越男仔

营业中

休息中

第一次食野食到有腸胃炎！！.一入到去已經成陣縮味，見有其他食客食緊就不以為意，照坐底。叫左個胡志明市紅蕃茄胡志明市四寶湯檬。一黎到見到個湯底顏色好濃，以為實好正啦！試一啖個湯，完全冇蕃茄味，冇甜味，仲要有啲咸，完全唔知似乜，一個字，怪！再望下啲肉，淨係望到幾片扎肉，一塊豬扒，同其他完全唔知係乜既野，一舊舊，黑蚊蚊，硬掘掘。扎肉叫做正常，可以入口; 豬扒，完全係梅梅爛爛，淋既，唔係見到佢條骨都唔會知佢係豬扒！其他嗰啲”肉”......又硬又燶又黑完全食炭咁，種口感係似將一堆肉返煮再返煮再返煮咁，完全唔知自己食緊乜肉！當下已經立即同朋友講啲肉一定唔知放左幾多晚點知第二日，立即發燒，又柯，又嘔，去睇醫生証實係腸胃炎！到依家已經柯左三日都未停！自問本身腸胃好好，之前從未試過腸胃炎.....可想已知呢間店啲食物質素幾差......雖然係黃店，但食物衛生質素差到咁絕對唔可以接受！食藍店都冇咁嬲

之前一直經外賣app叫開，覺得食物質素都可以，今日經過門口，見裡面無咩人 疫情又好番啲 就唸住入去堂食啦一入到去 店員姨姨個態度已經非常唔歡迎你入去好似你幫襯會增加佢左工作量咁本新入去唸住支持下黃店裡面既店員姨姨態度令人太唔舒服好似好唔想你入去食咁仲要間舖都係得2，3枱客完全唔係因為忙而態度差疫情下食市要留住客其實都好重要架其實如果店員姨姨咁唔想番工不如番屋企休息下啦 俾個工作機會其他人啦食客無需要睇你面色黎食飯呢條街仲有大把黃店揀唔會再幫襯 bye

#越男仔 #黃店 #黃色經濟圈 ——————————————————————#手撕雞椰汁酸湯檬粉 $59湯底幾開胃，酸得尼帶有椰香味，手撕雞咸咸地，有過醃製過既味道，份量可以多少少🤏😂好味指數：8.2/10#蔥油豬扒飯 $49蔥油味幾香，面上灑上炸蒜，令豬扒更香濃，而豬扒軟硬適中，口感唔錯，配埋隻蛋岩岩好！好味指數：8/10#鮮薄荷漏漏啡 $35呢禁咖啡跟餐會抵d喔！咖啡底有煉奶，上面既咖啡會慢慢滴落去，滴完將咖啡同煉奶一齊搞勻，再倒去冰底入面就可以慢慢享受✨咖啡入面有淡淡既薄荷香味，飲落幾清新！如果飲唔慣齋啡☕️可以叫職員比多d煉奶😗好飲程度：8.1/10抵食程度：8.3/10回頭度： 8/10——————————————————————📍地點：越男仔 (旺角)旺角廣華街2-20號翠園大樓二期地下5號舖⏰營業時間：星期一至星期日11:30-23:00☎️電話：24889191#美食#相機食先 #黃店 #黃色經濟圈 #豬扒飯 #手撕雞 #滴漏咖啡 #foodie #foodies #hongkongfood #hongkongfoodie #hongkong #food #foodssss

其實我以前在「銅鑼灣」著名食街「登龍街」覓食的時候，已經知道了越南菜餐廳「越男仔」，在「登龍街」飲食商廈「V Point」樓下舖位開了一間店，我曾經把「銅鑼灣」分店「越男仔」納入試食計劃裡面的其中一員。可惜「銅鑼灣」分店「越男仔」，最後還是等不到我來到「銅鑼灣」上門幫襯，就率先宣布關門結業，離開了「登龍街」這個競爭相當激烈，不斷有食肆倒閉離開的香港飲食界主戰場。後來我隨著「銅鑼灣」分店「越男仔」結業之後，一直未有再考慮過光顧「越男仔」，這間感覺比較年輕和新派的越南菜餐廳，直至知道「越男仔」在「旺角」另一條食街「廣華街」也開了分店為止。「廣華街」在香港近年波譎雲詭，政治環境緊張的情況下，整條「廣華街」跟附近的「黑布街」、「白布街」、「染布房街」都雲集了大量資歷比較新的食店，吸引大量食客慕名光顧排隊。我上次在「廣華街」光顧某間台灣牛肉麵餐廳的時候，已經需要花長時間去排隊等候，還需要搭檯才能食到牛肉麵食品。所以我曾經擔心光顧「旺角」分店「越男仔」，也可能需要搭檯。但是我在「旺角」分店「越男仔」等候不算長時間，就成功進入幫襯，而且全程都沒有遇上需要搭檯的問題，總算讓當時的我鬆了一口氣，跟著立刻

四點幾五點肚餓，搵下午茶食，本身打算食隔離間台灣野，但太多人排隊，於是食這間越男仔，其實之前在沙田也見過這間幾次，但無入去食過，今次決定試吓，男友因為未食午餐，怕叫下午茶份量少，所以叫了午餐，越式鴛鴦烤肉(牛+豬）配白飯$46價錢同下午茶一樣，只係下午茶係配撈檬，而且午餐係有湯送，我就叫了手撕雞椰汁酸湯檬，因為好奇椰汁酸是什麼味，餐上枱，個手撕雞我覺得一般，雞肉碎濕濕，不是一條條，無咩口感，個湯也無咩酸味，椰汁香又唔多出，個碗係幾大，但味道一般，個鴛鴦烤肉就好味啲，入味，用來送飯ok，總體而言，比較一般，無驚喜.

今日同老公想食越南菜，呢間食評不錯，係旺角行完街就黎試下啦！幸好我地早一步入座有位，幾分鐘後已經滿座，其他人要等位了！餐廳好細，坐得好辛苦，所以都係快趣點餐快點食！今晚點左烤牛肉檬、三文魚雞絲米紙卷、炸越南素春卷同薄荷青檸梳打！上菜速度都算快，烤牛肉味道香濃，但份量唔算多！三文魚雞絲米紙卷配搭新穎，但雞絲較少！炸素春卷皮香脆，我鍾意佢係素，中間無肉，平時食開個啲炸春卷中間總有鞋口的肉！所以這個值得推介！薄荷青檸梳打味道清新其實整體不錯，但座位好窄，冷氣不夠涼，我坐的位近門，門不停開關令熱氣湧入，好辛苦！另外同隔離枱距離好近，仲要隔離枱有個抽筋男突然手抽筋，食食下湯河，彈到啲湯汁去我老公隻手同我隻腳最大獲係個位窄到唔容許我幫自己抹到

#肥doi遊旺角.前幾日肥Doi愛隊終於登上高峰，佢拎左件波衫出旺角整，順便就試下呢間越南野～-《SET L A 招牌無骨雞配黃薑飯》$89海南雞飯無配三寶(即蔥油、甜豬油同泰式辣醬)，反而係將蔥油同炸蒜放係雞上面。傳統既油飯亦都換上黃薑飯，飯煮得唔會好濕好糊，粒粒分明兼有好濃既黃薑味，但建議如果加啲炸蒜會更加好。海南雞有已去骨雞胸同雞翼雞鎚各一。廚房浸雞既時間掌握得幾好，唔會過長令到啲雞肉起渣同鞋口，雞皮亦保留到少少爽脆。唯獨係有有舊既接駁位斬唔斷又咬唔開，要扣少少分！.《牙車快沙律》沙律內有青瓜、紫洋蔥、生菜、少量柚子同手撕雞，可能預先淋上撈檬既酸辣汁，酸酸辣辣開胃一流，但始終手撕雞既黑椒味太重，蓋過沙律菜既味道。《手撕雞檬紙卷》檬紙皮包住大量生菜、蘿蔔絲等蔬菜，面頭再放上充滿黑椒既手撕雞，但食落略嫌黑椒味太重，味道一般。.《自家製 沙嗲串燒 撈檬粉》$72沙嗲醬較得唔錯，花生味濃，有啲似印尼沙嗲，但用黎撈檬粉有啲奇怪。牛串燒比較失望，牛肉太薄稍為overcook搞到有少少韌，而且食落似食緊炸雞皮多過似食牛肉。豬串燒同雞串燒比較好，唔會好好韌好難咬開或者用叉分開，但講真合埋眼食既話

呢餐其實係誤打誤撞咁就去咗食🌿😂本來我係諗住去食格離既阿木台灣麵🌿😂點知遲咗去太多人排隊所以就轉軑黎呢度不過越男仔本來都係我to-eat-list入面今次就當提早去試下喇🌿🌿～食完都覺得唔錯喔！下次去旺角行街食飯又多一個好選擇了🌿🧡。－🍅胡志明市紅蕃茄四寶湯檬粉＄63:呢個係套餐所以有包熱飲(如果你叫飯類仲送埋湯比你☺🧡)，首先個蕃茄湯底，味好濃好香但有啲偏酸，如果甜味再出多少少應該會更理想🍅🧡! 所謂既四寶，其實就係脆豬肉，豬排，豬頸肉同扎肉，豬排同豬頸肉都好軟冧同夠哂入味，幾正🧡，扎肉加咗黑胡椒入去，咬落好香胡椒味，味道層次豐富咗👍，不過個脆豬肉我就覺得硬咗少少(可能真係同炸有關)。至於啲粉，我覺得不過不失，份量好多但煮耐咗所以口感比較冧，我鐘意爽口啲🙈🧡。另外佢仲有啲生菜同洋蔥，岩哂我呢啲鐘意每餐食幾條草既人👍🧡🌿。－🌟另外個款沙嗲串燒撈檬唔係我食所以比唔到太多comment，但朋友食佢話三種肉(雞牛豬)都比較乾同un，所以就覺得麻麻。🌟如果你鐘意蕃茄湯我都係比較建議你食我叫個款，個湯底濃到可以媲美蕃茄師兄🍅🍅，真係值得試試。

第一次食豬頸肉撈檬 我expect 啲豬頸肉係燒香熱辣辣嘅 點知上到嚟凍冰冰 都算喇 因為撈檬唔係熱嘅 可能令上面啲肉嘅熱氣散得快啲喇 第二次食鴛鴦肉飯 滿心期待係熱辣辣啦啩今次 點知竟然都係凍嘅！！！仲要有幾嚿肉係酸嘅🤮🤮🤮以後唔會再嚟食 黃店都咁話

衛生情況差1. 冷氣唔夠2. 餐廳內聞到廁所 "壓" 味3. 餐具污糟, 叫飲品, 隻杯好明顯有污漬4. 另外叫左杯清水, 水面又好明顯有油漬5. 食物味道不過不失吧

第一篇食評，介紹下自己先90後，普通打工仔一族，鐘意同男朋友周圍食下野，嗜甜窮遊指數都幾高不過唔會咩都話好食跟住所謂Openrice食評/IG搵野食中曬伏，尢其新XX，全部廣告，所以就決定把心一橫寫下"真"食評，等大家認清真面目，希望揀得真實D黎到旺角，當然要支持下黃色經濟圈，又唔想食太貴就黎試下呢間越南野。黎到門口，都有條小人龍，一路排隊店員都俾定menu我地落order，望入去坐位都唔算多，加上疫情下每張枱都有塊板隔住，感覺比較迫夾~鋪頭內外都有不少文宣，塊板上面仲可以隨便寫野是次叫佐 Set L B: 越男仔葱油三味配黃薑飯+無骨鳳爪+椒鹽脆蛋魚柳+越式拉茶，男朋有友就叫佐招牌手撕雞拼雞肉，椰汁酸湯湯檬粉+椰香拉茶野食一黎到，個畫面都幾豐富，一個飯有5樣小食，扎肉豬頸肉豬扒每樣2塊，可以一次過淺嘗唔同既野食，試到味道又可以同人share。講下個飯先，一食落口感覺比較黏身，黃薑味唔重。個人唔係太重口味，覺得扎肉都比較鹹，豬頸肉更鹹，仲好油膩~豬扒就普普通通，中間無咩味同比較乾。反而個鳳爪有驚喜，酸酸地又有小小辣，加埋D沙律菜食好開胃，清清味覺~手撕雞拼雞肉椰汁酸湯湯檬粉值得high

今日早收工約女朋友去旺角行街，女朋友話附近有間越南野想食，而且黃店，所以就去試吓。估唔到去到要排隊，店員為咗節省時間，都會事先提供餐牌比客人先落order，等咗大約20分鐘左右就入得去，裏面間隔不是十分闊落，也難怪的香港地全金尺土，再過多10分鐘左右飯就到了。我點了個三拼黃姜飯，女朋友就點左無骨雞黃姜飯，味道不過不失，也不是吃了會特別想再來的味道，價錢每位大約$100，相信門口要排隊主要是黃店效應吧。

知道越南仔搬左鋪 係旺角行到個人好攰所以特突行過黎廣華街食越男仔下午茶不嬲都知道越男仔係黃 但係無諗過係咁黃 基本上成間鋪每個角落都有文宣貼係呢到係呢到食野既時候忍唔住不斷欣賞呢到既文宣 實在太正下午茶都算多選擇 可惜未有影低餐牌 我地點左生牛肉湯河 牛肉煮得岩岩好黎到時候我地再浸下已經食得 肉質嫩滑湯底偏淡唔算太過濃味 河粉份量以下午茶黎講係非常充足手撕雞紙米卷配柚子沙律 整體黎係講好味的 紙米卷必定要點魚露食 會倍增成個紙米卷既鮮味如果唔點魚露的話就會偏淡 柚子沙律個味較得好好食 唔會太過酸

一路都好想試㗎啦！果然冇令我失望😋⁣⁣招牌手撕雞椰汁酸湯濛粉（$56）⁣呢個湯底都幾特別，幾重椰香味，又有啲酸酸地，好夾👍 手撕雞見到表面佢又燒過，都幾嫰滑既，但撕得都真係幾碎下😂⁣⁣越式豬頸肉撈濛粉（$49）⁣撈濛酸酸地好開胃，值得大讚嘅係呢間餐廳嘅豬頸肉‼️應該係我食過數一數二嘅豬頸肉🤤 皮脆內軟，肥瘦適中，超好味😋⁣⁣蒜香牛油雞翼 （$19 兩件）⁣好邪惡啊👻 一路見到啲油嗶緊出嚟😂 炸得好香脆，但冇咩蒜味，如果可以重味啲就好啦～ ⁣⁣呢間回頭率極高💯 一定一定要食佢嘅豬頸肉！遲啲會想試埋食越南野唔少得嘅生牛肉河😍⁣⁣

某日朋友相約在旺角，專誠去一間越南風味既餐廳 — 越男仔。還好，時間尚早，餐廳裏沒有什麼人，我們便很快坐下。看看餐單，太多很好的選擇，熟悉我的話都會知道我是一個有選擇困難症的人，不過以我的性格，如果想不到吃什麼東西，就來一個「大雜燴」吧！我選擇的是越南火車頭河，因為河粉裏面全部東西都是我最喜歡吃的，例如有：「生牛」，「牛筋」，「牛丸」，「烤牛」，「牛柏葉」。不消一會兒餐廳同事便為我奉上這一個餐，老闆還走過來跟我們說明一下吃的方法，就是要把特製辣的青檸辣椒加進河粉中。辣，是我最喜歡的味道，因此我也加了很多，而且這些辣是酸酸辣辣的，我更喜歡。首先第一好吃的是要試試他們的湯底，湯底很清甜，而且不會很膩，第二口才是嘗試他們的河粉，河粉有很多種，最重要的是不要煮得太淋，麵身要有咬口不黏口才算是一碗好的河粉。配料方便，不得不讚牛柏葉真的很入味而且不會很難咬開，其他牛的配菜味道也恰到好處，特別要說一下的是餐飲方面，我選了樽裝有汽水，在冰底的加持下倍添爽快！