜。個碗大胃王米線，真係並非浪得虛名,份量多得驚人，有兩大塊豬扒,幾隻韭菜餃,幾隻雲吞,少少雞絲,花生碎同豆卜,配埋煮到軟硬適中嘅麵條,堪稱一絕而蠔仔暖胃泡飯蠔仔新鮮,配埋芹菜肉碎花生,香味十足！而炸物雲吞炸到金黃，入口爽脆。最後不得不提係嗰杯紅豆冰,紅豆量多, 奶味香濃!

兩個唔食辣嘅人去食「辣得喜」🤣好在有辣有唔辣任君選擇🌶🐂蘿蔔雪花肥牛米線($39)，加3蚊轉蕃茄湯底🍅佢嗰蕃茄湯好住家阿媽煲嘅薯仔蕃茄湯嘅味，真材實料，好清甜健康，冇加茄汁茄膏加色嗰款。🎐海蜇雞絲撈薯粉($55)，小辣🌶鍾意呢種可以同麵「全面融合」呢配搭，每一啖都食到至少3種食材嘅口感：海蜇嘅爽+雞絲一絲絲肉嘅纖維質感+薯粉嘅滑😋（喺我嘅美食定義，炸豬扒雞翼嗰啲炸完放款餸上面嘅為「非全面融入」🤣）所有麵或飯全日加$16配小食同飲品，好抵，基本上一定要加🤩加配嘅炸雲吞有4隻、單骨雞翼就有3隻。呢度嘅炸物都幾出色，乾身香脆冇冧油，碟底完全冇油。🏆但全晚最GOOD嘅係手打炸蝦丸🦐($48 八粒), 吉列嘅炸皮加上新鮮彈牙嘅蝦丸🟡CP值好高

位於天后的米線專門店，紅噹噹的招牌以及店的名字，主打的是辣，麻辣、酸辣湯底的湯麵，亦有不辣及飯類選擇。美味小食：麻酸辣海蜇拼手撕雞海蜇墊底，爽口又彈牙；手撕雞撕得仔細，每條都沾滿酸辣醬汁，兩款食材配搭得很夾。特色酸辣湯米線：鮮嫩蠔仔米線加料：自製韭菜餃蠔仔肉嫩，粒粒飽滿；韭菜餃外皮非常薄，豬肉跟韭菜餡料，韭菜味突出。米線煮得軟腍，很掛湯。上面灑上蔥花、酸菜及花生。獨辣推介：大胃王米線 份量較大碗，每樣配菜都有些，如韭菜餃、豬扒、魚片頭、手撕雞、炸紅腸，可以嚐到不同食材。湯底酸菜蠻多，麻辣卻不強，桌上有額外辣椒油可以自行添加。秘製豬扒大大塊連骨，外皮酥脆，肉質結實。另外，還可以轉成全日套餐，包一份小食及飲品。

餐廳：辣得喜米線專門店地點：天后威非路道菜式：米線餐牌：獨辣推介（有辣有唔辣），撈得喜系列，暖胃濃湯泡飯系列，滋味飯餐系列，特色酸辣湯米線，三心兩意套餐，全日貼地套餐，美味小食，地道飲品等等。鮮嫩蠔仔拼豬手米線 $57鮮嫩蠔仔果然鮮嫩，多汁又嫩，份量都唔少，好味。豬手兩大隻，滿滿骨膠原，夠淋，味道貼近原味。幼身米線好滑溜，份量唔少。配有酸菜，花生米，同蔥花。我地叫左微辣，個湯基本上唔辣，少少胡椒味。送小食三選一，我地揀左香麻木耳。木耳蒜蓉味濃，唔辣，墊有一片生菜。蠔仔魚片頭麻酸辣撈薯粉 $58蠔仔一樣鮮嫩。魚片頭3件，好彈牙，魚味濃。薯粉又滑又煙韌。一樣配有酸菜，花生米，同蔥花。我地叫左微辣，味道比湯米線濃少少，我覺得剛好，好味呀。加$16轉套餐，跟指定幾款小食選一加飲品。小食揀左時菜，係一個飯碗裝住生菜，健康。紅豆冰加$16轉套餐就有埋紅豆冰，抵。紅豆冰叫左少甜。椰汁味適中唔過甜，下底好多粒粒紅豆，都唔會太甜。凍檸賓 跟餐加$3凍檸賓有3片檸檬，味道唔會太甜，健康解渴。麻酸辣海蜇拼手撕雞 $49麻酸辣海蜇拼手撕雞大大碟，果然係幾辣，味道又辣又酸，麻度就唔重。而海蜇份量唔少，又滑又爽，

無辣不歡既我，有日路過見到開左呢間餐廳，紅卜卜既招牌，睇落辣得過癮🌶️大胃王米線 $60 +$16 仲可以升級全日套餐包小食+飲品咩都想食就叫左呢個大胃王米線，餸既份量都好多，韭菜餃2大粒，皮薄餡多肉汁豐富，大量麻辣雞絲，雞肉都好入味，麻麻香香咁，仲有大大塊既豬扒🤭同魚片頭等等，真係好豐富，湯底就簡左麻酸小辣，麻麻香香又帶啲啲酸，好開胃，米線麵條比較算粗身啲啲，咬口彈牙惹味酸菜魚片飯 $58（送時菜+飲品）魚片肉身好厚身，口感仲要勁細嫩，非常好食，仲要無骨架🤤，湯底味道都好惹味，酸酸辣辣咁，好岩送飯，入面仲有大量肉碎同酸菜麻酸辣豬肚絲 $42豬肚絲份量好多，切得厚度適中，味道好入味，麻酸香味濃郁，豬肚絲口感好彈口，肉感十足，惹味又好食😋套餐包 上湯時菜上湯會唔會太鮮甜😂，浸到成個生菜🥬都好好食凍檸茶x2*佢既辣椒醬都好好好食🤤

聽朋友講辣得起嘅雞好好食，之前一直冇機會，而家終於試到。午市米線套餐好抵，$45有三隻雞翼一碗米線仲有一杯凍飲，如果熱飲就平$3。雞翼非常嫩滑嘅炸雞翼，雞皮炸得啱啱好完全唔多炸粉，所以係好脆口唔硬，雞肉調味非常特別，而且好有味道辣度唔辣，中辣都一啲都唔辣，下次食嘅話可以試吓大辣先。份量非常足夠，完全食唔晒。老闆好人，職員又好好，特別安排咗卡位俾我哋坐得好舒服，就算午市都唔會琴琴青收碟好似趕你走咁，有機會一定要再嚟食🤤味道🤤： 4/5🏝️環境🏝️：4/5💵抵食💵：5/5💁🏼服務💁🏼‍♀️：5/5