影片
营业时间
今日营业
11:30 - 22:00
星期一至日
11:30 - 22:00
以上资料只供参考，请与餐厅确认详情
今日唔讲米芝莲，唔讲酒店餐厅，我想带大家走入上环嘅大街小巷，试一间好多街坊同埋OL都推荐嘅越南菜馆——「越芦牛肉粉」。呢间舖头位于上环皇后大道西，门面唔算特别起眼，但一到饭市就人头涌涌，证明佢有一定实力。🍜 主角登场：会安蕃茄蟹檬 (Bún Riêu Cua)首先要赞嘅，一定系呢碗「会安蕃茄蟹檬」。作为越南中部顺化、会安一带嘅特色粉面，佢同我哋平时食开嘅生牛河有好大分别。一上枱，首先系被佢橙红嘅汤色吸引，蕃茄嘅酸香同蟹嘅鲜味扑鼻而来，非常开胃。汤底: 饮一啖汤，味道果然无令人失望。蕃茄味浓郁得嚟非常自然，唔系茄膏𠮶种死酸，而系带有猪骨汤底嘅醇厚同鲜蟹熬煮出嚟嘅鲜甜。汤头层次丰富，饮得出系心机之作。配料: 碗入面嘅配料都好足，有扎肉、豆卜、猪红，最重要嘅当然系𠮶件用蟹肉同蟹膏制成嘅蟹膏蛋饼。蛋饼吸满咗汤汁，一啖咬落去，蟹嘅鲜味喺口腔爆发，口感松软，绝对系成碗粉嘅灵魂所在！粉: 檬粉爽滑，挂汤力一流，每一啖都食到汤底嘅精华。总括嚟讲，呢碗蟹檬无论系汤底定系配料都做得非常出色，味道正宗，绝对系必食推介！🐷 最佳配角：会安烤猪颈肉见到餐牌有「升级优惠」，可以用$38加配一份小食，我梗系唔会错过，拣咗呢个「会安烤猪颈肉」。猪颈肉烤得外层焦香，带少少炭烧风味，但内里依然保持到肉质嘅爽嫩同肉汁。腌料嘅味道恰到好处，有淡淡嘅香茅同鱼露香气，唔会太咸，点埋跟碟嘅酸甜酱汁，即刻可以中和油腻感，作为餐前小食或者送粉都系一流。以$38呢个价钱嚟讲，CP值极高！☕️ 神级收尾：越南鸡蛋咖啡 (Cà Phê Trứng)食完正餐，点可以无杯嘢饮？我拣咗越南河内嘅名物——鸡蛋咖啡。好多香港人可能对佢有啲陌生，甚至会惊有蛋腥味，但正宗嘅鸡蛋咖啡系完全唔会有腥味㗎！呢度嘅鸡蛋咖啡一上枱，就见到面头𠮶层好似奶盖一样，用蛋黄同炼乳打成嘅绵密泡沫。 根据传统饮法，可以先用匙羹试一啖面头嘅蛋浆，口感好似液体Tiramisu，丰厚幼滑，充满蛋香同甜味。然后再将佢同底下嘅浓缩咖啡搅匀，咖啡嘅甘苦完美中和咗蛋浆嘅甜腻，入口顺滑，味道非常有层次，系一杯充满惊喜嘅饮品。佢唔单止系一杯咖啡，更加可以话系一道甜品，为呢一餐画上完美句号。 总结 💯总括而言，「越芦牛肉粉」绝对系一间值得推荐嘅越南餐厅。由装修布置到食物质素，都感受到浓厚嘅越南风情。今次试嘅三样嘢——蕃茄蟹檬、烤猪颈肉同鸡蛋咖啡，全部都喺水准之上，而且价钱合理，埋单连加一都只系$144。无论你系喺上环返工嘅打工仔，定系专程入嚟揾食嘅朋友，呢间「越芦」都唔会令你失望！
继续阅读
越南菜是我喜爱菜式之一 每次想不到吃什么越南菜总不会出错假日来到上环 发现这间越南菜环境都挺舒适 menu选择又多 一于试试吃个late lunch～🍅🦀会安蕃茄蟹檬$85大大碗热辣辣~有大量的蟹肉和猪肉碎 汤底鲜味出色虾丸非常有惊喜 弹牙十足 有黑椒香气这里的檬粉像滑身米粉 吸满汤汁后非常美味🍹香茅鲜橙茶跟餐饮品的选择都相当有特色呢鲜橙茶散发淡淡的香茅香气甜味来自香橙本身 甜度适中 🤍清沅粉包$26跟餐可以升级优惠价加添小食 点了一个小食第一次试粉包它的外皮好像河粉般里面有肉碎、木耳和红萝卜配鱼露很滋味两件十分饱肚
继续阅读
越芦越南牛肉粉上环皇后大道西2-12号联发商业中心地下B号舖经开上环，老友推介特色越南菜，环境舒适，食材新鲜，食返只鸭仔蛋先。😋传统虾卷虾卷配料有新鲜海虾、生菜、青瓜丝、萝卜丝，新鲜爽口，外层口感松软，加酸酸甜甜的酱汁效果更佳，推荐！😍清沅粉包即叫即蒸，皮薄馅靓，馅料新鲜，面层有炸蒜和香葱提升层次，配酸甜酱汁，好开胃！😍生牛肉河+传统鸭汤河生牛肉和鸭肉新鲜嫩滑，肉汁丰富，特色鸭仔蛋，补身一流，面层有新鲜薄荷叶、葱花、洋葱、芽菜和香草提升层次，汤底鲜甜，咸度适中，汤粉爽滑，可加青柠、辣椒，好味道！🤤话梅咸桔水 甜度适中，饮完好舒畅，消暑解渴。😙越芦越南牛肉粉 环境舒适，食材新鲜地道，粉包虾卷汤粉正，侍应服务态度好，回头率高。😎🤘
继续阅读
周日嚟咗呢间喺上环嘅越南🇻🇳餐厅食下午茶 🤣$72「越南蛋饼香茅猪扒饭」：香茅猪扒劲大块好多肉够香口，仲有几特别嘅越南蛋饼，配饭食好夹又好饱🤣$68「传统越南法包」：材料包括《肝酱.扎肉.扎蹄.胡椒猪肉.酸菜.青瓜🥒》，材料真系几丰富🤣，法包外皮脆脆哋，配埋有肉又有蔬菜嘅馅料，出奇地好味㖞🤣跟餐加 $38「会安烤猪颈肉」：猪颈肉烤得够香口仲有一小兜辣汁可以沾🤣跟餐加 $38「马拉盏炒通菜」：通菜新鲜几爽脆马拉盏炒味道变得超级浓郁🤣套餐配饮品 $28「鲜椰青」：够清新🤣套餐配饮品 $8「椰汁珍多冰」：够晒甜，仲好 foamy 🤣真系高质素嘅「下午茶餐」🤣
继续阅读
餐厅：越芦越南牛肉粉地点：上环皇后大道西菜式：越南牛肉粉餐牌：星期日都有茶餐，主菜有汤粉，捞檬，饭类，街头法包，配饮品4选1。可以追加地道小食，或者加钱要特饮。鸡丝扎肉捞檬 $68 另加一鸡丝扎肉捞檬既鸡丝有鸡脾肉有鸡胸肉，好有鸡味，健康好味。扎肉有四片，都唔错。下底系多多檬粉，伴有生菜丝，青瓜丝同萝卜丝，仲有脆脆同葱花。可以自己加枱上既鱼露，呢度鱼露比较辣，好醒胃。夏天食呢个，正呀！顺化香茅牛肉伴檬粉 $68 另加一顺化香茅牛肉伴檬粉大大碟用碟上，牛肉好多片，食落香茅味十足，肉质够嫩，味道惹味。檬粉加上葱花同脆脆，伴有唔少生菜丝同酸萝卜丝。生牛肉汤粉 $65 另加一生牛肉汤粉大大碗热辣辣上枱，牛肉多片，真系粉红色上枱，肉质都好嫩，唔会太肥。汤粉类可选河粉/檬粉。河粉好幼身，非常嫩滑，分量好多！配个清清地既牛肉汤好味道。配料有芽菜，洋葱丝，金不换，葱条同葱花，加添口感同味道。另上青柠同辣椒比你自己调味。呢度牛河真系好食。越式酸辣凤爪 $28 另加一越式酸辣凤爪一共7件，配有蕃茄，洋葱丝，西芹，同脆脆，味道酸酸辣辣，好开胃。会安烤猪颈肉 $38 另加一呢个会安烤猪颈肉系跟餐小食。猪颈肉一客7片左右，热辣辣上枱，烧得外脆内嫩，好食呀。配另上既酸辣汁更好味。面头加上脆脆，伴有酸甜萝卜丝同垫有生菜，可解腻。跟餐饮品选择都唔少，冷热都得。冻香茅鲜橙茶 跟餐香茅鲜橙茶系香甜鲜橙味带淡淡茶香，少甜已经够甜。冻话梅咸桔水 跟餐冻话梅咸桔水酸酸甜甜，好重话梅味，下底好多咸桔皮，仲有一只桔仔，少甜已经够味。冻越南老姜蜜 跟餐越南老姜蜜姜味好浓，都几辣下，我叫左少甜。今餐食物保持一贯水准。茶餐特别抵食，无论主食同小食都好抵！地方光猛干净。服务员态度友善。
继续阅读