路邊煱 (已結業)

近排天氣咁凍, 最啱就是打邊爐, 今次去了位於土瓜灣的路邊煱食晚飯.入到店內, 店員安排坐下, 並奉上醬料, 醬料選擇不算好多, 以基本為主.這裡火鍋湯底選擇也有不少, 最後我地點了花雕醉雞煲(半隻). 打邊爐之前, 我地點了一個小食, 就是八味金磚豆腐.豆腐外層炸到金黃色, 再灑上調味粉. 入口時外層微脆, 又夠惹味, 而內裡的豆腐仍然保持得好滑, 雙重口感.食的時候仲熱辣辣.另外, 附有醬汁, 客人可以因應自己的喜好而選擇點不點醬.我兩種食法也有試過, 我自己覺得不點醬料好味一點.火鍋湯底上枱.雞和湯底是分開上枱.店員會在客人面前再雞放入湯底中.湯底的配料也相當豐富, 有杞子, 淮山, 紅棗等, 相當滋補.煮滾後, 便可以先食雞.剛剛煮好的雞, 雞肉夠嫩滑, 入口時帶有淡淡的酒香味.當雞食得七七八八, 便可以打邊爐.我地點了特選黑豚肉, 胡椒豬肚丸, 即製脆響鈴和鮮蝦丸.特選黑豚肉.平日打邊爐多數點牛, 但今日想轉下口味, 所以點了一客黑豚肉.上枱時已見到黑豚肉的色澤是嫩粉紅色, 非常靚和新鮮.入口時, 黑豚肉幾爽口, 幾有口感, 而豬肉味也幾濃郁. 打邊爐我一定會點丸類, 這裡見

講起雞煲，自然會想在土瓜灣的路邊煱。最近聽講這家店開了分店同樣在土瓜灣，裝修後不久而且面積更大，於是就去一躺。本身是打算吃麻辣雞煲，不過朋友說不想吃辣，於是挑了醉雞煲。肚子餓得不得了，這客椒鹽豆腐是我醫肚的良品。外表薄而香脆，熱辣辣的入口會燙咀，豆腐十分嫩滑，豆味香濃。 醉雞煲較麻辣雞煲清淡，重口味的話可以沾點醬油和加點配料。 湯底滾了之後就把雞肉放入湯，想酒味濃點的話就要把整碟雞肉連汁倒入去。 先講雞肉，剛剛好熟的時候最嫩滑，肉質鮮嫩，帶有淡淡的酒味。 這味魚肉釀豆卜，魚肉不會腥，與豆卜味道很夾。 鵝腸爽口彈牙，肥肉不多，吃著不覺肥膩。 竹笙吸收了湯的精華。 牛頸脊是必點的，肥瘦分明，焯熟後爽口而且肉嫩，牛味很濃。 細心的店員幫我們轉細碟，也排得很漂亮整齊，要讚一下！

今日黎到佐敦，好多唔同既嘢食。 最後去咗打邊爐，見呢度又有雞煲一於一箭雙鵰。 首先黎個唔辣嘅雞煲，啲雞全部都好滑，而且個汁都好濃郁，我哋兩個人食半隻雞已經有啲飽。 食晒啲雞就可以加雞湯，系個湯滾緊嘅期間，我有啲口痕叫咗個椒鹽豆腐，個豆腐真係不得了，外脆內滑，滑到冇得講，用幾分鐘就啪咗半碟，真係好正。 呢個時候個湯都滾啦，首先試吓佢呢度嘅本地手切肥牛，牛味濃，夠薄又軟諗。 個蝦都幾新鮮喎，六一陣已經食得，蝦肉十分之爽，而且size亦都不錯。 另外一提呢度服務真係唔錯，我叫左一個讚歧烏冬，侍應非常之細心，係我擺個烏冬落湯之前，就奉上一個筲箕，比我放個面入去，咁樣夾嘅時候就方便好多，真係好貼心啊。

睇開我食評都知我係無肉不歡，但好多出名嘅邊爐都試過，所以今次揀左較為偏僻嘅土瓜灣，幫襯下啲小店。不過最近應該出左名，所以都要等大半個鐘。終於帶住餓到暈嘅身軀進入鋪頭，呢度仲有一啲熟食提供，當然要試一試..叫左一客炸豆腐，衰鬼又炸得幾乾身，唔會食到成咀油！之後大家叫左一個海鮮鍋嘅湯底，甜到一個點，真係忍唔住deal左三碗，之後好戲登場！啲牛口感好出色，有得咬而唔會韌，一流，另外佢嘅響鈴新鮮炸出黎，真係好出色，其他邊爐配料都無out of expectation 牛更加係大fit..希望香港可以繼續出呢啲小店！就係我地食客之福！🙊🙊

凍冰冰當然無打吓邊爐好啦！去左朋友介紹呢間! 開始叫左兩個小食先, 一個椒鹽豆腐, 另一個係蝦膠釀油炸鬼, 個豆腐好香口, 而豆腐亦好滑! 正! 我地二人叫左個招牌雞煲試吓! 黎到果真香噴噴! 叫左半隻,份量都唔少! 食落唔錯! 個調味適中, 不太咸,又不太過辣,啲雞亦幾嫩, 無雪味。 食完雞當然就係開始打邊爐啦! 叫左個手切牛頸脊,珊瑚蚌, 仲有白鱔片!牛肉肉質可以, 稍嫌牛味不夠, 響鈴好薄好脆, 即叫即做喎!! 這餐都幾滿足, 唔錯! 另外侍應都幾好服務態度!

大約一年前到過美善同街的路邊煱，一直念念不忘他們的入味湯底，最近發現他們在美景街開了分店，當然要一到捧捧場啦。 店內同樣明亮簡潔，感覺舒適。桌上清楚放好幾款調味料，適合重口味人士。 先來個八味金磚豆腐，頂級在於每粒大小相約的金黃色豆腐，外皮脆炸，薄薄的輕咬一下，隨即是幼嫩的豆腐腦，極為滑溜，亦與香脆外皮形成強烈對比，極度推介！ 我們先要了個花雕醉雞煱，花雕酒不會過多，正好於品雞的同時嚐到花雕的淡香，人亦自醉。雞的份量剛好，骨肉分明，食時亦無碎骨，啖啖肉！雞肉肉質嫩滑，脂肪層算薄，食落很鮮呢。 另外朋友推薦路邊煱的牛頸脊，果然不負眾望。淥時以筷子夾好放於鍋底，等大約二十秒讓鮮紅的牛頸脊變灰肉色，隨即拿起及時享用。食落牛味很重，肉質比較滑，肉感亦很強，而且不算很肥，非常好味呢。 還要了皇帝菜、唐生菜和西洋菜，吸收了醉雞精華的菜特別入味啊。 這裡的響鈴卷和炸枝竹都是新鮮炸起，夾起已是卜卜脆聲，入口不但沒有油壓味，還沾上了些雞香，食落很有口感。 豬頸肉亦是一大碟，很滿足呢哈哈❤️ 雞煲火鍋店現在俯拾皆是，然而這裡卻獨有其吸引之處。除了因為他

今日開始有點凍，想食個雞煲左諗又諗，最後不如去路邊煱,找下openrice地圖，原來佢開左間新舖，當然去試新舖啦。問返待應原來10月先開，所以超新同坐得更舒服。大約幾桌客係度開餐中！～我地食左差吾多3個鐘都冇人吹我地走，超飽地離開！～其實覺得佢吾錯原因係野食新鮮，吾會食黎食去都係果D，佢個蟹煱超正，但因為今日得2個人就冇食而去食雞煲加打邊爐。雞煲辣度同麻度都可以選擇，最後我地叫左中辣加少麻，味道可以keep好耐，食完個湯味道仲有。佢同其他火煱店差不多，有一盆調味料比我地，當然我地再叫佢比少少醋加入去可以更香同好味。飲品都有啤酒同涼茶汽水，當然有男人一定叫啤酒，青島以$18黎講係好抵飲，而我就飲鴻褔堂$14枝。可樂仲要係樽裝比較以火煱店黎講少有！～八味金磚豆腐價錢吾叫貴(＄48)但分量都好多，外皮炸得好脆口但豆腐仲保留到滑的口感，熱乎乎要等一等先一口吃。仲要吾太油，吾會食到成口油同碟全係油，炸得好好。而脆皮上面已經有少少七味粉和咸，味道適中，又香口，飲酒一流。佢仲有醋沾黎食，少少酸同脆口就更好味。雞煲皇半隻，以＄138黎講份量激多，雞食落都好嫩滑和好多紅洋䓤和蒜配料，好香口而辣度剛好，不

眾所周之，土瓜灣美食林立，不少各有特色的小店都有。這天晚上，特意到了土瓜灣吃一個熱騰騰雞煲。 這次點的是醉雞煲，大量花雕酒之下，酒味極香。加上湯底不少藥材下，令整個味道都十分香濃。 隨湯底會附上的食材。 便可以隨即將雞放進雞煲之中，雞並不太肥，肥肉不算多。而吃下去，由於雞一早已被淹制，吸收了花雕酒及藥材的味道。 當然，前菜都十分吸引。八味金磚豆腐 $48 外層用上大量七味粉下炸，而做到外層脆，內熱的感覺。至於外層本身，除了香脆之外，七味粉亦將味道帶出，毫不油膩 吃畢前菜，當然要點上配料。即製脆炸響鈴 $38一上檯，已經見到熱騰騰的感覺，已經出煙，而放進去湯底中一陣子，就可以吸收湯底精華。咬下去，十分香脆，雞湯的汁及本身的味道，都溶入口中。 另外，枝竹都是必點的推介之一。炸枝竹的好處是可以放在湯底時間比較長一點，但兩者共通點都是十分香口，好味,比起其他非自家制的，味道來得新鮮。 火鍋絕不可缺少的佳品 --牛肉。這次點了美國牛頸脊 $258相信識食之人都會點上牛頸脊的，因為如圖可見，其脂肪比例十分平均，而且牛肉味十分濃厚。放在湯底隔一陣子就可以放在口中，爽口

朋友飯聚,指定想食雞煲,搵到呢度試下!小辣雞煲煮滾咗先上枱,焗多陣就食得!雞件好滑,個汁香濃,但建議叫中辣,因為小辣真係無乜料到.洋蔥同蒜吸晒個汁d味,好好食!牛頸脊,呢個好味!油花均勻,重牛味,必食推介!蝦滑釀鮮冬菇,新穎既配搭,蝦滑彈牙.響鈴,新鮮自家炸的,每層都好薄,放落湯一秒已經可以吸晒湯汁,又係食唔停口系列!生菜同娃娃菜,切得好靚吖!好少食店會咁有心機切到咁靚上枱！

天氣冷冰冰，最好就是食個熱騰騰的火鍋來暖下身，前幾天在貴州街飲完咖啡，其後就在附近四周逛一逛，行到落山道附近轉入美景街，發現有一間新的火鍋店開張，就是「路邊煱」，而且又是近我公司，行過只都不用20分鐘，所以今晚約了個朋友仔去了此處打下邊爐。 此店的環境都好光猛又整潔，座位大約可以坐100人，店中設有電視機可以一邊打邊爐，一邊看電視劇。安頓座位後，店員都好有效率地送上了杯熱茶及倒了一些豉油，另外還拎了一盤各式火鍋配料給客人自行添加。配料有蔥花、莞茜、沙爹醬、紅辣椒、蒜蓉等......跟住點了鴻福堂涼茶($14一支)，分別點了雞骨草及柑橘檸檬，我支雞骨草是低糖，味道都不會太甜膩。火鍋款式都有不少選擇，分別有生猛海鮮、水產類、素、豆、菇類、餐前小食、頂級牛、羊類、自製丸、餃、滑、腸類、特級豬類、瓜菜類等......食火鍋點了一份餐前小食「八味金磚豆腐」$48，份量十足，一磚磚的豆腐炸至金黃色澤，灑上了椒鹽及七味粉，吃起來鹹鹹辣辣都是十分惹味又脆口，一咬開時都已經感受到豆腐的質感真是好細軟滑嫩，有入口即化的感覺，炸得香又軟滑，口感層次真是豐富，再蘸上香醋汁伴食，酸甜味道更已經減輕油膩，更令人

天氣突然轉冷，今天晚上只有13度，原本相約朋友吃西餐飲啤酒，都立時興起「轉呔」，改成打邊爐，難得朋友都舉腳贊成，就一起坐的士去土瓜灣老地方—路邊煱。不過原來在美景街開了分店，就率先去新開的分店吧。 餐牌： 醬料： 在眾多款式湯底中，今次我們選了花雕醉雞煱，原來這個花雕醉雞鍋一點都不簡單，用上了原隻鮮雞，再加上大量配料，包括紅棗、杞子、黨蔘、北芪等，呻一口湯，覺得味道很似燉湯，很滋補。我們先煮雞肉才開始火煱，雞肉完全滲透了湯底的香味，而且有淡淡的花雕酒香，雞肉又夠嫩滑。 美國牛頸脊($258)：原本想點牛頸脊拼本地手切肥牛，不過見鄰座點了牛頸脊，樣子相當吸引，所以決定凈食牛頸脊，還要大份的！上枱時我們都忍不住立即要吃，這裡的牛頸脊雪花紋理分明，牛味相當之重，肉質又夠細緻、脂香豐腴，平時不夠膽吃太多肥牛，不過今次因為太好食，所以暫停戒口吧！ 手打四寶丸($88)：因為手打丸類各人有不同的喜好，所以就要四寶吧！四寶有鮮蝦丸、鯪魚丸、墨魚丸及胡椒豬肚丸，尤其喜歡手鮮蝦丸，呈誘人的粉橙色，咬下去口感非常彈牙，肉質結實，而且啖啖蝦味，不錯。

朋友新居入伙, 傾到食飯時間, 問佢附近有咩好介紹, 佢話有間路邊煱好多火煱雞煲款式, 而且價錢唔算太貴. 天氣涼涼地, 最啱就係食火煱, 一於試下呢間街坊鋪先.入到去鋪頭夠大夠闊落, 而且好光猛, 地方好乾淨, 最重要就係有電視睇, 有時追開劇有電視睇真係好好多.睇下餐牌, 果然唔祗普通邊爐, 仲有雞煲, 魚煱, 蟹煱之類, 選擇多.落左單之後, 侍應就將六色調味格放上, 呢度有我鍾意既生蒜同炸蒜, 食落會香D.我地揀左招牌雜菌花甲煱($180), 係花甲加雜菌, 配合蕃茄同粟米而成, 一開蓋, 陣陣花甲香味已經撲出黎. 呢個煱先飲湯同食花甲, 飲到蕃茄底既清且鮮甜既味道, 而花甲鮮甜彈牙, 份量夠多. 仲有配菜既粟米夠甜夠爽口, 食左成煱都唔覺濟.仲試左個熟食墨釀油炸鬼($58), 呢個係朋友食過覺得特別既菜式, 下面係油炸鬼, 熱熱地好脆口, 一D淋都無, 而且唔油膩, 上面係墨魚膠, 好爽口彈牙, 最頂就係蟹子, 成個配搭又爽又脆, 食完夠晒開胃.仲有白鱔片($88), 淥左一陣等佢卷埋就食得, 一咬好彈牙爽口, 完全唔腥好新鮮, 而且無咩骨, 唔知同佢長形劏法有無關係, 但對

今年的冬天看起來是不會再很冷了，約了朋友食飯，還是選了打邊爐，朋友話土瓜灣路邊鍋開了新鋪，放工由觀塘搭11X都唔使半粒鐘。打邊爐唔少得飲下吔，26蚊大支裝藍妹，夠冰凍。醉雞鍋：酒味唔會太濃，雞分開上，方便我這種喜歡慢慢食點又嫰又滑的雞件之人，加了中藥材的湯底，滋補之餘味道更豐富。八味金磚豆腐：名叫得好，味道絕對襯得起，外皮又脆又薄，味道濃郁豐富，可能真的有八種味道吧，裏面的豆腐又嫰又滑，熱辣辣中滿是豆香味。記得一定要熱辣辣時吃，凍了的話味道口感就打折扣了。魚籽油炸鬼：看上去怪怪的，感覺好勉強的配搭；食落卻出乎意料，油炸鬼固有的香味，配上魚籽帶出的鮮香味相當融合，油炸鬼香脆，魚籽相當有嚼頭。美國牛頸脊：脂肪分佈相當平均，入口嫩滑，卻帶有稍稍濃厚的口感，牛脂香味充滿口中，令人回味。廣島蠔：雖然不算好大只，但肉質相當肥厚，有光澤感，口感相當飽滿，富彈力，蠔味濃郁。手打四寶丸：牛根丸，鯪魚丸，鮮蝦丸，墨魚丸，整體的口感都比較鬆身，鯪魚丸和墨魚丸的口味偏清淡，鮮蝦丸的味道就剛剛好，清清甜甜中又帶有蝦的鮮味。我就覺得牛根丸好好味，雖然賣相好麻麻，但牛味新鮮濃郁，咬開中間滲出的天然牛汁更添香味，比較

天冷了，就開始想打邊爐。無奈地太多太多既火鍋店，都不知道怎麼選擇好。這次就來到路邊煱試了一試，果然又是一間可以回頭的店鋪。這次選了花甲鍋，湯底極之濃郁鮮甜，花甲份量非常多。湯底配料十分豐富，絕對抵食。牛肉拼盤單單只用看，就已經知道是靚牛肉了。牛肉爽口彈牙，肉味濃郁突出，輕輕一滾鮮味非常出色。白鱔片魚肉爽口彈牙，味道甜嫩誘人，可惜份量太小要多叫幾碟。水餃三種口味各有特色，味道新鮮嫩口。皮薄餡靚，出色之作。鵝腸味道鮮嫩爽口，鵝腸非常彈牙，而且不怕有臭味，很快完成一碟。響鈴炸響鈴是必叫。即叫即炸，吸盡湯底精華，脆口又惹味。

一直知道有這家火鍋店，但一直沒有試過，新分店開張就給了我一個藉口來到土瓜灣一試。先來一個前菜，牛𦟌肉質軟焾，但奇怪吃不出中間的筋膜。醬汁辣勁十足。雞煲點了少辣，跟牛𦟌相比之下，這個就比BB辣更少辣。醬汁味道香濃，份量也不少。牛頸脊肉質軟焾，口感很好，能吃出油脂香味，建議不要全熟，八九成就差不多了。咸蛋黃墨魚丸，期望很高但驚喜又不大，咸蛋黃份量很足，可惜的是蛋黃沒半點油香，只有鹹香。珊瑚蚌海水味很濃，不愛海鮮的朋友或許會覺得有一點腥，口感非常爽口。桂花蚌相對海鮮味較豐富，肉質較軟而帶爽，跟珊瑚蚌是兩種不同口味。肥鵝腸真的非常肥，入口卻沒半點肥膩感，爽口甘香，極之推介。