越蘆越南牛肉粉

营业中

休息中

週日嚟咗呢間喺上環嘅越南🇻🇳餐廳食下午茶 🤣$72「越南蛋餅香茅豬扒飯」：香茅豬扒勁大塊好多肉夠香口，仲有幾特別嘅越南蛋餅，配飯食好夾又好飽🤣$68「傳統越南法包」：材料包括《肝醬.扎肉.扎蹄.胡椒豬肉.酸菜.青瓜🥒》，材料真係幾豐富🤣，法包外皮脆脆哋，配埋有肉又有蔬菜嘅餡料，出奇地好味喎🤣跟餐加 $38「會安烤豬頸肉」：豬頸肉烤得夠香口仲有一小兜辣汁可以沾🤣跟餐加 $38「馬拉盞炒通菜」：通菜新鮮幾爽脆馬拉盞炒味道變得超級濃郁🤣套餐配飲品 $28「鮮椰青」：夠清新🤣套餐配飲品 $8「椰汁珍多冰」：夠晒甜，仲好 foamy 🤣真係高質素嘅「下午茶餐」🤣

今次叫咗兩款招牌菜，首先係傳統越南法包，真係有驚喜！個法包外皮脆到不得了，咬落去「咔嚓」聲好治癒，入面嘅餡料多到瀉，有扎肉、豬耳絲同醃蘿蔔，味道好正宗。份量仲要超大，女仔可能食半個就夠飽。 香辣蝦頭膏炒飯都相當出色，炒得夠乾身，鑊氣十足。蝦膏味好濃郁，帶微微辣勁，食落好惹味 叫咗越式熱滴漏咖啡, 即叫即滴，咖啡味好濃郁，飲落有啲似朱古力嘅回甘，跟埋煉奶可以自己調甜度，好有越南風情。另外仲叫咗椰汁珍多冰, 真係好多料！珍多冰鋪滿成杯，椰香味好濃，甜度啱啱好，好適合夏天飲。 #越蘆 #越南菜 #上環美食 #越南法包 #OpenRice熱店

位於上環的越南菜餐廳，佈置帶有越式風味，環境乾淨企理，燈光光猛，座位寬敞舒適。餐牌附有圖片，很多選擇，越式小食、粉麵飯等等都有。米紙卷：牛油果素米紙卷米紙卷，越南常見的小吃之一，這款相當健康的素食版。軟軟薄薄的米紙皮，包裹著多種蔬菜餡料，有蘿蔔絲、青瓜絲、椰菜絲、牛油果，塞得很飽滿，蘸點醬汁吃，加添調味。湯粉：招牌手切牛柳湯粉牛柳份量蠻多，肉質軟嫩粉色，用滾湯灼十秒左右已經變熟，依然保持柔軟，牛肉新鮮，配上越式湯底及河粉，有洋蔥、芽菜、薄荷葉、蔥花等香料，很有層次及口感。湯粉：保寧雞絲扎肉湯粉除了牛肉之外，還有以鮮雞湯作湯底的雞絲扎肉湯粉，扎肉厚切，雞湯味清甜，這碗選了檬粉，檬粉幼身，跟米粉差不多，吸收了湯汁。飲品：牛油果沙冰清爽的沙冰之選，牛油果跟沙冰打得非常綿密，沒有冰粒，喝起來順滑。

今日我去咗上環嘅越南菜餐廳「越蘆」，真係唔錯！一入到去就感受到好濃厚嘅越南風情，裝潢簡單但有味道，令我好期待今晚嘅美食🌟首先，我試咗佢哋嘅生牛肉湯河。呢碗湯河真係好正！牛肉新鮮，切得薄薄，放落熱騰騰嘅湯入面，立刻就熟，肉質嫩滑，味道一流🔥湯底清澈，帶有香料嘅風味，飲落去好暖心，仲可以加上新鮮嘅香菜同檸檬，提升咗整體味道，真係唔可以錯過！跟住，我點咗生牛肉牛肉丸湯河。呢碗就更加豐富，除了有生牛肉，仲有牛肉丸，食落去超有口感！牛肉丸彈牙，湯底依然保持好清爽，仲有啲香料味，滋味十足，真係令人一口接一口😋最後，我試咗馬拉盞炒通菜同越式酸菜辣鳳爪。馬拉盞炒通菜非常鮮嫩，醬汁香辣，味道好開胃；而越式酸菜辣鳳爪則係另一種風味，酸酸辣辣，配啤酒正好，令我食得不亦樂乎🍻總括來講，「越蘆」真係一個好地方，無論係味道定係環境都令人滿意。如果你想試下正宗嘅越南菜，記得上來食呀！😊

收工後肚仔有啲餓，黎咗呢間餐廳食越南野。餐廳裝修幾靚，好多卡位，用餐環境幾好。經典越南法包，餐廳有貼心切咗一半，方便食。法包烤得金黃香脆，咬落「喀嚓」一聲。入面嘅烤肉丸好juicy，調味啱啱好，唔會太鹹，加埋爽脆嘅青瓜同酸酸甜甜嘅蘿蔔絲，食落清新平衡。蕃茄蟹檬檬枌，湯底開胃順口，酸酸甜甜嘅蕃茄味同蟹嘅鮮味好夾。檬粉好滑，吸晒湯汁嘅精華，份量都幾多，食完暖笠笠。河内烤豬肉伴檬粉，份量大到差啲食唔晒。檬粉爽口彈牙，烤豬肉好香，帶點炭燒嘅煙燻味，肉質嫩滑，唔會太油。配菜有好多新鮮蔬菜，清爽得黎口感好豐富。越蘆越南牛肉粉 (上環)上環皇后大道西2-12號聯發商業中心地下B舖

喺上環水坑口附近的這間越南餐廳，開咗好多年，係區內少有主打地道越南風味嘅老字號。相比起一般越南餐廳，呢度菜式更貼近當地原味，款式多元，下午茶選擇豐富。街頭辣沙甸魚法包 — 麵包外皮鬆脆唔刮口，夾住沙甸魚、肝醬、扎蹄同辣椒，每啖都層次分明。辣椒帶勁但唔會搶味，好有越南街頭小食風味。會安蕃茄蟹檬 — 湯底微酸帶鮮，蟹肉鮮甜，配上扎肉、蝦丸同肉碎，口感豐富，食落清新開胃。生牛肉牛肉丸湯河 — 牛肉薄切，入口即化；牛丸彈牙，湯底清甜有層次，是經典越南湯粉的代表。椰青 — 清甜解渴，飲落自然清香。西貢啤酒 — 口感清爽，配香料味重嘅菜式剛剛好。話梅鹹桔水 — 鹹甜交錯，帶陣陣話梅香，飲完非常解膩。

閨蜜放假，我約她去位於上環皇后大道西2-12號聯發商業中心地下B號舖的《越蘆越南牛肉粉》食下午茶餐，裝修簡潔，富有越式風情。我地點左：🥢主食📍生牛肉牛展牛肉丸湯粉 $78湯底鮮甜，牛肉鮮嫩、牛展有咬口、牛肉丸好彈牙，河粉順滑，口感十分豐富。📍順化香茅牛肉伴檬粉 $68牛肉烹調得香口入味，檬粉幼滑，淋上泰式醬汁，口感不錯。🥢追加小食📍會安烤豬頸肉 $38豬頸肉烤得外脆內嫩，沾上泰式辣醬，好惹味。📍河內傳統蝦卷 $26用米紙捲住蝦、粉絲、蔬菜，配芒果醬（帶少少辣味），清新又好味。🥢飲品：📍鮮椰青 $28 x 2椰青清涼好飲。

呢日嚟咗呢間喺上環嘅越南🇻🇳餐廳諗住食個 early dinner 🤣入到餐廳仲未夠 6pm 仲有「下午茶」咁就嗱嗱聲叫「下午茶餐」🤣$68「順化香茅豬扒湯粉（鮮雞湯）」加 $30「牛肉丸」：「香茅豬扒」分開上，肉質軟熟，外邊仲竟然有少少脆，香口好食🤣；河粉滑脫脫🤣；鮮雞湯底幾鮮甜🤣；另外加嘅牛肉丸幾爽口彈牙🤣$75「咖喱牛腩煲 配 法包🥖」：咖喱汁夠濃滑又唔係好辣，牛腩炆煮得好軟熟，法包🥖沾埋咖喱汁食好好食🤣跟餐加 $38「會安烤豬頸肉」：豬頸肉烤得夠香口🤣跟餐加 $38「馬拉盞炒通菜」：：通菜新鮮幾爽脆，馬拉盞炒味道濃郁幾好食🤣套餐配飲品 加 $8「薄荷青檸梳打」：幾清新🤣套餐配飲品 加 $18「雞蛋咖啡」：越南🇻🇳咖啡味道濃郁，上邊嘅雞蛋成泡沫狀態，又輕身又滑🤣真係高質素嘅「下午茶餐」🤣

今日去咗間越南餐廳🇻🇳 – 越蘆，真係好正宗嘅越南風味呀！居然連鴨仔蛋都有😋 我哋叫咗兩碗粉 生牛肉牛肉丸湯檬粉 同埋生牛肉牛展牛肉丸湯河 🍜🐮！兩碗粉嘅湯底都好清甜，帶有淡淡嘅香茅味，好清新！😌 生牛肉🥩好新鮮，淥一淥就食得，肉質鮮嫩！牛肉丸🐮彈牙爽口，牛展炆得入味，好正！👍🏻 檬粉同河粉嘅口感都好唔同，檬粉比較幼細，河粉就比較粗身，大家可以按自己嘅喜好去選擇！除咗湯粉之外，我哋仲叫咗個「地道鴨仔蛋」🥚🐣！我知道好多朋友仔都唔敢食，但係身為一個Foodie，梗係要挑戰下啦！💪🏻 其實個味道都OK嘅😂 飲品方面，我哋叫咗杯薄荷青檸梳打🌿🍋🍹。酸酸甜甜，非常解渴！👍🏻

之前嚟過呢一間已經覺得幾好食，一直記住咗。咁啱呢日同朋友去上環文娛中心聽中樂演奏，聽完之後差唔多7:30啱啱好大家肚餓就去食飯。朋友話想食越南河粉，我就即時帶佢行前少少去呢一間食啦！《 生牛肉牛展牛肉丸湯河 $88 》個湯底好鮮甜，而且好大碗好足料。牛丸鮑汁爽彈、牛展有膠質、牛肉唔韌，越南河粉滑溜。《 順化香茅豬扒湯粉河 $82 》湯底清甜，香茅豬扒分開上好大塊，肉完全唔乾身而且入味好食，加少少越式酸汁仲提味！《 清沅粉包 $72 》唔係間間越南餐廳都有得食，呢間啲粉包餡料好飽滿，有豬肉碎冬菇粒等等，有調味，落埋酸汁更加惹味。《 凍青檸紅茶 $28 》晚上只有散嗌，如果有dinner set就好啦。*加一服務費*

上環都真係好多好野食，呢日等埋朋友收工，就過黎呢邊一齊食，呢間餐廳係朋友揀嘅，佢話平時lunch都有食，話都幾抵，所以特登同我黎食晚飯等我試下。 餐廳都算大，感覺都幾乾淨舒服，我地點了以下食物： 生牛肉湯河呢款湯底清徹得黎都幾香同鮮甜，河粉吸收了滿滿湯汁很美味，亦可以轉檬粉，生牛肉份量都幾多，而且口感柔軟，肉味香。 峴港手打蝦財蝦肉是手打的，所以爽口彈牙，這種蝦餅和平常吃的蝦餅造型和做法不同，這款類似魚餅，加入了香蔥等等，很香口。 越南蛋餅香茅豬扒飯豬扒，肉質鮮嫩，炸得香口，而且份量都多，廚師已經切好一片片，方便進食。第一次吃這款蛋餅，是有木耳餡的，非常特別，增加了爽口的口感，很美味，蛋味亦很香。 凍香茅鮮橙茶這款茶飲很美味，帶有橙的清香，不會酸，但很清新，和茶非常配搭。 這間餐廳很抵食，價錢不貴，份量都多，而且美味。

Encore 系列😋 之前都提過上環呢間越南菜又好味又抵食❤️最緊要地方寬趟坐得舒服😌今日放工又過嚟呢度食下野Me Time 一下上次試過越式牛肉湯粉🍜跟牛油果🥑沙冰今次試新野😛🥗香茅豬扒撈檬 $82即叫即炸豬扒,熱辣辣肉質鮮嫩夠Juicy～一口咬下就感受到濃厚嘅香茅香味～這裏的檬粉偏軟身容易掛汁豐富嘅色彩繽紛又爽口蔬菜🥬顏色十吸睛配上撈檬粉必備的酸酸甜甜魚露十分清爽開胃🤤☕️雞蛋咖啡 $32第一次飲雞蛋咖啡😆 賣相都幾特別唔知點解就是覺得很有越南風味🤣頂層是蛋黃加糖發成的泡沫帶有雞蛋布甸嘅香味～底層則是十分濃郁的咖啡口感順滑～未試過又喜歡新奇食物嘅朋友值得一試唷😌

平時返工都會經呢頭，今日好想食越南嘢就去食啦，餐廳啲選擇都幾多有飯有麵有小菜小食等等，環境都好闊落，可以坐低舒舒服服咁食！🍴傳統越南法包 $78叫完都要等一陣，證明佢係即叫即整好新，個份量都幾大，外皮非常之脆，入面有胡椒豬肉扎肉鵝肝醬豬肉丸等等，蔬菜方面就有蘿蔔紅蘿蔔青瓜，口感都好豐富，尤其是底部嘅鵝肝醬好惹味！🍴芒果糯米飯 $68雖然價錢係有啲進取，食落都好滿足嘅，糯米飯加椰奶熱辣辣，面頭啲花生碎令口感更豐富，芒果好鮮甜！

女兒考完試，和她到上環食下午茶，越蘆有下午茶餐供應，價錢合理👍餐廳座位多，我地坐卡位好闊落，十分舒適。女女食生牛肉牛展牛肉丸湯河，我試一口湯底，味道正宗濃郁。我就食會安蕃茄蟹檬，番茄🍅味道酸甜開胃，蟹肉份量多，仲有扎肉同肉丸。份量好大碗，食得非常滿足。餐牌有升級小食優惠，選擇了牙車快和馬拉盞炒通菜，前者清新，後者惹味，食多d蔬菜更均衡👏🥤飲品：薄荷青檸梳打女女大讚好飲，大量薄荷也，好清新。鮮椰青冰凍美味。

喺公司附近有呢間越南嘢收工就過嚟試一試，餐廳坐得好舒服。手切牛柳湯河 $88果然係每日限量，牛肉輕輕用水灼熟好嫩滑， 一開始見咁厚身以為好難熟，但湯好夠熱，真係熟得啱啱好。順化香茅豬扒湯粉河 $82我自己好鍾意食越南炸豬扒湯河，因為豬扒唔會好厚粉，亦都唔會炸得太老， 我覺得比吉列豬扒更好食。芒果糯米飯 $68差不多到芒果當造的季節 芒果好甜，糯米飯放了一陣再吃糯米飯仍然好暖， 食完好滿足。熱話梅咸桔水 食越南嘢最鍾意就係飲咸柑桔水，解膩又有益， 完美的一餐。