越男仔

营业中

休息中

越男仔火車頭湯金邊粉 $72 配料十分豐富🤩有生牛肉、牛根、牛丸、烤牛肉同牛百葉生牛肉🥩有兩大片上枱時仲呈粉紅色用熱湯浸熟左後肉質嫩滑😻用舌頭輕輕一壓就溶化唔洗用力咀嚼淋甜無渣生牛肉牛味重👏🏻帶少少脂肪既位置牛肉香氣更為突出好食😋牛根🐮四大舊有咬口得黎又帶少許膠質✅口感唔差可惜白煮無味🙊牛丸🍡兩粒對半切開 口感唔算十分彈牙🤔對半切開後肉汁流失 唔夠Juicy 但牛味突出 又無牛騷唔錯👍🏻烤牛肉有四片左右 肉質尚算嫩滑🉑唔會過韌 但要快啲食🥣浸耐左啲湯會無咁嫩😩牛百葉 三片選用白色牛百葉 煮既時間夠耐 唔會韌到咬唔開👌🏻質地爽口、有嚼頭 不過同牛筋一樣 都係無味😢以配料來講，生牛肉、牛丸最好味🥳金邊粉 （+3）係極幼版既河粉🍜帶少少韌度 質地彈牙🤤唔會過淋 滑身、易入口 掛湯力都幾好👅湯底🍲清潤而不油膩味道濃郁得黎又唔會過鹹同各款牛肉配料好夾👍🏻整體而言， 哩碗越式湯粉份量十足👏🏻無論金邊粉定配料都好豐富一啖餸一啖粉 食到最尾都唔會無餸😍火車頭湯粉味道好温和 食完成身暖笠笠♨️好正❤️‍🔥午餐仲要無加一添🎉可以一試🍽

路過沙田搵食，見到花間越南餐廳款式又多又新穎，於是就試一試。晚市價錢偏貴，而且冇套餐。樓面姐姐好有禮貌，會主動解答同介紹👍🏼.他他牛海膽卷 $98 - 他他牛俾我嘅印象應該係生牛肉，但呢個都接近8成熟，包住嘅都係青瓜絲同洋蔥等，只係面頭有少少火炙咗嘅海膽，其實味道唔錯，只係價錢偏貴。如果唔加海膽，其實對整體味道都冇太大影響。法式芝心蝦多士 $65- 幾有驚喜初初諗住都係好普通，但炸得好香脆，而且蝦膠好彈牙，芝麻亦都點綴咗非色香口。.冰鎮蜜糖凍蕃茄 $45 - 其實整體都唔錯，但加咗有柚子蜜就有啲畫蛇添足，完全蓋過咗蕃茄嘅味。

係沙田區要揾間好食嘅越南菜都唔係咁易。但係係沙田圍就有一間好唔錯嘅越南菜叫越南仔。餐廳裝修簡單乾淨，坐位都十分舒適。餐牌選擇十分之多。而且係新式越南菜。好多都好特別。今次叫咗幾款唔同菜式試下。第一道係串燒拼盤，燒出黎肉質唔會乾，醬都有特式。第二道菜叫咗佢地嘅名菜茄子牛柳袋。 牛柳新鮮，茄子香口。係一碟好出色嘅新派菜。第三道係火車頭鍋。份量十分之大，仲送豬仔包。茄湯底濃厚鮮甜。配料多，食完已經好飽。

睇得出小店有用心裝修同佈置牆上面好多好好笑既牌小店以卡位為主，都坐得幾舒服店員做野快手同有禮貌本來坐廚房門口，覺得有啲熱咁岩有人埋單還枱店員都好樂意幫手調位胡志明市紅蕃茄四寶(豬扒+豬頸肉+脆豬肉+扎肉)湯檬粉+熱檸水 $66好充料好多餸豬扒同豬頸肉都燒得好香，幾好味！脆豬肉炸得勁香口，但偏肥少少扎肉正常發揮蕃茄味幾濃郁幾甜 超級大碗！我盡晒力都食唔晒！佢價錢唔算好平但河畔花園食野係呢個價錢同埋佢既份量同味道好對得住個價錢小店都有做唔同優惠埋單個時，店員都提我地keep單下次堂食可以減20 蚊咁計落其實都算抵食！

一般都是搭火車去沙田，所以平時在沙田搵食，都是在新城市廣場﹑連城廣場或好運中心居多。是次老公就陪我去沙田圍那邊逛逛，看看有什麼小店可試～～～好一段時間沒吃越南菜，沙田圍這邊有幾間越式料理店，最後見越男仔的餐牌看似較為吸引再加上有優惠，便決定一試！甫進店內，見到斗笠帽造型的燈飾，饒有趣味！餐牌有TOP10推介，相中了其中兩款，鎮店焗珍寶有機蘑菇釀生蠔及海膽檬紙卷，另選椰青焗海鮮飯。飲品則點椰汁冰及椰汁鴛鴦冰。蘑菇正做買一送一優惠，有兩款釀蘑菇，除了釀生蠔外，還有釀烤牛肉，就各選一份啊！另有三色檬紙卷拼盤，其中包含海膽檬紙卷，就貪心一點的多嚐另外兩種配搭三色檬紙卷拼盤，分別是海膽檬紙卷﹑手撕雞檬紙卷及吞拿魚柚子檬紙卷。三款食材都輕輕灸燒過，手撕雞的味道相對沒那麼突出。海膽不至於十分濃郁鮮甜，但都滑溜無腥味，食得過的～～吞拿魚柚子較為有驚喜，吞拿魚肉質軟嫩，柚子酸甜爽口，一併吃帶點清新感！檬紙卷的皮算是柔軟，不會太韌。椰青焗海鮮飯，流著椰漿熔岩，賣相打卡一流！海鮮配料有魷魚﹑蝦仁等等，焗飯焗得都算香。不過椰香味只流於表層那陣椰漿熔岩，飯所吸收的椰香味略嫌有點不夠，而且要蘸椰漿熔岩來吃，才覺得

中秋節當晚 6點幾時間尚早 唔算多人 不用等位 我們一行4人去了呢間餐廳食飯.我地叫2個份番茄🍅四寶河（包括：豬扒，炸豬肉，豬頸肉，扎肉）和一份生牛肉河四寶河蕃茄味好濃郁，好入味，而且材料好豐富份量都算大份，我地仲3個人share 2份四寶河一齊食都夠哂飽 值得一試！

又熱又焗,之前仲話打風添,成身汗,搵到呢間食越南菜既小店豬扒牛肉卷撈檬粉 香茅豬扒配牛肉卷 牛肉卷中間係菜絲同粉絲 係米紙卷既變化版豬扒大件又入味,炸到好脆口惹味!撈檬粉個汁酸酸辣辣好開胃! 食材有唔同既蔬菜絲,一絲油膩都沒有~濃牛骨湯生牛肉河 每日新鮮煲既牛骨濃湯加美國牛肉片襯湯熱灼到佢轉成粉紅色食,味道嫩滑有牛味  牛骨濃湯香而不油膩!煙三文魚紙米卷出色 將米紙卷再變化,食材換成煙三文魚出奇地好食,本身咸咸香香既煙魚肉令到整個平淡既米紙卷味道豐富好多蝦多士 蝦膠麵包封住一層厚芝麻,中間係流心芝士 多士脆香,芝士味濃郁 係好食既消費$200沙田圍路1-7號勵城花園地下1號

⭐️越南仔⭐️📍:沙田沙田圍勵城花園地下1號舖⏰:11:30am-11:00pm⭕️: 現金、八達通、Alipay-無骨雞配黃薑飯- 💰65👉🏻蒜蓉牛油雞翼 跟餐+💰10👉🏻椰汁冰 跟餐+💰9🌟雞肉都算嫩滑 唔會好乾 因為去咗骨啖啖肉👍🏻 雞皮唔算肥 份量都唔少 仲可以食到雞鎚🤣 唔會好油膩 黃薑飯較硬 不過👧🏻🍼鍾意食硬啲嘅飯 我覺得唔錯 要睇返大家嘅口味😚！！蒜蓉牛油雞翼好好食🤣 重蒜！！雞翼炸到卜卜脆 跟餐都係加$10 好抵食😚！

行經沙田河畔諗住搵外賣自取，發現呢間越男仔外賣自取有九折，仲要買滿$80加一蚊有海南雞？ ！就揀你啦😂😂😂————————————————————————其實佢舖頭入面嘅裝修都幾有趣味性，望落去都幾舒服丫👏🏻👏🏻————————————————————————蒜香牛油雞扒飯🔥濃郁嘅蒜香味，再加埋炸到熱辣辣又大塊嘅牛油雞扒，兩個字，滿、足！👍🏻👍🏻👍🏻————————————————————————手撕雞沙律👍🏻👍🏻小清新嘅味道，足料嘅食材，好味🤤🤤————————————————————————登登登櫈！$1海南雞！有4-5件喺入面，$1加到佢返嚟都真係唔講得笑！雞味濃郁，不過啲皮就有啲肥得滯🤫🤫點返個醬就冇咁油膩啦👍🏻————————————————————————其實啲食物質素嚟講佢算唔錯㗎啦👍🏻又平又大份仲要優惠多多，不失為晚餐嘅一個好選擇❤️

9月1日（WED)話說屋企要裝修要全家人去酒店住一個月咁岩Check in 之前有d 時間Lunch就係河畔呢到搵食揀左呢個越南仔餐廳既裝修幾有特色 feel 到好用心佈置同埋欣賞佢地方窄窄 但好多卡位同埋綠色既Sofa 軟熟 坐得舒服既！Menu 可以話係花多眼亂因為實在係太多選擇啦(如果佢排版design 可以好少少就更好）我揀左set A配。。沙律&手撕雞米紙卷呀爸食生牛PHO媽就要蕃茄四寶3杯餐茶都叫左越式拉茶首先送來既係拉茶個杯就好有型 不過味道同平時既熱奶茶係一樣都幾失望 我嫌澀 飲左兩啖唔要了再飲夜晚會訓唔著 haha我個無骨海南雞飯最先到份量真心多 , 雞唔算好滑果種不過好啖啖肉， 黃薑飯香口好食有趙頭媽見到佢個麵係咁話好大碗好大碗佢個碗既蕃茄湯好香濃而爸既牛河原來係用上牛骨湯好好笑呀爸食完d 河粉後仲一羹一羹湯係咁飲到停唔到口我見佢飲湯咁投入 叫佢比啖我試試牛骨真係幾香濃最後佢仲飲晒d 湯 乾乾淨淨 認真捧場呢間野既份量認真多特別係我個個仲有小食要食呢兩個小食比較普通， 唔算好食🥺呀媽佢都食唔曬 我地三個都好飽飽了下次如果識得嗌可能三個人食兩個餐都足夠了不過因為餐廳太

當晚原本諗住去食日本菜，點知屬意嘅日本餐廳太多人排隊，所以後尾改左去附近嘅越南餐廳越男仔，一入去即刻有位坐，本來心情都幾愉快，點知遇著一位態度甚差嘅侍應，我地好意提醒佢落返某個菜式(見佢好似無落到)，佢已經串串地咁反問：我而家先啱啱落咋ma，咁都算，之後嚟哂其他菜先發現原來佢侍應真係無落到果個菜式……其實我想講：串人唔緊要，但唔好串人嘅同時又做錯野，咁樣嘅話係一啲說服力都無架！最後埋單果時，佢可能發覺自己落漏野，所以突然有禮貌左勁多，又賠不是又盛，但係我覺得咁做都係於事無補，始終我對呢間餐廳嘅印象已經差左好多，日後有機會嘅話寧願去其他越男仔分店，都唔會再去沙田呢間，費事再有不愉快經歷啦~食物質素方面，我地點左一份蕃茄湯鍋物、一份避風塘味雞翼同埋一份芝心蝦多士，全部菜式嘅味道都唔錯，份量都比我想像中多，所以係完全值得呢個價格嘅！環境方面，我地三人獲安排坐喺卡位，非常闊落，唔會有壓逼感。店內嘅裝飾以歐陸mix港式餐廳為主調，用色偏向復古嘅感覺，都幾有特色架！整體而言，食物質素、價錢同環境都相當唔錯，但係服務態度就真係令人不敢恭維。如果自問唔太care服務態度嘅朋友，可以嚟呢間餐廳一試嘅~

今日經過河畔，走左去越男仔食野坐低望下個餐牌，見到佢個全牛火車頭河粉好似幾吸引下，咁就試下佢la價錢就$108，心諗沙田區收依個價應該有d 質素掛，但食完真係極度失望，唔係味道普通咁簡單，係未食過咁難食ge 火車頭河粉佢碗野d 材料完全唔掂👿D 湯一d 都唔熱，只係微微暖，又咸到爆牛柏葉同牛根完全冇味，又硬牛丸質素好差，有雪味，係最cheap 果隻牛丸味熟牛肉ge 感覺就係好咸好咸ge 沙嗲牛肉生牛肉正常d, 但由碗河粉上枱到我食完都仲係半生熟狀態，究竟想點ar😤依d 材料撈埋落一碗微暖河粉度，真係難食到呢🤢🤢最過份就係杯椰汁冰，應該冇技巧la，點知都係咁難飲，都唔知點溝岀黎。最後埋單$135🤣🤣中伏中到應一應唯一可取係收銀員工態度真係唔錯ge。希望佢之後有所改善la

同朋友總共8個人去食，入到去見冇乜人，亦都仲有空枱，而我地又拎住勁多野，所以打算分三張枱坐。之後店員行過黎話：你地幾個係識加嘛？四個人坐一張啦！俾返張枱我地做生意啦！乜我地唔係生意咩？你嗰段時間係人多，態度好啲我地坐逼啲都ok，我地都係見你仲有幾張空枱出面冇人等先想坐得鬆動啲食得舒服啲🙂係咪要扮大家唔識嘅先可以？最後我地起身走人。咁你覺得我地阻你做生意咪走囉🙂唔會幫襯你地！真係唔知你地平時做開嘅生意係幾大張單

河畔花園依頭好多餐廳都成日排長龍，好彩越男仔唔多人食，即刻有位。午餐選擇成廿幾三十個，仼君選擇，仲要唔貴。最後叫咗一個黃薑飯同一碗湯麵。估唔到黃薑飯超香，好有黃薑味，食物質素好好。仲有杯滴漏咖啡，好濃郁。

食越式的海南雞及炒金邊粉，必試河畔的越南仔，環境舒服，有越式味道，加上服務一流。今晚一家人再踩場，叫了三道菜：越式海南雞飯，越式三寶飯，越式海鮮蝦油炒金邊粉。連加一，$314埋單，算中價的越南餐。越式海南雞飯這個馳名河畔的越式南雞飯，今次有點失望，雞雖然滑嫩但淡而無味，好彩個油飯椰香味很濃，而且夠熱，勉強算合格。越式三寶飯三寶是豬頸肉，豬扒及扎肉，這個穩穩陣陣，豬頸肉鬆軟，豬扒入味，扎肉有厚感 。越式海鮮蝦油炒金邊粉這個炒金邊粉有驚喜，鑊氣夠，色香味俱全，而且炸蝦彈牙，兩囡爭住食，下次會encore。今晚因晚了來， 豬牛雞串燒已售罄，未能再嘗，否則都是高推之選。