路斯餐廳 (已結業)

睇門面以為係cheap cheap西式茶記，本來都係打算打發下個lunch；點知上菜發現樣樣野都好足料，煮得亦好精緻。咖喱平均水準以上，雞球起碼係煎過而且好好食；煎豬扒亦煎得恰到好處。薯菜跟薯條超級超級好食，粟米有燒過。魚柳上左好厚既兩大塊，奶茶都好好飲唯一挑剔既係天花吊住風扇，好大風…

開張左1個多月既新餐廳！星期日試左下午茶！以咁既環境、食物賣相、份量黎講，價錢都算幾抵！ 仲要免加一！ 點左公司三文治配薯條，送到黎以為黎錯左，原來佢既做法係美式既open toast , 而唔係一般茶餐廳既公司三文治🥪😅！ 另外一個係花生粒粒西多配朱古力汁，兩樣野既賣相及味道都好唔錯啊！ 西多士個質地做到軟棉棉😋，唯一係可以多番啲花生醬（唔係好食到花生🥜味🤣）！呢間店既店員們服務好好，有禮！值得推介！疫情期開新店，加油呀！💪🏼

價值$54的咖喱雞球飯，只有三件雞球仔和三件薯仔，落單時已要求多汁，但最後都係少汁，吃完四口飯已經沒有咖喱汁。奶茶好像沒有落奶，呈暗啡色，不好喝。這間餐廳不值得幫襯！

喺紅磡工作，其實午餐係有好多選擇，講得出嘅菜式同餐廳都應有盡有。不過紅磡就較少類似舊時港式西餐廳(花_餐廳嗰種)應該話係自從一間叫阿德廚房嘅嘢執左之後就冇哂嚕!呢排見到呢間 Royce係新開，環境幾好乾淨企理，午餐大概50-60蚊到免加一，都有好多選擇，所以就入去試下啦!同同事兩個人，一個叫左牛扒一個叫豬扒，嚟到勁大份，男士食都一定夠飽，而且餐湯羅宋湯都好夠味又香濃! 薯條炸到啱啱好，即炸夠哂新鮮，唯一一個好大嘅缺點就係，無論黑椒汁定蒜蓉汁都係偏凍。。。希望有所改善下次會再嚟試下其他款式嘅焗飯，多左呢個餐廳做午餐選擇真係好👏👏

員工既態度有禮 係高級餐廳既表現價錢方面 cp值高既。環境放鬆，係音樂未能突顯或者配合餐廳佈局。菜色上我點了凱撒沙律：味道不錯但醬汁因人而異，如果醬汁分開上客人可以根據自己喜好而定。肉眼牛扒加虎蝦：味道不過不失，上餐時間有點久約20分鐘仲未見到，好彩上咗嚟同我叫嘅七成一模一樣，味道西冷配帆立貝：味道7分 叫了5成熟卻來了7，8成熟 好再烹調上味道做得很好。餐飲我點了十勝紅豆冰：甜道及冰量可以選擇，我選了少甜，水準之作總結：如果同朋友情侶 隨便食一食—首選，如果想品嚐美麗佳作或者速食 不推薦

同阿媽食晚飯，見佢新開諗住試一試，媽媽叫了一個肉眼扒配帆立貝，我叫了一個carbonara闊條麵，牛扒一食就知用梳打粉醃的同平時燒野食果d 牛扒差不多，闊條麵好難食，有d 怪味，食了兩啖冇食。很不愉快，成餐最好就係凍檸水

今日午餐，經過見佢新開，食左個鐵板牛肉飯，飯淋、鐵板唔熱、牛肉好硬、總知好難食，想學pepper lunch但又做唔倒一乘質素，係個紅湯同柸凍0荼合格。我諗唔會再幫襯了。

今天路經紅磡，順便搵下有咩好食既餐廳，剛好經過見到呢間路斯餐廳，見價錢都ok，所以入去試下。大約 7：30 去到，等左2張枱就有位，我們坐在餐廳的角落，環境清潔不嘈吵，少少暗的燈光加上枱燈感覺舒服。我們點了兩個羅宋湯，一個西冷牛扒，一個手打漢堡。羅宋湯應該有放牛助條去煲，味道濃但不會羶，我覺得好味。西冷牛扒要5成熟，出來的效果都差不多沒有過熟，廚師還會用薯條墊在牛扒下面，以免鐵板令到牛扒過熱。牛扒食落軟腍，沒有太多牛根，有少許肥膏食落好香牛味。部份薯條給鐵板煎到有少少脆既感覺但不會硬，因為醬汁是分開上，所以薯條沒有被醬汁浸淋，意粉味道一般。手打漢堡算大塊及厚身，還有煎蛋及煙肉一起夾在麵包中間，看見已經很開心。漢堡係 juicy 唔乾身既，但又唔係漏哂汁果隻，感覺都不錯，食完已經好飽。甜品是雪糕球一個，有雲尼拿、朱古力及綠茶味，它是獨立包裝，可以用叉拮住食好方便又衛生。飲品是凍奶茶及凍檸茶，冇什麼特別。整體上是都好好，已經諗住下次經過會再光顧。