越食 (富華廣場) (已結業)

仲有一个礼拜，呢间小店就唔做啦。今日lunch Time又过咗嚟今次食返平时最钟意食嘅生牛肉河，另外有得跟餐加个青柠梳打走糖少冰其实佢啲嘢饮都好抵，劲大杯！河粉个底又够多料又足，汤底完全冇味精。另外我哋再叫咗个冬阴功猪颈肉，冬阴功有少少带酸同适当嘅辣味，唔会一味有好多唔同嘅香草味，如果太浓太多香草味就会好似变咗番枧味咁。个猪颈肉我差啲以为佢比错咗猪扒，好多肉又大块。另外再叫咗两条春卷。不过下次我会叫四条，佢系细细条嘅春卷炸得好脆，啲料同味道都好好。…查看更多

越食经过长沙湾，咁啱揾到依间餐厅，门面就普普通通，不过见佢餐牌嘅去骨海南鸡又几吸引，半只都系$88，而且口味正忠，咁就入去试一下。两个人叫左半只海南鸡，连同冬阴公汤檬。海南鸡比足三色酱，又有配菜，大大份，鸡皮颜色够黄，明显系浸鸡足汤料先做到依个颜色效果，果然鸡肉够嫩滑，入味。而冬阴公汤檬，有半只大虾做料，加上素菇，口味亦唔错，唔会辣，而且仲好大碗。下次会再试下佢其他菜式。…查看更多

星期六瞓醒，10点几突然见到G2000长沙湾开仓大特卖，拿拿声换衫出去长沙湾揾食，食饱先有力去揾心头好见到有人介绍呢间越南野，我们2人决定一试，落车沿途行经不同食肆都不用排队，只有小猫零丁几枱客，唯独呢间坐近8成满，我们只能坐最近门口的一张枱我们叫了一个乜都有火车头汤金边粉+咸柠七，一个香茅猪排汤檬粉火车头牛骨汤金边粉，金边粉好幼身几滑，牛肉有油香软滑唔鞋口，牛丸爽弹，牛栢叶爽口，萝卜够淋入味，汤底浓郁唔油腻带淡淡药材味，面有大量芫荽香茅猪排鸡汤檬粉，正常不过不失，猪排份量略少，不过$58就不能再要求性价比计火车头胜一筹…查看更多

长沙湾呢间越南小店真系唔错，今日嚟食好有惊喜越式蒸粉包好味炸虾饼大件够弹牙，不过有d油腻。火车头汤檬汤底唔加醋都好够味，配料够多，肥牛唔会鞋口、牛丸弹牙够味、牛腩炆得够淋、牛柏叶就细块咗d、最重要系汤底好重牛骨味，第一次食越南粉会饮哂d汤，味道好过好多出名越南餐厅。青胡椒烧春鸡肉质嫩滑，鸡胸都唔鞋口，配埋个秘制酱汁甜甜地好夹味，不过我觉得胡椒味要再重d会好味d。跟餐仲有两杯饮品埋单$228免加一非常抵食。…查看更多

最近想食越式，于是就选择左呢间「越食」嘅外卖自取。叫左个越食火车头汤河粉（半生/熟牛肉，秘制牛丸，牛腩，牛栢叶）牛肉汤 ($70)加酸芒青木瓜沙律($38)。酸芒青木瓜沙律：唔知系咪落漏咗酸汁，酸芒青木瓜沙律完全冇酸味，又冇乜青瓜丝，食落去好Raw，完全唔想推荐 。越食火车头汤河粉：越食火车头汤粉每样𩠌有2件，秘制牛丸咬落有牛肉汁唔错，可惜其他𩠌都冇乜特别，牛腩甚至 食到有啲酸 ，牛肉汤底同河粉正常。整体尼讲，第一次食有少少失望，越食火车头汤河粉＄70应该可以再揾到另一间好食D，至于酸芒青木瓜沙律就非常之失望。…查看更多