趣園麵家 (已結業)

開左係屋企附近咁耐都未試過，睇到FB 有街坊介紹立即去試。星期日一點幾入座，大約三十個座位，有幾台客。豬手、雲吞、牛腩都想試。先試根腩麪同炸鯪魚球。等左五分鐘到，老闆娘端上公雞碗 內有一個麪加三件牛腩三件牛根，分量十足，上面有幾粒韮黃冇落乾曾曾既蔥花，賣相企理。先試啖湯正常唔搶喉，可惜一夾落個麪一陣攻鼻鹼水湧出，心想不妙。一間專賣廣東麪的餐廳冇理由咁基本都做不好。但食落麫條彈牙唔淋，廚房煮得出色，應該係麪煮好冇立即上枱。根腩炆得入味冇得彈。之後炸鯪魚球也很出色，一客有四粒，粒粒有golf ball 大小，即叫即炸，薄薄一層麪包糠，外脆內軟，沒有很重的調味，輕輕點一下蜆蚧醬，恰到好處。四粒魚球加根腩𠄘惠81大元。十分滿足。每枱都有檸檬水任飲，細心。下次去試埋雲吞同豬手。