車記車仔麵 (已結業)

　　今天天氣十分寒冷，因此想吃一點熱的東西，以及以熱湯浸泡著的食物，讓身體會暖和些。恰好經過這裏，便走進來了。　　幸好人不算太多，大多數人都是外賣自取的。我覺得車仔麵可以跟菠蘿包蛋撻一樣，作為一種地道的港式特產。　　車仔麵有個好處，就是可以自由選擇配料湯底和餸菜，我就點了貢丸米線，配熱奶茶。　　米線夠大碗，米線夠軟稔，卻沒有碎和斷，不錯，而貢丸有五顆這麼多，還附一綹紫菜以及一些豆角，湯底不算太鹹，恰到好處。　　奶茶卻有點遜色，奶多了一點，茶味稍嫌不夠。　　但整體來說我還是很滿意，夠經濟，夠地道。

十一月下旬‧陰天在西班牙回來以後，吃了好幾日的車仔麵。當中吃過很辣的，而食友說跟這裡的一樣，所以在一天特地來試試。這裡的麵寧寧舍舍比別家的便宜一點，小什麵都只是28元，就要了這一款，當然要加入招牌咖哩汁。配料有豬皮（太腍）、蘿蔔（味道正常但有渣）、魚旦（鬆鬆的）、魚片（正正常常）、豬紅（沒味）、美味齋（沒味，當然不美味）等等。個咖哩汁不太辣，不太香，跟新記的有點差別。

是日早到，但因為多野做而不想在外食。在大街上想了又想，決定來試這一家的車仔麵。哈哈，一大早來吃車仔麵，是否過份呢? 應該不算吧，因為我發現，一個三餸的車仔麵同一早食的扒類公仔麵既份量係差不多。食車仔麵，麵底就離不開油麵啦，通常一間人流不少的車仔麵店既出品都會不錯，反而有時候遇到了過腍，梘水味過重的生麵，更是不好，所以，油麵永遠是最好食的。而且湯底加入了腩汁，更加是香。可是，牛腩就是呢一碗車仔麵既敗筆，雖然車仔麵通常都是提供碑腩，碎是沒有問題的，韌、硬...成舊石頭咁，要消耗上一定的卡路里，做了不少面部運動才能咀嚼下去.....幸是豬皮不錯，芝士腸一口就能爆出勁多芝士，不是太差。不過，我原本是要獅子狗的，錯了但有錯的好。此店雖近，但咁普通既車仔麵，吸引不到我再來。

好耐都冇幫親車記, 都是中學時代的回憶吧.入內迅速地點了小雜油麵… 盛惠26蚊, 凍奶荼 .. $8蚊小雜麵. 內有魚蛋, 豬紅, 蘿蔔, 魚肉, 豬皮, 紅腸, 美味齋, 食後感: 湯底不夠熱…味道還尚可. 配料數量全部兩件, 太少了.感覺好吝惜, 我寧願佢貴少少, 至少碗麵給人的感覺都豐富少少.凍奶茶, 才$8 !! 真的沒有要求了!相信現今市道, 熱奶茶都要10蚊吧…講返杯凍奶茶的quality, 太多冰了.令到d 茶味都淡晒.. 在這區30蚊內食完碗咁多餸既麵, 都算難得.既然是平, 款式多取勝, 要求就不能那麼多啦.

忽然想食車仔面, 好久之前於cwb食過一間, 大雜米, 有7-8個餸加米, 湯底好得, 二十多蚊, 好食, 但唔知係咪搬左, 好耐無食過啦 , 在op搵下, 見到呢間有大雜面於是放工去食啦, 七點多, 有三四枱有人坐, 咁我睇下menu都係要大雜面啦, 一食魚肉, 好林呀, 是一舊粉 , 剩下的魚肉都沒食了, 其他餸(記得少少)有...........魚蛋, 豬紅, 紅腸, 面根等, 都係一般啦, 湯底尚可以, 但較油, 唯一米粉最好, 很爽

過了午飯時間隨便走進了車記車仔麵。五餸麵二十八元是很划算的（在附近的新記只能吃到三餸）。魚蛋、腩肉ok，蘿蔔不夠熟、不入味，鹵水蛋有點乾，腸仔正常。湯底有腩汁味，不覺有太多味精，算可以。選了幼蛋麵。老實說，普通質素的幼蛋麵這樣放湯吃是頗難吃的。。。吃完後都算飽。這個價錢過得去吧。是一個人吃飯的不錯選擇。

一個人在外晚飯的選擇不多，想吃多款食物更是不可能，但來到近鵝頸橋的車記，算是勉強能滿足那種「樣樣也想要」的要求吧。 車記位於鵝頸橋旁的大街上，門外還有巴士站，但店子小小，毫不顯眼。店內裝潢欠奉，格局有如一般港式茶餐廳，但用上白光燈令環境光亮整潔。食物方面，這裡除了主打的車仔麵，還有碟頭飯及其他小食。車仔麵配料每款 $5.5 或 $7.5，單叫價錢不算便宜，但這裡還有「大雜麵」及「小雜麵」兩個項目，集合多款配料，價錢只售 $24 及 $27，比較划算。 大雜粗麵：材料有咖哩魚蛋、豬皮、豬紅、蘿蔔、魚片、紅腸、魚肉及通菜，雖然不是貴價食材，加上質素一般，但勝在包羅萬有，份量十足。當中的魚蛋只是粉頭，不值一吃；豬皮口感不錯，但蘿蔔卻不夠入味，粗麵底與其他材料則不甚突出。值得一讚的反而是辣椒油夠香夠辣，加入湯底確令車仔麵生色不少。 凍檸茶：茶味比坊間較重，但跟麵要另加 $8，也不算便宜。要說「很好吃」，車記未必能有很高的排名，但廿多元能嘗多款食物，又確是划算的；而且份量十足，不難吃得捧腹而回。但要注意每人最低消費為 $15，入來吃串魚蛋來「攝時間」便不成了。

這間在東區商業大廈左近的車仔麵檔, 不起眼, 而且食客不多遂入內, 坐位只有20個左右我一個人選坐在圓枱轉身有掛牆電視看Menu 上有很多款供選擇, 我叫了三送河粉, 魚蛋, 豬皮和雞亦尖, 選清湯, 亦可加咖喱汁或麻辣汁魚蛋有4粒, 好吃, 夠彈牙; 豬皮多件, 很入味, 略嫌軟身, 鹵水雞亦尖size很細, 入味, 有5, 6件吃完很飽肚最想推一推店內的辣椒油, 係超正! 濃湯加少少辣椒油, 索入幼河粉條, 真係好好味! 食後不感覺口渴,相信味精不多要彈的, 是飲品要加$7-$8, 如果$5-$6就perfect隨時會再來吃, 好味道

車仔麵應該係港式地道美食之一, 記得幼童時真係企响街邊, 無枱的, 要用手拿着碗來吃. 今天通街通巷都入鋪吃了, 認真舒服. 市面上有很多車仔麵, (身)記, (中)記...等, 但我反而鍾情於這裏, 但不知何解, 這裏的評語則麻麻... 今晚路過, 依然點了我摯愛的車仔麵: 豬大腸, 紅腸, 齋 - 豬大腸煮得夠腍入味, 紅腸則切得太薄, 冇乜口. 湯底的美味當然令浸在其中的齋也美味起來. 雖然明知是味精湯, 但我總會喝很多的... 我也不得不承認, 以這價錢吃一碗車仔麵是貴一點的, 相信大部份是用在租金上, 也是坐在鋪內吃得舒服的關鍵吧!

主打車仔麵，卻不能叫好。所叫的三餸，豬皮、蘿蔔、魚蛋，只得蘿蔔較甜美，可算合格；豬皮亦算爽，不過不失；最差是魚蛋，是幾粒無味的粉頭。幼麵雖彈牙，可是湯底不濟。早有心理準備湯底不缺味精，不過出來的味道不能說是好味，而是感覺很味精，相信落手很重，當然事後超超口渴！更弊的是，邊吃邊目睹廚部大姐拿出一罐味粉，在你視線下放落其大兜湯水。這足以給予喊臉吧。另叫的豬扒蛋飯相當正常。豬扒肉質鬆軟又不肥膩，已經拉番高一點分數。

放工趕住睇奧運，一心在附近找一間有電視的食肆，經過車記，見佢唔太多人，就入去了。要三餸麵，豬皮、芝士腸、雞中翼，要公仔麵，加杯凍檸茶。未幾，服務生把麵端上來，眼見碗麵既色水唔多對辦，心知不妙。果然，炸雞中翼又淋又唔脆口，芝士腸似白烚，叫佢碗麵加腩汁又唔加，毫無味道。十分肚餓，但面對水準如此低劣的食物，胃口也驟降。沒有套餐，一個三餸麵要廿蚊，凍飲仲要加八蚊，合共二十八個大洋，一點也不抵食。唯一係好在有電視直播奧運，才有番點欣慰。

午飯時間, 飯後又要趕住去銀行, 點算好呢? 唯有搵一間又快又近銀行嘅食店, 拿拿聲食完就閃! 行到黎呢間食店前面, 師傅猶豫左一陣, 究竟入唔入去好呢? 皆因呢間食店師傅喺銅鑼灣試過一次, 感覺一般; 但見佢除左有車仔麵之外, 仲有飯食喎, 既然係咁就入去試下啦!入到門口, 企左一陣都冇人招呼, 於是乎師傅自己搵位坐; 坐底後即刻睇下有咩食先, 最後師傅都係冇要車仔麵, 而係柯打左個豬扒紅腸雞翼飯!豬扒紅腸雞翼飯都等左一陣先有得食, 喺飯未到時都好彩仲有電視睇, 咁樣d時間都冇咁難過; 終於豬扒紅腸雞翼飯登場喇, 講真個賣相真係麻麻, 不過是但啦, 拿拿聲食完就閃! 先講下紅腸, 紅腸有兩片, 都煎得好香脆, 而且切得幾厚下, 味道可以口感唔差; 雞翼有兩隻, 皮係煎得幾脆, 不過就幾乾身, 麻麻地; 而豬扒就一大塊, 都煎得幾油, 加上幾乾身幾鞋口, 唔掂; 再試下個飯, 飯就幾軟熟, 份量都夠, 不過最差就係個豉油汁, 冇味淡口, 差!總括黎講食物質素都係一般, 唔算吸引, 服務就冇, 環境都算清潔乾淨, 而價錢就一般啦, 廿六蚊冇野飲, 可以啦; 本來呢間食店仲有一樣野可取就係

到友人家探訪, 之後見呢度有車記, 我一向都喜歡幫襯銅鑼灣個間, 我估呢間都係分店卦. 咁梗係要試試啦.點了大雜米粉, 有豆卜, 蘿蔔, 豬皮, 豬紅, 雞翼尖, 冬菇, 菜, 紅腸, 魚片, 魚旦, 齋. 豬紅係少有的質感, 很久前吃過一次很假, 超彈牙的, 很怕. 但呢度的唔錯. 雞翼尖和冬菇炆得入味, 係呢度最出色的送. 其餘的係ok 咁啦. 但呢度的車仔麵, 不用加沙爹醬之類, 湯底都很夠味, 又唔會口乾, 很不錯.