車輪餅小姐

营业中

休息中

見到食評唔錯，　咁啱經開小店車輪餅小姐，已經有３個人等緊，我一個人買了個流心日本宇治抺茶車輪餅試（熱熱的忘記了拍照）不用等，　即刻可以食，餅皮是一般的日式餅，中間搣開，抺茶不是深綠色的那種，是暗綠色的，有些許流出來，有綠茶味，卻沒有一般日式餅的香味，整體黎講，它是合格的，如果你追求更高水準的便不是了。如果有紅豆抺茶可能會加分。

假期與黑䐁丶小小儀前往古色古香的荔枝角公園遊玩，上開飯網發現附近有好評的車輪餅小吃便按圖尋找～不是住在當區的確有些難發現，因為是藏在類似街市的小巷中。小小的店面寫着是日推介的四款車輪餅，沒有小儀最想試的抹茶味，只好點了焙茶和等了15分鐘品嚐新鮮製作的Oreo紅豆麻薯口味～流心焙茶味車輪餅$11: 3.5/5其實小儀本身不太喜歡焙茶味，這個卻可以接受，雖然沒有拍照，其實是爆流心餡的，重點是一點也不太甜，配上淡淡的茶香，如果是抹茶口味，應該會是小儀大愛～Oreo紅豆麻糬車輪餅$11: 8.5/10足足等了15分鐘，卻也值得，材料非常豐富，有一整塊Oreo，配上香甜的紅豆和有口感的麻糬，加上本身有清淡蛋香的外皮，小儀和小小儀一人一口，吃得不亦樂乎，幾乎都不想分黑豚了～不至於要專程前往，但如來到美孚區也是值得一嚐的好味到呢

香港人就係成日都人排又排下 之前去朋友屋企就經過呢間無人所以朋友就話想試 因為佢睇左網上勁讚 試完只可以話佢根本唔好食 首先個車輪餅係凍嘅 然後再食個餡都係凍之餘 佢餡料好甜而且同個餅麻麻地襯 重點係車輪餅係連個餅都做得唔好 唔該咪咩都報導左又話隱世小店就去試 真係中晒伏 如果大家唔係住附近真係無必要特登去 如果你行開見到可以試下佢到底係咩料 有無伏

沒有收看電視的習慣，卻少有地留意到近日的飲食節目「馬家開飯」。上至fine dining，下至街頭小食，節目裏都有涉獵提及，雖然節目有追趕潮流、粗製濫做之嫌，但細看之下又覺得題材無比貼地，當中的飲食熱點不就是傳媒、網媒、博客提及過的嗎？其實上網多於看電視的我，這些食店透過博文已早有所聞，不過影像的刺激確是會令人加深印象的。這天乘巴士至荃灣之時，於美孚靠站之際下意識看看窗外，看到了這熟悉的名字一車輪餅小姐。也許是食友的本性使然，忙不迭下車拜會車小姐去了......如此舉動有點誇張的說，但反正前往的目的地需轉乘的士才能抵達，而且還能順道為友人帶上一點心意呢。看過不少媒體報導，食友們的分享，光顧車輪餅小姐還是首次。美孚對我來説只是個轉車站而已。穿過地鋪商場便看見車輪餅小姐，一家平實街坊的小店，貼滿海報、媒體剪報，最醒目的要算是那幾張本年度「開飯網熱店選舉」海報，作為街頭小店能入圍八强，對小本經營的小店來説確是值得榮耀。中午仍未到開飯時間，店前竟無等候的人潮，但不到十數分鐘的光景，門前已聚集了十數人，有街坊、有主婦也有學生，該是小店的固定客源，相信到下班黄金時段，這類飽肚小食定必大收旺場。$1

去荔枝角公園玩完，本來想食雞蛋仔，點知全部整定...當我諗住放棄之際，竟然比我發現冷行裡有呢間特別既小店店員好努力咁整整整，本來想試下oreo味，我太肚餓喇，等吾到15分鐘，留番個機會下次再黎啦！隻隻味我都好like, 味道雖然不多，但係勝在夠特別👍原來車輪餅係咁既樣😳咬開之後d抹茶醬係咁流出黎🌋🌋甜度岩岩好，而且新鮮做，所以好熱辣辣，正呀！😍其他食品任君選擇！！每期都有吾同味值得再試😳

Was passing by this shop and read many good comments before. This, I chose a very extraordinary taste - oreo with grapefruit mochi - wow, the cake is really warm and make me feel good.But the taste is really strange......seems the grapefruit cannot go well with the wheel cake custard. I would suggest to try other flavour.

熱潮過後，12:30pm 到，人流唔係太多人，終於可以一嘗佢哋嘅車輛餅。店舖好細間，每日都會出四款不同口味車輛餅，今日四款如下：我order 哂4款唔使煩，等咗大約5分鐘已經執齊比我，買4件佢比個透明車輛狀膠盒裝住，車輛餅是熱的，所以個膠盒隔左一陣霧出倒汗水係盒內，感覺個餅會因痴到水氣令口感唔好食，所以我找個地方坐下，即時取一個食先，順便抺下盒內倒汗水，避免影響車輛餅質素。外層車輪餅無乜蛋味，熱食會好味d餡料：椰香紫米，唔係太多，幾香椰香紫米味餡料：流心抺茶。 呢款係我最期待的，外皮薄，入面充滿流心搽茶，可惜抺茶味唔夠香濃。黃心甜薯：食落啖啖甜薯，好味呢個oreo 柚子芝士麻糬，入面分開三層餡料，但味道唔吸引，三款撈埋食，唔覺特別好味

聽過很多次，自己住美孚今天終於試過，但一定冇下次餡好少，皮太厚，將貨就價，講真，食唔出紫薯味，另一款烏龍茶只係食到好大舊餅，餡一點都不吸引，味道根本唔夾，重買埋紫薯奶凍，結果又係死甜爛甜，我唔明白讚的人食過大判燒未，呢個只係失敗版的大判燒，只能說永無下次

睇電視連神之馬壯都推介的車輪餅，一於同老公去試一試星期六3點幾去到，預左要排隊，因為係新鮮即製，好彩唔係好多人。買左之後會俾飛，店員會預算出爐時間叫我番來取。他叫我4點取，我4:05番到去真的即刻有Good呀！新鮮出爐的車輪餅好香噴噴，忍不住要即刻食一個，我揀左即刻食個M&M抹茶麻糬先。其實講真，個皮唔算好好味，因為唔夠蛋香味，所以頭兩啖未食到餡時其實麻麻地。但它都算皮薄餡靚，一食到中間d餡就好正。抹茶味超正，趁熱食仲有流心，同朱古力和麻糬好match!! 之後食紫薯味，超多餡呀！而且一食就知紫薯沒有加糖，食得出的原汁原味！個人推介必食這個高纖紫薯味 最後食烏龍茶流心鮮奶，這個味道偏淡，如果喜歡較清淡的朋友可以試下，我個人就麻麻地，唔知係咪攤凍左所以扣左分 總括而言，$11個車輪餅，仲要皮薄餡多，真係抵食。不過建議一定要趁熱食，凍左唔好食！

終於行到一半返屋企了，本身想學高登行路巴打咁由長沙灣行返去荃灣，但真係太攰又開始想落雨咁。所以決定放棄，下次再續。黎到美孚搭車返去算了。臨上車前記得呢間幾出名嘅餅鋪，當然要買返一兩件返去做孝順仔啦。門面幾細，一眼就睇晒前面收銀，後面整餅。係今日推介嘅四款味入面，揀左綠茶同埋柚子OREO麻糬各兩個。因為係鋪頭即場整嘅關係，所以邊等邊聞到蛋餅漿焦香嘅味道。除左車輪餅，呢度都有唔同甜品選擇，但車輪餅嘅味道太吸引，唯有留返下次先食。等左五鐘就到手了。流心綠茶個味超濃郁的，但又唔會得個死甜，甘甘苦苦嘅綠茶味啱啱好，而且車輪餅皮好鬆軟又有蛋味，同個餡嘅味幾夾。OREO柚子芝士麻糬。因為入面個餡料實在太多，所以餅皮會薄啲，但因為咁所以咬開見到層次分明，口感又豐富，麻糬軟糯，芝士順滑，OREO餅又帶返啲粗糙。而柚子芝士嘅酸甜起左中和作用，將麻糬同OREO嘅紮實感大大減低。咁多人追捧，不無道理。P.S外賣返屋企凍左嘅話，記得擺入微波爐叮返熱十零秒，唔係食落會差少少。當然即場食先係最好的。

車輪小姐已當姐左一段時間今日行過呢邊所以專誠到訪😁😁😁位置於巷仔入面, 可能因為唔係放工返學時間唔算好多人而且係即叫即整, 好有誠意熱辣辣, 即時趁熱食口感真係好鬆軟😋因為叫左太多口味, 有幾款就算係外賣大半個鐘後先食都仲keep到暖暖地分別試左綠茶味, 紫薯味 同 Oreo阿華田麻薯味, Oreo阿華田麻薯味兩者口味出奇地夾😀👍🏻而且每款味道都唔會太甜, 件件都係流心餡料都幾足料! 👍🏻👍🏻👍🏻整體係不錯的! 始終新鮮熱辣辣做好就食, 幾新鮮

收工後有時會行去美孚食小食，美孚附近都有很多不同種類既小食。竟然食飯前得1個quota食野，本人較為食我就選擇左車輪餅小姐，本身都要等下人，經過生果日報介紹後，人龍更長。昨晚幫襯要等30分鐘，落單前店員會告知，我決定等。如是者，先付款，店員會比個簡單號碼你，餅準備好就叫號碼方便拎餅。好有程序，食客都好有耐性等。終於等到喇，熱騰騰既流心綠茶味出爐喇。唔太甜，綠茶既流心好吸引到我呀！每日既唔同口味就好似買六合彩咁，我想食奶黃味，希望下次行過時遇到

美孚呢個地方真係好少黎，公司活動去左參觀饒宗頤文化館，入面有幾個展館都好得意，其中一個講文字，另外有一個講叮叮，對呀，係香港島行駛既「叮叮」！ 以為饒宗頤文化館入面冇咩好食，點知個中菜好滿意！有機會既下篇再講～ 完左活動就試下幾出名既車輪餅！ 感覺有點難找，行左好多冤枉路，名符其實既路痴>< 終於都到，要認住佢個招牌！ 今日有四款口味，包括「流心自家紅豆」、「流心日本宇治抹茶」、「流心雲呢拿奶皇」同「oreo奶醬多香蕉」，佢地既口味係會日日轉架，款款都好似好吸引咁～ 除左車輪餅，佢地仲有其他甜品，芒果奶凍呀，紫薯奶凍咁～ 抺茶車輪餅($11) 隔左10分鐘先食，車輛餅仲係好燙手，搣開個刻啲抹茶餡要爆喇，抹茶唔太甜，帶點點苦，加上厚實既皮，幾好！ Oreo奶醬多香蕉車輪餅($11) 呢個幾特別，一次食到3款味，oreo，香蕉同花生醬，喜歡淋patpat既香甜香蕉蓉，同花生醬又好夾架！車輪餅既款式日日唔同，$11個當小食我覺得唔錯，但唔洗山長水遠入黎食~

之前睇到報紙同雜誌介紹呢間車輪餅小姐，今日特登過嚟美孚一試佢嘅車輪餅都好多特別口味台式芋泥、OREO粟子麻糬、流心朱古力同埋流心抹茶我試左流心抹茶同OREO粟子麻糬兩種真係熱辣辣流心效果架，抹茶味好濃岩晒抹茶控既我！甜度剛好另一款係OREO粟子麻糬，其實味道都唔差既，不過加埋一齊個感覺就唔太夾，特別係麻糬煙韌既口感同車輪餅真係唔夾，三種味道夾埋一齊就甜左少少總括黎講都唔錯既，熱辣辣食好味好多。以$11 一個既價錢都抵食既

日前終吃了美孚超人氣小店「車輪餅小姐」的出品了，由下單到拿到食物足足等了一小時，幸好秩序尚算良好。點了兩個車輪餅，首先吃了流心日本宇治抹茶車輪餅，餅身軟硬適中，挺香。內餡真的是勁爆漿，抹茶甜中帶甘苦，味道錯縱複雜。再吃一個Oreo紅豆麻糬車輪餅，更正斗。味道不是死甜，麻糬QQ的很煙靭，加埋香香的紅豆及Oreo，這個組合比我想像中的更夾。此店每天供應的車輪餅口味雖只有數款，但未必相同，且配搭創新，令人有意外驚喜。至於是否值得等成一小時，倒要看你是否趕時間了。畢竟我看見只有一個人人手製作車輪餅，想加快速度看來也無甚可能。