輝煌越式法包 (已結業)

喺卓爾廣場食完晏，過咗去屯門公園行下，回程時路經德政圍，喺轉角位見到有間「輝煌越式法包」。原來店舖係一間港越家庭開設嘅越南外賣店，主打越式法包，另外亦有越式撈檬、小食及甜品等供應。見到店內嘅玻璃櫃放滿了一個個脹卜卜嘅法包同一盤盤食材，有人即時「大食積」上身，話要買嚟試下。點咗一個越式招牌扎肉法包 ($46) 同 一客越式腩肉撈檬 ($54)，一於去附近公園即食。法包即叫即焗，Size 勁大，足足有成 7 吋長，而且拿上手時仍是熱烘烘。先嘗一口包身，麵包焗得啱啱好，咬下外脆內軟、皮薄輕盈。餡料方面，除咗份量十足嘅扎肉外，包内還夾滿了腩肉、生菜、酸蘿蔔、青瓜同芫茜等。扎肉順滑有彈性、腩肉略帶油香、生菜新鮮爽脆，配埋開胃醒神嘅醬汁，口感好豐富，令人食得津津有味！至於盒腩肉撈檬，味道亦好正。腩肉肥瘦適中，肉質軟韌有致，食落爽彈又不肥膩。檬粉煙韌幼滑，入口帶米香，淋上魚露撈勻食，味道酸酸甜甜，相當滋味。店裡嘅法包同撈檬都做得好有誠意，正宗又美味，下次嚟開屯門，一定會再翻兜。

雖然而家有番晚市，但度度都咁多人，又唔想同人迫，想有個私人時間靜靜食下野，買外賣都唔錯，係朋友屋企附近新開撈檬，試下都好喎！好，睇下有咩好食先。越式牛肉撈檬，初先仲以為牛肉係片片，岀到黎係牛肉波，完全係手打，裡面係粗身牛肉碎，食落係好有牛肉香同肉質組織，加上用越南香料醃肉，好地道。越式招牌扎肉撈檬，扎肉大大條又粗身，係岀面食，真係薄薄兩片咋，呢度對得住個價錢有找。撈檬最緊要個汁，個魚露好正，唔會過咸，再帶輕微酸，雖然係外賣，啲檬粉番到屋企都仲係分散，唔會黏埋一餅，唔錯！

輝煌越式法包 (屯門)屯門德政圍18號海盛大廈地下1號舖身邊有好多朋友一聽到越式法包，就會覺得硬，但係其實好食嘅越式法包係可以做得麵包脆口而不硬，入口香脆，這次我就介紹屯門一間質素有保證的越式小食店。越式招牌扎肉法包$46法包做得好好嘅地方是，麵包非常脆口，而且餡料充足，裏面我最鍾意的是自家醃製的蘿蔔絲，酸酸甜甜的很開胃。扎肉大大片，好有誠意而且十分吸引。越式牛肉撈檬$56撈檬要做得好食最緊要就是醬汁，魚露汁鹹度適中， 撈落爽口的檬粉裏面，索曬d汁很好吃。牛肉同大大粒，牛肉味濃郁，而且入口鬆化。

最近每天都吃外賣，見到有新開的越式法包小店，晚餐就來試試新口味吧！晚飯時間頗多人買外賣，下單後約十五分鐘來取。大家知道越式法包跟法包的分別嗎？傳統法包是比較硬身的，而越式法包加進了米粉，令麵包更鬆軟更輕身。吃完這家越式法包，覺得很有水準啊！越式腩肉法包$42。回家打開外賣，麵包仍然溫暖，吃下口感外脆內軟的，的確是越式法包。裏面除了腩肉餡，還有新鮮的生菜﹑酸蘿蔔﹑青瓜﹑芫茜等等，配上特製醬汁，口感juicy又清新，不像西式漢堡那樣油膩。腩肉切成薄片，均勻的夾在法包裏，吃到很香豬肉味，肉質爽滑。法包份量很大吃一個已經很夠飽非常抵食。越式燒肉撈檬$58，家人試了越式燒肉，大讚好吃，有五香粉的濃香，但又不會太鹹，燒肉口感像叉燒般爽，半肥瘦，不會覺得太乾身，比起港式燒肉更易入口。檬粉很爽滑，就算不加魚露都覺得好吃。而我喜歡魚露酸甜味道適中，還帶點微辣，吃得很開胃。記得一定要拌勻花生碎﹑酸蘿蔔和生菜一起吃，口感更加清新爽口。試過兩款主食，覺得都很有質素，價錢經濟實惠，雖然新開張，已見到有回頭客幫襯越式法包，的確值得推介，我又可以增加一間常吃飯堂了。

今日去開屯門探朋友，諗住去新墟街市買餸返屋企煮飯，點知朋友介紹咗間新開的越南法包外賣店，這間店裝修都有唔少越南風格。門口有個類似外賣車，感覺好似喺越南街邊檔賣越南法包咁。首先，越南法包好正宗，係等緊外賣的時候，見到越南太太的先生，佢同我講，佢老婆係越南人，之前喺越南做會計，之後嫁咗嚟香港，就鑽研家鄉美食。所有醬料都是越南進口。所以味道正宗，而且所有包都是即整即做，十分新鮮。這個豬肉越南檬粉粉好特別，他們秘製的醬汁好特別，有別於一般的越南舖頭，而且他們的豬肉是肉丸製成的，豬肉都是用越南香料醃製，味道非常正宗。最近冇得去越南旅行，食完簡直覺得自己去咗越南一樣👍

有日經過見到依間新開嘅越南法包小店專做外賣法包有好多款選擇仲有檬粉、小食、甜品之類即叫即整 唔想等嘅話就記得落定單先隔住玻璃望住整好想將所有肉放晒係個包入面越式招牌扎肉法包 $46依個法包大大份 仲好足料一切開就見到滿滿嘅餡料除咗面頭嘅扎肉 底下都係肉嚟有少少surprised 一咬落去 每啖都係肉仲有啲青瓜balance吓 所以都唔會話好膩至於醬方面 都有驚喜有沙律醬之外 仲有啲酸酸甜甜嘅蕃茄蓉 配埋肉同法包好夾 好啱我口味

今日去屯門市中心找朋友，我哋一齊去新墟街市，然後經過呢度附近有間新開嘅越南小店🥖🇻🇳！呢間小店係以外賣為主，望入去見到不同食物，尤其見到一個一個法包，流晒口水📌越式牛肉法包🐮$44看見老闆製作前會為法包噴水，令麵包不會太乾，焗後香脆可口。中間餡料豐富，有酸菜和生菜，而且有四粒牛肉肉丸，特色好吃😋📌越式燒肉撈檬$58質素相當不錯，有越南路邊檔攤的風味，相當足夠的醬汁，最喜歡這個燒肉的烤香

juicy的越南法包好食，雖然食過不多越南法包但都係我食過最用心同最多料的肉煮得剛剛好，不會太老，用了半肥瘦腩肉醃得好夠味D蔬菜都好夠味，用心調過味，唔似其他鋪，塞D岩岩烚完既入去法包也好夠脆，我拎返屋企翻熱都好食最後⋯⋯⋯如果多D醬就好了我覺得會越來越多人黎食，希望店主keep住用心的水準，唔好多了生意就越做越hea，最多每日限量製作用心一定會有回報的，祝店主生意興隆同埋，快D搞返個八達通機謝謝