越萊 (福榮街)

营业中

休息中

係深水埗行完街，俾呢間餐廳既價錢吸引左。入到去，好有越南既感覺。唔同既係感覺俾真正既越南乾淨好多。好多越南竹帽吊飾，好靚，餐廳又坐得舒服。叫左個生牛肉牛展河粉。呢個份量，先大約40蚊，好抵食。湯底好味，又有好多配料俾你，譬如九層塔，芽菜，辣椒粒，酸檸等等。十足十係越南食pho既感覺。呢碗牛肉河真係好好味。另外叫埋碗扎肉牛筋金邊粉。自由配搭既越式車仔麵。正！牛筋整到好滑，加左佢個pho醬。味道好夾。食到好多畫面，好掛住胡志明呀！因為個味道真係同胡志明食個間pho既味道係一樣架。呢個牛油雞翼既擺盤好得意。有個草帽係上邊。一黎到就有牛油既香味。食落一啖好重牛油同蒜味。真係好惹味。整得好脆，而且價錢都好平。可以叫好多小食。每碟先大約20蚊。叫埋個蝦仁米紙捲。蝦好新鮮。加埋撈檬汁落去，好開胃。成個米紙捲整得好fresh！呢間越南餐廳有越南咖啡飲。梗係試下，一set咁先叫做去左越南。味道真係好正宗。越南咖啡比較甜，咖啡味都重。我鍾意。叫埋個奶茶，飲完超飽。呢間真係好抵食，下次再黎！

有日放工要同個同事去深水埗買啲嘢，我地順便喺呢邊搵食，附近呢幾條街都幾多選擇，最後行咗一陣之後，就入嚟呢間越南嘢坐低。當日去到係下午6點多啲左右，舖頭仲未係好多人。但係坐咗十幾分鐘之後已經滿咗八、九成位置，似乎喺呢區都幾受歡迎。不過我地坐嘅位置都算闊落，成餐飯都食得幾舒服！我地叫咗個二人套餐($116)，望落都幾抵食下，套餐有前菜、小食、兩碗粉，跟埋兩杯飲品都係一百蚊多啲，呢個價位可以食到咁多嘢已經唔可以太多挑剔，不過佢整體食物質素又認真唔錯啵。睇睇個前菜+小食先，我地叫咗個酸辣無骨鳳爪，同埋馬拉盞炒通菜。以前菜/小食嚟講，兩碟嘢嘅份量真係無得輸，開頭我地係以為得細細碟唔夠喉，點知就咁足料。炒通菜炒得好夠味，最緊要係通菜唔會炒得太老。主菜有兩碗單拼粉，我地揀咗兩碗撈檬。一碗跟炸蝦餅，另一碗跟炭燒豬頸肉。越南撈檬幾樣基本配料都有齊，再跟個自製醬汁去撈，味道相當唔錯，佢啲配料令到成碗粉食落好有層次。炸蝦餅同豬頸肉都幾好味，大大件咁。成碗嘢嘅份量一樣係相當驚人，我同事食到一大半已經飽咗。除咗個二人套餐之外，我地仲額外叫咗個鮮蝦仁米紙卷($18)。每次我去越南餐廳都好想試一試佢地嘅米紙卷做得夠

深水埗向來都好多好野食，今日有幸比我發現有間新開既越南小店＜越萊＞，試過後同朋友都大讚抵食之餘，仲充滿驚喜，值得推介!!~餐廳屬於自家小店模式，裝修感覺簡潔明亮，座位企理整潔。餐牌都有吾少選擇，有各式越南湯粉麵，亦有生牛肉，豬肉扎肉，牛肚，牛筋等不同配料可以選擇。越式粉麵都係幾十蚊就有交易，而且仲有多款越式小食可以選擇，價格都係十幾二十蚊左右，真心抵食又好食。<越式牛骨湯牛腩片金邊粉 $42>金邊粉份量不少，牛腩片有四片左右，牛腩肉夠腍，有牛肉味，肥瘦剛剛好，重點係牛骨湯底非常清甜，有白蘿蔔、芽菜、青檸檬等配料放進湯底，令金邊粉分外好味，絕對係必食推介!!~飲品選了凍越南咖啡(少冰)，是咖啡味道比較濃的一種，入口略帶甜，特色得來都幾好飲。<越式牛骨湯底牛筋配秘製豬軟骨金邊粉 $54>牛筋炆得非常綿腍，咬落去好似啫喱甘軟身，而且煮得入味好食。豬軟骨同樣炆得惹味，肉質不錯，不會鞋口，配清甜牛骨湯底，同樣令金邊粉非常出色。<香茅燒牛肉米紙卷 $18>牛肉米紙卷賣相相當精緻，而且用料十足，咬落去係滿滿既生菜同燒牛肉，值得一試。<牛肉串燒

深水埗的越萊餐廳係性價比高！適合情侶，夫妻，或者2-4位朋友一起聚餐。可能係新開的關係，餐廳的裝修十分新淨，以藍色同啡色做主調，燈光柔和，感覺十分舒適。面對疫情，餐廳提供十分貼心的服務，量體溫，提供酒精消毒液同埋客人與客人之間保持適當距離，員工上餐時更戴手套，令客人可以放心進食。細心觀察，不難發現更多餐廳細心之處，例如每個座位都加了一個勾，讓客人可以放好隨身物品。下單時店員更會和客人核對點餐內容，減少出錯機率。意外的是，餐廳都沒有收取加一服務費。而餐廳的食物選擇多又價錢合理。當天與女朋友一起試左2人套餐。前菜是雞絲牙車快沙律。材料有雞絲，蘿蔔絲，生菜，洋蔥，蝦片，加上酸酸甜甜的醬汁，十分開胃。拼盤小食有干貝，茄子蝦，炸雞翼，春卷各一。特別一提，干貝和春卷十分有口感單拼選了豬頸肉撈檬，豬頸肉份量多，外皮脆，而薄切豬頸肉增加口感。撈檬的醬汁，酸中帶甜，加入檬粉以及其配料後十分滋味！特別一提，粉麵份量十分之多，如果係女仔/比較細食人士記得剔少麵！女友就叫左生牛肉湯金邊粉，湯底以牛骨熬製，十分濃郁，配上生牛肉係perfect match！生牛肉熟度控制得好好，不會過生過熟，保留到牛肉嘅滑嫩又不

今日在深水埗見到一間越南餐廳。之前已留意過此餐廳有良好食評。所以今日特意去試吓。点左一個二人餐，已包一前菜(三選一)、一小食(三選一)、兩碗單拼粉麵(經典生牛肉河)，兩杯餐飲(熱柚子蜜不用加$)。只售$108，非常抵食。我追加一客三隻牛油雞翼$18，及其中一碗麵加多一個咖哩尤魚$12。埋單總數只$138，非常抵食。首先，生牛河份量多，牛骨湯鮮甜、配洋蔥、芽菜、蘿蔔非常好味。前菜無骨鳳爪好食，通菜惹味。牛油雞翼又脆又香口。非常抵食好食一餐。

是日(13/9) 到訪深水埗而發現此餐廳, 餐廳佈置企理, 而且價格格宜, 與一般越南餐廳的下午茶價錢相惹, 故入內品嘗, 做個孤獨的美食家。拼盤有四款食物, 春卷, 牛油雞翼, 加上茄子蝦仁及牛油帶子各一件, 與俗間拼盤不同, 擺設精美, 煎帶子煎得軟熟, 不硬, 蝦仁如是, 雞翼外脆內軟, 炸粉上得恰當, 但較油膩。 春卷一直是越南菜的配角, 但甚少有餐廳烹調調當, 一是太油膩, 一是春卷外層太硬或太重味, 喧賓奪主, 但是春卷恰如其份, 芋頭及豬肉的比例平例, 吃落不膩, 而放在撈檬上進食則在清淡的面食上添加了一絲惹味。牙車快在蝦片上放上生椰菜及雞絲, 雖無調味醬汁, 但香脆可口, 口味清新但不膩, 與水食拼盤其他食物互相平衡。撈檬上無肉食, 只有䓤油, 炸乾䓤, 花生, 青瓜甘筍絲配搭, 味道一般, 但撈檬湯汁魚露味十分突出, 沒有其他的酸味及蒜味過重而蓋過其他味道, 魚露鹹香味道搭上少許的酸味及蒜味和微辣, 令人食指帶動, 井之頭五朗的戰歌響起, 一鼓作氣吃下整盤面食, 以此作尾總結, 此餐食物間味道互相平衡, 不淡不膩, 以下午不多於四十元, 價錢不算是便宜, 但味道卻令此

知道呢間食肆開張咗好耐，今日終於過咗黎食門口見到呢個牌吸引咗我一入到去唔駛量體溫覺得好奇怪，原來係喺收銀附近用掌心度，好方便坐低拎起張餐單，係以平時食車仔麵嘅形式去點餐叫咗個生牛肉配金邊粉，搭牛骨湯試一試粉同湯都有三款，餸有勁多選擇（唔記得影低）本身叫粉麵會送一杯熱柑桔蜜，所以我無另外加錢轉餐飲加$10有個小食，我揀咗牛油雞翼呢到裝潢比較簡單，張枱有個盤仔用黎放食物上去隔離有個調味料架，再加上現時必備嘅消毒搓手液添過咗一陣嘢食就送到，第一次見啲配料分開上：芽菜＋九層塔、辣椒＋青檸咁樣我覺得幾好，好似我呢啲唔鐘意食碗都係芽菜嘅人，可以自己決定落唔落第一時間當然係試咗個湯先啦，香濃清甜，飲完之後唔口乾入面仲有幾舊蘿蔔，無渣又甜，正呀食到一半雞翼都黎啦一睇就知係即叫即炸，熱辣辣皮炸脆，味道唔算太濃，配埋個麵食好夾熱柑桔蜜唔會太甜，張單有埋人均消費，多朋友一齊食嘅仲唔駛自己撳計數機添

見呢間野新開又幾靚，深水埗都少越南野，所以就試下嗌左兩碗牛骨湯既河粉同檬粉(檬粉就份量較少)，一碗係豬手生牛肉，一碗就牛肚。估唔到除左有風味(上枱會有芽菜，香葉，青檸同辣椒)，仲真係好好味！個湯底真係煲出黎，絕對唔失禮！仲有價錢都唔貴！！餸亦唔失禮，牛肚同豬手都夠入味同冧，呢個價錢完全超出預期！另外仲嗌左個拼盤同豬肉串，有茄子蝦，雞翼同越南春卷，全部上台都係熱+脆！雞翼仲要脆得黎入味，呢個價錢真心大推！

近來對越南菜上癮，深水埗被我發現竟然有家平價貼地的小店。鮮蝦米紙卷很少吃菜的我，這幾天大吃特喝實在想食一食蔬菜沙律類的。米紙卷內的蝦看特別清爽，包著菜吃夠清新。香茅燒牛肉米紙卷米紙卷皮亦同樣薄，裹著燒牛肉可口不靭也不『鞋』，尤其加入了我很喜歡的香茅，味道獨特留香，滋味。牛肉串燒香噴噴，燒得不干身，牛肉燒得外香，入面嫩，充滿肉汁和水份，再沾沙嗲花生🥜醬吃，味道不錯。無骨鳳爪鳳爪質感柔軟，香酸甜辣，令我口水直流。越萊精選拼盤燒帶子明蝦涼拌茄子的賣相出色，有帆立貝加蝦和干蒜舖在軟燒茄子上，一口氣試匀不同食材，特別是蝦挺爽口，是精緻的美味。蒜香牛油雞翼即叫即炸，大隻富雞汁，炸春卷脆卜卜亦不太油。脆皮蝦卷凍撈檬檬粉彈牙，和酸汁菜絲十分夾，再加上炸起的蝦卷，脆口又大塊，又平又惹味。咸檸七大杯抵飲，冰涼消暑。七喜有氣爽，咸柑吉的咸喝後喉嚨幾舒服。食後感：餐廳注重衞生，入內前必先量体溫，並且在枱之間有膠板隔離。上菜快本是優勢，唯朋友略嫌鳳爪不夠凍，服務態度急促。

餐廳外面淺藍色的招牌， 十分 吸睛， 牆上掛上七彩繽紛的越南草帽裝飾 ，竹織的燈罩， 充滿越南風情。香茅豬扒煎蛋飯$53薄切的香茅豬扒口感鬆軟， 將半熟的流心蛋輕輕刺開， 金黃的蛋液緩緩流出， 拌勻米飯一起吃， 口感濕潤，十分滋味。蒜香牛油雞翼(3隻)$18蒜香牛油雞翼上枱時， 用越南 草帽盛載裝飾 ， 趣緻可愛， 雞外皮炸至非常酥脆，咬下去“吱嚓”聲，內裡多汁嫰滑，表面被蒜香牛油包裹著， 十分惹味，令雞翼更加誘人!香脆炸蝦餅(兩件)$22炸蝦餅外皮炸到金黃色， 厚身大件， 熱呼呼， 香噴噴， 令人垂涎， 入口甘香酥脆，口感彈牙 ，沾上越式甜酸醬，十分惹味，令人想一吃再吃。香蔥蝦多士(兩件)$22香蔥蝦多士，表面鋪上滿滿蝦膠 ， 蝦膠爽口彈牙，帶有香蔥香氣， 令人愛吃的小食。蒜油香茅炒菜心苗$24蒜油香茅菜心苗， 火候控制剛好，好有鑊氣，菜心苗翠綠爽甜， 入口陣陣蒜香，十分惹味， 拌飯一流。柚子蜜梳打(跟餐加$8) 、 越萊椰青特飲$18柚子蜜梳打、 椰青特飲， 冰爽解渴， 炎炎夏日最適合不過 ，柚子蜜梳打蜜甜滋潤， 椰青特飲，比想像中香甜， 清爽宜人，還有啖啖椰青果肉。

閨蜜帶我去深水埗搵食，食左呢間價錢實惠貼地，而且超優質的地道越南美食😋🥰牛肉串燒 （$20/3串）雞肉串燒 （$20/3串）豬肉串燒 （$20/3串）香茅豬扒煎蛋飯$45越南法式吉列豬扒包$32越萊椰青特飲$18食物質素好好，3款串燒肉香惹味，而我最喜歡越南法式吉列豬扒包，吉列豬扒即叫即炸，香脆可口，配合蔬菜和麵包，平均油膩感，清爽好味😋而且，員工真係勁好，我食包整到自己成手都係，佢地就俾濕紙巾我，勁貼心！

新餐廳裝修乾淨企理，有下午茶餐之餘全日餐牌都幾抵，我們叫了兩碗麵和幾款小食～小食先到，牛肉串燒$20三串，牛肉有燒過的香味，無筋無肥膏，又有沙爹醬點，是真的物有所值！炸雞翼$18三隻，一到時新鮮蒜香撲鼻而來，每隻雞翼大大隻，皮炸得非常脆香茅燒牛肉米紙卷$18三件，牛肉又再次燒得不錯，配上魚露酸甜汁又是另一番滋味撈檬配炸蝦餅和脆皮蝦卷，份量十足，炸物彈牙有蝦味生牛肉湯檬粉$34生牛肉都唔少，牛骨湯有白蘿蔔味粉麵可免費配熱飲，特飲加$8，咸檸七和柚子蜜梳打都夠料總括：小食粉麵認真抵食，味道又令人喜出望外，會再去！

今日父親節理應係同埋阿爸食飯，但我老豆點都唔肯出門所以淨係同阿媽出去食。呢間開左一段時間，之前都係越南餐廳，但生意反而冇呢間咁旺。午市係幾抵食，我地都要等位入去，時間唔係好耐，同時間都好多外賣，成個午市好旺，啲單都有少少亂。我地兩個分別叫左個套餐，我諗係新開張關係啦，一個set包一杯熱飲，凍飲+＄3我叫左個豬扒撈檬，我覺得豬扒好好食，小食不過不失。相反我媽就唔太滿意個豬肉撈檬，我同佢都預期豬肉係瘦肉，點知係豬腩肉黎。我媽有啲失望。😂總括黎講係中上水平，我覺得啲野食好味。我會再幫襯。

去開黃金買野梗係係深水埗食埋晚飯先走，見到福榮街呢間Pho Bo價格超相宜。我同男友二話不說就衝左入去先算喇！餐廳裝潢以木色為主，點餐方面好d 似車仔麵選配料形式自行選劃～單拼生牛河 $34價錢超令我驚喜， 附青檸、芽菜、辣椒自行添加。可選（招牌牛骨湯、蕃茄濃湯同清雞湯）河粉滑溜溜，牛骨湯有天然清甜味，絕對值回票價。牛肉份量都唔少，雖則肥左少少，牛味都算濃郁。香茅豬扒撈檬 $44香茅豬扒都夠入味唔乾柴。酸辣無骨鳳爪$22質地唔錯，調味略嫌偏甜～蒜油香茅炒菜心苗 $24蒜碎同香茅味同樣突出，菜心都夠嫩！蒜香牛油雞翼 $18越南帽仔籃presentation，幾得意！牛油香氣夠，雞翼juicy~惠顧粉麵凍飲+$3 、特飲+$8 整體食物質素同價錢都無可挑剔，只係座位方面較逼！

位於福榮街的越南菜，實在價値好親民。新開的裝修令人好舒服。下午茶的時段都愈坐愈多人。串燒雞肉雞肉都好嫩，廿蚊三串實在抵食。沙爹醬不是濃味那種，質感比較稀，如果重口味應該覺得唔夠味！做小食都係唔錯的選擇！下午茶方面，我揀咗招牌牛骨濃湯金邊粉加小食拼盤。牛骨湯好清甜，揀金邊粉係鍾意佢易入口！三十幾蚊黎講算好大碗！小食拼盤有牛油雞翼、春卷、帶子大蝦拌茄子和牛車快沙律，都幾豐富！牛油雞翼好香好入味！椰子特飲有d淡，但椰子肉份量就好多！朋友這款係蕃茄濃湯金邊粉。配上牛筋，配料超多！牛筋都炆得好入味！