影片
凉凉地最岩食梗系大排档，经好友介绍黎到辣哥小厨，晚上时间店舖全场爆满，约15分钟先有位，经人手点了以下食物：1. 惹味鸡煲(小辣)：基本上配料有鸡、葱段、葱头、红椒、洋葱、豆卜外，估唔到有猪肝，整体味道适中唔会太重味。2. 蒜蓉炒豆苗：豆苗冇渣，炒得几靓几好食，份量多，唔错。3. 椒盐脆豆腐：豆腐好滑，好爽身一粒粒唔会散，忍唔到口会不断食。4. 麻辣牙签仔炒牛肉：小辣都好辣，食到出晒汗，用牙签吉住牛肉黎炒，花生都炒得几脆口，如果饮埋啤酒一流。5. 豉汁黄鳝煲仔饭：有大食大，即叫即制预30分钟，煲得好靓，饭焦金黄色卜卜脆，鳝已去骨可以大啖大啖食。整体上好食，以上小菜个人最爱「豉汁黄鳝煲仔饭」& 「椒盐脆豆腐」。而且服务态度亲切有礼，冇漏单上餐速度亦好快，只系煲仔饭即制所以等耐左，但绝对值得。期望下次食「椒盐九肚鱼」。
继续阅读