影片
食家推介
回想返，原来都有好一段时间冇去过面家去食一碗云吞面。趣园面家，喺疫情时开张。佢开张后第一个星期就入咗去食野。当时我都未开始记录低平时既揾食足迹。只记得碗云吞面有好多虾子，有韭黄，面好弹牙，云吞足料。系我认知既传统云吞面。之后间唔中都会去翻食。今日再入去听到街坊讲，原来佢地做埋今个月就唔做。又一单敌得过疫情，敌唔过租金既例子。讽刺嘅系，咁啱𠮶个商场新开咗间连锁粥面店。晚饭时间人龙不绝。究竟连锁食肆啲嘢太好食，定系面家小店真系冇咩生存空间呢？今晚，同样叫咗一碗虾子云吞面，本身想叫埋炸鲮鱼球，但因为结业人潮，所以沽清。唯有用相片好好咁记录一下呢一碗面。希望之后再有机会可以一尝。虾子云吞面汤头清澈清甜，配搭韮黄，虾子，令到味道提升咗唔少。云吞大细适中，馅料调味够。虾肉新鲜爽口。面身弹牙，冇碱水味。同第一次黎食一样，碗云吞面系我认知应有既味道。喜爱度(5分为满分): 4.5
继续阅读
开左系屋企附近咁耐都未试过，睇到FB 有街坊介绍立即去试。星期日一点几入座，大约三十个座位，有几台客。猪手、云吞、牛腩都想试。先试根腩面同炸鲮鱼球。等左五分钟到，老板娘端上公鸡碗 内有一个面加三件牛腩三件牛根，分量十足，上面有几粒韮黄冇落干曾曾既葱花，卖相企理。先试啖汤正常唔抢喉，可惜一夹落个面一阵攻鼻碱水涌出，心想不妙。一间专卖广东面的餐厅冇理由咁基本都做不好。但食落面条弹牙唔淋，厨房煮得出色，应该系面煮好冇立即上枱。根腩炆得入味冇得弹。之后炸鲮鱼球也很出色，一客有四粒，粒粒有golf ball 大小，即叫即炸，薄薄一层面包糠，外脆内软，没有很重的调味，轻轻点一下蚬蚧酱，恰到好处。四粒鱼球加根腩𠄘惠81大元。十分满足。每枱都有柠檬水任饮，细心。下次去试埋云吞同猪手。
继续阅读
🍴虾籽云吞面 $38 (8/10)个汤几清甜，有大地鱼香，唔会有碱水味。个面好爽口弹牙，仲要冇碱水味，食落好轻盈！云吞有4粒，都好足料，有一只虾同肉，肉唔会松散带有麻油香，虾肉爽口，真心呢个价钱好高质，虽然份量比较细，肚饿可以叫捞面😆推荐指数: 8/10真心唔太饿冇乜胃口，食呢个都好唔错！好食又平，捞面都系四十几蚊，抵！
继续阅读
北角附近，好难有似样嘅云吞面，麦字系列嘅云吞面系唔多觉。趣园不在健威花园商场之内，所以有少少输蚀。趣园云吞面出色，汤底甜，面条虽然唔系麦文记，麦奀记，麦兆𠮶种银丝级数，但绝对可以接受，而且会撒上虾籽，至于云吞方面呢，一啲都唔输蚀老牌云吞面店，食得出系海虾，特别鲜甜。靓嘅云吞，其实系细粒，而唔系荔枝咁大粒。呢一间云吞，做得出色， 炸鲮鱼球，一样出色，外层占了米粉一齐咋，鲮鱼球内，有香叶，其他店舖，比较难食到店舖有提供酸萝卜，任你吃。值得一题，价钱亲民，云吞面， $35，炸鲮鱼球都系30几蚊。前后帮衬，已经超过一打次数
继续阅读
如果是北角的老街坊，就会知道这一间小店，曾经休业了很多年，现在又回来了。虾子捞面~ 面质很好，弹牙烟韧。炸鲮鱼球~ 很好吃 上枱是一整颗的，为了拍照所以切开看里面的肉质，有质感，有淡淡的柠檬叶香味。猪手~ 我很欣赏这里的猪手，是因为不会吃落去一口都是毛，清理得算干净。 而且炆得够入味够淋。炸三宝(云吞、水饺、鱼片头)~ 这里的炸云吞我很喜欢，有很脆的炸皮，而且没有油益味。炸水饺也可以。 不过鱼片头就非常一般啦，这里的鱼蛋、鱼片头、墨丸、牛丸之类的，感觉都是麻麻，不吃不是损失。炸酱捞面~ 炸酱味道不错的，不会很多肥肉，算几有诚意。云吞面~ 虽然面很好，但是这里的汤底是硬伤。如果想要吃浓浓的大地鱼香汤底， 这里没有。 所以我会比较推介捞面。净云吞~ 云吞一般，比较散，而且汤底也不精彩。 不过如果不跟那几家大品牌比较的话，还是可以的。牛筋汤河~ 牛筋炆得很淋，河粉也可以。 再说一次，失败在汤底。牛肚捞面~ 这里没有牛杂，只单单有牛肚。牛肚是没有虾子的，所以如果看到图片上有，是加钱加虾子。牛肚跟牛筋一样 也是非常淋。 喜不喜欢见仁见智，喜欢有"口" 和喜欢牛味比较浓的朋友，可能不喜欢。 我自己而言感觉还好。炸鱼皮~ 一般般整体而言我喜欢这里的捞面、炸鲮鱼球、猪手、炸酱、炸云吞。 不喜欢这里的汤底、鱼蛋、片头、墨丸、牛丸。如果落开北角唔知食乜，可以试一试这间面档。温馨提示: 虽然云吞捞面会有虾子，但是分量很小。 虾子捞面的虾子份量会好一点，但是也说不上很多。这里虾子好像比较孤寒😅另外午餐时间有柠檬茶，但是晚上是没有的。
继续阅读