越萊 (福榮街)

营业中

休息中

深水埗出名多嘢食，尤其是福榮街、福華街，花多眼亂。但越南嘢唔多，經過俾呢間幾搶眼淺藍色招牌吸引咗～ 自選撈檬已包括芫荽、蔥油、炸乾蔥片、生菜絲、甘筍絲、青瓜絲、酸菜和花生碎。每款配料$15至$20不等，我揀咗網民春卷和魚露雞髀同埋跟餐飲品+24 越南咖啡雪山😋雖然已經叫咗小粉，但個份量大到嚇親。個碗本身已經大，仲要深，如果咁樣已經少咗粉，我應該要嗌少少少粉先可以食得哂🙈 魚露雞髀個調味震驚到我！雞髀似凍嘅醉雞質地，但係特調蒜蓉魚露汁超開胃好食🤤春卷三條新鮮炸起好鬆脆～ 非常推薦越南咖啡雪山！濃濃咖啡香，個人覺得仲好飲過Starbucks 嗰啲frappes!另外叫多個香甜菜心苗和蒜蓉包，菜心非常鮮甜新鮮蒜蓉包，如果可以跟少少咖喱同沙嗲更好味！

呢間係深水埗既越萊係成日都好鍾意黎食既。 每次行過黃金呢頭都要黎幫襯下。 因為佢既價錢好親民，野食都好大份量，真係好抵食。今日都唔例外，黎開呢頭又要入黎食啦。 想試下佢既越式包，因平時都係食湯河或者飯，今日熱熱地就食包啦。 仲趕得切下午茶，所以越式包加小小錢就有埋飲品。叫左個越式扎肉包，配凍既咸柑桔。 個包黎到都幾大份，入面除左扎肉仲有豬肝，青瓜，醃蘿蔔絲。 包係即烘，好香，每啖都好好食。而凍柑桔竟然仲有2粒話梅，更加好味，好醒2胃，啱晒咁熱既天氣飲。 跟住又叫左份炸蝦餅。 呢個幾乎係每次切食，好大件，勁有蝦味。 仲要係即叫即炸，好新鮮。再試埋佢既烤豬肉米紙卷。 佢既烤豬肉係豬肉腸，唔咸，夾埋菜同濛粉更覺清新，呢個配搭好正。今日又係食得好滿足，等下次又再黎食先。

今日分享一間深水埗越式美味餐廳，深水埗其實好多卧虎藏龍，嚟食下越南菜都係一個好好嘅選擇，呢間店喺夜晚亦好多人流呢！我地二人食左招牌牛骨湯河粉。河粉的質感非常彈牙，入口即化。搭配滋味濃郁牛骨湯，每一口有牛肉的鮮香。裡面還有鮮嫩的生牛肉和豬肉丸，增添了口感的層次感。湯底的味道十分濃郁，喝起來令人回味無窮。另一碗招牌牛骨湯河，配上豬軟骨。豬軟骨的軟嫩口感和牛骨湯的香濃味道，既濃郁又清爽，非常開胃。除了湯河粉，仲有潘良帶子明蝦拌茄子。特色在於帶子和明蝦的鮮美，茄子的軟綿滑嫩，回味無窮。最後有熱柑桔蜜和凍柑桔蜜，帶有濃郁的柑桔香氣，非常適合在冬天享用。而凍柑桔蜜則是冰涼清爽，夏天吃來十分解渴。兩者各有特色呢。

廟街都有分店所有主食送熱柑桔蜜 正常味道平均每個餐都係$50幾蚊 好抵食👍🏼香茅牛肉撈檬 ($52)勁大碗 撈檬汁分開上可以自己調較味道 酸酸甜甜幾開胃牛肉唔算好多 不過幾惹味 唔會好韌另外仲有蘿蔔絲菜幾清新 好食😋牛筋手撕雞絲湯河 ($52)可以自己揀餸 揀左牛筋同手撕雞牛筋都唔韌 其餘幾清淡 都唔錯傳統越式豬肝醬手切扎肉法包 ($42)唔算正宗好脆個隻法包睇落似漢堡包😂 不過入面都足料有豬肝醬吊味 成個口感幾豐富如果係脆法包就perfect 🫶🏻整體夜晚食呢個價錢真係好抵👍🏼

在地鐵站附近的食店非常方便，而且環境衛生乾淨，提供了一些貼心的設施，如背囊掛勾和自助取用的醬料。牛萊了檬粉的牛肉碗看起來份量豐盛，配料包括多種部位的牛肉和蔬菜。特別推薦了牛丸，有彈牙的口感和爆汁的美味。其他牛肉部位也腍滑，尤其牛筋的入口即化，蘿蔔則鮮甜入味。牛骨湯的香濃味道和清爽口感也令人讚賞，尤其是配上少許九層塔和青檸汁，更增添了風味。河內蝦仁米紙卷也很清爽美味，大隻的蝦仁配上爽口的米粉，外皮的米紙質感順滑煙韌，配上微酸的醬料更能增加開胃感。最後，每份主食都會附送熱柑桔蜜，是健康且解渴的選擇，並且沒有過於甜膩，金桔肉的存在也增加了口感的層次。

去完黃金買嘢，最近又實行緊走碳水化合物餐單，見到喺黃金電腦商場附近有間叫越萊竟然有越南湯粉可以轉菜底，於是入去試吓。餐廳係小店形式唔算太逼夾我入咗去就叫咗個牛萊了（轉菜底），兩件牛油雞翼及兩件炸蝦餅。牛萊了份量非常多，包括嚴重不同部位嘅牛肉有生牛肉牛腱牛腩牛丸牛筋。一定要推薦佢哋嘅牛丸，一口開牛肉汁必晒出嚟，非常喜歡。其他牛肉亦炆得非常腍滑，尤其是牛筋，入口咬兩口就已經化開，菜底亦包含了海量的娃娃菜，對於我嚟講非常滿足。牛油雞翼也是我非常喜歡的小食，先將雞翼炸脆，然後用牛油蒜蓉炒香，熱辣辣淡淡牛油香氣，一定要即刻食。蝦餅亦非常彈牙配上越南酸辣醬汁，口感豐盈。餐廳位於地鐵站附近只需行2分鐘，推薦大家嚟試吓。

今日響深水埗附近行完街，我想搵越南菜食，想買一搜尋，發現好多人推介呢一間位於深水埗的越南餐廳，去試吓，點知一試就愛上，真係好好食，服務質素好高，食物種類又多，真係頂呱呱，所以一定要介紹俾朋友嚟試吓，首先呢一間餐廳響深水埗地鐵站附近，係兩至3分鐘就會搵到，非常方便，而且環境衛生乾淨，環境都好寧靜，真係加返，仲有佢哋嘅湯河粉都係超級推介，我哋叫咗一個生牛肉湯河，拖尾濃郁，有豐富嘅牛肉味，而且份量十足，睇得出廚師嘅心思，賣相吸引，而且佢哋嘅牛油雞翼都係大大件，仲有佢哋嘅自家製春卷，餡都好豐富，脆卜卜，真係整得好好同好新鮮，而且呢度嘅員工都服務好好，態度良好，友善同有親切感，有賓至如歸的感覺，所以食得好開心🤤🤤🤤🤤

一試難忘！估唔到比我搵到一間人細美食嘅越南餐廳，位置於深水埗地鐵站附近，好方便，好適合我的家大細，同埋一大班朋友嚟聚會嘅地方，食物選擇種類好多，有粉面類，有飯類，嘢飲選擇豐富，而且價錢係好抵，每碟都大大碗，真係可以好飽肚，而且佢哋嘅小食種類都好多，有豬頸肉，有雞翼，有春卷，蝦餅，串燒等等，而且嘢飲都有特色飲品，所以真係可以好豐富，我最推介嘅係佢哋嘅照燒雞扒，仲有粉面類，佢哋嘅湯底真係一流，佢哋有三餸兩餸揀，而且全部都係好濃郁口味，全部啲肉質好鮮嫩，超級抵食，出面係食唔到，係佢哋餐廳自己手工整出嚟嘅，真係好有心思，而且擺盤都係好靚，服務質素好高，全部客人服務都係好有笑容，有賓至如歸的感覺，所以我覺得味道好好，而且衛生方面要求好高，所以食得有信心

今日好開心同屋企人去咗深水埗附近嘅一間餐廳食越南食物，一直都好鍾意隆中豐富嘅越南餐廳，冇得去旅行，所以就一定要去搵下地道嘅越南食物，豐富一下味覺，第一次去呢一間餐廳，估唔到質素好高，真係深深愛上了，所以一定要介紹俾朋友，一間餐廳位置於深水埗出口地鐵行3分鐘，即刻搵到，超級方便，而且裏面餐廳嘅裝修都好靚，可以衛生，仲有獨立廁所，而且食物價錢經濟實惠，而且每年都大大碗，我好推介佢哋嘅豬頸肉，豬扒雞扒，龍龍，佢哋嘅Siu Yuk全部都係Luo最愛遠，肉質非常鮮嫩，好脆口，好好食，而且佢哋嘅春卷都係好深刻，都係好友越南風味，而且佢哋嘅湯底有雞湯，有招牌牛肉湯，我非常推介佢哋嘅招牌牛肉湯，好入味，個湯底好濃郁，淨係識個河粉都已經覺得頂呱呱，所以呢一間係價錢物美，人間天堂

做完運動正值下午茶時間經過見到不錯便試試有好多不同選擇堂食仲有優惠小食買一送一不過今次是獨自用饍知道食不下兩款小食便只揀了車仔形式的越南河揀了生牛肉, 豬軟骨和蘿蔔份量足料, 味道就中規中矩牛肉有四至五塊, 手掌大小豬軟骨有三四塊, 滷得入味軟嫩, 咸甜適中蘿蔔都有六七塊, 不過炆得不夠入味亦不夠甜, 尚帶有蘿蔔本身的草青味而且湯底亦不太夠熱生牛肉及芽菜較難被燙熟羅勒和辣椒都難以在熱湯中發揮香氣跟餐加錢叫了凍檸檬茶, 發揮正常

黃金附近，真係超多餐廳，中西東南亞都有，今次想食越南河粉，原來都有選擇。睇價錢唔算特別平，見到主食有熱柑桔蜜送，今次就去試下。睇下餐牌先 牛萊了 $78(生牛肉、牛腩、牛筋、 牛丸2粒、牛𦟌)一上枱，都好大碗，幾多肉。先飲一啖顏色好清嘅湯，味道清甜，牛骨味香，河粉好滑。之後喺湯加芽菜、辣椒、青檸，味道更清新，係另外一個感覺。湯底係暖，可能就係怕會整瘦生牛肉，牛腩牛筋煮得好腍，都有油香。牛𦟌脂肪少啲，食得舒服。反而牛丸幾特別，特別再有骨湯喺裡面，味道特別濃，適合最後食。 越萊經典撈檬 $72(香茅牛肉、厚切燒豬扒、豬頸肉)三種肉類都係香茅調味，但口感好唔同，牛肉軟化、豬扒厚實、豬頸肉爽口，一樣有層次。檬粉分量夠。 撈檬嘅魚露有特別，都係酸甜，青檸嘅味道少啲，但多左蒜蓉，味道更香口。 熱柑桔蜜免費送嘅飲品都唔差，除左酸甜味道之外，有好多柑桔喺杯裡面，飲落好潤喉，真材實料。 總數：$150

食越南檬點少得我每次黎親深水埗都會去嘅越萊😎誠意推介呢間餐廳，佢嘅牛骨湯底真係好正，完全吸引咗我每次黎到想食越南嘢就黎呢度😭價錢真係好平🥚—————————————————————📍 越萊 (福榮街)地址: 深水埗福榮街124號地舖✍🏻/食評/◍ 生牛肉檬粉 + 紅豆冰 生牛肉好滑嫩肉質唔韌，仲可以根據自身口感淥熟牛肉片，我習慣用牛骨湯拖一拖就食，牛骨湯好濃郁唔重味精！紅豆冰係跟套餐+$10，紅豆蓉好綿滑，大杯又抵飲！◍ 厚切燒豬扒肉碎煎蛋飯豬扒燒得好juicy，有陣陣炭燒味，煎蛋又煎得半熟流心荷包蛋，份量又多，好飽肚◍ 炭燒豬頸肉 豬頸肉加埋蒜片真係好夾，肉都好淋，同厚切豬排口感完全唔同，呢個薄切又有D焦香味令人食唔停口，下次再叫先～～

厚燒豬扒蝦餅撈檬豬扒鬆軟，蝦餅彈牙，酸酸甜甜的醬汁，再加上青瓜和紅蘿蔔條，吃起來口感豐富，開胃好吃。咖喱牛肋肉飯牛肋肉炆得淋，又有咬口，咖喱香又濃，飯軟硬適中，是最好的配搭。春卷新鮮炸出來，餡料豐富，又脆又爽，外脆內軟。配上青瓜片和生菜，好吃不上火。菜心苗煮得有點過火，失手太淋了。魷魚沙律配柚子汁魷魚彈口，菜很新鮮，加上柚子汁，又係一度非常好吃健康的開胃菜，咸檬七咸檬夠味，超爽又解渴！熱柑桔蜜足料，潤喉。good

有時啲嘢就喺咁啱橋，早唔壞遲唔壞，早排做完運動過開嚟深水埗食嘢，啲電腦嘢就未有事，之後先嚟有嘢壞，當然要專登走一轉嚟高登買番件配件。咁落開嚟又無飯開，所以，索性嚟到「越萊」食埋先返屋企。 正值飯市，所以都幾多客人，裝修簡約，一室湖水藍襯淺色木系枱櫈，加上精緻嘅「竹籮」吊燈，有少少越南風。 我得一支公，最好坐埋去面壁嘅「吧位」，枱下有個小勾，勾住個背囊唔做掗住啲位，枱邊就放咗兩樽醬料，自由取用。 餐牌分開幾張分頁，有自選粉麵、經典款式、飯品、招牌湯河，仲有各款小食、沙律、麵包類，總之選擇就多多，而嗌主食仲奉送熱柑桔蜜，唔啱飲嘅又可以加錢升級轉其他飲品。越萊精選火車頭 $108今次有啲膽粗粗，一支公單挑店家嘅火車頭，選擇河粉，嚟到唔喺講笑，超大碗，比預期中大好多。睇返餐牌就話有呢大堆嘅配料：生牛肉、牛腩、牛筋、牛丸、扎肉、豆卜、豬軟骨、雞絲，仲配有生菜、蘿蔔、洋蔥，而且，啲餸料唔喺得一嚿半嚿，有啲仲有幾嚿，好似生牛肉就已經有好多片，所以，好老實講淨喺食餸都飽，何況仲有咁大碗河粉。 先講講個牛骨湯，牛骨湯非常香濃，味道鮮甜，但飲落唔會太濁，真係啖啖精華，混咗少少九層塔同唧點青檸汁，感覺更清爽

行到夜深水埗搵飯食，行到福榮街街尾見到間越南餐廳幾多人食咁，於是我同b🐷就食個快飯醫肚再翻歸。我哋唔洗等位就可以入去座，但入面都幾逼，同隔離枱好近，好無私隱😂😂。我哋嗌碗粉免費跟熱柑桔密，熱飲另外加$6，有啲奇怪🤔。雞扒豬頸肉撈檬粉 3.5/5一般般，份量幾夠食，男人胃都食得飽，佢另外跟蘿蔔絲、青瓜絲，可以撈埋魚露辣汁🌶️，味道幾開胃，但係雞扒同豬頸肉都鞋同乾得滯，唔夠嫩😅。雙拼湯粉 3/5揀左手撕雞同札肉，札肉4片，手撕雞又係好老同乾，唔係想像中咁幼細，但湯底幾好味😳，加青檸汁提鮮，入口鮮甜。地點:深水埗福榮街地舖，隔離又有幾間食市，大馬路側邊唔難搵。環境:一埋位好大浸香料味同膠餐牌枱布味，有啲難頂，可能座位之間太近，抽風系統比較差，留意到入邊有吧枱位，就算一個人嚟食都唔使搭枱。價錢:60幾蚊人頭，抵食呀。留意到有180蚊既小食拼盤，賣相都幾吸引架🤔🫣。服務:店員會覆單好細心，睇得出好用心。