越華會海鮮小館 (已搬遷) 新店位置

今晚在嘉雀會有雀局，照例抽水食飯俾房租。雖然嘉雀有得食，但大家都想一氣呵成打完十二圈至開飯，所十一點幾完場時，四個人在附近搵食，見呢度在隔離，咁就腳就諗都唔諗就入了來。先叫十時後150 蚊的避風塘炒蟹，還有炸生蠔、焗元貝、咕嚕肉、菜及豉油皇炒麵。菜色份量普遍不少，150蚊的炒蟹當然不及平時的大隻，照估計是略略少於一斤，因蟹小所以肉不太實，下次都係便宜莫貪，叫回原價9蚊一兩的好了。這個避風塘炒法香口但唔夠辣，味亦略薄，送起啤酒來是差少少，還是橋底辣蟹對胃口；炸生蠔中等身型，炸得算香脆，交到功課；焗元貝38蚊一隻，是貴了一黠，但是新鮮的，不錯；咕嚕肉夠味但炸得不夠香脆，不算太差，但當然亦不是推薦菜色。連啤酒、汽水同白飯埋單六百三十幾，在這等地方吃，唔算平，但打牌抽果份水夠比，大家食完都無異議。

成大班朋友食飯都幾鍾意呢度，價錢合理，食物水準亦唔錯，重好多選擇，不過有時都要等位。記得佢每晚九點半後全部都做特價，平好多，亦因此好多人專等減價時段至去食，往往九點已經成村人門外等位。講到食物，呢度鎮店三寶係油鹽水浸大蜆、沙拉骨同避風塘炒蟹。我次次例牌叫個油鹽水浸大蜆先，大蜆鮮甜，油鹽水夠晒胡椒味，撈飯食一流！不過有時冇普通大蜆賣，會用大大隻花甲，大雖大矣，肉地稍嫌韌D,唔算出色。正如其他食家咁講，呢度沙拉骨係幾好味，肉地夠，調味亦出色，不過個人唔係咁鍾意食太濃味，嫌遮蓋食材本身鮮味。至於避風塘炒蟹，味道其實只屬一般，視當日D蟹質素而定，價錢亦唔平。上湯/芝士焗龍蝦同椒鹽瀨尿蝦水準亦只係中至中上水準啦！除上述三寶外，呢度小菜亦相當出色。其中一味鼓油王炒麵係人多必叫之選，麵夠幼夠乾身，睇顏色已知有鼓油王味，不過銀芽可以多番D就更完美啦！佢黃金炸豆腐亦係一絕，金黃外皮非常香脆，而且有胡椒香，內裡豆腐非常滑，淨食唔點隻泰式甜辣醬都好好味。當灶時節，一定要試大良炒藕片，藕片薄而爽脆，配南乳汁真係一流，非常醒胃。富貴D，不妨試羔蟹蒸肉餅，趁熱食好鮮甜，肉餅亦非常有鮮味。其實係度食飯可以好經濟，正

招牌炸豆腐一流!!!外脆內滑,加上甜酸醬,簡直"正"呀..油監水蜆好味!!!蜆肉夠大,不太熟,鮮甜味仍然保留,加上楜椒味,鮮味更突出..沙拉骨... 估唔到平時食o既京都骨再加上salad 醬,係別有一番風味..但係... 碟炒蟹就真係麻麻地喇...整體尼講平!!!好味!!!

我都係第一次無食o野而寫食評啦~<br>兩個人星期日8pm 去到~ 坐低就叫o左三碟送, 其中一碟只係好簡單o既蒜茸炒白菜~ 之後有d 遲o黎過我o地o既人都order o野啦~ 等o左好耐, 見佢地上菜速度好慢, 其他人食完一碟都要等好耐先再上另一碟~ 同檯o既一對情侶都好唔耐煩~ 最離譜係遲o黎過我o地o個d 人, 上o左碟沙拉骨, 食完再加五分鐘, 我o地都未上到一碟~ 蒜茸炒白菜點都易整過沙拉骨啦~ 等成半個幾鐘都上唔到一碟菜, 索性起身走人~ 去"家菜館", 可能d o野無咁好食, 但係平又平得多, 環境又好得多, 上菜速度又快得多, service 又唔錯, 我寧願去家菜館啦~

上次三個妹妹仔去嗌o左豉椒炒蟹豉椒炒蜆同埋菜~好味又唔貴

沙拉骨同油鹽水蜆真係好好味o家!! 差唔多值滿分!!<br>不過.... 個避風塘炒蟹就唔係咁掂喇!! 係就係好香, 不過食落口就得個鹹字... 一o的蟹o既鮮味都冇!! 而且, 仲好貴添呀!!! 簡真令呢間舖扣哂分呀!!!!

最正o個客係避風塘炒蟹~~o個d 蒜茸炸過..拎o黎送白粥,<br>包你食到三碗~!!<br>沙拉骨酸酸甜甜好入味..點沙律醬最o岩夏天食呢~<br><br>其他賴尿蝦,蜆都唔錯,一大班人去宵夜都唔錯

沙拉骨- 勁正! 油鹽水蜆- 好味! 芝士石斑塊- 無得彈!

食得樂好鐘意一大班人來呢度開飯，皆因呢度D o 野食又平又好味！　例排菜係油鹽水蜆，夠原汁原味，直情可以連湯水都飲埋。另外沙拉骨亦都係招牌菜，一定要試試，秘密就係將加料沙律醬放上酸酸甜甜o 既豬扒度，送飯食認真一流！　仲有呀，呢度D 豉油王炒麵同泥孟粥都好正o 架，不妨一試。