越食 (富華廣場) (已結業)

仲有一個禮拜，呢間小店就唔做啦。今日lunch Time又過咗嚟今次食返平時最鍾意食嘅生牛肉河，另外有得跟餐加個青檸梳打走糖少冰其實佢啲嘢飲都好抵，勁大杯！河粉個底又夠多料又足，湯底完全冇味精。另外我哋再叫咗個冬陰功豬頸肉，冬陰功有少少帶酸同適當嘅辣味，唔會一味有好多唔同嘅香草味，如果太濃太多香草味就會好似變咗番梘味咁。個豬頸肉我差啲以為佢比錯咗豬扒，好多肉又大塊。另外再叫咗兩條春卷。不過下次我會叫四條，佢係細細條嘅春卷炸得好脆，啲料同味道都好好。

平時兩個人食咩？好食越南嘢都係我其中一個最鍾意嘅選擇，價錢比日式嘢平，又多少食，又唔使成日好Heavy食意粉好多芝士。喺長沙灣，好多時都嚟呢間地舖，係一間小店嚟㗎。間唔中亦會因應天氣出一啲新嘅嘢。跟住我哋就叫咗兩碗河粉，有扎肉同埋牛肉河。兩碗都好足料，最緊要個湯係完全冇味精㗎。

越食經過長沙灣，咁啱搵到依間餐廳，門面就普普通通，不過見佢餐牌嘅去骨海南雞又幾吸引，半隻都係$88，而且口味正忠，咁就入去試一下。兩個人叫左半隻海南雞，連同冬陰公湯檬。海南雞比足三色醬，又有配菜，大大份，雞皮顏色夠黃，明顯係浸雞足湯料先做到依個顏色效果，果然雞肉夠嫩滑，入味。而冬陰公湯檬，有半隻大蝦做料，加上素菇，口味亦唔錯，唔會辣，而且仲好大碗。下次會再試下佢其他菜式。

星期六瞓醒，10點幾突然見到G2000長沙灣開倉大特賣，拿拿聲換衫出去長沙灣搵食，食飽先有力去搵心頭好見到有人介紹呢間越南野，我們2人決定一試，落車沿途行經不同食肆都不用排隊，只有小貓零丁幾枱客，唯獨呢間坐近8成滿，我們只能坐最近門口的一張枱我們叫了一個乜都有火車頭湯金邊粉+咸檸七，一個香茅豬排湯檬粉火車頭牛骨湯金邊粉，金邊粉好幼身幾滑，牛肉有油香軟滑唔鞋口，牛丸爽彈，牛栢葉爽口，蘿蔔夠淋入味，湯底濃郁唔油膩帶淡淡藥材味，面有大量芫荽香茅豬排雞湯檬粉，正常不過不失，豬排份量略少，不過$58就不能再要求性價比計火車頭勝一籌

長沙灣呢間越南小店真係唔錯，今日嚟食好有驚喜越式蒸粉包好味炸蝦餅大件夠彈牙，不過有d油膩。火車頭湯檬湯底唔加醋都好夠味，配料夠多，肥牛唔會鞋口、牛丸彈牙夠味、牛腩炆得夠淋、牛柏葉就細塊咗d、最重要係湯底好重牛骨味，第一次食越南粉會飲哂d湯，味道好過好多出名越南餐廳。青胡椒燒春雞肉質嫩滑，雞胸都唔鞋口，配埋個秘制醬汁甜甜地好夾味，不過我覺得胡椒味要再重d會好味d。跟餐仲有兩杯飲品埋單$228免加一非常抵食。

最近想食越式，於是就選擇左呢間「越食」嘅外賣自取。叫左個越食火車頭湯河粉（半生/熟牛肉，秘製牛丸，牛腩，牛栢葉）牛肉湯 ($70)加酸芒青木瓜沙律($38)。酸芒青木瓜沙律：唔知係咪落漏咗酸汁，酸芒青木瓜沙律完全冇酸味，又冇乜青瓜絲，食落去好Raw，完全唔想推薦 。越食火車頭湯河粉：越食火車頭湯粉每樣餸有2件，秘製牛丸咬落有牛肉汁唔錯，可惜其他餸都冇乜特別，牛腩甚至 食到有啲酸 ，牛肉湯底同河粉正常。整體尼講，第一次食有少少失望，越食火車頭湯河粉＄70應該可以再揾到另一間好食D，至於酸芒青木瓜沙律就非常之失望。

成日想食越南嘢都會諗起呢間除咗嘢食好味之外，檸檬茶都好飲唯一一個缺點係份量真係太多每次淨係食晒個麵都難上次反映咗份量太多 每次都冇幫我少麵餐廳有聽意見！今次係第一次成功少麵好開心，唔使夾硬食/浪費食物以後少麵可以試埋小食啦

呢間店舖設計好越式，天花有籐帽形燈罩，磚牆上有好多籐的擺設，仲有一條條星星閃燈。座位方面，有普通座同卡座，卡座有梳化，感覺坐得舒服啲。芒果冰山呢杯嘢飲簡直透心涼，啲沙冰好滑，芒果味重，仲有幾粒芒果肉食，有口感又消暑，正～半生熟牛肉湯河粉牛肉重牛味，份量多，有成6-7大片，又唔會太肥。湯底清甜，有洋蔥、九層塔等配料，仲有兩大舊蘿蔔。河粉夠滑，食落好好味。絲網春卷呢款春卷熱辣辣上枱，外層炸得香脆，又唔會太油，內層爽口，點醬食一流！越食蕃茄牛腩飯牛腩炆得好淋好入味，仲有舊大紅蘿蔔蕃茄味好濃，個汁酸酸甜甜，配飯食，令你想食多幾碗。

🍽️食物方面：🐷豬頸肉檬粉/河粉/金邊粉💲62肉麵都勁多👨🏻‍🍳好大方 靚肉跟埋蔥油超正🤤香茅豬扒都好食但我最愛豬頸凍檬💗轉牛湯➕💲10 朋友話值得加🥘香茅咖喱牛腩飯💲60 /咖喱雞飯💲57薯仔好甜🥔唔算辣 唔食茜嘅記得走🧈香草蒜蓉牛油包💲32脆同夠味 好大份 淨食主食都好飽 🍋 凍檸檬茶💲4每次嚟我都話必飲😋錫蘭茶底📷打卡方面：凍檬粉由平湯碗轉咗打斜湯麵嘅肉會另上 排靚靚用🥬墊底🔈環境方面：坐位闊落 Lunch一時時多人 姐姐話晚市太靜要告急🥲💬其他資訊：越食 📍長沙灣昌華街23號富華廣場地下16號舖⏰1130am-930pm🥡🦘🍚✅

主食小食串燒都有水準嘅小店👍！平價好食，值得一試😙・・・・・・・・・・・・・・・・・・・・🍡 越南烤肉串 2串 HK$24・味道：豬肉撈肥肉嘅肉棒😏，免治豬肉棒～幾好食，juicy不油，亦冇豬羶味。・口感：嫩滑juicy豬肉串，yum！🍜 越食火車頭河粉 HK$68・味道：湯底清但有牛肉香～牛肉片幾重牛肉味，最surprise係牛丸裡有牛湯汁，好食！不過洋蔥比較生，食唔到要注意～・口感：河粉偏幼同碎，扣咗啲分，肉都冇鞋所以OK。🍜 豬耳扎肉雞絲金邊粉 HK$48・味道：正常發揮，扎肉同雞絲份量多，雞絲有少許雞油香。・口感：肉唔鞋，good dor。🐤 沙嗲雞肉配果串 HK$36・味道：juicy雞肉，沙嗲汁重花生醬味。凍咗都唔鞋口嘅雞質大加分。菠蘿好甜0渣👍・口感：嫩滑雞雞，keke🤭🥭 夏日狂歡芒果冰山 HK$28・味道：呢個就小失望了☹️，講明要等15mins，搞到我好期待。但出嚟都唔係芒果冰味，好淡糖水味，得3粒芒果粒-.-・口感：算smooth嘅～🥒  酸芒青木瓜米紙卷 HK$38・味道：酸酸甜甜幾fresh的，不過even有酸芒果同木瓜都有啲乾～・口感：爽脆but乾。・・・・・

晚上時段見有位就入去，點左份二人餐主食連小食，送2份指定金額飲品，另外再加左份咖喱雞薄餅由相的次序講食物內容主食就揀咗火車頭 生牛肉 牛丸 蘿蔔 牛柏葉 河鐘意既話可以要求佢地比芽葉配料越式春卷，可以自己加撈汁 有dd硬墨魚餅，唔夠煙靭，唔值得試咖喱雞配薄餅係另外加，二人套餐無得選擇咖哩汁好稀 不過d雞都入味，無特別燒春雞配燒粟米 連薯條 唔記得叫芒果咩茶～唔好飲整體來說是一般，不過不失。普通想食餐飯同朋友經過都可以試吓。

🍜 越食三式凍檬粉 😋😋😋😋三式餸包括烤肉串、絲網春卷同豬耳扎肉，每一款餸都有同坊間嘅帶啲唔同。😲 烤肉串係豬肉，香烤味十足，豬肉有咬口；絲網春卷外脆，內裹有啲芋絲口感；豬耳扎肉食落幾爽口。凍檬粉面仲有生菜🥬絲、蕃茄🍅片，檬粉嘅酸甜汁偏向甜，撈檬粉食幾清甜！午餐 💵💵 約港幣$60/人💁🏻‍♀️ 店內約有廿個座位，午市都有唔少附近嘅打工仔嚟幫襯。作為一人午餐係唔錯嘅選擇！🤗🙆🏻‍♀️ 最後，喜歡嘅話，歡迎follow @foodirectory.hk！

這幾天天氣有點熱，想吃得清新點，就到這間位於長沙灣的越食去吃越南菜。餐廳是平民小店，走街坊路線，所以沒有多餘的裝修，但總算企理乾淨。皇牌五寶凍檬粉 （$69）這個檬粉有豬頸肉、炸春卷、烤肉串、豬手、豬耳扎肉，每樣配料的味道都不錯，尤其推介豬耳扎肉，每塊都是厚切，碎豬耳混和扎肉，十分有咬口。檬粉份量亦很多，十分飽肚。香茅豬扒凍檬粉 （$58）豬扒醃得十分入味，炸得不會乾柴，配上檬粉的酸醋汁，可以中和豬扒的油膩感。半生熟牛肉湯粉 （$54）牛肉有6-7大塊，不會過肥。湯底的牛肉味和九層塔的香料味十足，再加上兩大塊白蘿蔔和大量洋蔥、芫茜，非常惹味。酸芒青木瓜米紙卷 （跟餐+$38）這個米紙卷味道比較淡，不太吃得出青木瓜的味道。叫了四個菜也只是$220，自是抵食之選。

💛之前好少黎到呢邊，但咁啱附近嘅餐廳又無開，見佢有良心就試下啦嗌左個鮮蝦札肉炒金邊粉，一個燒豬頸肉同一杯金桔青檸豬頸肉的確出色既，似係即燒夠脆而且幾香夠熱，係值得一讚👍金邊粉都幾足料，有幾隻大蝦仁同唔少札肉，再炒埋其他雜菜，色水同埋味道都幾香，唯獨係比較油，食到底就可能比較難搞，其他味道都ok野飲就幾有特色而且解渴，幾好😁值得一提就係夜晚9點半之後就會轉mode，有燈光有串燒有酒飲，有機會都可以一試😝

真正的越南優質食店，三次來食，都同樣好質素，比其他越式店相比，此店好食好多，冬陰功好飲，有正宗味道，及少少改良配方，食材新鮮，份量十足，值得推介，環境浪漫，有品味