影片
以上资料只供参考，请与餐厅确认详情
又嚟到呢间我私心推荐嘅舖头打边炉🤩好钟意嚟呢到因为样样野食都好高汁🤘🏻肥牛一向都觉得好正今次试埋和牛真系番唔到转头啖啖油脂香又不失牛味🤤另外呢到嘅海胆好肥美 每次嚟都必嗌!😍仲有响铃同油扬 打边炉点少得佢地🙈餐前小食又系十级邪恶炸鱿鱼炸头腐炸鱼皮样样都齐不过咁好食真系肥十磅都抵😭
继续阅读
今日同朋友出开土瓜湾做野，行到美景街闻到好香鸡煲味，同朋友打个眼色就一齐冲左入准备叹鸡煲!一坐低，职员好亲切推介新出嘅海鲜鸡煲套餐 (HK$238 每位/ 2位起)，岩哂我地D唔想谂野嘅懒人~ 点菜后职员叫我地细心等侯，因为鸡煲即叫即整 主角出场 – 小辣, 鸡超超超滑! 份量足够! 安格斯肥牛 – 自己睇图，唔想多讲，d 雪花炆! 四个字, 入口即溶 蟹子丸x 芝士丸 – 打边炉必食啦! 即炸响铃 - 其实我觉得呢个先系主角! 超脆超入味，非一般既即炸响铃。俾10条我都一定食得哂! 海鲜盘 – 有蚝，肉蟹，虾，鲍鱼，同多宝鱼 ，全部都好新鲜同大旧~绝对唔系比平价野。D虾肉系坚爽架! 鲍鱼弹牙。肉蟹系有膏的~~乌冬 – 系弹牙既~最后仲送赠每人雪米滋一粒, 仲要系紫薯味!!! 大满足~鸡煲套餐呢个价钱，呢个食物质素，出面一定揾唔到，值得encore!
继续阅读
冬天打边炉已经变成香港人习以为常的事，以前细个打边炉系好难得嘅事，但系现今社会，好多餐厅已经唔搞晚市晚饭，直头只系搞火锅就算，因为成本低，分分钟连厨师都悭返，但就因为咁，导至火锅店质素越来越差。今次为大家介绍嘅就系为放土瓜湾嘅路边锅，呢间唔系第一次食了，，因为性价比高。今次食鸡煲，每一件鸡都好入味，好滑。牛就唔洗讲，切得好簿，一落就熟，牛味绝对充足。海鲜更加唔洗讲，上次食完后回味无穷，今次都系为佢再嚟食，好亲鲜，啲虾都好甜。
继续阅读
寒流袭港， 又湿又冻， 是食火锅的最佳时候。约了妹妹在她家附近路边㶽晚餐幸好订了枱，walk in 的都无位，天气冻， 个个要围炉取暖。选了海鲜鸡煲既有海鲜又有鸡， 两样都是我至爱。叫了碟餐前日本冰菜， 天气寒冷食冰菜， 感觉就似落雪食雪糕一般， 口感冰凉，冻到打震好爽叫了这两款饮品，14元一枝火锅佐料摆放精美， 用小碗仔装载， 红红绿绿，自己混酱鸡煲芹菜多，视觉上好绿化， 虽然唔多食辣，都 order 了小麻小辣, 因为实在太冻了, 要刺激下，那种口唇发㷫麻麻感觉， 整个人都立即暖和了，调味酱老板话全部香港制造，可以放心食， 鸡新鲜唔肥，嫩滑可口， 两个人食个不停， 食完鸡才放汤食火锅。海鲜种类有大多宝鱼一条、 海虾、广岛蚝、 贵妃蚌和蟹，样样新鲜，唔错呀！第一次食多宝鱼为火锅料， 好特别， 多宝鱼肉不算太滑， 但作为火锅料好有想头，入口清甜肉厚， 就算熟透了也不会散哂， 好有口感， 贵妃蚌更是美味， 食落索索声另有流心芝士丸和蟹籽丸烟韧乌冬安格斯牛肉碧绿生菜两个一路食一路赞， 非常忙最后送上迷你雪糕， 完了这满意一餐！
继续阅读
自从朋友生左仔之后，我地就多左踏足土瓜湾，多左上佢屋企玩bb玩猫猫~呢晚玩完b佢就带我地去食呢间佢地常食既打边炉，食材新鲜好味，好介绍打边炉第一步当然系混酱la~跟住食d前菜开开胃先，冰菜爽脆多汁，配日本胡麻酱食味道好夹~云耳，都系爽口野，个汁酸酸甜甜清新开胃~见到menu有椒盐粟米，即刻心心眼，平时好少见呢味啊~粟米香甜多汁，连埋d椒盐炸蒜粒食劲香口惹味，我地完全食唔停~墨鱼滑油炸鬼，店员介绍就咁食脆卜卜，两个男人中意就咁食，我同姊妹就中意好似响铃咁浸一浸汤先食，各有特色~边炉汤底我地拣左虫草花竹生野菌锅$128汤底味道浓郁，竹生吸哂d汤最正，仲有虫草花，够哂滋补~跟住系边炉必食既牛颈"只"，雪花分布得好靓！每片厚薄均匀，落汤几秒就食得，牛味都几重，肉质嫩，肥瘦适中~好味~有牛，都要有海鲜至完满，鱼，蟹，蚬，蚝，虾，每款都够新鲜~海虾爽口弹牙，蟹有膏亦有肉食，味道鲜甜，鱼肉质嫩滑，啖啖肉~好丰富啊仲有朋友最爱既午餐肉~猪颈肉，鹅肠同菜~最后仲一人中粒有雪米池~今餐好满足
继续阅读