軒記布拉腸粉・美味粥

营业中

休息中

冬天凍凍地就係想食啲粥好多時粥舖又得葷食見到軒記有素食選擇，都有好多唔同套餐，布拉式腸粉，粥、炒麵餐，重點係價錢非常親民🤣選擇咗幾樣必點布拉腸粉佢嘅米漿蒸製而成，即點即整，所以非常新鮮。上枱熱辣辣，加上醬油同甜醬配搭，陣陣米香飄出嚟，單食又得，配粥都好正😋皮蛋粥要煲到又綿又香嘅粥好有技巧皮蛋粥就更難好鍾意落勁多蔥花落粥😂唔知有冇人都係咁呢？油炸鬼食粥當然唔少得佢兩個一次係絕配脆卜卜嘅外皮沾落軟綿綿嘅粥，口感一流咁就止到我想食粥嘅引，開心!軒記布拉腸粉・美味粥 (屯門)📍 屯門湖翠路138號啟豐商埸地下G1C8號舖

煮得綿綿，口味豐沛的粥品向來討人喜歡，軒記布拉腸粉美味粥賣的就是這樣的粥，軒記布拉腸粉美味粥主打粥、麵、腸粉現點現煮，煮出老少咸宜且充滿元氣的熱粥供食客享用，滑溜的腸粉也是吸引客人目光之一。吃過軒記布拉腸粉美味粥的豬潤肉丸粥，一定回不去了，豬潤肉丸粥受到許多食客的青睞，豬潤肉丸粥入口稠密，有著濃郁的肉香，豬潤熟度拿得恰到好處，軟嫩無比，肉丸彈勁十足，豬潤肉丸粥品嚐起來細膩又講究。牛肉魚片粥對我來說有一種無法抗拒的魔咒，看似平淡無奇，吃了才發現多驚奇，米粒熬得相當軟爛，牛肉魚片粥滿滿精華，牛肉魚片粥配料蠻多，牛肉鮮滑不柴，魚片無骨刺，嫩鮮滋味教人著迷。鮮蝦腸粉幾乎是我在粥店必吃的品項，腸粉皮薄得滑嫩剔透，白裡透紅，蒸到軟糯帶點彈性，裡面包裹著完整的蝦仁，鮮蝦腸粉口感先軟後彈，層次多元且分明，淋上極佳的鹹鹹甜甜醬油，鮮蝦腸粉好吃到令人激賞。炸豬頸肉炒麵令人念念不忘，大廚炸功了得，炸豬頸肉炸得金黃，非常厚實且脆口，每一口都是豬頸肉的油脂香，毫不膩口。炒麵著重乾爽，每一條麵條吃出醬油鹹香，彈彈的頗順口，屬於經典的炒麵味道。

今次又來到屯門碼頭看下海散下心，晚餐就決定去附近嘅啟豐商場搵食！見到呢間布拉腸粉同埋粥品嘅專門店，咁啱最近天氣又凍返，睇來食返碗熱辣辣嘅粥就最適合不過啦～✨豬膶粥豬膶嫩滑而有彈性，仲帶有肉香味，配合埋口感綿密細膩嘅粥，每一啖都令人覺得好溫暖好滿足～✨皮蛋牛肉粥非常足料，皮蛋同埋牛肉嘅份量都頗多，而且呢度嘅粥亦唔係好稀嘅粥水！成碗粥結合咗皮蛋嘅濃郁風味同埋牛肉嘅鮮味，味道絕佳～✨鮮蝦腸粉布拉腸粉係即叫即做嘅，腸粉嘅外皮又薄又幼滑，晶瑩剔透，內裡仲包住爽口嘅鮮蝦～✨凍豆漿餐廳店員態度親切，而且每一樣食物都係精心製作，係一間值得支持嘅小店👍🏻～

必試手工拉腸！鮮蝦腸粉，皮薄透亮，好香滑，裡面包著新鮮的蝦仁，鮮味爽口，正🦐🥢炒麵及生菜炒麵，份量唔錯，碎左少少，但味道卻意想不到的香。生菜好靚，好嫩好爽脆，唔使蠔油都超好食。南瓜玉米粥這道粥不僅色澤誘人，味道也非常香甜，南瓜的濃郁與玉米的鮮甜，暖心又滿足！北菇滑雞粥雞肉滑嫩，帶有少少鹽焗的香味，粥好綿滑，滿滿北菇香，味道可口。店舖剛開張不久，感受到店主的濃濃用心，味道和食材都不錯，絕對值得一試。

去屯門探朋友，見到軒記有布拉式腸粉，粥餐、炒麵餐，多款套餐選擇，價錢非常親民。最吸引我嘅喺布拉式腸粉，米漿蒸製而成，即點即整。我鍾意🦐蝦米葱花腸，食落腸粉香滑、軟綿綿，啖啖蝦米同葱嘅香氣，搭配鼓油醬料，更加香氣四溢豬潤魚片粥，豬潤份量多而且爽脆，魚片新鮮滑嫩，配搭粥品好滋味💖炸豬扒炒麵，豬扒切塊狀且夠入味；炒麵幼身，配料椰菜同蘿蔔絲，口感豐富。軒記布拉腸粉・美味粥湖翠路138號啟豐商埸地下G1C8號舖

啟豐商場終於開咗檔粥舖，老闆話開業都一個月，但完全冇宣傳，似家庭式經營！今晚試咗艇仔粥，皮蛋瘦肉粥，炸両同叉燒腸，四樣野，共$106。皮蛋瘦肉粥都好多皮蛋、肉就見到幾條肉絲，但我鍾意食皮蛋所以食得好滿足，而艇仔粥就相對比較少料，但粥底係好食！腸粉夠薄夠滑，叉燒腸好多叉燒，炸兩腸粉夠滑又夠脆，只係豉油太淡，唔夠鹹又唔係甜！整體係食完全部野唔會口渴，真材實料，見到佢有麵食供應！唔想食重口味食物，呢間係好選擇，性價比都高，值得推介！