輕鬆飲 (已結業)

見到甘多人等，又好奇試下，看上去又好像幾正宗。店員見多人排隊都會細心慢慢做，所以也等了十五分鐘左右。波霸奶茶真的好甜，不過飲飲下冰溶了卻又可以接受，越飲越上癮。珍珠煮得夠透但仍然好有咬口。價錢不貴，選擇亦多。能保持水平的話，應該有發圍喔。

五日之內師傅第三度幫襯, 可想言之佢嘅吸引力一d都唔細! 同食家"乜都放入窿"食完甜品後, 即刻好有默契轉戰黎呢間旺角區嘅人氣店, 試一試佢嘅波霸奶茶!入夜時份, 人龍仍未見減少, 但相比起日間, 師傅覺得少左一半! 前前後後排左十五分鐘到, 兩杯少冰少甜嘅波霸奶茶終於到手! 兩位食家同時試下杯波霸奶茶, 發覺味道可以, 師傅覺得奶茶依舊好滑, 但茶味不夠濃, 少左d茶味, 要扣少少分, 而珍珠嘅份量又多又大, 勁有咬口, 好正呀! 總括黎講今次呢個波霸真係有少少走樣, 不過大致上維持得住, 仲見得人; 十蚊一杯七百思思嘅凍飲, 著實抵飲, 如果下次經過而又唔使排隊, 師傅一定會再幫襯, 如果要排隊就要考慮下先喇! 笑臉收番先, 希望下次會好d啦!

師傅嗌好之店, 何有不嘗之理! 人龍是長期在店口打蛇餅的阻街. 平時我係人龍見首不見尾便即閃既人, 是次有師傅陪我壯胆, 故等就等啦!師傅話平時人龍仲要長d添呀! 但我地前後都等了不下15分鍾, 但與傅同等, ok啦!波霸奶茶到手, 啜番啖先啦! 少冰少甜version, 味道是可以的. 至於珍珠嚟講, 小弟較喜愛較咬口的, 如連鎖店'招積癌'的 珍珠的質感便是小弟喜愛的類型!師傅話今次茶味不夠濃, 但滑度keep得住. 由於從未試過此店, 故作不出比較, 但味道跟口感尚算不俗! 其份量頗大, 以此價錢, 有此質數係冇得唔接受架喇!不過若然要揀同数型的店幫襯, 小弟應會選開心檸檬吧, 因其珍珠煙韌d, 同埋最多只會有人蛇而不會有人龍嘛!

話說個日同嘴唇大人((男友))買相機,,買左之後再去食dinner,去得旺角自然好想食吓呢樣食吓個樣.去到 輕鬆飲 就想trytry啦!!!咁就排隊,,咁多人,應該ok既。排既時候見到好多攞住卡仔既人(回頭客真多)咁我就叫左寒天奶巴$12少甜少冰飲一飲，又真係幾好味ga wo又大杯睇黎happy lemon有對手啦(近日都好中意飲 開心o檬)呢2間都係我中意既台飲店好: 奶巴 好味呢,寒天亦好有咬口， 個收銀哥哥真係幾好人,又有禮貌 大大杯~抵王之選哦~wakaka(雖然嘴唇大人一定會話比$$$買野飲係唔岩,)唔好: 真係等好耐囉,,,((嘴唇大人竟然冇發脾4，因為佢掛住玩新相機呀ma)) 得旺角先有, 咁麻煩，希望多d分店啦下次再去一定會買黎飲 wakaka餐廳特色 真係 飲野傾計...等成29分鐘, 唔同友人傾計都冇野做啦....

跟男友人在mk, 好口渴, 不想喝咖啡, 就來飲杯盛極一時的珍珠奶茶這間的人龍好長, 而且好大杯, 700cc, 心大心細之時, 看到其他人手中的奶茶望落okay, 就試下拎上手, 真的好大杯, 但味道只能說是非常普通, 珍珠有分大小, 要了小的, 口感不夠, 不過以這個價錢有這個quality, 叫可以了

因為睇到好多openrice既好評 所以前兩日就同女朋友o黎呢到試o下最出名既招牌波霸奶茶 諗住無咩人排隊應該都唔使等好耐 點知大大話話都要等4,5個字.... 不過唔緊要喇其實未o黎到之前都預o左要等 只要係好飲既就無問題喇... 飲品入口後 發覺味 道只是一般 唔係話有咩野特別 完全唔值得等咁耐.... 飲到最尾仲要發現o左一隻波霸珍珠咁大既昆虫係入面 真係好過份.... 唯一可取既係個男收銀好有禮貌 不過我都唔會再去光顧

三點三,烈日當空,步入登打士街,驚喜輕鬆飲門前沒有食評裡說的十五分鐘,二十分鐘人龍,看了看餐牌,步前付錢 - 招牌波霸奶茶(少冰)等了7,8分鐘吧.拿上手,飲了一口,是比較有茶味.珍珠也比較咬口.比較的是香港周邊的珍珠奶茶.這杯是幾有台灣風味,但始終欠了一些原素.未能滿足.可能嘗了台灣春水堂波霸奶茶的關係.但十蚊確是很抵飲.

早已聽過這間"輕鬆飲"的大名和不少好評;也曾經過無數次,不過從未買過,因為那條"人龍"實在太長.這次一心要試試... 一如以往,遠處已看到有一大堆人在門前,而那條"龍"已經申延到馬路. 排這條長長的隊已經夠煩,還要在勁多人的旺角... 如果你曾經過那處地方(家樂坊對面),都應該知道那兩個熟食檔會發出陣陣像臭豆腐的異味(不知何解);一邊要排隊一邊要忍受著異味也實在挺難受的... 另外Order後還要再等,雖然不用排隊可隨意站開,但在旺角,在那人多狹窄的街道想找個位置企也有一定難度;不要忘記在你左右還有四五個人在等取飲品的.經過了一段時間的等待,飲品終於到手! 點了"寒天珍珠奶茶"$12,其實是珍珠奶茶再加類似蒟蒻的東西,很有口感;而奶茶也沖得剛剛好,茶味濃郁. 另外點了招牌珍珠奶茶加粗胚芽$12,味道也不俗,加上胚芽令口感更豐富.另一特式是很大杯,所有飲品也是清一色700cc;與其他同類型台式飲品舖比較,這樣的價錢有這個份量也算抵. 還可以選少糖/無糖,甚至少冰/走冰呢! 至於要等這麼久是否值得,就見仁見智了...

張咭都就嚟儲滿印，都知成日飲，今日試咗杯紅豆抺綠奶綠，加咗大珍珠，盛惠$18大洋杯野飲開頭都好重濃綠茶味，要少冰 + 走甜，飲落之後再唔係好覺，白痴在加咗大珍珠，完全係吸唔到上嚟，紅豆都係咁，成杯野飲完，紅豆同珍珠幾乎完封不動係番哂個杯入面，"吸" 得好辛苦先食到，唉....其他野飲都有試過，波霸就真係淡咗d，仲要係已經走咗甜，冇乜味.......珍珠奶茶都有試過，發覺加咗胚芽仲正，但係要走甜，如果唔係杯野好難頂下，杯野咁飲法真係唔錯下，可以一試10鬆d就有700cc，用嚟解渴都唔錯吓，但要等成20分至半個鐘就真係見仁見智

說到珍珠奶茶, 非得說說這家位於旺角的輕鬆飲~ 本人最愛的是半糖的仙草奶茶~ 口味掌握得剛好~ 奶茶也夠凍~ 唯一不美中不足的就是那個巨型的仙草~ 總是吸了老半天還是卡在飲筒裡面.名叫輕鬆飲~ 可是排隊卻一點都不輕鬆~ 雖然是自己偏愛的珍珠奶茶店~可是一想到那條"從來沒有短過的人龍"就!@(*!*&. 基本上排隊的時間平均是10分鐘左右~ 加上等飲料的時間也就一共20 - 30分鐘不等.收錢的人態度總是很好(在香港飲食業來說, 便宜的地方服務態度總不怎麼地好)~ 排了老半天的怨氣也稍稍消掉~ $ 12 塊錢能買到700cc的珍珠奶茶, 服務態度不俗, 就算花點時間等待~~~~~ 也物超所值了

十五分鐘可以做的事唔少，例如買一杯茶。路過不下N百次，今次見人排自己又排，成為阻街的一份子。反正收完錢等叫籌，真的好唔明典解比錢都要等咁耐？親身排過後，先知原來收飛位肥肥地的朋友，兼顧埋包裝部份，見人龍回復返廿人左右，又做返收銀工作，好橋！一杯700cc的凍頂烏龍加珍珠，很期待花了十五分鐘比錢，又等了十五分鐘的茶會是怎個樣子，簡單來說，是絕劣的茶渣泡茶，味道本來已不好，加上700cc超大容量下，七分水三分茶，茶味亦可想而知，珍珠以糖水浸著，甜甜的，煙煙韌韌，幾好吃。做了世紀大騙兔，呢杯差絕對唔輕鬆，早知比多少少過隔離happy lemon返兜杯烏龍茶無咁傷感情，$8/700cc，原來都有吸引力的，仲有少少味覺的相信無機會返兜。

睇見咁多食家對呢間食店嘅激讚, 師傅一定要去試一試, 但係至於幾時會去呢, 就從來都未決定! 直至昨日天氣十分炎熱, 師傅覺得如果能嘆一杯冰凍嘅珍珠奶茶會係一個唔錯嘅選擇, 所以就決定黎呢度買杯試一試! 未見食店, 先見條龍; 唔係恐龍, 而係人龍; 唔係王人龍, 係大排長龍! 平時師傅一定唔會排, 不過昨日就幾有癮, 排一排都無妨; 排左十分鐘到師傅先去到櫃台, 唔理咁多即刻柯打一杯大嘅波霸奶茶少冰少甜!再等幾分鐘一杯冰凍嘅波霸奶茶終於到手, 師傅二話不說即刻試一啖, 發覺奶茶好滑, 口感一流, 而茶味又夠香, 唔會太甜, 好得; 而珍珠又多又大又彈牙, 勁有咬口, 好正呀, 加上少冰都幾凍, 唔錯!總括黎講波霸奶茶真係好掂, 雖然地方細細但人流超多, 而賣飛嗰位哥仔好有禮貌, 縱使做到身水身汗, 依然笑容滿臉, 比師傅覺得佢好有"HEART", 價錢唔貴, 細杯八蚊, 大杯十蚊, 抵飲非常! 但師傅有樣野唔係好明, 就係點解會叫做波霸奶茶呢? 波霸唔係退左休咩? 如果下次經過而又唔使排隊, 師傅一定會再幫襯!

每次到旺角 已經是人頭湧湧...到"登打士街"這一條路 人多得車水馬龍想行都行不動...很多人就是圍著這間店買東西飲...打正旗是售賣台灣飲品的要了一杯"北海道奶茶加珍硃"(走冰)店員細心的問你要不要走糖,走冰等等實在多人到不得之了...排隊買已經用了不少時間買完票還要等"最少"10分鐘有多..地方又少 根本不知在那裡等待唯有行出馬路,成條路還有行人行的嘛...怎麼可以阻著別人呢終於等到製成品出來,味道還不錯!很滑,珍珠很有口感,奶茶味還可以吧~一杯700cc 我的是很吸引,價錢都尚算得便宜(見仁見智吧)不過排隊的確是一個問題...而店員雖有禮貌 但可惜他的聲線太小了吧..行遠一點已經聽不到 ,可知道 旺角人多自然就嘈一些!

女朋友說上次飲過不錯就帶我去飲我地去到ge時間係6點鐘左右排隊排左起馬兩個字叫左個巧克力沙冰講真....無咩特別同普通凍朱古力無異...同埋比較淡不過都算係大杯ge佢其中一個賣點都係700cc

之前一直有幫襯...而且又平又好味...茶味夠濃唔會淡moumou咁我已經換咗10杯免費野飲就知我飲咗幾多啦不過上次幫襯就覺得茶味唔同咗...好似淡咗...無咁濃我以為係太夜(晚上10點幾)於是今日6點再去試...點知都係咁我唔係咁中意lor...而且我係叫走冰...如果加咗冰咪仲淡moumou.....希望老闆改善下啦...如果唔係我寧願俾貴0的去仙xx飲啦~~~~~~~p.s.5分的服務是給經常笑的...肥0都0都的那位(老闆????????)