輝記雞煲火鍋 (已結業)

3人叫左個雞煲食, STAFF仲走來同我地講, 5使咁快打開, 未熟XDDD少辣,但對我5太食辣來講,都5止少辣。 雞件都幾多, 啖啖肉, 味道OK GE。但就無咩特別。

平平無奇的雞煲，雞不夠嫩，只有辣不夠麻不夠香，」價錢來講都ok, 但豬大腸太少，普普通通要求不高可以接受。地方是倒街市上面熟食中心，環境衛生來說不要要求太高，洗手間當然也是街市廁所。總括來說，可以接受，如故意找一間好食的餐廳，建議再找一找。

今天，朋友帶我到觀塘舊式街市上熟食檔吃雞煲, 起初覺得天氣咁熱還要我吃雞煲有點兒辛苦， 當走到店鋪裏面比起大排檔環境都算唔錯, 有冷氣的, 我們四個人點了一客麻辣雞煲 , 因為有朋友不是吃得太辣， 我們點了少麻微辣， 原來麻辣雞煲還可以另加配菜， 我們另加了豬大腸,豬皮, 枝竹, 豆卜, 鮮冬菇, 白蘿蔔片加進煲裏面， 吃到中途我們點了兩支啤酒, 老闆娘從雪櫃拿了四個已雪凍的玻璃杯， 我們大家眼前一亮， 可以飲到冰凍的啤酒配麻辣雞煲簡直透心涼， 吃完雞煲還可以加雞湯再點火鍋配料打邊爐, 吃得很滿足了

男人食飯，好少話要食咩好野，最緊要食開心。雖然今日係食雞煲，但食雞煲之前，都係飲兩杯，吹吹水，香口食物唔少得。所以今次要介紹既雖然係輝記雞煲火鍋，但我既重點介紹反而係送酒小食。第一道菜「炸多春魚」，火侯啱啱好，香口脆身又唔燶，新鮮炸好立即上台，正。 男人最愛「滷水併盤」，滷得入味，鵝掌大腸都好軟林林。個個鍾意「蘇炸魚皮」，打邊爐必食。最後都要介紹介紹返個雞煲，我哋叫咗一隻雞「少辣少麻」，我自己都覺得剛剛好，因為預左愈煲會愈出味。最後要推介下，呢度自帶酒水免費。

今晚約左舊同學仔食飯, 上Openrice周圍睇下觀塘有乜好食, 其實我好少食雞煲, 見食評唔錯, 價錢又唔貴, 放工7點就行過黎.一上到4樓, 見到好多人, 望真D原來係另一間店. 再行下搵下終於見到輝記雞煲. 無人既, 個下真係有D担心😱 見無乜人我都唔客氣咁坐左張4人枱, 叫左招牌奇味雞煲BB辣少麻辣 $138半隻雞 (送生菜一份,不過送完即止) 全隻都係 $198份量好足, 雞件好大舊, 夠晒味! 洋蔥好大塊😱 好似落左成個洋蔥咁, 好新鮮, 開頭有D生, 滾滾下煮淋晒仲好食! 頂級肥牛 $118 約有10片, 牛味唔算濃, 但就好淋身大蜆 $48 有6隻, 送上枱仲識陏架, 好新鮮, 不過滾熟後縮晒水🙈脆鯇魚片 $60 切得比普通既魚片厚, 所以呢…好多細骨😱 但味道係鮮既呢間店價錢唔貴, 份量足, 又好食. 我自問對服務態度好有要求, 呢度真係幾好💓 (當然啦, 會唔會係我咁好彩所以先服務好就唔知啦)埋單先知原來免加一, $400有找 😱 攪到我要寫一大篇食評讚下鼓勵😂

難得有幸參與老公的麻甩佬聚會，我梗係打扮得試試正正，費事失禮佢，話說打邊爐的地點位於觀塘街市，之前成日都聽人講話街市裏面的食肆幾好味，但係我心諗係街市中間食嘢會唔會好大陣味，但係來到現場地方比我想像中整潔好多，而且都幾有氣氛，可以一大班人喺度十下十下，又可以叫支啤酒大杯酒大塊肉，大大聲講嘢，我會稱之為麻甩的浪漫！在街市之中食風味雞煲我都係第一次，大大煲放在你面前滾下滾下，望到咁大煲，心諗，呢度止唔止一隻雞啊輝哥？陣陣香氣傳入鼻中，令人好心急想快啲有得食，滾咗一陣，終於食得，夾件大大件嘅雞試下先，食落覺得好夠味！雞煲嘅汁完全煮晒入去雞肉度，而且因為放得多莞茜同洋蔥，令呢個雞煲特別香！除咗雞，我哋仲根據落單阿姐的介紹叫咗蘿蔔同雞煲一齊煮，非常入味。輝哥本人可能係一個好慷慨的老闆，啲嘢食全部份量都幾大碟。我同老公都好鍾意食牛肉，大家叫咗頂級肥牛同埋美國肥牛，頂級肥牛大大碟好抵食，而且顏色鮮艷，好香牛味，美國肥牛以公整的井字形式排序上碟，十分之有特色。有肉食之餘，仲有新鮮大蜆，用雞煲的汁滾來食別有一番風味。識食一定食午餐肉，雞煲嘅汁香濃，同午餐肉一齊煮更惹味。加埋個超掛湯的響鈴，勁滋味。其中

今晚來到觀塘工廈以外的選擇—市政大樓。約七點多，到處都非常熱鬧。一坐下，先選煲底。*招牌奇味雞煲（半隻）（$138）因為怕愈食愈辣，所以選了bb辣。雞煲預先加了豆卜、蘿蔔和豬粉腸入去煮。豆卜吸了汁，超正，麻麻地又不會太辣，最適合不太吃到辣的我。雞肉味道是夠的，不過個人覺得肉質不太夠滑。送的生菜，都洗的頗乾淨。*脆肉鯇魚片（$60）骨不算太多，烚得太耐，魚肉有點鞋。*韮菜餃（$35）皮算薄，餡亦夠多，韮菜味非常重；皮烚得太耐的話好易爛。*水豆腐（$23）最愛就是吃豆腐，豆腐吸了湯底的味，帶點麻辣，正！*美國肥牛（$75）雖然沒有太多雪花，但牛肉味是有的，不過不失。雖然這裡算是乾淨企理，但這價錢在市政大廈吃，個人覺得性價比不夠高。

宜家食雞煲既餐廳開到周圍都係，想食到既話真係好容易，不過要搵間有質素又好味既，真係唔係禁隨便。。。🤧小編就推薦呢間位於觀塘市政大樓嘅雞煲火鍋👍🏿💪🏿雖然係位於市政大樓入面，本身都可能擔心佢嘅環境會唔會比較惡劣呢，但係一上到去見到門面，感覺係整齊乾淨，唔會有即刻走頭嘅感覺😂坐低左之後就可以睇睇menu，最左手邊果行就係揀雞煲或者湯底，咁少邊度有人走當然揀食雞煲啦，咁小編當然就叫咗雞煲啦，只係叫咗BB辣，因為個煲會愈煲愈辣👍🏿由於佢唔係任飲任食嘅模式，所以右手邊所有嘅配料都係需要散叫，額外收費嘅👍🏿都有個好消息，就係唔使叫到成五曬，同埋啲食物質素真係高啲嘅🤤👍🏿呢間雞煲餐廳亦都主打海鮮，呢啲就係海鮮嘅收費個雞煲上枱喇！個煲一拎到埋黎張枱嘅時候，強勁嘅重慶雞煲味即時湧現，暫時未欣賞到下面d雞嘅時候，佢面頭上面嗰d芫茜都已經覺得好正，好香既芫茜味！另外點雞煲亦都會奉送一份生菜比客人嘅👍🏿煮到咁上下，撈一撈個煲先👍🏿一撈起個煲，啲香味真係已經搞到忍唔住啦。。入面雖然只係得半隻雞，但係份量都幾多之餘，原來重有好多豆卜，洋蔥，蒜頭等配料👍🏿講完個雞煲，啲雞食得7788嘅時候，其實都可以開始加湯再打邊

朋友約食雞煲，去到先知原來就在觀塘市政大廈入面。街市的環境，算不上十分高級，但總有一份人情味，而觀塘街市亦是我從前住觀塘常去地方。去到熟食中心，唔難發現輝記的招牌。店內環境唔算高級，但總算乾淨企理。去到的時候，朋友已經點好了部份食物，雞煲亦滾起，香味四溢，令人流口水。雞肉微辣帶點麻， 十分惹味，如雞肉能夠嫩滑一點就更好。食材方面有一樣驚喜，就係午餐肉。想不到普通的午餐肉，吸收到麻辣雞煲的湯汁後，會是如此好食。金菇亦都同麻辣雞煲出奇地夾。手切肥牛百多元，不算貴，但份量亦不少。海鮮方面選擇不多，始終不是貴價餐廳吧。而我們就選擇了大蜆，$48有六隻。貪心的我最後再點了美國肥牛。美國肥牛比想像中好食，價錢平很有牛味，性價比高。而他們擺放肥牛的方法亦很特別，朋友仔也忍不住多拍幾張照片。最後一人200大元有找， 21世紀打邊爐，價錢是好親民。順帶一提，當晚鄰座有一班叔叔，應該是附近的街坊，他們除了食雞煲外都點了幾打啤酒吹水猜枚。如果有興趣熟悉下街市的人情味，可以一去。

I hadn't been cooked food centres(熟食中心) run by Hong Kong Government for decades XD.My friend suggested that we went to a chinese restaurant specialized in chicken hotpot(雞煲) called ''Fai Kee chicken hotpot''(輝記雞煲火鍋) located at 4/F, Shui Wo Street Municipal Services Building, 9 Sui Wo Street Kwun Tong(觀塘瑞和街9號瑞和街市政大樓4樓).This restaurant is totally a classic HongKongese style local Dai Pai Pong.If you want to experience the HongKongese local culture, it definately is one of your choices.Special flav

約朋友都約唔齊， 今次我就就哂佢哋去觀塘食雞煲，聽聞呢度雞煲有鑊氣大大煲，最緊要係平民化價錢就食到雞煲可以俾你選擇不同食材去炒，我就揀咗支竹，豬大腸， 貪佢哋吸哂雞煲嘅原汁原味，而雞件都好大件，每一舊都吸盡配料嘅味道食完個雞煲就梗係要叫配菜啦！喺度嘅肥牛放置得好有層次感仲有呢度必點嘅薯麵，麵條煙煙韌韌，一放落個雞煲入邊，就吸晒雞煲入邊嘅精華炸響鈴，一碟有成七條咁多，記住食響鈴一定唔好放得太耐，3秒就啱啱好雲吞， 每粒餡料都係有鮮肉鮮蝦係入面，食得出有誠意！

今日同友人去行APM ,行行吓我朋友話想打邊爐，睇下附近有冇雞煲食，咁我們就去附近的市政大廈裏面呢有個雞煲火鍋他介紹我去食，咁我們就去試吓啦。平時我食雞煲多數會食叫半隻，之後再加少少野烚吓烚吓就等於打邊爐有兩種唔同嘅口味都唔錯，咁我們就叫咗半隻麻辣雞煲中欄中華，叫知生力啤酒啤一啤，食雞煲莫過於要飲啤酒嘆下先。雞煲未到就飲住啤酒先，叫咗大約10分鐘到個雞煲就想到枱。一想到枱已經香噴噴，見到好多紅椒芫荽西芹洋蔥下面好似好吸引下，賣相唔錯，個肚扁咕嚕咁嗌。雞煲我相信唔少人都好食得多啦，包括我在內，我一整開啲賣相吸引嘅配菜後，見到個雞煲個底一啲都冇油嘅洋蔥睇落仲好爽好生，立刻感覺罪惡感已經減少，個雞煲唔會好似油淋淋咁加左份，一開始食嘅時候，辣味不是太濃，萬美也不是太攻鼻。一路食配菜一路食雞，再飲返枝冰凍嘅啤酒一樂也。食到中途，個麻味越嚟越濃烈辣味比較香不是淨係辣的這個雞煲不錯不錯。我們兩個人食半隻雞10分鐘唔使已經俾我哋K.O.左了。再來就是加湯叫打邊爐的嘢食。我哋叫咗個頂級肥牛，再加上之前嘅雞煲味道牛肉十兩十就已經一熟，食落去都算香口。因為一路食麻辣味嘅雞煲一路飲啤酒一熱一凍好爽，不過打邊爐

好朋友多次邀約去食晚餐，由過年前約到最近，才有空，可以赴約，真係不好意思！朋友，最鍾意食大排檔，愛其平民化，有鑊氣，不花巧，食得開心。當然，我都喜歡，好多時都會大家約埋一齊，食返餐啦！今晚，我地就約左去觀塘食飯，選左去街市大樓內的熟食大排檔。野味雞～$198/隻，大大煲，雞件大件、用上特多的香菜、辣椒爆炒，雞肉已吸入了香菜、辣味，食落啖啖肉、肉質結實、香味四溢、有嚼口，越食越喜愛，食到流鼻水。除左雞煲外，我地加左支竹、豬大腸，吸收了野味雞我醬汁，非常入味，豬大腸有嚼口，唔韌。支竹夠稔滑。丸類、餃子、雲吞，每碟都是有八粒/隻，非常低食，比起別的，只有6粒/隻。墨魚丸好爽口彈牙，有鮮味。韮菜餃子、雲吞，大隻，餡料多，肉汁鮮甜。美國雪花肥牛，份量多，四個人都夠食，只是肥左些，肉質嫩滑，一點都沒騷味。薯條麵，又是大大碟，食到尾再加上麵線，吸收了雞煲醬汁的精華，麵質彈牙，QQ的，夠滑溜，好飽肚。

有甚麼地方可以讓你高談闊論、口沫橫飛，就算邊爆粗邊吃都沒有人理你？答案就是市政大廈內的食肆，如果你都想豪邁地吃個雞煲，可以考慮到觀塘的「輝記雞煲火鍋」。 招牌奇味雞煲 (半隻$138)，豬大腸 ($65)， 豬皮 ($35)，枝竹 ($25)，豆卜 ($25)三個人，點了一個雞煲，落單阿哥教落，可以加入配料，令雞煲更惹味，於是我們點了豬大腸、豬皮、枝竹及豆卜。整體上，雞煲非常濃郁入味，同時不會過鹹，雞件頗滑，滋味十足。 游水海中蝦 ($10隻，$88)之後加湯打邊爐。必點海中蝦，非常新鮮，上桌時蝦腳還在舞動。 一吃之下，果然十分鮮甜，不用點任何醬汁吃了。 三點蟹 (2隻，$60)蟹身不大，不過依然有羔，而且蟹肉不少，有點意外。 炸魚皮 ($30) 金菇 ($25) 娃娃菜 ($23)最後當然不可以忘記打邊爐之寶 -- 炸魚皮及蔬菜，要脆的脆，要鮮的鮮，算是不錯。 <Info> 輝記雞煲火鍋 地址：觀塘瑞和街9號瑞和街市政大樓4樓 電話：5941 9996 營業時間：星期一至日06:00-03:00

Chicken Pot is everywhere, and this one, not too hot, but rich in ingredient... pork intestine, veggie, etc. Large portion of Deep Fried Fish Skin is great... and the most important part is the Fresh, moving shrimps that were offered... Because they are still lively fresh, the meat were firm and good in taste... Love it... See... Mushroom are not bad too, in big portion again...