輝煌樓海鮮酒家 (已結業)

一間望落去不起眼既酒樓，但很有街坊酒樓既覺，很有親切感，看似古老，但食物都很有創意，有特色，所以就叫左d比較特色既小菜試下，柚子蘋果大虎蝦，呢個小菜非常有創意呀，賣相亦很吸引，仲好似好健康添，炸好既虎蝦放蘋果上面，而蘋果既中心係挑空左放入蘋果粒，真考心思，出黎係既效果色香味俱全，虎蝦香口，蘋果爽口，仲有柚子肉伴住色，正，另一款特色小菜，可樂碌黑草鵝，聽個名都覺特別，酒樓話用新鮮鵝，加上煮要需時，要等20分鐘 但食好野，梗係等，果然出黎亦不致失望，好夠味，香甜濃口，送飯食係一流。

香港愈泥愈少中式酒樓，幾乎可以話執左好多。呢間酒樓係新開，仍然保有會唱懷舊歌曲，會有包場宴會。好有舊香港的特色。呢種裝飾真係好少再見到，以前會覺得係華麗的象徵，代表酒樓的體面、豪華，但今天就變成了懷舊、珍惜的象徵。每位客人都會送一碗湯，岩晒夏天嘅時候，可以清清地、又涼涼地，仲可以係進食前先濕濕口。而今日嘅湯係冬瓜，岩晒呢星期超熱的天氣點了客家菜梅菜扣肉，呢款小菜絕對是家常小菜必備之選。而梅菜扣肉都非常入味，而且啖啖都係半肥瘦，好正呀！另外點了份特式小食，柚子蘋果大蝦。呢款小食好開胃呀，酸酸租甜，而且好清新。岩晒食完好油膩嘅扣肉之後清一清。最後係可樂碌黑草鵝。呢個菜雖然賣相唔特別，但食落樂入味，而且鵝嘅份量都唔少，不過就略嫌偏咸左少少，但都好好味

輕輕鬆鬆又到星期六，下午不用返工，約左細仔去花墟行花街，順便買些盆栽回家，裝飾一下，為家增點生氣。行花街是唔知時間的，個心都已經比花海所吸引著，又點會記得起那餐晚餐呢？打比大仔，問起他在哪，咁啱又在油麻地，我煩起今晚的晚飯，又要趕時間返家買餸，煮飯，又頭都大埋，大仔提議，不如你倆過來我這邊，一齊食完晚飯才回家，呢邊又近巴士站，好方便，我地都好久沒食龍蝦伊麵了，今晚我地食豪一下吧。呢間酒樓是開張不久的，有些小菜都好實惠，適合一家大小的。樓上鋪，地方比較細，當晚都是坐滿客人，仲需要等位。酒樓都好別出心思，所有餐具都燒上了彩色的雞圖案，好生動、活潑、增添美感！燒鵝例牌，燒的皮脆肉嫩，唔油膩，肉質鮮甜、鬆化，好入味道。芝士龍蝦伊麵，好耐沒食了，一隻龍蝦的份量，都唔少，龍蝦肉質結質多肉，好新鮮鮮甜，夠彈牙爽口，伊麵軟硬適中，每條麵都掛上香濃的芝士汁，芝味美味無窮。椒鹽班頭腩，酥炸班腩，香口、加上椒鹽、鹹酥味剛好、雖然是頭腩，但一樣有好多魚肉，肉質結質，好鮮美，啖啖肉有口感。富貴生汁炒蝦球，西蘭花伴碟，色彩鮮明，用上特式的餐具，增添美感。蝦仁大隻，傢一個乒乓球大小，蝦仁食落鮮鮮味爽彈，再加上沙律醬

來了兩次才寫這食評。因為兩次都有一種親切的感覺。感覺就像在回到農家的一種無拘感。有一些食物很有農村風味。第一次來的時候，點了個豆腐的菜式。上菜時有種似曾相識的鹹魚香撲鼻，而且味道剛好，不會因為加了鹹魚而過鹹。不得不說，就是這鹹魚香讓我憶起多年前的味道。兩次都吃了蒸石斑，價格卻是自己在市場也買不到的相宜。味道不錯，只是火候稍為過了熟一點。這次點了乳鴿吃，皮脆肉汁多，很不錯。第一次來的時候，米飯加入了蕃薯粒，感覺很農家風味。第二次來，說是蕃薯會搶了飯香，就沒有再加了。

見到新開既酒樓，價錢合理，環境良好，又有海鮮，所以就試下。一上去就見到有個大魚缸，重有好多海鮮，好生猛，屋企人話要試下d海鮮!總結：-食物質素（良好）-服務質素（良好）@不停有侍應換碟-環境質素 (滿意) @當日星期五，無booking 枱，所以只有細枱！

值得推介產品 名廚推介 最新產品沉香燉雞湯 感覺好奇新鮮 因他們說燉湯為古代皇帝御用珍品 本人從未試過此湯 所以一定試一次 飲用後感覺非常值得支持 而且他們用沉香元素 據稱有一定的養生功效 不錯不錯 價錢可以接受

新開酒樓，特意帶父母黎試一試早茶先！這間酒樓以客家菜為主打，酒樓外貼著客家豆腐同雞為主打！欣賞他們也標榜用新鮮雞／鵝，用泰國靚米，用香港油，唔落味精，看得出也有用心之處。地點： 在內街的街坊酒樓，不過地點好易搵，喺油麻地警署對面，地鐵油麻地站行幾分鐘就到，好方便！環境： 新裝修坐得舒服，有窗可望街景，夠光猛，酒樓在2樓，對老人家唔好處係要行樓梯。職員服務： 是日職員態度值得表揚，幫我們搵一張唔洗搭枱的，又主動關心我地食物好唔好食，殷勤幫我地加水同埋解釋早茶優惠，加完水再每次主動幫我地斟茶。以街坊酒樓而言，服務態度可嘉早茶時段優惠： 有早市優惠，有張早茶孖寶點心紙同特價點心。星期六日及公眾假期都適用，不過就無折頭，平日會有88折，下午茶有68折。 不過星期六日茶位偏貴。。。星期六日要＄12蚊1位再加一。點心拼盤共8件（全日都有）＄48: 點心拼盤1SET有蝦餃2件，菜苗餃2件，燒賣2件，糯米卷1件，叉燒包1件。 覺得都幾抵食，蒸點而言都個拼盤都好齊備，蝦餃嘅蝦肉都好實在，蝦肉彈牙大粒，燒賣豬肉香也不多肥肉，菜苗餃菜苗條條翠綠也飽滿，每樣都有2件，不錯！糯米卷叉燒包中規中舉。早茶孖寶 ：可