辛之作手工糖水

营业中

休息中

🇯🇵日本紅豆椰青芋頭露手工糖水，傳統之餘帶有新意⛄️冬天係芋頭嘅季節，特別香濃芋頭係唔係一粒粒嘅，打溶哂～口感綿滑配埋粒粒紅豆同埋椰子肉特別香同埋好有咬口店舖採用冰糖，味道偏甜環境⭐️⭐️⭐️⭐️⭐️員工態度⭐️⭐️⭐️⭐️⭐️好味⭐️⭐️⭐️⭐️多樣性⭐️⭐️⭐️⭐️⭐️（店內有出售湯品、小吃）

今日心血來潮好想食糖水咁啱經過見到餐牌好吸引所以試下鋪頭空間唔大相信屬於小本經營環境好乾淨好光猛我就叫咗個楊枝甘露加芋圓講真成碗糖水包裝好靚價錢都唔貴睇得出係有心經營做好每一個部分員工好nice好有禮貌地點唔算就腳但有客人堂食緊講返個楊枝甘露先好足料味道好好芒果一啲都唔酸糖水質地好結身唔似其他糖水鋪咁稀到水咁值得一讚估唔到個芋圓好咁好食好彩加咗鋪頭應該主打中式熱糖水見menu有好多款式下次一定會試下其他熱食

腰果露真心正喎!磨得好幼滑好香濃,唔會好甜,真材實料,仲有腰果粒可以落落去食!加埋湯圓食好好食!湯圓係芝麻湯圓,好煙韌😻另外叫多個超特別嘅栗子蓉椰汁西米露,栗子味嘅幽香超好食!呢度嘅糖水食落去唔係好甜,感覺比較健康,不錯不錯!

新鮮海底椰椰汁雪燕桃膠露✨ $48 3.8/5😋雖然份量唔係好大，但作為飯後甜品size都還好🤣椰汁味好香但唔會死甜幾清同舒服！雖然桃膠同雪燕份量都唔係好多，但整體都唔錯！食落幾滋補🥹自家製芝麻糊配蛋白燉3.6牛乳🥛 $38 3.6/5😋芝麻糊又係好香同好滑，同唔會好甜🤩🤩不過蛋白燉牛乳就唔算太重味，都係比芝麻糊嘅味蓋過咗🤣不過口感都唔錯！幸福滿滿流心芒果布甸🥭 $42 4/5😋芒果布甸味道唔會太化學🤣口感都啱啱好，流心就幾有驚喜！食到酸酸甜甜嘅芒果醬😍😍整體嚟講價錢有少少貴，因為份量唔算太大🤣食落就正常唔會伏嘅糖水！如果夜晚想食糖水又喺附近嘅都可以一試！

這間糖水店，我和家人幫襯了無數遍。每次都無失望，能夠看得出每樣甜點，都是用心製作，有自家製的色彩。先說他的黑白，芝麻糊好有芝麻香，配上燉鮮奶，濃濃的牛奶味，配有一粒粒的芝麻口感的芝麻糊，芝麻味濃烈，是每次必吃的👍🏻👍🏻👍🏻椰汁桃膠(實際名字記不起）也超清甜，甜度是剛剛好，這個是我很喜歡的（如果不太愛甜，這個一流）。腐竹白果，很有傳統的味道，有腐竹香，濃濃杰杰的 👍🏻 這三款都是我平常必選的，但他們有時候有些時間限定的例如朱古力布甸綠茶那些也好吃。如果外賣的話，能看見店家的用心，他的器皿是能重用的，很好質素的外賣盒，我家已儲到滿滿的，能翻熱，用來儲物也很好。我照片拍得不太好，都是之前在家隨意拍給朋友看。所以我不刊登了，你們可以看其他的相片。

位於太子的一間甜品店，店鋪簡約，充滿小店風情，坐位偏少，但不減客人們對它的熱愛，見大家都係買外賣回家的。而每一款甜品都吃得出是足料之作，絕對與外邊的普通中式糖品鋪有別，價錢偏貴但值得！（我自己都已經差不多試齊了各種中式糖水）____法國粟子蓉椰汁西米露 HKD$ 40意想不到的驚喜！第一口吃下去已經吃得出陣陣粟子清香，喜歡吃粟子的朋友都知道，粟子的產品很多時都是不夠粟子香。但這一個粟子蓉椰汁西米露，第一口先吃到粟子香味，然後就是淡淡的椰汁香，西米亦很大粒同時很有咬口，正！小確杏（杏仁雪燕配蛋白燉3.6牛乳）HKD$ 48這個小確杏的確是足料，杏仁吃上口沙沙的，杏仁味香，甜品中間心夾著透明黃色雪燕，不錯。甜品底部就是蛋白燉3.6牛乳，不得不說真的好吃！滑滑質感，牛乳味香而不膩，配著杏仁雪燕吃是不錯的組合！*當天沒有點黑芝麻，但我很推薦這個！____評價：🥣 高質中式甜品❤️ 足料之選🏠 小店情懷推介指數：❤️❤️❤️❤️（五個心心為滿分）___地址： 太子界限街12A號興隆大廈

係太子食完晚飯，食得唔夠意猶未盡，於是去咗食糖水，呢間糖水用料好特別而且好多款都係一般糖水鋪無得賣。 入到去發現地方淺窄，鋪頭大概有5張枱，人多既話可能要排一排隊。叫咗個6號，新鮮海底椰椰汁雪燕桃膠露$48另一個叫咗個15號，日本小山圓抹茶奶凍配紅豆麻糬$38抹茶味好濃而且又唔會太過甜所以啱我口味，失色既地方係奶凍太過結實，如果可以軟身啲就完美。至於新鮮海底椰椰汁雪燕桃膠露，好香椰汁味同埋桃膠浸發時間足夠，口感唔會好硬。不過份量我覺得再多啲就會更好 🙈

呢間辛之作手工糖水好似本身係網店起家，宜家係太子開左實店。見好耐冇食過中式糖水，一於黎試下佢。試左一個腰果露同埋一個芝麻糊，兩個比我既感覺都係好真材實料😳之後會想再試下佢其他甜品。1⃣️滋陰補腎腰果露配腰果粒粒（$42） 唔係好多甜品店有得食腰果糊，就算有多好多時整得好水好稀🙈呢間就好唔同🤩一畢既時候已經feel到有料到！係濃稠既質感，食落都係好濃好香既腰果味。另外仲有一小盤腰果粒粒，雙重口感同埋亦都令腰果味道更加double up！呢個好好好味，值得再次encore～  2⃣️自家製芝麻糊配核桃芝麻脆脆（$38） 芝麻糊都好正～比起一般出面甜品店食到既更加濃稠！果然係真材實料既手工甜品👍另外芝麻糊唔會太甜，呢個亦都係一個加分位。配上核桃芝麻脆脆，啲脆脆係偏甜既，細細碎碎咁倒落個芝麻糊到一齊食會芝麻香入面食到少少甜甜地既脆脆，有種食緊芝麻糖既感覺，好正！係出面食唔到既味道。  

辛之作手工糖水 (旺角)法國栗子蓉椰汁西米露 $40好少地方會有栗子嘅中式糖水😍texture比較稀 但好滑好濃嘅栗子味❤️裡面會有啲栗子粒粒西米唔會好淋 有少少咬口✨栗子控必食日本紅豆椰青芋頭露 $42裡面有啲椰子肉 同紅豆幾特別🤣芋頭露會比栗子西米露甜啲但芋頭味都係好濃texture比較厚身相對起栗子西米露 就比較普通但都唔錯✨整體每款甜品都幾有心思❤️比出面嘅甜品鋪特別！但價格比較進取🙈應該會encore😽😽

想試好耐，不過價錢真係有啲貴聽聞呢間係網店轉實體店，不少支持者由於附近嘅糖水都麻麻地，決定試吓啦個餐牌真係寫得好仔細😂個名好清楚你食緊啲咩🍵日本小山園抹茶奶凍配紅豆麻糬$38抹茶味濃，不過奶凍唔算係好動L，唔食紅豆🫘嘅我就唔試喇☕️日本小山園焙茶奶凍配原粒杏仁榛子粒粒$38焙茶係我叫嘅，焙茶相對上更得我心，不過一樣，奶凍比較實在，加上冇加奶嘅關係，真係差少少。nuts鋪天蓋地咁多，口感多咗咬口但食完整體感覺較乾！最重要份量真係少得可憐，知道係真材實料但就係食完好似冇食過嘅感覺！你睇吓個倒三角嘅cocktail杯咁🍸幾啖就冇，相同價錢性價比返貴價甜品店都少咗有1/3嘅量🥛樹記腐竹薏米白果糖水$30🌰法國栗子蓉椰汁西米露$40+湯圓$10試咗一啖，第一次見有栗子中式糖水，非常特別！平時喜歡食栗子但唔鍾意食栗子蓉嘅我都覺得OK！一定要試！

自從「潮洲人」搬走後，很快便見到新店在裝修中，原來開了一間糖水舖；在網上找資料，原來都幾出名，她先在網上開設店舖，因不惜工本全部用上靚食材，水準自然有保證，所以深受食家們的喜愛，之前在錦上路開設車仔檔，最近才正式喺太子開始鋪頭。最出名又係最抵食嘅，當然係「樹記腐竹薏米白果糖水」$30，食落好香嘅腐竹味，仲有少量未完全溶化晒的腐竹，薏米煮得好淋，真係清甜滋潤又好吃；而且價錢只係 $30元一碗，值得推介。「日本小山圓焙茶奶凍配原粒杏仁榛子粒粒」$38，喜歡吃焙茶嘅朋友，呢款奶凍你一定會喜歡，因採用逾三百年歷史的小山園茶粉，水準自然高人一等；味道濃郁豐厚，香氣馥郁，試過你就知好食；表面鋪滿原粒杏仁及榛子粒粒，不但增加口感，也令層次更加分明，老婆大讚好食！臨走前見櫃面放有「秘製法國鵝肝腸 加 特瘦臘腸皇孖裝」 $108，一於買返去試吓。辛之作手工糖水地址: 旺角界限街12A號興隆大廈地下2W號舖電話: 95594465

得知網上人氣甜品店開左實體舖，當然要趁休息專程去試一試啦～ 果然係一試難忘♥️一入去迎面已經撲來一陣炒栗子🌰既香氣，入面木系裝修，簡潔乾淨明亮。今次試左王牌腰果露，超濃郁超香nuts味，再加上有碎腰果，令口感更豐富！佢個粒粒腰果係on side 自己加上去，所以唔喜歡太多口感都可以唔加🐿除此之外仲試左另一款季節限定，無花果秋梨桃膠雪燕露，非常清新滋潤，啱曬秋冬季節呀🍁

之前食開佳記，呢間新開大概兩個月，之前食過一次之後，不斷幫襯。總結一下，我之前食過幾款甜品：腐竹薏米糖水：腐竹煲到溶晒，唔係一塊塊，非常香滑。但個人口味覺得稍為甜咗少少。腰果露：另一招牌作，好少聽過其他糖水舖有呢款，非常結的糊狀，好香好味。杏仁露：食得出好多磨杏仁口感，非常足料，相對其他糖水，呢隻最少甜，健康人士之選。流心芒果布甸：布甸中間留一層流心芒果汁，幾特別，但坦白講味道分別不大，算係幾好食，不算太驚喜。綠茶奶凍：聲稱係日本綠茶製作，味道偏甘苦，我識得出好濃綠茶味，可能綠茶味太重我覺得麻麻哋。結論：呢間同佳記水準基本相同。糖水我只會幫襯呢兩間。

喺仲未開實體店嘅時候已經喺網上有訂過佢嘅糖水，冇諗到宜家開埋實體店，之後想食就更加方便啊😆佢嘅王牌係腰果露，但由於今日食得太飽，所以就試吓其他新野😆椰汁塗膠雪燕露有好香椰奶味，桃膠同埋雪燕都好多好大粒。龍眼桃膠有好濃厚嘅龍眼甜味，凍食嘅話會更加好食😋最意想不到嘅係黑白雙拼，芝麻糊拼牛奶凍，芝麻糊冇苦味，牛乳奶凍又夠滑，味道一流！舖頭嘅裝修都係偏向小清新風格，好乾淨，坐位闊落，最啱食完飯過嚟同朋友一齊食糖水傾吓計😆

朋友介紹有間好似診所既糖水舖，幾得意幾好食，所以帶我去試下入到黎地方細細，有d診所feel，又有d似日本，有自助加水處，好細心櫃檯同舖面店員都好友善同有禮，會同客人傾計，同隔離枱詳談好多話題，好似老街城咁，好有人情味白果薏米腐竹糖水夠棉滑，唔會太甜，足料白果薏米，好食黑芝麻糊墩鮮奶(黑白配)有凍同熱揀，熱要等幾分鐘，面頭黑芝麻糊夠香濃幼滑，亦唔會太甜，配上奶味香濃既燉奶都幾夾餐牌同牆身上都有好多選擇，期待下次試其他甜品