車輪餅小姐

营业中

休息中

車輪餅餅皮蛋香味極重，口感鬆軟彈牙黃心蕃薯車輪餅-----黃心蕃薯蓉食落又香又天然，咬落去啖啖蕃薯肉，就好似食緊真番薯一樣!!!日本宇治抹茶車輪餅-----嘩!呢個真係正到不得了!!!一咬落去個熱辣辣嘅餅，入面D餡即時爆哂出來，流心到失哂控。抹茶餡打得非常幼滑，抹茶味濃郁而帶有回甘，唔係得嗰死甜。$11有咁好質素真係出乎意料!!!Oreo mocha麻糬車輪餅-----呢個餅無論創意/好味同夾嘅程度都100分!!! 因為個餅夠哂熱，咬落去嗰時塊麻糬拉咗條好長嘅絲XD麻糬超級軟熟同煙韌!!!而大大塊mochi令成個餅口感變得豐富，提升咗成個層次。香淳嘅Mocha餡不論朱古力或咖啡味都好重，意外地夾塊mochi同Oreo, 更帶出咗Oreo嘅朱古力味。俾$11就可以一次滿足三個願望，簡直就係窮人恩物!!!!!!!!!!

流沙抹茶車輪餅 （$11）一開始 都懷著好奇的心想知道 係咪真有流心一食落去 就知無錯😚😚😚果然有流心 抹茶味不缺少車輪餅 鬆軟可以$11買到 都算超值.提醒大家 🙋🏻每日都只有四種口味每款出爐時間大約20分鐘所以到時 要睇下有冇緣份可以即刻食到👍🏻👍🏻

看蘋果日報, 見到佢大力讚呢間小店, 說老闆薄利多銷, 親力親為, 又話好多人幫襯, 去到, 真係都有唔少人等緊, 等左20分鐘, 收錢那個人態度唔好, 一副唔憂做既寸咀樣子, 原本我係想揀流心奶皇玫瑰味, 個收錢人話"好多人都等緊流心奶皇味,你等下一批", 之後我問, 大約幾耐, 佢一面唔耐煩話"25分鐘!" , 之後我老公話佢意思係25分鐘後先再收order, 之後我同收錢人話甘我要抹茶流心味, 等呀等, 行來行去, 最後等左廿分鐘先到, 個包係無蛋味, 得面粉味, 內裡係流心, 味道一般, 根本唔值排甘耐, $11 個 我又唔覺得超平, 因為成本好平, 唔會再幫襯下次。

星期五3:30行過，可能熱潮減退，吾見人龍，再問要等幾耐，店員話吾洗等，剛出爐，一年前要排成粒鐘，而家吾洗排，一於買番幾個上樓食。一般味$11,特別味另加$12。比錢的時候好幾個人上前問價錢，又有人話比錯味要換餅，秩序與一年前依然混亂無改善過。我要3個朱古力2個抹茶味，臨時又話得2個，找錢都等左幾分鐘。5個餅用個膠盒放好，熱辣辣拿上手，餅皮軟綿綿，咬落有小小淡淡的蛋香味，朱古力流心湧出，朱古力味算濃滑，唯獨餅皮若做薄D，餡料可以厚D，就更開心，$11來做下午茶也不錯。小朋友食到笑不瓏咀。

荔枝角食完飯唔滿足。特登行去美孚會會車輪餅。試左是日推介栗子oreo麻糬車輪餅。無諗過佢地三樣野甘夾！！！熱乎乎又香濃既蛋味增加左佢既香氣。同幫左佢地。。味道更能融合。栗子唔係d假既味。Yummy!

美孚車輪餅小姐 出名又平又好食之前為左試招牌Oreo麻糬味排左成個鐘隊今次再黎 Oreo麻糬依然要等首先試個唔洗排的流心玫瑰奶皇味啦🌹$11 大大個 熱辣辣淡淡的粉紅色餡 有著濃濃的玫塊味玫瑰味好真 食落唔似好假的味味道不錯 但我expect會流心啲🤢😂宇治抹茶味 要等成45分鐘😩不過值得等！流心餡料爆餅而出！餅皮唔會好似某店咁硬乾乾 好鬆軟抹茶餡微甜帶甘 好真的抹茶味好想瘋狂Encore啊😈😈😈😈再黎！QQ麻薯草莓味oreo 對比起宇治抹茶味 呢個較為遜色朱古力味餅皮味道較淡 但依然十分好鬆軟麻薯好煙韌 oreo餅依然完整無缺鍾意麻薯嘅人唔可以錯過！

見到網上介紹就去試下 本身想叫 朱古力香蕉 紫薯 芋茸 但阿姐話無 之後叫左兩個朱古力咖啡同黃薯 點知力到反去只有一個比啱 其餘兩個比錯左綠棻同oreo ==  都唔知係咪懶得整 見乜拎乜 亂咁執比人  

車輪餅在台灣常常吃到， 但基本上都是紅豆和奶黃這些傳統口味，今天經過車輪餅小姐， 看到它的口味新奇又特別， 便買了兩個試試。原來車輪餅都是下單後才新鮮製作， 確保食物品質， 多等一會也是值得的。店子小小沒有坐位， 為免車輪餅冷了不好吃， 我在店外直接開動囉~ 先來伯爵茶口味， 整個餅其實挺大的， 一口咬下去，內餡滿滿的， 伯爵茶味香濃， 感著很高級， 口味少許偏甜， 但尚可接受， 內餡如能軟滑點會更好。吃了一個已經半飽， 但還是忍不住把綠茶味吃掉。 一咬下去有點失望， 綠茶味很假， 甜度亦太高， 有點失望。還有很多口味未試， 下次經過可以再試。

終於有機會去試下車輪餅小姐🕺🏿✨嗌咗個奶醬Oreo麻薯車輪餅對佢嘅期望都幾大 一直都好想試三樣都係我鍾意食嘅嘢 最重要係有煙韌嘅麻薯🤤唔係好食到oreo味🤔🤔因為主要都比奶醬味覆蓋晒佢係用咗粗粒花生醬 會食到花生粒 係幾正的✨中間舊麻薯都幾大舊下 亦都好Q彈🤤我係喺平日下晝時間去的所以冇乜人 佢係預先整定左😕食落只係微暖唔係熱辣辣即整起🙁失望🙁新鮮整起應該好食好多有機會再去試下 希望食到即整的

美孚$10爆餡車輪餅😍 四種口味供選擇💁🏼：流心雲呢嗱奶皇、流心日本宇治抹茶、台式芋泥及Oreo奶醬麻糬😃.偽文青就試了雲呢嗱奶皇同Oreo奶醬麻糬，因為呢兩個剛好燒好，不用等😅.流心雲呢嗱奶皇，沒有流心效果🤣奶味較重，都幾香，甜度適中。而Oreo奶醬麻糬，爆多麻糬，多到爆餡，奶醬料都多，加上oreo，相對較為甜，同有點膩🙄（可能我一次過啪左兩件車輪餅🤢）但我都係鐘意oreo奶醬麻糬多d，$10一次過三種味道，都幾抵😆..三個90後吃貨不斷開心share美食💓 歡迎在不同的平台 繼續留意我們的推介🙆🏼🙇🏼‍♀️大家亦可以向三個吃貨介紹美食👻我們一定會去試👅#愛吃也愛分享 #三個90後吃貨 #3bad_foodies#三個90後吃貨_美孚美食推介..#車輪餅小姐 (美孚)美孚美孚新邨吉利徑19號50B7號舖

10蚊一個，之前好多人排，熱潮過後不用等。當日口味，要了抹茶，令加一個是芋頭。拿上手仲熱的，用紙袋盛好邊行邊吃。個皮唔甜無蛋味同好厚，只係用麵粉同水開出，令人有點失望。個餡好流心，一咬就半流心湧出，加上抹茶唔太甜。另外芋泥都唔太甜，但打得唔夠細同滑。完全是名過於實，相信大家不用專登來吃了，樓下5元一個仲好味creamy,至少個皮好味同有蛋香。

睇雜誌知道美孚開咗間車輪餅舖， 今日去完多多買鳥結糖順便去車輪餅小姐買車輪餅。 有4款車輪餅就一次過每款要一個。  原本想返到屋企先食 ， 但途中聞到香噴噴嘅蛋糕味，即刻企喺條街攞一個嚟食， 抽中個朱古力， 個餅熱騰騰又軟綿綿再加溶咗嘅朱古力一齊食👍😍😍。返到屋企再食埋其他。 抹茶： 有D苦😩😩；紫薯： 無乜特別；  oreo阿華田麻糬： 好新鮮嘅配搭， 塊麻糬好正。 最可惜無我最喜歡嘅紅豆。 做人真矛盾， 當人人都買紅豆車輪餅又嫌人無創意; 見到呢間舖有新idea 但偏無紅豆味又好失望。真好！睇instagram知道西九龍廣場都有得賣了。

最中意食唔同口味既車輪餅不過可惜香港冇乜鋪頭做車輪餅車輪餅小姐既店主係位90後少女年紀輕輕就開店 研發唔同口味既車輪餅咁有熱誠 就一於幫襯下啦今次買左兩個 - 流心抹茶 同 高纖紫薯開放式廚房 睇住佢逐件逐件整所以都等左幾耐下攞上手熱辣辣 即刻事不宜遲先食抹茶 ($10)絕對流心 個餡爆哂出黎抹茶味不太苦澀 做到少許回甘再來紫薯 ($10)紫薯味道偏淡 感覺天然健康仲有一舊舊既紫薯蓉的確真材實料 感覺飽足車輪餅餅皮有蛋香但部分位置略嫌厚身整體不俗👍有機會會再試其他口味

豬小姐對美孚嘅感覺係既熟悉而又陌生 熟悉係因為經常在此站轉車 陌生嘅係極少接觸美孚閘外嘅世界今日行多幾步 跳出閘內嘅框框 就係因為佢「車輪餅小姐」車輪餅小姐係一條巷仔裏面 位置唔難搵但唔太起眼兩點幾去到已經有唔少人等緊啦 明白嘅 即叫即製 係需要啲時間每日四款口味而且口味每日唔同豬小姐今日試人氣極高嘅oreo阿華田麻糬味車輪餅等左十五分鐘左右 新鮮滾熱辣嘅車輪餅到手了車輪餅圓碌碌大大個熱呼呼 還滲出甜甜嘅蛋香餅皮軟熟鬆軟 趁熱食真係無得輸！將車輪餅搣開 清楚見到三層 就係oreo 阿華田同麻糬啦 餡料好足料 餡已爆其實oreo同阿華田味唔太突出 突出嘅反而係麻糬Q彈嘅口感初初會覺得尼三樣偏甜嘅味道夾埋一齊實甜到漏 但答案竟然唔會啊 一人食一個 做飯後小點 岩岩好$10一個真係超值！下次想試抹茶同伯爵茶味 支持用心小店

之前在網上見過有人推介，想試好耐，今日反正經過就去睇下。7點多去到見門口有兩三個人等緊，店員話如果係紫薯味車輪餅就即刻有，正正打算食紫薯，岩晒！拎上手暖的，撕開一半睇，真係勁多紫薯蓉，但食落就無咩味⋯⋯其實我本身都唔係食好甜既，但我都覺覺得無咩味，我諗鍾意食甜既朋友就更加唔岩了。而個餅可以重少少蛋味就好了。如果唔洗排隊都可以試下既，但如果要等半個鐘的話個人就覺得唔值喇。