輕鬆飲 (已結業)

唯一缺點係排成半小時先買到，如果可以搵個大ｄ既舖位，就好ｌａ～極力推薦『波霸奶茶』＆『珍珠奶茶』～十蚊杯，真係好好好好飲，好有茶味，又有奶味，好滑，ｄ珍珠好彈牙counter個肥仔既服務唔錯～

Exam finished!四年的大學生涯終於畫上句號完左exam去左買波霸珍珠奶茶, $10 700ml 相比起happy lemon真係好抵!!而且幾好飲(bf話d奶茶係同其他地方有d唔同), 記住要少甜ar~個人覺得波霸珍珠有口感d星期六6pm去, 等左半個鐘....不過傾下計又唔覺悶既今日個cashier幾好禮貌, 男仔瘦的~

友人本身想買波霸珍珠奶茶嘗試一下味道 , 點知排到我地個陣已經售罄哂 , 唯有買返珍珠奶茶 , 見到杯上有個貼紙寫住全糖 , 有d心知不妙 , 飲第一啖... ...嘩~~~好鬼甜呀!!!我同友人都覺得偏甜左d , 下次應該要叫少糖至岩~~~

今日真係好嬲好唔開心!!我其實差唔多次次出親旺角都會幫襯呢間野,,,就算條龍幾長都會排,,,亦都好鐘意飲佢地d野飲話說我今日如常咁去買野飲,,,日期係2008年5月16日時間:晚上9時53分竟然出奇地冇咩人,,,一行埋去就叫得,,,咁我同男友一行埋去,,我就拎左張 ＄２０蚊同張卡放係台面今日呢份收銀員唔係肥肥地，，好好笑容，好ＳＥＲＶＩＣＥ個位，係一個瘦瘦地有少少鬍鬚既短頭髮男人之後我話：”一杯仙草奶茶，一杯蜂蜜蘆薈”平時個位收銀會立即問你：”少甜少冰？”但今日呢位冇，所以我即刻補番：”仙草奶茶要少冰同少甜”期間我叫我男友拿錢，因為一杯＄１２，一杯＄１４，＄２０蚊唔夠俾我男友在袋中搵左個＄１０蚊銀放左係張＄２０蚊紙上。之後我聽到個收銀好細聲咁講：”＄１２蚊”就收左我Ｄ錢（＄３０蚊，但佢冇講出聲話收左幾多），之後好快咁找番＄８蚊我有Ｄ奇怪，就問：”係咪叫左２杯？”佢答：”叫左一杯渣ｗｏ”咁好喇，，我講多次：”要多杯蜂蜜蘆薈”跟住問題就黎了．．．．佢話：”你要補錢”（類似，總之意思係話我個度＄８蚊唔夠）之後我就話：”我頭先明明俾左＄３０蚊你”佢：”冇ｗｏ，我只係收左你一張＄２０蚊紙”跟住我

一直以來都好喜歡這一家店,本人至愛烏龍奶茶少甜加大珠,他真的跟我在台灣飲的一樣,超超超好飲~!!又大柸~~不過越來越多人....要等10~15分鐘不過我覺得係值得既!令我本身不愛到mk的人多了一個理由要每星期到mk"上電"諗起又想飲喇~~~~

見咁多人排隊我又排買左杯綠茶飲等左成十分中之多終於有喇一飲OK喎比朋友試一啖佢都話GOOD

２００８／５／６飲品離開柏裕商業中心，不經意地望到近來的人氣店～輕鬆飲～（正正在對面街）。一直也有看過此店的食評，知道在假日時段等一杯飲品已屬正常事，難得見門面只有幾人，雖然午餐的東西仍未’落格’，但如此好機會，當然不要放過！每人來到第一時間先問有沒有波霸珠﹖很快就堆了十數人，老闆就索性一次過向客人宣佈波霸系要在晚上六時才有。我又不想飲奶茶增加飽的負擔，但一時記不得有什麼好飲，見有杯綠綠地色的好像不錯，問過老闆後，就ＯＲＤＥＲ這杯百香果綠茶，我要少甜少冰加蘆薈，等了幾分鐘，大大杯的飲品出場～味道沒有意想之中的好：綠茶味給百香果味蓋過，過份的甜，蘆薈林劈劈﹑很散。不知在門口收錢那位是否老闆？他很風趣，就算忙到七彩，仍樂於答問題呢！行去巴士站途中自己掛住拍飲品照，一不小心就人帶飲品仆在地上，大大杯的飲品在街上跌爆．．．沒有得飲之餘，也擦傷了腿，好不狼狽。下次拍照還是找個位子定定拍好才離開了。註：晚上和朋友說開這店，她的經驗說，台式飲品要走甜才是香港的少甜，只怪自己不知道而已。

本來食完回族薄餅，下一站是肥媽小食的，但兩點鐘竟然仲未有野賣，唯有去買杯台式飲品解解口裡陣咖哩味先，奇怪 happy lemon 無人問津，輕鬆飲門外卻大排長龍，一於試試啦個店員有點像阮德鏘，本想試波霸奶茶 (波霸一講出口差 d 想笑，好彩店員唔係女仔)，點知太早未有，故要了一杯珍珠奶茶($10)，店員會問要唔要少甜少冰，之後就拎飛仔等...一間細細的鋪仔，得一個位同時 take order 及分發飲品，所以確有"飲品出了卻要等"的情況，引致門外擠滿了人，大約等了十分鐘，終於拿到一超大杯的珍珠奶茶 (約是 happy lemon 的 1.5 倍 size)... 內裡的珍珠是台灣常見的粉圓，形狀較細，易入口，咬感一流! 味道是偏甜了一點，下次一於要少甜...其實就我所見，店鋪有一邊是放滿雜物的，如果可以做到一邊 take order，另一邊分開飲品的話，服務效率定會大大提高。另外，這裡消費可儲印花，買十送一，的確抵飲啦!

呢間野每次經過都一定有人排隊既"都飲過幾次.每次都等起碼三個字"呢到d野飲多選擇,好飲得黎又大杯.好抵飲"今日要左杯香芋奶茶+魔力水晶d奶茶幾滑真係..d魔力水晶超有口感"個人認為比珍珠更好..咁大杯好快都俾我飲晒ha~~ 因為真係正...呢到唯一唔好既真係要排好耐隊囉希望可以加快買既過程...可能佢真係想製造出多人排隊既假象而吸引人去買~不過講真果句,佢亦因為咁而流失左更多客人"正如我咁,十次經過而想飲..,但有八九次都係因為知要排好耐而放棄"否則真係會次次去買~~佢咁其實流失左好多熟客"希望個老闆可以改善下.. 其實d野飲真係ok嫁"我覺得唔須要咁做都可以有好多人去買~~

夏日炎炎，係旺角行街都算係件苦事。朋友仔要去登打士街拎野，又經過呢度，見佢今次換左個女仔做收銀，一於再去飲多次。5個人係前面，排左至少5分鐘。要左個焦糖鮮奶茶加珍珠。買完了，當時叫緊既no.係43。今次好醒目地係附近兜個round再返黎，點知先到47，距離我地既57仲有10個。不過我見到張檯有成4.5杯野飲，以為佢會好快，所以就企定定等。眼望住擺係舖頭入面張檯既幾杯野飲，其實佢咩都整好，只差未封好面頭張膠。但店員就係要keep住唔俾人，結果隔左幾分鐘先理會。最後等左十幾分鐘終於叫到56，企係收銀機側邊既我，見到有杯野飲放左係封膠部機度，但就仲未封好。個收銀都唔知搞咩鬼，佢其實只係差一個步驟，唔知係禁制定拉桿，但都要走開去。隔左2.3分鐘後終於拎到杯野。最後我同朋友仔講笑，可能因為我地要少冰，所以佢由得杯野擺係度，融下d冰，咁就係少冰喇。哈講返杯焦糖鮮奶茶加珍珠先，焦糖味幾重，有奶茶香。但朋友仔居然覺得似咖啡。另外，經過上次教訓，好彩今次要少甜，甜度剛剛好。不過珍珠好細粒亦唔夠煙靭，始終都係波霸珍珠好。總評俾OK，是因為咁既價錢真係非常超值，而且質素是不錯。不過服務同銷售手法真的不敢認同

經過上次的試飲，覺得這店的份量和價錢實在值得再一次光顧，今天我要了香芋波霸奶茶。一般所有顧客都要等上好一會才拿到飲品，所以剛開始等候也沒在意甚麼的。後來我站在收費的左手面(即後巷入口的位置)，我發現在收費員工的左手面桌上，放著最少7杯已弄好的飲品，起初我還以為是該幾位顧客的飲品還沒到齊，所以先放在旁好讓可以一次過送出。怎知道原來正正與我所料的完全相反，在我等待時觀察所得，原來是叫號碼的員工(也就是收費落單的那一位)故意等一會才叫該個已經弄好飲品的號碼！亦即是說，這店是故意讓客人等待一會而弄出人潮的假象！！！如此低劣的營商手法實在可恥，如果是生意太好而速度變慢還情有可諒，但是故意讓客人等待的手法絕對不可取！ 雖然這店確是便宜又抵，但是這種手法絕不能苟同，各位下次在等待時大可以走到旁邊觀察，就可以清楚看到此技倆了~

五月四日(日)食完車仔麵，已計劃好去左輕鬆飲到買野飲，要試試其他口味，上之試了巧克力魔晶不喜歡魔晶的咖啡味，味道只是一般，但喝得出飲品本身是可以的，今次撰了最簡單又最考功力既珍珠奶茶黎試，看看質素如何~老婆則選了上次已想試的多多系列既檸檬多多~珍珠奶茶($10)奶茶是奶味較重的口味，較甜，味道不錯，配合珍珠飲正好~珍珠本來擔心是硬身的一種，一喝之下，發現珍珠大小剛好而且珍珠淋得黎煙靭，喝奶茶之時不用花太多時間o趙珍珠，是我喜愛的類型~ 非常好！檸檬多多($12)看到調製時用了一整支益力多，非常足料，值得一讚！飲品入口味道亦非常好味，檸檬味和益力多味原來都幾夾而且無乜糖精味道，可能有益力多味遮遮~ 幾好飲~尼款飲品最大問題放底得耐會出現分離現象 要再攪番勻先得~ ~"$10-$12買到700cc又有質素飲品的確好抵~今日早d小d人排隊感覺好左，唔係咁曬都幾弊！

行行下諗起輕鬆飲o係Open rice都有幾多人推介, 所以就排隊買杯野飲~~ 叫左香芋珍珠奶茶 細珠 少甜少冰老闆既服務好好 而且幾好笑~~等左十零分鐘倒終於俾我等到!;>嘩!真係好鬼大杯!兩個人飲都夠哂喇~~~好多珍珠 係啖啖都有~~~但係細珠比平時都遜色因為冇得咬飲左就"good"一聲吞落肚.....本來想要大珠 但係老闆話冇....><香芋奶茶真係少甜....不過冇特別...而且飲到一半我就飲吾落 掉左...講真係有少少失望 可能牛奶系列會好飲d....如果細杯d既話 我下次會再幫襯既.....

五月二日(星期五)同老公仔食完雞蛋仔有d頸渴,去左呢度飲野!見過呢度既野食好大杯,好似o係台灣飲既咁大杯!十蚊都差唔多啦!不過如果有大粒珍珠仲好dd!而且佢地都唔錯,因為有得選擇甜度!同埋多或少冰!我地一齊飲左蜂蜜綠茶(少糖)加珍珠!等左一陣就有,都算幾快!而甜度好似都冇mud點唔同,幾甜!珍珠都幾好味!不過比較林!唔夠彈牙!同埋好得意呢,老公話佢好似藥水咁,有個label貼o係隻杯度!兩公婆share一杯就剛剛好!!

四月三十日（三）上網見到有間飲品舖輕鬆飲好評都唔小，所以食完飯行左陣口渴就去左試試~去到發現排條隊俾之前仲要長，但想試試都係照排~魔晶巧克力奶($12)因為想飲朱古力所以揀左尼杯，其實唔知道魔晶係咩黎，只係試試~杯飲品一飲下發覺有D咖啡味，初頭以為佢D朱古力有咖啡味，後尾先發覺原來係D魔晶講番奶茶，其實沖得都算滑，唔計魔晶淨飲其實幾好飲，不過唔鐘意咖啡所以差D另外老婆覺得魔晶唔大唔細唔太好，又唔係細到可以飲埋，o趙又難o趙到~整體黎講咁既價錢買到咁大杯叫有質素奶茶算幾好~尼度每杯都有700cc只賣$10-$12上下的確係抵，但條隊真係幾長下其實隊長又唔太覺真係咁多人買，只係佢運作系統唔完善有關間舖收銀係負責埋封飲品入袋，有時飲品出左佢收緊錢等，基本上做唔切兩瓣咁多~由排隊到收錢耐...... 收錢到攞野飲亦耐......同山東街果間快上快落台式飲品差太遠，相信人地一日做多佢三倍生意都唔止~想做多d生意真係要認真唸計改善下先掂~另值得一提係買野飲有得蓋印，十個印送一杯都唔錯~味道3.5 (因魔晶關係...)