越男仔

营业中

休息中

夜晚係旺角肚餓，去廣華街原本想食隔離間台灣麵，但實在太多人排隊，於是去左呢間越南野度食下粉，選擇困難就揀左店家推介。點左鎮店四鳥（雞脆皮+手撕雞+滑雞件+香脆雞）配椰汁酸湯檬粉（$88，要加一），原本覺得價錢偏貴，但一上枱就見份量十足，如果係細食嘅人可能兩個share食都得。四種雞堆埋一齊，唔算好確定邊樣打邊樣，炸雞皮非常香脆，雞件算滑，有雞絲用火槍炙燒過，我估係手撕雞？湯底飲落有椰香，有少少酸，開胃得黎都可以解下滯，可惜我最後都係食唔晒。

旺角呢頭好少黎，路經就過黎試試。▧ 招牌 越南仔 手撕雞 椰汁酸湯 檬粉椰汁酸湯未聽過，好奇心好大，用左必死既決心黎試。椰汁酸湯如其名，係椰汁＋酸味，岩岩試個陣奇奇怪怪咁，但食多陣又開始覺得幾好食，好神奇。▧ 自家製 沙爹串燒 撈檬粉沙爹串燒包左包括豬，牛，雞，正正常常，唔叫好食唔叫難食。▧ 法式芝心蝦多士餐牌佢寫係 2015 台灣高雄啤酒節得獎菜，咁把炮，當然要試。佢同一般食開既蝦多士外皮唔同，好脆，上面灑左d芝麻，勁香口。中意芝麻必試。除左食物，呢度環境唔錯。員工態度都幾好，牆上啲裝飾都幾好睇。

今日黎越男仔食咗個豬頸肉蕃茄湯檬粉。分量依然都非常足夠，幾大碗，豬頸肉就有三舊。蕃茄湯都算香濃，50幾蚊都算還可以，另外小食就食咗個蒜蓉雞翼，嗰日$10有四隻，非常之抵，但係就好鹹，我要撥開晒上面啲蒜蓉先食到。環境而言就非常一般，坐得比較迫。衛生情況都一般，經常都有烏蠅飛。

餐牌既選擇多到我又選擇困難症發作, 因為樣樣都想試🙃鎮店四鳥椰汁酸湯檬粉🐓🥥($78)基本上每次食越南野我都係會揀檬粉, 今次都係揀檬粉, 不過就係特別少少既湯檬粉🤤 湯底除左夠酸之外仲有濃濃既椰香, 真係會令到人愈食愈開胃😂 四鳥呢個名咁霸氣, 其實係炸雞皮, 手撕雞, 咖哩雞, 炸雞🍗 上菜既時候真係有少少俾佢既擺盤嚇親, 好彩最後都係食得曬既✌🏽 主角檬粉既份量都幾多, 夠曬爽口彈牙, 再配埋個湯簡直係一流😍 香茅豬扒配椰汁酸湯檬粉🐖($65)除左上面啲配好左既款式之外, 想自己選配料都得👍🏽 首先有7款底俾你揀, 之後再揀配料, 每款底跟一個$9既餸, 想食多啲既就加錢, 如此類推🙂 今次我地都係揀左椰汁酸湯檬粉, 不過就係配香茅豬扒🐷 豬扒肉夠嫩, 唔會好乾身, 再加埋淡淡既香茅味, 簡直係一大享受😎龍眼花蜜茶🧆($29)跟餐叫就係$29 單點$38, 冇諗過佢都幾真材實料, 龍眼肉既份量都幾多, 仲要涼浸浸唔太甜, 呢啲天氣飲真係透心涼❄️冇諗過係香港都可以食到啲令人滿意既越南菜, 其實只要俾心機搵, 真係可以搵到啲令你意想唔到既味道🥰 呢間餐廳除左旺角之外沙田都有分店嫁💛

路過廣華附近，見到呢間越南🇻🇳餐廳🍴好多人排隊🚶🚶🏻‍♀️🚶🏼‍♂️🚶🚶🏻‍♀️🚶🏼‍♂️，就即管試試係咪咁高質咁正🤔.店員服務態度非常好，勁殷勤，未入座已經可以點餐，一入座就有得食，係幾好嘅安排，不過食物質素好更重要🤔———————————————————————————🥢生牛肉湯河🍜💬其實生牛河應該係最基本，如果唔達標準其實都好難接受。感覺普通，唔太好食，牛肉有點碎，湯底亦唔濃郁🥺.🥢串燒撈檬🍜💬三條串燒都係又乾又硬，overcooked到一個點，沙嗲汁又淋滿晒入啲檬粉度，再加入酸醋汁撈檬又變得奇奇怪怪咁🥺.🥢小食拼盤💬店員話可以用一個優惠價點選小食，其實個優惠價都真係「幾優惠」，當中包括兩隻雞中翼、一條切開一半嘅春卷、同埋四隻鳳爪，價值$73 🥺

旺角抵食越南餐廳！已光顧過數次，今次叫既食品都係第一次叫，幾特別，蝦多士更係有驚喜，所以想介紹推介下！▧ 招牌 越南仔 手撕雞 椰汁酸湯 檬粉呢個菜式係其他地方無見過，好好奇椰汁酸湯係咩味，膽粗粗叫左黎食。椰汁酸湯如其名，係椰汁＋酸味，味道好視乎個人喜好，個人覺得幾特別，一開始無咩好感，食食下又覺得幾特別同開胃(˶‾᷄ ⁻̫ ‾᷅˵)▧ 自家製 沙爹串燒 撈檬粉沙爹串燒一共3串，包括豬，牛，雞，應該唔係即叫即燒，係翻燒既關係，所以比較乾身(o_0）撈檬粉就係水準之內，不過不失。▧ 咸檸七夏天飲一流既飲品，解渴消暑。▧ 法式芝心蝦多士呢餐最驚喜既食物！見佢寫係 2015 台灣高雄啤酒節得獎菜，一於試吓！跟餐價$39，一共4件。新鮮滾熱炸出黎，多士薄薄的，非常香脆，上面仲有芝麻，勁香口♪(´ε｀ )內餡的蝦肉頗厚，仲有邪惡既芝士，好推薦大家一試！▧ 整體來說，店員”遮啫”親切，係旺角黎講係幾抵食既餐廳。

椰子湯濛湯底超好味。原來可以問取越南香草增加香味；上餐無放出黎，但可以問佢攞。好友善的服務態度。希望下次空調有改善老板門囗已落定單，流水式運作，坐低一陣，食物已送上。快、靚、正。

知道旺角有好多💛好好味又出名既食店lunch時間好多間都排長龍 😍 💪🏻今日天氣咁熱 梗係食啲清涼 飲啲爽氣既 #越南仔 👧🏻 窩蛋牛肉清湯金邊粉 + 菠蘿梳打冰湯底清甜 足料 半熟蛋撈埋牛肉一齊食 真係絕配👍🏻 菠蘿梳打冰既菠蘿肉粒佔成大半杯 😋 超哂值👦🏻 古法鴛鴦烤肉撈檬 + 利賓納青檸梳打香香既烤肉 份量足 配上酸汁 好清爽今次👩🏻👦🏻👧🏻食咗$154有5個印花 下次黎食有得減$20 😍沙田圍分店都用得 👍🏻........越男仔 (旺角)旺角廣華街2-20號翠園大樓二期地下5號舖

平時路經都會多人排隊, 難得今日十二點度去食個lunch, 就入去試下~ 越式生牛肉牛骨湯河粉@$59店內的服務唔錯, 好少有湯河有埋一set任加既配料(呢個吸引(´∀｀)) , 不過河粉有啲失望, 份量泥講係唔多夠, 味道泥講都有啲越式風味, 加青檸同醬料味道更濃郁~ 湯底唔係太熱, 不過啲生牛河幾嫩滑~~ 整體泥講還好不過唔係幾食得飽(*´Д｀*)

下午叫左個lunch set超大份超抵食！套餐包1個主食、2個小食、1杯野飲，如果係飯餐仲會有埋餐湯！首先講個主食：牛+豬PHO蕃茄湯檬。超大碗！個茄湯好香濃，又有蕃茄又有洋蔥好多料！肉方面有生牛肉、烤牛、豬頸肉、豬扒。略嫌豬扒炸完再浸住啲湯淋左冇咁好食，其他都各有特色！正呀，又大件😋😋😋 仲有配料比你任加～小食都十分出色，沙律爽口又開胃，而紙卷口味都好豐富！因為每樣野食份量都好大，結果食唔晒，兩個人share埋個小食就會好好！而且呢個價錢好抵，有咁多野食而且高質👍🏻👍🏻👍🏻會再食！

星期日旺角行街行到一半肚餓，隔離呀木太多人就入左越南仔咬個Tea，估唔到有驚喜大發現！叫左蝦多士下午茶，唔記得幾錢有8件，份量好足，蝦膠超厚超彈牙，蝦味十足，外皮同底下麵包壓扁後炸得超酥脆，面鋪滿芝麻🤤🤤🤤🤤🤤🤤🤤  中間仲要係芝士夾心，真係驚喜連連，邊邊位超級脆，炸得啱啱好又唔會好油，佢份量本身就好夠，如果唔係我會叫多一份！蝦多士蝦先係主角！終於有餐廳明白呢個道理🥺🥺🥺 好食到日日食都得呀我！！

成日喺旺角一支公唔知食咩好，想試吓食越南野，一OpenRice就見到呢間越男仔。舖頭個Menu真係好適合貪心嘅人食。一個set包飯包湯包沙律仲有個米紙卷，幾大食都會覺得好滿足。餐湯有好多款，今次叫咗椰子酸湯，個湯有少少冬陰功嘅感覺，淡淡椰香，成個感覺好開胃。鳳爪不過不失，整體都係酸酸甜甜，作為開胃菜都幾唔錯。雞絲米子卷要搭配佢哋嘅醬汁，米紙卷煙煙韌韌，配埋醬汁同樣都係酸酸甜甜，食完三樣開胃菜之後，成個感覺就係好想快啲食主菜，真係越食越想食。主菜我嗌咗鴛鴦雞配黃姜飯，炸雞除咗爽脆之外，仲有牛油香。海南雞都幾嫩滑，不過蔥油略鹹，所以我冇撈太多落過黃姜飯到。整體一個set，大概$100到，作為假日一支公搵食，又想有少少要求，我覺得十分之滿意。

越男仔位於旺角廣華街，雖然唔係人來人往既主街，但都阻唔到想食越南菜既熱情黎到都等左一陣位，10分鐘左右可以入座啦每份晚餐都會送一碗湯，我地選擇左雞湯同埋蕃茄湯(+$5)，雞湯好清新，唔太鹹有微微清雞味。蕃茄湯濃郁，啖啖都有蕃茄香芝心蝦多士，呢個高質，見到好厚實既蝦肉加上流出黎既芝士，外皮好脆，蝦肉彈牙，芝士甜而唔膩串燒沙嗲拼盤，好豐富有齊豬牛雞同菠蘿，沾滿沙嗲醬，肉質紮實，有焦香味，菠蘿大大舊爽甜多汁芝士沙嗲雞扒焗紅米飯，份量大碗，雞扒好大塊，鮮嫩，冇焗到過火火炙燒汁薄燒牛配白飯，牛燒得岩岩好，唔韌而且粉嫩，燒汁夠多，整體唔會太乾

用food panda 叫外賣自取，叫左湯檬同炸軟殼蟹兩樣。app 話可以到取，點知到場要等，一等就係40分鐘，仲要無餐具提供！現場堂食唔多人，而且其他比我遲叫外賣既都早左攞。食物質素係正常嘅，但今次咁樣等外賣後，完全唔想再幫襯！

上年剛搬嚟新店嘅時候買過外賣覺得幾好食，今日喺旺角諗起又去食吓。兩點幾去到都接近坐滿，不過都唔駛等就入座。坐位迫迫哋，而且我今日著短褲，隻腳有啲嘢撩撩吓，成程食得有啲唔自在😅😅見佢午市餐都好豐富吓，有2小食+1主食+1湯+1飲品，雖然覺得少貴，但都試吓啦，轉青檸梳打要加HKD12，但又轉吓啦，哈哈！【河內蔥油三味配黃薑飯 】豬扒醃得入味、唔韌、煎得香口，扎肉就冇乜特別，豬頸肉好肥美，多脆內軟，有成三大舊，食到第三舊有啲漏，要配埋飯先搞得掂。黃薑飲薑黃粉味重，飯比較乾食，食到一半有啲難入口（其實係太飽，哈）【椒鹽脆蛋魚柳】炸魚柳配大量炸蒜粒同辣椒，似避風塘風味，都幾辣吓。記住要趁熱食，凍咗會顯得好油膩。【牙車快沙律】雞絲比較乾身係敗筆，又係有炸蒜，而碌柚肉配青瓜同生菜絲，加埋個汁酸酸哋幾Fresh！【牛骨湯】原本以為似係越式牛河個湯底，不過覺得幾味精吓，好咸。（之後見隔離枱食牛河個湯係唔同色嘅，哈）今餐炸蒜、全部都係炸蒜，由個飯到魚柳同沙律都係炸蒜，唔係唔鍾意但多咗，可能係我選擇菜式嘅問題。分量係好足食到好飽，但又好膩。最後要讚讚店員姐姐好好禮貌又好勤力！