影片
营业时间
今日营业
07:00 - 01:00
星期一至日
07:00 - 01:00
以上资料只供参考，请与餐厅确认详情
呢间又系位于水车馆街嘅面店，本身睇上去门面冇乜特别，点知内里装修非常古色古香，有大大个簷篷在厨房门口。先睇吓餐牌，原来有酸辣、牛杂以及牛腩，不过酸辣牛杂都听落唔错， 一次过就可以试佢嘅酸辣汤底以及牛杂的味道。我叫了酸辣小酸，的确不算太酸，酸辣味道的辣味还是够劲秋，吃到后来都要喝点东西才能解辣；面条好像份量都不算太少，最令人吃惊的，反而牛肚非常之出色，辣得来又入味，叫你喜出望外的那种味道。其他牛杂就没甚么特别，就是汤底衬在牛杂特别，吃得过瘾店内还有一只相当可爱的小猫咪，间中会在店内穿梭每个角落，相当惹人怜爱
继续阅读
抵食抵食三十几蚊一个云吞面再加十几蚊有个菜劲大碗食多啲菜先健康 所以叫左两个菜心😂😂劲抵食 自己煮都要时间啦买外卖 价钱又差吾多仲吾洗自己煮又吾洗洗野仲好味啲😌
继续阅读
又系中午同同事出去食午餐，香港仔鱼蛋粉呢个牌头相信好多人都唔陌生，今日行过元朗呢间辉记字头既就入去试试，先讲门面招牌就一如既往大大只字，铺面都算几大座位都唔少，中午都有好多人黎食午餐，由于都几多人所以餐厅环境就唔影啦。睇下餐牌午市都有饭食，仰合返d钟意食饭既朋友，而且价钱都系42蚊包热饮，冻饮加2，饭餐黎讲算几抵，粉面类都好多款，价钱有平有贵，系睇自己钟意食边款。生菜六宝河六宝分别有牛腩，牛肚，牛筋，牛肺，粉肠同牛膀，先讲讲个河粉啦，河粉质素几唔错，几实净唔会煮到散晒断晒，至于六宝黎讲我觉得等于牛什，价钱就贵左成11蚊，唔知个分别在那，咁讲下质素，牛膀我个人就唔太钟意食，呢份牛膀就比平时食既较干身同硬身d，同食果阵唔算热，似摆埋一边放干左切出黎，牛肚有2块正正常常，算几腍，牛筋我个人觉得就太腍，个人比较喜欢有咬口少少，牛肺口感都可以，味道算正常，牛腩都算几淋，有d咬口，粉肠就食落有dd怪味，腍就几腍，阵味唔太喜欢，汤底黎讲都唔算好浓味，我另外再加d潮式辣椒油落去成个唔同晒，基本上成碗野都靠个辣椒油撑起左，6宝个质素麻麻，系个河粉同辣椒油几正。另外粉面加饮品就加8蚊，冷热同价，我就加杯冻柠茶，无叫到少甜但都唔算话好甜，茶味都叫唔错，食碗热粉饮返杯冻野都好。五香牛筋饭牛筋都系偏腍啦，口感好唔好就睇个人喜好，饭都算正常，42蚊黎讲算几抵食。食完成餐就如果以香港仔鱼蛋粉既名气黎讲我觉得就略为普通d，虽然价钱不算贵但都比较一般，呢个价钱都有好多选择。
继续阅读
原来已经好耐冇入嚟元朗国，陪妈妈到他小时候住的地方行吓，天口热好想食河粉。就随便行入呢间香港仔鱼蛋粉，两点过咗中午时间，都依然有人流。妈妈食牛腩汤河加牛肚$27+$6 汤底非常之浓，先饮一啖汤头，汤底很鲜甜，色泽很好看，没有味精味道。牛腩很是有口感，牛肚非常软林入味我就食酸辣菜肉云吞转米粉$30酸菜就有啲似雪菜腌好咗，林上堂之前，就不一匙羹落碗度，味道就还可以，酸菜口感就一般。菜肉云吞不算很饱满，但味道还可以。难得可以喺$80内食到两个午餐，确是好抵食。
继续阅读
今天瞓晏咗，唔知食乜好， 咁就行下街先啦，去到 谷亭街， 见到间粉面店门面特别，装修好有中国风格，咁就入咗去食嘢好有中国feel 一坐低叫咗碗牛筋云吞河，咦! 估唔到都几大碗㖞，啲𩠌又多有三粒云吞，四五块牛筋 ，份量十足，绝对食得饱，最特别系个碗，公鸡碗嚟啊云吞一口一啖牛筋软腍适中， 但咸咗啲值得一讲就系食面梗系要加辣啦，佢哋就有两款，一款系潮州辣椒油，一款系有蒜蓉嘅辣椒酱，对我嚟讲食面一定要加辣才对味，才有灵魂，个蒜蓉辣椒酱辣得啱啱好，好蒜香味咁大碗，份量十足，味道唔差，实有下次
继续阅读